Migren — bu nafaqat oddiy bosh og‘rig‘i, balki nevrologik kasallik bo‘lib, dunyo aholisining taxminan 15 foizi ushbu muammodan aziyat chekadi. Migren kuchli, pulsatsiyalanuvchi, odatda bir tomonlama bosh og‘rig‘i bilan namoyon bo‘ladi va ko‘pincha ko‘ngil aynishi, qusish, yorug‘lik va tovushga nisbatan sezgirlik bilan kechadi.
Migrenning sabablari
Migrenning aniq sababi hali to‘liq o‘rganilmagan bo‘lsa-da, tadqiqotlar shuni ko‘rsatadiki, migren miyadagi nerv yo‘llari va qon tomirlarining murakkab o‘zaro ta’siri natijasida yuzaga keladi. Asosiy omillar:
- Genetik moyillik — migren ko‘pincha nasldan naslga o‘tadi. Agar ota-onangizdan biri migrendan aziyat cheksa, sizda migren bo‘lish ehtimoli 50 foizgacha ortadi.
- Atrof-muhit omillari — ob-havo o‘zgarishi, yorqin yorug‘lik, kuchli hidlar
- Gormonal o‘zgarishlar — ayollarda hayz davri bilan bog‘liq migren keng tarqalgan
Migrenning bosqichlari
Migren to‘rt bosqichdan iborat bo‘lishi mumkin, ammo har bir bemorda hamma bosqichlar kuzatilavermaydi:
- Prodrom — migren boshlanishidan 1-2 kun oldin kayfiyat o‘zgarishi, ishtahaning oshishi yoki pasayishi, charchoq hissi
- Aura — migren boshlanishidan oldin ko‘rish buzilishi (chaqnashlar, zigzag chiziqlar), so‘zlashuv qiyinlishuvi
- Og‘riq fazasi — pulsatsiyalanuvchi bosh og‘rig‘i, ko‘ngil aynishi, yorug‘lik va tovushga sezgirlik
- Postdrom — migrndan keyingi charchoq, holsizlik, konsentratsiyaning pasayishi
Migrenni davolash
Migrenni davolash ikki yo‘nalishda olib boriladi:
- Xurujni to‘xtatish — triptanlar (sumatriptan, rizatriptan), NSAIDlar (ibuprofen, naproksen)
- Profilaktika — beta-blokatorlar, antidepressantlar, antiepileptiklar, botoks in’eksiyalari
Bosh og‘rig‘i turlari haqida ko‘proq ma’lumot olish uchun Bosh og‘rig‘i: turlari, sabablari va davolash usullari maqolasini o‘qing.
Responses (0 )