Pollinoz nima va u qanday yuzaga keladi?
Bahor fasli – tabiat uyg‘onishi, yashillik va gullar davri. Biroq, ko‘pchilik uchun bu fasl yoqimli iforlar bilan birga allergik xastaliklarni ham olib keladi. Tibbiyot tilida pollinoz deb ataluvchi bu holat, o‘simliklar guli changiga nisbatan organizmning o‘ta sezgirligidir.
Ko‘pincha odamlar bu holatni oddiy tumov yoki "pichan isitmasi" deb atashadi. Aslida, changga allergiya – bu immunitet tizimining o‘simlik changlarini begona modda deb qabul qilib, ularga qarshi kurashishi natijasida yuzaga keladigan allergik reaksiyadir.
Pollinoz kasalligi sabablari
Pollinozni qo‘zg‘atuvchi asosiy allergenlar – shamol yordamida tarqaladigan o‘simlik changlaridir. Bularga quyidagilar kiradi:
- Daraxtlar: terak, shaftoli, majnuntol, chinor.
- O‘tlar va o‘simliklar: shuvoq, ermon, burgan, ismaloq, suli, tog‘ yalpizi.
- Qishloq xo‘jaligi ekinlari: makkajo‘xori, kungaboqar.
Pollinoz belgilari: Qanday aniqlash mumkin?
Pollinoz xuruji odatda o‘simliklarning gullash davriga to‘g‘ri keladi. Asosiy alomatlar quyidagilardan iborat:
- Burun bitishi va nafas olishning qiyinlashuvi.
- Betinim aksa urish va o‘tkir tumov.
- Burun, tanglay va ko‘zning qichishishi.
- Ko‘zdan yosh oqishi va ko‘z atrofi yallig‘lanishi.
- Bosh og‘rig‘i, tez charchash va umumiy holsizlik.
Og‘ir holatlarda nafas yo‘llari shilliq qavatining shishishi natijasida "chang astmasi" belgilari kuzatilishi mumkin. Bu holatda bemorning nafas olishi og‘irlashadi va bo‘g‘ilish yuzaga keladi.
Faqat o‘simlik changigina aybdormi?
Allergiya xastaligi kuchayishiga quyidagi omillar ham sabab bo‘ladi:
- Atrof-muhitning ifloslanishi va havodagi kanserogen moddalar.
- Kimyoviy dori-darmonlarni nazoratsiz va pala-partish iste'mol qilish.
- Maishiy kimyo mahsulotlarining keng tarqalishi.
Pollinoz kasalligini davolash va oldini olish
Xastalikni davolashda allergolog-shifokor nazorati juda muhim. O‘zbilarmonlik bilan dori ichish salbiy oqibatlarga olib kelishi mumkin.
Tavsiyalar:
- Gullash davrida allergen o‘sadigan hududlardan uzoqroq bo‘ling.
- Ko‘chada himoya niqobi va ko‘zoynakdan foydalaning.
- Uyda shaxsiy gigiyenaga rioya qiling: gilam va chang tutuvchi buyumlarni kamaytiring, xonani nam latta bilan tozalang.
- Parhez: Asal, limon, baliq, yong‘oq, shokolad, tuxum kabi allergiyani qo‘zg‘atuvchi mahsulotlardan saqlaning.
Allergiya alomatlarini yengish uchun eng ko’p ishlatiladigan dori vositalardan biri Teriksdir.
Teriks – bu cetirizin dihidroxlorid (10 mg) faol moddasiga ega bo‘lgan samarali antiallergik vosita. Preparatning narxini ushbu bo’limda ko’rsa bo’ladi — https://apteka.uz/product/teriks
Allergiyada keng qo’llaniladigan boshqa preparatlar: Zodak, Fenistil gel, Allerkaps, Alsetro, Aldes, Zefeksal, Klaridol va hk.
*Qo’llash mumkin bo’lmagan holatlar mavjud. Ishlatishdan oldin shifokor bilan maslahatlashing.
Responses (0 )