





Amitriptilin
- Ishlab chiqaruvchi
- ООО Арпимед
- Mamlakat
- Armaniston
- Ro‘yxat raqami
- DV/X 05728/02/19
- Ruxsat muddati
- 26.02.2031 gacha
- Saqlash muddati
- 3 yil
- ATX kodi
- N06AA09
Amitriptilin nima uchun ishlatiladi
Amitriptilin — triyiklik antidepressant. Miyada noradrenalin va serotonin miqdorini oshirib, depressiya belgilarini kamaytiradi. Faqat shifokor buyrug‘i bilan, uzoq muddat ichiladi.
Depressiya
Turli sabablarga ko‘ra kelib chiqqan depressiyalar.
Bolalarda tungi siydik tuta olmaslik
Tungi enurez — yordamchi davo sifatida, organik kasalliklar istisno qilingandan keyin va boshqa usullar yordam bermaganda.
Qancha va qanday qabul qilinadi
Rasmiy yo‘riqnoma bo‘yicha, 25 mg li tabletka uchun. Doza mg da; shifokor belgilaydi.
Kimga mumkin, kimga mumkin emas
Homiladorlik va emizish Ehtiyotkorlik bilan
Homiladorlik va emizish davrida alohida ehtiyotkorlik bilan qo‘llanadi.
Bolalar Mumkin emas
Depressiyani davolash uchun 16 yoshgacha mumkin emas. Tungi enurezda 7 yoshdan, davolashdan oldin to‘liq tibbiy ko‘rikdan so‘ng, ko‘pi bilan 3 oy. Bolalarda xulq-atvor buzilishlari ko‘proq uchraydi.
Alkogol Mumkin emas
Davolanish paytida alkogol ichmang: dori alkogolning asabni susaytiruvchi ta’sirini kuchaytiradi.
Haydovchilar Ehtiyotkorlik bilan
Davolanish paytida yuqori diqqat va tez reaksiya talab qiladigan ishlardan, jumladan mashina haydashdan saqlaning.
Yurak Mumkin emas
Yaqinda o‘tkazilgan miokard infarkti va aritmiyalarda (yurak ichi o‘tkazuvchanligi buzilishida) mumkin emas. Boshqa yurak-qon tomir kasalliklarida ehtiyotkorlik bilan.
Jigar Ehtiyotkorlik bilan
Og‘ir jigar yetishmovchiligida mumkin emas, boshqa jigar kasalliklarida ehtiyotkorlik bilan.
Keksalar Ehtiyotkorlik bilan
Kamaytirilgan dozada. Keksalarda chalkashlik va alahsirash (delirium) ko‘proq uchraydi.
Laktoza Ehtiyotkorlik bilan
Har tabletkada 20,43 mg laktoza. Glyukoza yoki galaktoza so‘rilishi buzilishi, galaktozemiya, laktaza yetishmovchiligida ehtiyotkorlik bilan.
Boshqa kasalliklar Ehtiyotkorlik bilan
Ehtiyotkorlik bilan: tutqanoq va epilepsiya, siydik tutilishi, qalqonsimon bez giperfunksiyasi, feoxromotsitoma, qandli diabet, psixozlar (kuchayishi mumkin), yopiq burchakli glaukoma, o‘tkir porfiriya, narkoz kerak bo‘lganda. Maniakal holatda va o‘z joniga qasd qilishga uringanlarga buyurilmaydi.
Qo‘llash mumkin bo‘lmagan holatlar
- Amitriptilin yoki tarkibidagi boshqa moddalarga yuqori sezuvchanlik
- Yaqinda o‘tkazilgan miokard infarkti
- Aritmiyalar (yurak ichi o‘tkazuvchanligi buzilishi)
- Kasallikning maniakal fazasi
- Og‘ir jigar yetishmovchiligi
- 16 yoshgacha bolalarda depressiyani davolash
- O‘z joniga qasd qilishga uringan bemorlar
- Simpatomimetiklar (adrenalin, efedrin, izoprenalin, noradrenalin, fenilefrin, fenilpropanolamin) bilan birga
Tarkibi
25 mg li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
MAO ingibitorlari Birga ichilmaydi
Birga ichilsa, giperpiretik kriz, og‘ir tutqanoq va hatto o‘lim bo‘lishi mumkin. Amitriptilin MAO ingibitorlari to‘xtatilgandan kamida 14 kun o‘tib boshlanadi.
Simpatomimetiklar (adrenalin, efedrin, izoprenalin, noradrenalin, fenilefrin, fenilpropanolamin) Birga ichilmaydi
Birga qo‘llanmaydi — qon bosimi oshishi va yurak ritmi buzilishi mumkin.
Antixolinergik dorilar Birga ichilmaydi
Birga qo‘llashdan saqlaning — ularning ta’siri kuchayadi.
Alkogol Birga ichilmaydi
Asabni susaytiruvchi ta’sir kuchayadi.
Asabni susaytiruvchi dorilar (barbituratlar va boshqalar) Ehtiyotkorlik
Ularning ta’siri kuchayadi.
Barbituratlar, karbamazepin, dalachoy (zveroboy) Ehtiyotkorlik
Amitriptilinning qondagi miqdori kamayadi.
Klonidin, betanidin, debrizoxin, guanetidin Ehtiyotkorlik
Ularning bosim tushiruvchi ta’siri kamayishi mumkin.
Neyroleptiklar Ehtiyotkorlik
O‘zaro parchalanishi sekinlashadi, tutqanoq xavfi oshadi.
Simetidin, metilfenidat, antipsixotiklar, kalsiy kanali blokatorlari Ehtiyotkorlik
Amitriptilin miqdori oshib, zaharli ta’sir bo‘lishi mumkin.
QT ni uzaytiruvchi dorilar (xinidin, astemizol, terfenadin, pimozid, sertindol, sizaprid, galofantrin, sotalol) Ehtiyotkorlik
Og‘ir yurak ritmi buzilishi mumkin.
Ko‘p ichib qo‘ydingizmi?
Belgilari: asab tizimining susayishi yoki qo‘zg‘alishi, yurak tez urishi, shilliq qavatlar qurishi, siydik tutilishi, aritmiya, qon bosimi tushishi, yurak yetishmovchiligi, tutqanoq, gallyutsinatsiyalar, alahsirash, koma, tana harorati ko‘tarilishi. Davolash kasalxonada, belgilarga qarab: imkon qadar tez oshqozon yuviladi, faollashtirilgan ko‘mir beriladi, nafas va yurak faoliyati qo‘llab-quvvatlanadi, yurak 3–5 kun kuzatiladi; adrenalin qo‘llanmaydi. Tutqanoqda vena ichiga diazepam, og‘ir xolinolitik belgilarda (aritmiya, koma) fizostigmin yuboriladi. Gemodializ va majburiy diurez samarasiz.
Amitriptilin narxi
Davlat belgilagan eng yuqori chakana narx (referent narx). Har bir qadoq yonida narx belgilangan sana.
Manba: Farmatsevtika tarmog‘ini rivojlantirish agentligi, referent narxlar ro‘yxati.
Analoglari: amitriptilin
Tarkibida amitriptilin bor 3 ta dori. Almashtirishdan oldin shifokor yoki farmatsevt bilan maslahatlashing.
AmitriptilinTabletka · 25 mg · O‘zbekistonRetseptli
AmitriptilinIn’yeksiya · 10 mg · UkrainaRetseptli
AmitriptilinTabletka · 25mg · LatviyaRetseptliKo‘p beriladigan savollar
Amitriptilin qancha muddat ichiladi?
Yo‘riqnomaga ko‘ra, zarur bo‘lsa doza 1–2 haftadan keyin oshiriladi. Natija bo‘lgach yana 4–6 oy (keksalarda 12 oy) ichiladi, qaytalanishning oldini olish uchun bir necha yilgacha.
Kechqurun ichish kerakmi?
Sutkalik doza bir necha martaga bo‘linadi yoki bir marta kechqurun ichiladi; qo‘shimcha dozalar kechqurun, uxlashdan oldin ichiladi. Enurezda — bir marta uxlashdan oldin.
Amitriptilinni birdaniga to‘xtatsa bo‘ladimi?
Yo‘q. Dozani asta-sekin kamaytirish kerak, aks holda bekor qilish sindromi rivojlanishi mumkin.
Amitriptilin bilan alkogol ichsa bo‘ladimi?
Yo‘q, davolanish paytida alkogoldan saqlaning.
Bolalarga beriladimi?
Depressiya uchun 16 yoshgacha mumkin emas. Tungi enurezda: 7–10 yoshga sutkasiga 10–20 mg, 11–16 yoshga 25–50 mg, bir marta uxlashdan oldin, ko‘pi bilan 3 oy.
Homiladorlikda ichsa bo‘ladimi?
Homiladorlik va emizish davrida faqat alohida ehtiyotkorlik bilan qo‘llanadi.
Rasmiy yo‘riqnoma
Rasmiy yo‘riqnomaning to‘liq matni
Tavsifi
ikki tomonlama qavariq sariq rangli, qobiq bilan qoplangan tabletkalar
Qo‘llanilishi
Turli etiologiyali depressiya.
Tungi enurez (yordamchi davolash), organik patologiyalar istisno qilinganida, shuningdek boshqa usullar bilan davolash samarasiz bo‘lgan holda qo‘llanadi.
Qo‘llash usuli va dozalari
Kattalar uchun
Depressiyada, davolashni boshida- sutkada 75 mg, bir necha marta qabulga bo‘linadi yoki bir marta, kechqurun qabul qilinadi. Zarurat bo‘lganida 1 - 2 xaftadan keyin sutkalik dozani 25 yoki 50 mg ga, ya’ni 150 - 200 mg gacha oshiriladi (qo‘shimcha dozalar kechqurun uyqudan oldin qabul qilinadi).
Pasiyentning xolatini yaxshilanishicha erishilgandan so‘ng sutkalik doza minimal samarali, odatda sutkada 50 - 10 mg (2 - 4 tabletka) gacha kamaytirilishi mumkin.
Keksa yoshdagi pasiyentlarga davolashni boshida Amitriptilin sutkada 30 - 75 mg dozada buyuriladi, bir necha marta qabul qilishga bo‘linadi yoki kechqurun bir marta qabul qilinadi.
Terapevtik samaraga erishilgandan so‘ng Amitriptilinni yana 4-6 oy davomida (keksa bemorlarda - 12 oy) qo‘llashni davom ettirish tavsiya etiladi.
Kasallikni qaytalanishini oldini olish maqsadida Amitriptilin samarani bir maromida ushlab turuvchi dozalarda uzoq muddat, bir necha yilgacha qabul qilinadi.
Bolalar uchun
Depressiyani davolash uchun 16 yoshgacha bo‘lgan bolalarga Amitriptilinni buyurish mumkin emas.
Tungi enurezni davolash: davolashni boshlashdan oldin bolalarni to‘liq jismoniy nazoratdan o‘tkazish kerak.
7 yoshdan 10 yoshgacha bo‘lgan bolalarga – sutkada 10-20 mg, bir marta, uyqudan oldin buyuriladi. 11 yoshdan 16 yoshgacha bo‘lgan bolalarga – sutkada 25–50 mg, bir marta, uyqudan oldin buyuriladi.
Maksimal davolash davri (jumladan dozasini asta sekin kamaytirish davri) – 3 oy.
Qo‘llash mumkin bo‘lmagan holatlar
Amitriptilin va preparatning boshqa komponentlariga yuqori sezuvchanlik;
Yaqinda bo‘lib o‘tgan miokard infarkti;
Aritmiyalar (yurak ichi o‘tkazuvchanligini buzilishi);
Kasallikni maniakal fazasi;
Og‘ir jigar yetishmovchiligi.
Depressiyani davolash uchun 16 yoshgacha bo‘lgan bolalargada qullash mumkin emas.
Nojo‘ya ta’sirlar
Antixolinergik ta’siri bog‘liq samaralar: og‘izni qurishi, ko‘rishni buzilishi, ko‘z ichki bosimini oshishi, qabziyat, ancha kam hollarda – siyishni qiyinlashishi. Bu simptomlar odatda davolashni boshida yuz beradi, so‘ngra, odatda kamayadi.
Ovqat hazm qilish tizimi tomonidan: og‘izda nordon-achiq ta’m, ko‘ngil aynishi, qusish, stomatit; kam hollarda - xolestatik sariqlik.
Yurak- qon tomir tizimi tomonidan: taxikardiya, aritmiyalar, ortostatik gipotenziya, xushdan ketishlar, elektrokardiogrammani (yuqori dozalarda qo‘llanganida) o‘zgarishlari bo‘lishi mumkin.
Qon yaratish tizimi tomonidan: agranulositoz, leykopeniya, eozonofiliya, purpura, trombositopeniya.
Endokrin tizimi tomonidan: kam hollarda - giperglikemiya, glyukozuriya, glyukozaga tolerantlikni buzilishi, moyaklarni kattalashishi, ginekomastiya, galaktoreya, giponatriyemiya.
Markaziy nerv tizimi tomonidan: uyquchanlik, xolsizlik, diqqatni jamlashni buzilishi, bosh og‘rig‘i, bosh aylanishi, tremor, tirishishlar, xavotirlik, xulq atvor buzilishlari, (ayniqsa bolalarda), dezoriyentasiya, ekstrapiramid buzilishlar, gipomaniakal holatlar buzilishi mumkin; ongni chalkashishi va deliriy (ayniqsa keksa odamlarda).
Mushak tizimi tomonidan: harakatni buzilishi, diskineziya, dizartriya, paresteziya.
Allergik reaksiyalar: teri toshmasi, eshakemi, yorug‘likka sezuvchanlikni oshishini buzilishi.
Boshqalar: kuchli terlash, ishtahani oshishi, tana vaznini oshishi, libidonni buzilishi, potensiyani pasayishi, quloqlarni shang‘illashi, isitma bo‘lishi mumkin.
Maxsus ko‘rsatmalar
Tirishishlari (elektrotirishish davolash davrida), siyishni qiyinlashishi, jigar kasalliklari (og‘ir darajadagi buzilishlarda qo‘llash mumkin emas), yurak qon tomir tizimi kasalliklari (ayniqsa, arimiyalarda), qalqonsimon bezning giperfunksiyasi feoxromonitoma, qandli diabet, tutqanoq, psixozlari (psixotik simptomlari zo‘rayishi mumkin) yopiq buyrakli glaukoma, o‘tkir porfiriyasi bo‘lgan pasiyentlarga Amitriptilinni ehtiyotkorlik bilan buyurish kerak.
Maniakal bemorlarga va o‘z joniga qasd qilishga uringan pasiyentlarga Amitriptilinni buyurish mumkin emas.
Narkoz o‘tkazish lozim bo‘lgan pasiyentlarga Amitriptilinni ehtiyotkorlik bilan buyurish kerak. (aritmiya va gipotenziyani rivojlanish xavfi oshadi).
Keksa odamlar va o‘smirlarga preparatni past dozalarda qabul qilish tavsiya etiladi.
Preparat bekor qilinganida dozasini asta sekin kamaytirish kerak. Preparat to‘satdan bekor qilinganida, preparatning dozasi va qo‘llash davomiyligiga qarab, bekor qilish sindromini rivojlanish xavfi namoyon bo‘ladi.
Davolanish vaqtida alkogol iste’mol qilishdan saqlash kerak.
Glyukoza yoki laktozaning so‘rilishini buzilishi, galaktozemiya yoki laktoza yetishmovchiligi bo‘lgan pasiyentlarga preparatni ehtiyotkorlik bilan qo‘llash kerak, chunki preparatning 1 tabletkasi 20,43 mg laktoza saqlaydi.
Amitriptilin va antixolinergik preparatlarni bir vaqtda qo‘llashdan saqlanish kerak.
Simpatomimetik vositalar, shu jumladan adrenalin, efedrin, izoprenalin, noradrenalin, fenilefrin, fenilpropanolamin bilan bir vaqtda qo‘llash mumkin emas.
Amitriptilinni adrenalin yoki noradrenalin bilan bir vaqtda qo‘llash arterial gipertenziyani rivojlanishiga va yurak ritmini buzilishiga olib kelishi mumkin.
MAO ingibitorlari bekor qilingandan so‘ng kamida 14 kundan keyin Amitriptilinni qabul qilish mumkin.
Boshqa dorilar bilan o‘zaro ta’siri
Amitriptilin MNT ga susaytiruvchi ta’sir ko‘rsatuvchi dori vositalarning (shu jumladan barbiturat, etanol) ta’sirini kuchaytirishi mumkin.
Mikrosomal oksidlanish induktorlari (barbituratlar, karbamazepin) bir vaqtda qo‘llanganida plazmada Amitriptilinning konsentrasiyasini pasaytiradilar.
Dalachoy bilan bir vaqtda qo‘llanganida, plazmada Amitriptilinning konsentrasiyasini pasaytiradi.
Amitriptilin MAO ingibitorlari bilan bir vaqtda qo‘llanganida giperpiretik kriz, og‘ir tirishishlar va xatto o‘lim rivojlanishi mumkin.
Amitriptilin antixolinergik preparatlar, simpatomimetiklar, shu jumladan adrenalin va noadrenalinning ta’sirini kuchaytiradi.
Trisiklik antidepressantlar (shu jumladan, amitriptilin) va neyroleptiklar metabolizmni o‘zaro ingibisiya qilish olib kelishini hisobga olish kerak. Bunda tirishishga tayyorgarlik bo‘sag‘asini pasayishi amalga oshadi.
Simetidin, metilfenidat, antipsixotik preparatlar, kalsiy kanallarining blokatorlari bilan bir vaqtda qo‘llanganida Amitriptilinning metabolizmi sekinlashishi, qon plazmasida uning konsentrasiyasi oshishi va toksik samaralari rivojlanishi mumkin.
Amitriptilin QT oralig‘ini uzaytiradigan preparatlar, shu jumladan antiaritmik (xinidin), antigistamin preparatlari, astemizol va terorenadin, ba’zi antipsixotik preparatlar (pimozid va sertindol), sizaprid, galofantrin va solatol bilan bir vaqtda qo‘llanganida paraventrikulyar aritmiyalar rivojlanishi mumkin.
Homiladorlik va emizish davrida
Homiladorlik va emizish davrida Amitriptilinni juda ehtiyotkorlik bilan qo‘llash kerak.
Preparat bolalar olaolmaydigan joyda saqlansin va yaroqlilik muddati o‘tganidan so‘ng ishlatilmasin.
Transport boshqarishga ta’siri
Amitriptilin bilan davolanish vaqtida diqqatni yuqori jamlash va psixomotor reaksiyalar tezligini talab qiluvchi faoliyatlarni bajarishdan saqlanish kerak.
Dozani oshirib yuborish
Simptomlari: markaziy nerv tizimini susayishi yoki qo‘zg‘alishi. Antixolinergik (taxikardiya, shilliq qavatlarni qurishi, siyishni kamayishi) va kardiotoksik (aritmiyalar, gipotenziya, yurak yetishmovchiligi) ta’sirlarini yaqqol nomoyon bo‘lishi, tirishilar, gallyusinasiyalar, deliriy, koma, gipertemiya bo‘lishi mumkin.
Davolash: simptomatik davolashni o‘tkazish. Agar Amitriptilin ichga qabul qilingan bo‘lsa, iloji boricha tezroq me’dani yuvish va faollashtirilgan ko‘mir qabul qilish kerak. Nafas va yurak qon tomir tizimining faoliyatini tutib turishga qaratilgan choralarni ko‘rish kerak. 3 - 5 kun davomida yurak faoliyatini monitoringini o‘tkazish tavsiya etiladi. Adrenalin qo‘llash mumkin emas. Tirishilar kuzatilganida vena ichiga diazepam yuboriladi. Og‘ir darajadagi xolinolitik simptomlarda (aritmiya, koma) kuzatilganida m/i yoki v/i ga 0,5 -2 g fizostigmin yuboriladi. Gemodializ va jadallashtirilgan diurez samarasiz. Davolashni kasalxonada o‘tkazish kerak.
Farmakodinamikasi
Amitriptilin – trisiklik antidepressantdir. Presinaptik nerv oxirlarida neyromediatorlar – noradrenalin va serotoninni qayta qamrab olinishini ingibisiya qilish hisobiga antidepressiv ta’sir ko‘rsatadi. Bu bosh miyada adrenergik va serotoninergik mexanizmlarni rag‘batlanishi va monoaminlarni to‘planishiga olib keladi. Amitriptilin shuningdek boshqa reseptorlarga - α-adrenergik va muskarin xolinergik reseptorlarga unga xos bo‘lgan ingibisiya qilish faolligi tufayli, sedativ ta’sir ko‘rsatadi. Mana shu ta’sir mexanizmi tufayli, tungi enurezda u shuningdek antidiuretik ta’sir ko‘rsatadi.
Og‘riq qoldiruvchi ta’sir ko‘rsatadi, bu markaziy nerv tizimida monoaminlarning konsentrasiyasini o‘zgarishi va endogen opioid reseptorlariga bevosita ta’siri bilan bog‘liq bo‘lishi mumkin deb tahlil qilinadi.
Farmakokinetikasi
So‘rilishi va taqsimlanishi
Amitriptilin me’da-ichak yo‘llaridan tez va yaxshi so‘riladi. Amitriptilinning biokiraolishligi 30-60% ni, uning metaboliti- nortriptilinniki 46-70% ni tashkil etadi. Ichga qabul qilinganidan so‘ng qonda maksimal konsentrasiyasiga 6 soatdan keyin erishiladi. Qon tomirlarda 95% oqsillar bilan bog‘lanadi. Triptilin xam gistometatik to‘siqlar, shu jumladan yo‘ldosh to‘sig‘i orqali oson o‘tadi, ko‘krak sutiga kiradi.
Metabolizmi va chiqarilishi
Yarim chiqarilish davri (T1/2) 9-25 soat, nortriptilinniki – 18-44 soatni tashkil etadi. Jigarda biotransformasiyaga (demetillizasiya, gidroksillizatsiya, N- oksidlanishga) uchraydi va faol (nortriptilin, 10–gidroksidi-amitriptilin) va nofaol metabolitlar hosil qiladi.
Bir necha kun davomida buyraklar orqali (asosan metabolitlar holida) chiqariladi.