Piratsetam
- Ishlab chiqaruvchi
- ООО Navbahor Sanoat
- Mamlakat
- O‘zbekiston
- Ro‘yxat raqami
- DV/M 03379/07/20
- Ruxsat muddati
- 18.03.2031 gacha
- Saqlash muddati
- 3 yil
- ATX kodi
- N06BX03
Piratsetam nima uchun ishlatiladi
Piratsetam — miya faoliyatini yaxshilashga qaratilgan dori (nootrop). Xotira va diqqat pasayishi, bosh aylanishi, kortikal miokloniya va alkogolizmda qo‘llanadi.
Psixoorganik sindrom
Kattalarda xotira pasayishi, bosh aylanishi va diqqatni jamlay olmaslik bilan kechadigan holatni belgilarga qarab davolash.
Bosh aylanishi
Bosh aylanishi va u bilan bog‘liq muvozanat buzilishi (qon tomir-harakat va ruhiy sababli bosh aylanishidan tashqari).
Kortikal miokloniya
Mushaklarning beixtiyor tortishishi — yolg‘iz yoki boshqa dorilar bilan birga.
Alkogolizm
Surunkali alkogolizm va alkogoldan voz kechish (abstinensiya) holati.
Bolalarda disleksiya
8 yoshdan katta bolalarda o‘qish-yozishni o‘zlashtirish qiyinligi (disleksiya) — logoped mashg‘ulotlari va boshqa usullar bilan birga.
Qancha va qanday qabul qilinadi
Rasmiy yo‘riqnoma bo‘yicha, piratsetam kapsulalari uchun. Dozalar grammda (g) berilgan — necha kapsula ichishni shifokor belgilaydi.
Kimga mumkin, kimga mumkin emas
Homiladorlik Mumkin emas
Homiladorlikda ichilmaydi.
Emizish davri Mumkin emas
Dori ona sutiga o‘tadi — davolanish paytida emizishdan saqlaning.
Bolalar Ehtiyotkorlik bilan
Faqat 8 yoshdan katta bolalarga, disleksiyani davolashda. 8 yoshgacha mumkin emas. Qandli diabeti bor yoki ilgari meva sharbatlariga allergiyasi bo‘lgan bolalarga berilmaydi.
Buyrak Ehtiyotkorlik bilan
Piratsetam buyrak orqali chiqadi: buyrak yetishmovchiligida doza kamaytiriladi, oxirgi bosqichda mumkin emas.
Keksalar Ehtiyotkorlik bilan
Uzoq davolanishda doza kreatinin klirensi natijasiga qarab moslanadi.
Qon ivishi va qon ketish Ehtiyotkorlik bilan
Dori trombotsitlar yopishishiga ta’sir qiladi: qon ivishi buzilgan, katta operatsiya bo‘layotgan yoki kuchli qon ketish belgilari bor bemorlarda ehtiyotkorlik bilan.
Laktoza Mumkin emas
Tarkibida laktoza bor. Irsiy galaktoza ko‘tarmaslik, laktaza yetishmovchiligi yoki glyukoza-galaktoza so‘rilishi buzilganda ichish mumkin emas.
Haydovchilar Ehtiyotkorlik bilan
Asab tizimidan nojo‘ya ta’sirlar bo‘lishi mumkinligi sababli mashina haydash va mexanizmlar bilan ishlashda ehtiyot bo‘ling.
Alkogol Mumkin
Alkogol qondagi piratsetam miqdoriga ta’sir qilmaydi; 1,6 g piratsetam bir marta ichilganda qondagi alkogol miqdori o‘zgarmaydi.
Qo‘llash mumkin bo‘lmagan holatlar
- Piratsetamga, pirrolidon hosilalariga yoki dori tarkibidagi boshqa moddaga yuqori sezuvchanlik
- Miyaga qon quyilishi (gemorragik insult)
- Buyrak yetishmovchiligining oxirgi bosqichi (kreatinin klirensi 20 ml/min dan kam)
- Xantington xoreyasi
- Irsiy galaktoza ko‘tarmaslik, laktaza yetishmovchiligi, glyukoza-galaktoza so‘rilishining buzilishi
- Homiladorlik va emizish davri
- 8 yoshgacha bolalar
- Qandli diabeti bor bolalar va ilgari meva sharbatlariga allergiyasi bo‘lgan bolalar
Tarkibi
400 mg li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Qalqonsimon bez gormonlari ekstrakti (T3+T4) Ehtiyotkorlik
Birga ichilganda jahldorlik, mo‘ljalni yo‘qotish va uyqu buzilishi bo‘lishi mumkin.
Atsenokumarol Ehtiyotkorlik
Piratsetamning yuqori dozalari (9,6 g/sut) vena trombozi bor bemorlarda atsenokumarol ta’sirini kuchaytirishi mumkin.
Stenokardiyaga qarshi dorilar, antidepressantlar Ehtiyotkorlik
Keksalarda piratsetam stenokardiyaga qarshi dorilar ta’sirini kuchaytiradi, antidepressantlar samarasini oshiradi.
Yurak-qon tomir va psixotrop dorilar Ehtiyotkorlik
Zarur bo‘lganda piratsetam ular bilan birga qo‘llanishi mumkin.
Klonazepam, fenitoin, fenobarbital, natriy valproat, karbamazepin Ehtiyotkorlik
O‘zaro ta’sir kuzatilmagan; tutqanoqqa qarshi dorilar qondagi miqdori o‘zgarmagan.
Ko‘p ichib qo‘ydingizmi?
Nojo‘ya ta’sirlar kuchayadi: hazm buzilishi, qonli ich ketishi (gemokolit), qorin og‘rig‘i va boshqalar. Maxsus antidoti yo‘q; belgilarga qarab davolanadi, gemodializ qo‘llash mumkin (piratsetamning 50–60% chiqariladi).
Piratsetam narxi
Davlat belgilagan eng yuqori chakana narx (referent narx). Har bir qadoq yonida narx belgilangan sana.
Manba: Farmatsevtika tarmog‘ini rivojlantirish agentligi, referent narxlar ro‘yxati.
Analoglari: piratsetam
Tarkibida piratsetam bor 15 ta dori. Almashtirishdan oldin shifokor yoki farmatsevt bilan maslahatlashing.
PiratsetamIn’yeksiya · 200 mg · BelarusRetseptliPiratsetamTabletka · 0.4g · O‘zbekistonRetseptli
Boneyro-NeoIn’yeksiya · 100ml · O‘zbekistonRetseptli
LutsetamTabletka · 1200 mg · VengriyaRetseptliKo‘p beriladigan savollar
Piratsetam nimaga yordam beradi?
Kattalarda xotira va diqqat pasayishi, bosh aylanishi bilan kechadigan psixoorganik sindromda, bosh aylanishi va muvozanat buzilishida, kortikal miokloniyada, alkogolizm va abstinensiyada; 8 yoshdan katta bolalarda disleksiyada.
Piratsetam qanday ichiladi?
Ovqatdan oldin yoki ovqat paytida, suv yoki sharbat bilan. Sutkalik doza odatda 2–3 martaga bo‘linadi; dozani kasallikka qarab shifokor belgilaydi (masalan, psixoorganik sindromda sutkasiga 2,4–4,8 g).
Bolalarga piratsetam berish mumkinmi?
Faqat 8 yoshdan katta bolalarga, disleksiyani davolashda: odatda sutkasiga 3,2 g, 2 martaga bo‘lib. 8 yoshgacha mumkin emas.
Homiladorlikda yoki emizishda ichsa bo‘ladimi?
Yo‘q. Homiladorlikda ichilmaydi; dori ona sutiga o‘tadi, shuning uchun davolanish paytida emizishdan saqlanish kerak.
Piratsetamni birdan to‘xtatsa bo‘ladimi?
Kortikal miokloniyada birdan to‘xtatib bo‘lmaydi — xurujlar qaytishi mumkin. Doza har 2–3 kunda 1–2 g dan asta-sekin kamaytiriladi.
Necha kun ichiladi?
Psixoorganik sindromda davolash kamida 3 hafta davom etadi. Boshqa holatlarda muddatni shifokor belgilaydi.
Rasmiy yo‘riqnoma
Rasmiy yo‘riqnomaning to‘liq matni
Tavsifi
Oq rangli qattiq jelatin kapsulalar, oq yoki deyarli oq rangli kukun bilan to‘ldirilgan.
Qo‘llanilishi
Kattalar:
xotirani pasayishi, bosh aylanishi, diqqatni jamlashni pasayishi bilan kechuvchi psixoorganik sindromni simptomatik davolash;
kelib chiqishi vazomotor va ruxiy bosh aylanishidan tashqari bosh aylanishi va u bilan bog‘liq bo‘lgan muvozanatni buzilishini davolash;
kortikal miokloniyani monoterapiya yoki majmuaviy davolash tarkibida davolash;
surunkali alkogolizm va alkogol abstinensiyasini davolash.
Bolalar:
8 yoshdan boshlab bolalarda disleksiyani boshqa tegishli usullar bilan, shu jumladan logopediyani qo‘shib davolash.
Qo‘llash usuli va dozalari
Preparat ichga, ovqatdan oldin yoki ovqat vaqtida qabul qilinadi. Kapsulani suyuqlik bilan (suv yoki sharbat) ichish kerak.
Psixoorganik sindromni davolash.
Tavsiya qilingan sutkalik doza 2,4-4,8 g. Odatda doza 2-3 marta qabul qilishga bo‘linadi. Tutib turuvchi doza sutkada 2,4 g. Davolash kamida 3 hafta davom ettiriladi.
Kortikal miokloniyani davolash.
Odatda boshlang‘ich doza 3 kun davomida sutkada 24 g ni tashkil qiladi. Sutkalik doza 2-3 marta qabul qilishga taqsimlanadi. Agar terapevtik samara kuchsiz yoki umuman bo‘lmasa - preparatni o‘sha dozada 7 sutkagacha qo‘llash davom ettiriladi. Agar shu muddatda kutilgan terapevtik samara kuzatilmasa, pirasetam bilan davolashni to‘xtatish va boshqa antimioklonik vositalarni buyurish kerak. Kerakli terapevtik samara olinganda, davolash kasallikning belgilari yo‘qolguncha davom ettiriladi. Bemorlarning holatini yomonlashishini oldini olish uchun preparatni qabul qilishni birdan to‘xtatish mumkin emas. Dozani asta-sekin xar 2-3 kunda 1-2 g ga pasaytirish kerak (Lans-Adams sindromi bo‘lgan holda har 3-4 kunda). Davolash vaqtida boshqa antimioklonik vositalar qo‘llanganida pirasetamning dozasi kamaytirilmaydi, lekin klinik manzaraga qarab, boshqa preparatlarning dozasi, agarda imkoniyat bo‘lsa kamaytiriladi. O‘tkir spontan xurujlari bo‘lgan bemorlarga har 6 oyda preparat bilan takroriy davolash kurslarini buyurish kerak, bunda doza pasiyentning holati, kasallikning ko‘rinishini kamayishi yoki yo‘qolishiga qarab to‘g‘rilanadi.
Bosh aylanishi va u bilan bog‘liq muvozanatning buzilishini davolash.
Tavsiya qilingan sutkalik doza 2,4-4,8 g ni tashkil qiladi. Odatda doza 2-3 marta qabul
qilishga taqsimlanadi.
Alkogolizm, shuningdek surunkali alkogolizmni davolash.
O‘tkir davrida sutkada 12 g buyuriladi. Terapevtik samara olinganidan so‘ng tutib turuvchi doza sutkada 2,4 g ni tashkil qiladi.
Bolalarada qo‘llash.
Disleksiyani majmuaviy davolash tarkibida.
8 yoshdan oshgan bolalarda qo‘llanadi. Sutkalik doza odatda 3,2 g ni tashkil qiladi, 2 marta qabul qilishga bo‘linadi.
Buyrak faoliyati buzilgan bemorlar uchun dozalash tartibi. Pirasetam organizmdan buyraklar orqali chiqarilganligi sababli, buyrak yetishmovchiligi bo‘lgan bemorlarni davolashda ehtiyotkorlik bilan, quyidagi tavsiyalarga amal qilish kerak:
Buyrak yetishmovchiligining darajasi | Kreatinin klirensi (ml/min) | Dozalash | |
| Norma | >80 | Odatdagi doza | |
| Yengil | 50-79 | Odatdagi dozaning 2/3 qismi 2-3 qabulda | |
| O‘rtacha | 30-49 | Odatdagi dozaning 1/3 qismi 2 qabulda | |
| Og‘ir | <30 | Odatdagi dozaning1/6 bir marta | |
| Terminal bosqich | - | Qo‘llash mumkin emas |
Jigar yetishmovchiligi bo‘lgan bemorlar uchun dozani to‘g‘rilash kerak emas.
Qo‘llash mumkin bo‘lmagan holatlar
Pirasetam yoki pirrolidon hosilalari, shuningdek preparatning boshqa komponentlariga shaxsiy yuqori sezuvchanlik.
Bosh miyada qon aylanishini o‘tkir buzilishi (gemorragik insult).
Buyrak yetishmovchiligining terminal bosqichi (kreatinin klirensi 20 ml/min dan kam). Xantington xoreyasi.
Galaktozani o‘zlashtiraolmaslikni nasliy buzilishlari, laktaza tanqisligi yoki glyukozo-galaktoza malabsorbsiyasi sindromi.
Homiladorlik va emiziklik davri.
8 yoshgacha bo‘lgan bolalar. Qandli diabeti bo‘lgan va oldin mevali sharbatlarni iste’mol qilish bilan bog‘liq allergik reaksiyalar haqida ma’lumotlar bo‘lgan bolalarda qo‘llash mumkin emas.
Nojo‘ya ta’sirlar
Nerv tizimi tomonidan: tez-tez: giperkineziya; ba’zida: ataksiya, asabiylik, qo‘zg‘alish, ta’sirchanlik, xavotirlik, uyquni buzilishi, bosh aylanishi, ekstrapiramid buzilishlar, bosh og‘rig‘i, depressiya, uyqusizlik, tutqanoq xurujlarini tez-tezligini oshishi, tremor, tirishishlar, muvozanatni buzilishi, uyquchanlik.
Ruxiy buzilishlar: yuqori qo‘zg‘aluvchanlik, uyquchanlik, depressiya, xavotirlik, ongni chalkashishi, gallyusinasiyalar. Bolalarda ayniqsa aqliy zaif bolalarda: tinib tinchimaslik, xavotirlik, serharakatlik, diqqatni jamlash qobiliyatini pasayishi, ta’sirchanlik, janjalkashlik.
Ovqat hazm qilish tizimi tomonidan: anoreksiya, qorin og‘rig‘i, korinning yuqori qismida og‘riq, ko‘ngil aynishi, diareya, qusish, qabziyat.
Immun tizimi tomonidan: o‘ta yuqori sezuvchanlik, shu jumladan anafilaksiya.
Jinsiy tizim tomonidan: jinsiy faollikni oshishi.
Teri va teri osti to‘qimalari tomonidan: angionevrotik shish, dermatitlar, qichishish, toshma, eshakemi.
Boshqalar: tana vaznini oshishi, asteniya, stenokardiyani kechishini yomonlashishi, arterial gipertenziya, tromboflebit, gipertermiya.
Yuqorida keltirilgan reaksiyalardan birontasi yuzaga kelganda yoki yo‘riqnomada keltirilmagan reaksiya yuzaga kelganda shifokorga murojaat qilish kerak.
Maxsus ko‘rsatmalar
Pirasetamni trombositlar agregasiyasiga ta’siri sababli, gemostazi buzilgan bemorlarga, katta jarrohlik muolajalari vaqtida, yoki og‘ir qon ketishi simptomlari bo‘lgan bemorlarga preparatni ehtiyotkorlik bilan buyurish kerak. Kortikal miokloniyasi bo‘lgan bemorlarni davolashda, davolashni birdan to‘xtatishdan saqlanish kerak, bu xurujlarning qaytalanishini chaqirishi mumkin. Keksa yoshli bemorlarni uzoq vaqt davolashda doza kreatinin klirensini tekshirishlarining natijalariga qarab to‘g‘rilanadi. Gemodializ apparatlarining membrana filtrlari orqali o‘tadi.
Preparat laktoza saqlaydi, shuning uchun kam uchrovchi galaktozani o‘zlashtirolmaslikni nasliy buzilishlari, laktaza tanqisligi yoki glyukozo-galaktoza malabsorbsiyasi sindromi bor pasiyentlar ushbu preparatni qo‘llamasligi kerak.
Bolalar. Preparatni 8 yoshdan katta bolalarda qo‘llaniladi.
Keksa pasiyentlarda qo‘llanishi
Keksa yoshli pasiyentlarda dozani to‘g‘irlash zarurati haqida ma’lumotlar yo‘q.
Boshqa dorilar bilan o‘zaro ta’siri
Zarurati bo‘lganida pirasetam bilan davolashni yurak-qon tomir dori vositalari bilan qo‘shib qo‘llash mumkin. Ruxiy kasalliklarni davolashda tegishli psixotrop vositalar bilan birga buyuriladi.
Qalqonsimon bezning ekstraktlari bilan (T3 + T4) bir vaqtda qo‘llanganida quyidagilar bo‘lishi mumkin: yuqori ta’sirchanlik, dezoriyentasiya va uyquni buzilishi. Klonazepam, fenitoin, fenobarbital, natriy valproat bilan o‘zaro ta’siri kuzatilmagan.
Pirasetamning yuqori dozalari (9,6 g/sut) venoz trombozi bo‘lgan bemorlarda asenokumarolning samaradorligini oshiradi: trombositlar agregasiyasining darajasini, fibrinogenning darajasini, Villebrand omilini, qon va plazmaning qovushqoqligini, faqat asenokumarol buyurgandagiga qaraganda ko‘proq pasayishi kuzatilgan.
Boshqa dori vositalarining ta’siri ostida pirasetamning farmakodinamikasini o‘zgarishini ehtimoli past, chunki preparatning 90% siydik bilan o‘zgarmagan holda chiqariladi.
In vitro sharoitda pirasetam 142, 426, 1422 mkg/ml konsentrasiyada sitoxrom R450 ning SҮR1A2, 2V6, 2C8, 2C9, 2S19, 2D6, 2E1, va 4A9/11 izoshakllarni susaytirmaydi. 1422 mkg/ml konsentrasiyada SҮR1A6 (21%) va ZA4/5 (11%) ni katta biroz susayishi kuzatilgan. Biroq bu ikki SҮR- izomerlarning Kі darajasi 1422 mkg/ml ga oshirilganda yetarli. Shuning uchun bu fermentlar tomonidan biotransformasiyaga uchraydigan preparatlar bilan metabolik o‘zaro ta’sirining ehtimoli kam.
Pirasetamni 20 mg/sut dozada qabul qilish tutqanog‘i bo‘lgan bemorlarning qon zardobida tutqanoqqa qarshi preparatlarning (karbamazepin, fenitoin, fenobarbital, valproat) konsentrasiyasi darajalarining cho‘qqisini va egri chizig‘ini o‘zgartirmaydi.
Alkogol bilan birga qabul qilish zardobda pirasetamning konsentrasiyasining darajasiga ta’sir qilmaydi. Qon zardobidagi alkogolning konsentrasiyasi 1,6 g pirasetam bir marta qabul qilinganida o‘zgarmaydi.
Keksa odamlarda antianginal vositalarning ta’sirini kuchaytiradi, antidepressantlarning samaradorligini oshiradi.
Homiladorlik va emizish davrida
Preparatni homiladorlik vaqtida qo‘llash mumkin emas.
Preparat ko‘krak sutiga o‘tadi. Preparat bilan davolanish vaqtida emizishdan saqlanish kerak.
Transport boshqarishga ta’siri
Markaziy nerv tizimi tomonidan nojo‘ya reaksiyalarning rivojlanishi mumkinligi sababli, avtotransportni boshqarish yoki boshqa mexanizmlar bilan ishlashda ehtiyotkorlikka rioya qilish kerak.
Dozani oshirib yuborish
Simptomlari: Preparatning nojo‘ya ta’sirlarini (dispeptik ko‘rinishlar, gemokolit, qorin og‘rig‘i va boshq.) kuchayishi.
Davolash: Simptomatik. Maxsus antidoti yuk, gemodializni qo‘llash mumkin (pirasetamning 50-60% chiqariladi).
Farmakodinamikasi
Pirasetam ta’lim olish, xotira, diqqat, shuningdek aqliy ish qobiliyati kabi kognitiv (bilish, anglash) jarayonlarni yaxshilab, bosh miyaga ta’sir ko‘rsatuvchi nootrop vosita hisoblanadi. Pirasetam markaziy nerv tizimiga turli yo‘llar bilan ta’sir ko‘rsatadi: bosh miyada qo‘zg‘alishni tarqalish tezligini o‘zgarishi, nerv hujayralarida metabolik jarayonlarni yaxshilanishi, qonning reologik xususiyatlariga ta’sir qilib va tomirlarni kengaytiruvchi ta’sir ko‘rsatmasdan, mikrosirkulyasiyani yaxshilanishini chaqiradi. Bosh miya yarim sharlari orasidagi aloqani va nokortikal tuzilmalarda sinaptik o‘tkazuvchanlikni yaxshilaydi. Pirasetam trombositlar agregasiyasini ingibirlaydi va eritrositlar membranalarini elastikligini tiklaydi, eritrositlarning adgeziyasini kamaytiradi. 9,6 g dozada fibrinogenning darajasini va Villibrand omilini 30-40% ga pasaytiradi va qon ketishi vaqtini uzaytiradi. Pirasetam vestibulyar nistagmning davomiyligini va yaqqolligini pasaytiradi.
Farmakokinetikasi
Preparat ichga qabul qilinganidan so‘ng pirasetam tez va deyarli to‘liq so‘riladi, cho‘qqi konsentrasiyasiga qabul qilingandan so‘ng 1 soatdan keyin erishiladi. Preparatning biokiraolishligi, 2 g bir martalik doza qabul qilingandan so‘ng taxminan 100% ni tashkil kiladi. Pirasetamning taqsimlanish xajmi - taxminan 0,6 l/kg. Preparatning yarim chiqarilish davri plazmadan 4-5 soatni va orqa miya suyuqligidan 8,5 soatni tashkil qiladi, buyrak yetishmovchiligida uzayadi. Plazma oqsillari bilan bog‘lanmaydi, organizmda metabolizmga uchramaydi. Pirasetamning 80-100% buyraklar orqali o‘zgarmagan holda buyraklar filtrasiyasi yo‘li bilan chiqariladi. Sog‘lom ko‘ngillilarda pirasetamning buyrak klirensi minutiga 86 ml ni tashkil qiladi. Pirasetamning farmakokinetikasi buyrak yetishmovchiligi bo‘lgan pasiyentlarda o‘zgarmaydi. Pirasetam gematoensefalik va yo‘ldosh to‘siqlari va gemodializda ishlatiladigan membranalar orqali o‘tadi. Hayvonlarda o‘tkazilgan tekshiruvlarda pirasetam bosh miyaning po‘stlog‘i to‘qimalarida tanlab, asosan peshona, chakka va ensa bo‘laklarida, miyachada va bazal gangliylarda to‘planadi.