Nordic dietasi: Sog'lom ovqatlanishning yangi qiyofasi
Oziqlanish orqali sog'lig'ingizni yaxshilashning ko'plab usullari mavjud. Ko'pincha odamlar murakkab kaloriya hisoblashlardan charchab, samaraliroq va tushunarliroq ovqatlanish rejalarini izlaydilar. Keto, MIND, DASH va O'rta er dengizi dietalaridan so'ng, «Nordic dietasi» (Shimoliy parhez) butun dunyoda ommalashmoqda.
Nordic dietasi nima uchun samarali?
- Kopengagen universiteti tadqiqotlariga ko'ra, 6 oylik Nordic parhezi xolesterin miqdorini pasaytiradi.
- Qon shakarini nazorat qilishda va yurak-qon tomir kasalliklari xavfini kamaytirishda yuqori samaradorlik ko'rsatadi.
- Ratsionda qayta ishlangan mahsulotlar va qo'shilgan shakar deyarli yo'q.
Nordic dietasining asosiy tamoyillari
Ushbu parhez mahalliy, mavsumiy va sifatli ingredientlarga asoslanadi:
- Iste'mol qilish kerak: To'liq donalar (javdar, arpa, jo'xori), rezavorlar, ildiz mevalar (sabzi, lavlagi), yog'li baliqlar, dukkaklilar va yog'siz go'sht.
- Cheklash kerak: Qizil go'sht, shirin ichimliklar, fast-fud va qayta ishlangan oziq-ovqat mahsulotlari.
Nima uchun bu parhez sog'lom?
Tadqiqotchilarning fikricha, Nordic dietasining muvaffaqiyati baliq tarkibidagi Omega-3 yog' kislotalari va rezavor mevalardagi foydali moddalar bilan bog'liq. Bu parhez shunchaki vazn yo'qotish emas, balki organizmning umumiy metabolik profilini yaxshilashga yordam beradi.
Manba: Kopengagen universiteti. J.Clin.Nut. Metabolik profilga asoslangan SYSDIET tadqiqoti.
Responses (0 )