
Neyromultivit
- Ishlab chiqaruvchi
- G.L.Pharma GmbH
- Mamlakat
- Avstriya
- Ro‘yxat raqami
- DV/X 00527/06/15
- Ruxsat muddati
- 26.02.2031 gacha
- Saqlash muddati
- 3 yil
- ATX kodi
- A11DB
Neyromultivit nima uchun ishlatiladi
Neyromultivit — B guruhi vitaminlari to‘plami: tiamin (B1) 100 mg, piridoksin (B6) 200 mg va sianokobalamin (B12) 0,24 mg. Nerv tizimining ishlashi uchun zarur vitaminlar bo‘lib, nerv kasalliklarida qo‘llanadi.
Polineyropatiya
Turli sababli polineyropatiyalar (qandli diabet, alkogol va boshqalar sababli nervlar zararlanishi).
Nevrit va nevralgiya
Nerv yallig‘lanishi (nevrit) va nerv og‘rig‘i (nevralgiya), qovurg‘alararo nevralgiya, uch shoxli nerv nevralgiyasi.
Radikulit, bel va bo‘yin og‘rig‘i
Umurtqa pog‘onasi degenerativ kasalliklari fonidagi radikulit, bel sindromi, bo‘yin sindromi, ishias, lyumbago.
Pleksit va yuz nervi falaji
Nerv chigallari yallig‘lanishi (pleksit), yuz nervining parezi.
Qancha va qanday qabul qilinadi
Rasmiy yo‘riqnoma bo‘yicha, plyonka qobiqli tabletka uchun. Belgilar — bir martada ichiladigan tabletkalar soni.
Kimga mumkin, kimga mumkin emas
Homiladorlik Mumkin emas
Mumkin emas.
Emizish davri Mumkin emas
Mumkin emas.
Bolalar Mumkin emas
18 yoshgacha bolalar va o‘smirlarga mumkin emas.
Alkogol Ehtiyotkorlik bilan
Alkogol (etanol) tiaminning (B1) so‘rilishini keskin kamaytiradi.
Haydovchilar Mumkin
Mashina haydashga ta’siri qayd etilmagan.
Tahlil natijalari Ehtiyotkorlik bilan
B12 vitamini bor dorilar funikulyar miyeloz va xavfli kamqonlikning (pernitsioz anemiya) belgilari va tahlil natijalarini yashirishi mumkin.
Qo‘llash mumkin bo‘lmagan holatlar
- Dori tarkibidagi moddalarga allergiya (yuqori sezuvchanlik)
- Homiladorlik va emizish davri
- 18 yoshgacha bolalar va o‘smirlar
Tarkibi
Dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
B guruhi vitaminlari bor polivitaminlar Birga ichilmaydi
Neyromultivit ichayotganda tavsiya etilmaydi.
Alkogol (etanol) Ehtiyotkorlik
Tiamin so‘rilishi keskin kamayadi.
Levodopa Ehtiyotkorlik
Parkinson kasalligi dorisi — Neyromultivit uning samarasini kamaytiradi.
Ko‘p ichib qo‘ydingizmi?
Belgilari: muvozanat buzilishi (ataksiya) va sezuvchanlik buzilishi bilan kechuvchi nevropatiya, EEG o‘zgarishlari bilan kechuvchi tutqanoq, allergik reaksiyalar. Me’da yuviladi, faollashtirilgan ko‘mir beriladi, keyin belgilar bo‘yicha davolanadi.
Analoglari: piridoksin; sianokobalamin; tiamin
Tarkibida piridoksin; sianokobalamin; tiamin bor 19 ta dori. Almashtirishdan oldin shifokor yoki farmatsevt bilan maslahatlashing.
NeyromultivitIn’yeksiya · 2ml · AvstriyaRetseptli
NeyromedKapsula · BelarusRetseptsiz
Neyromed ForteKapsula · BelarusRetseptsiz
Demoton-B 12In’yeksiya · 5ml · GretsiyaRetseptliKo‘p beriladigan savollar
Neyromultivit nimaga yordam beradi?
Nerv kasalliklarida: polineyropatiya (diabetik, alkogol sababli va boshqa), nevrit, nevralgiya, radikulit, bel va bo‘yin sindromi, ishias, lyumbago, pleksit, qovurg‘alararo va uch shoxli nerv nevralgiyasi, yuz nervi parezi.
Neyromultivitni qanday ichish kerak?
Odatda 1 tabletkadan sutkasiga 1–3 marta, ovqatdan keyin, chaynamasdan, ozroq suyuqlik bilan.
Neyromultivitni necha kun ichish mumkin?
Kurs odatda 2–3 hafta, shifokor tavsiyasi bo‘yicha. Yuqori dozalar bilan 4 haftadan ortiq davolash tavsiya etilmaydi.
Homiladorlikda Neyromultivit ichsa bo‘ladimi?
Yo‘q. Homiladorlik va emizish davrida mumkin emas.
Bolalarga Neyromultivit berish mumkinmi?
Yo‘q, 18 yoshgacha bolalar va o‘smirlarga mumkin emas.
Neyromultivit bilan alkogol ichsa bo‘ladimi?
Yo‘riqnomaga ko‘ra, alkogol (etanol) B1 vitamini (tiamin) so‘rilishini keskin kamaytiradi.
Rasmiy yo‘riqnoma
Rasmiy yo‘riqnomaning to‘liq matni
Tavsifi
oqdan deyarli oq rangligacha bo‘lgan, ikki tomoni qavariq, dumaloq shaklli, plyonka qobiq bilan qoplangan tabletkalar. Diametri taxminan 11 mm, qalinligi 4,7 dan 5,3 mm gacha.
Qo‘llanilishi
- turli etiologiyali (diabetik, alkogol va boshqa) polineyropatiyalar;
- nevritlar va nevralgiyalar;
- umurtqa pog‘onasining degenerativ o‘zagarishlari fonidagi radikulitlar;
- bel sindromi;
- bo‘yin sindromi;
- ishias, lyumbago;
- pleksitlar;
- qovurg‘alararo nevralgiya;
- uchlamchi nerv nevralgiyasi;
- yuz nervining falajida qo‘llaniladi.
Qo‘llash usuli va dozalari
Tabletkalarni ovqatdan keyin, chaynamasdan va ko‘p bo‘lmagan miqdordagi suyuqlik bilan qabul qilish lozim.
Odatda 1 tabletkadan sutkada 1-3 marta buyuriladi.
Kurs davomiyligi odatda 2-3 haftani (shifokor tavsiyasi bo‘yicha) tashkil qiladi.
Qo‘llash mumkin bo‘lmagan holatlar
- preparatning komponentlariga yuqori sezuvchanlik
- homiladorlik va laktasiya davri
- 18 yoshgacha bo‘lgan bolalar va o‘smirlar
Nojo‘ya ta’sirlar
Preparat bemorlar tomonidan yaxshi o‘zlashtiriladi.
Kam hollarda:
- bosh og‘rig‘i, bosh aylanishi
- ko‘ngil aynishi
Juda kam hollarda:
- V6 vitaminini juda katta dozalarda noto‘g‘ri qo‘llanganda sezuvchanlikni buzilishi
- qichishish va urtikar toshma ko‘rinishidagi o‘ta yuqori sezuvchanlik reaksiyalari kuzatiladi.
Maxsus ko‘rsatmalar
Nevrologik simptomlarni boshlanishi mumkinligi sababli, preparatning yuqori dozalari bilan 4 haftadan ortiq vaqt davomida davolash tavsiya qilinmaydi. V12 vitaminini saqlaydigan preparatlar funikulyar miyeloz va xafvli anemiyaning klinik manzarasini va laboratoriya tekshirishlari natijalarini yashirishi mumkin.
Boshqa dorilar bilan o‘zaro ta’siri
levodopa bilan birga qo‘llanganda Neyromultivit® levodopaning parkinsonizmga qarshi samarasini pasaytiradi.
etanol bilan - tiaminni so‘rilishini keskin pasaytiradi.
Neyromultivit® qabul qilish vaqtida tarkibida V guruhi vitaminlari bo‘lgan polivitamin komplekslarini qabul qilish tavsiya qilinmaydi.
Homiladorlik va emizish davrida
-
Transport boshqarishga ta’siri
Ta’siri aniqlanmagan.
Dozani oshirib yuborish
Simptomlari: ataksiya va sezuvchanlikni buzilishlari bilan kechuvchi nevropatiya, EEG dagi o‘zgarishlar bilan kechuvchi serebral tirishishlar, allergik reaksiyalar.
Davolash: dozani oshirib yuborilishini ko‘rinishlarini og‘irligiga bog‘liq holda o‘tkaziladi. Me’dani yuvish, faollashtirilgan ko‘mirni buyurish, keyinchalik simptomatik davolash
Farmakodinamikasi
Farmakologik xususiyatlari preparatning tarkibiga kiruvchi vitaminlarning hususiyatlari bilan belgilanadi.
Tiamin (V1 vitamini) odam organizmida fosforlanish jarayonlari natijasida kokarboksilazaga aylanadi, u ko‘pchilik ferment reaksiyalarining kofermentidir. Tiamin uglevod, oqsil va yog‘ almashinuvida muhim rol o‘ynaydi. Sinapslarda nerv qo‘zg‘alishlarini o‘tkazish jarayonlarida faol qatnashadi.
Piridoksin (V6 vitamini) markaziy va periferik nerv tizimini normal faoliyat ko‘rsatishi uchun zarurdir. Fosforlangan holda aminokislotalar metabolizmining (dekarboksillanish, pereaminlanish va boshqalarda) kofermenti hisoblanadi Nerv to‘qimalarida faoliyat ko‘rsatuvchi muhim fermentlarning kofermenti sifatida namoyon bo‘ladi. Dopamin, noradrenalin, adrenalin, gistamin va GAMK kabi ko‘pchilik neyromediatorlarning biosintezida ishtirok etadi, glutamin kislotasi almashinuvida ishtirok etadi.
Sianokobalamin (V12 vitamini) normal qon hosil bo‘lishi va eritrositlarni yetilishi uchun zarur, shuningdek organizmning hayot faoliyatini ta’minlovchi qator biokimyoviy reaksiyalarda: metil guruhlarini tashib o‘tilishida, nuklein kislotalar, oqsillar sintezida, aminokislotalar, uglevodlar, lipidlar almashinuvida ishtirok etadi. Nerv tizimidagi jarayonlarga (nuklein kislotalarini sintezida va serebrozidlar va fosfolipidlarni lipid tarkibiga) ijobiy ta’sir ko‘rsatadi. Sianokobalaminning koferment shakllari – metilkobalamin va adenozilkobalamin xujayralarni replikasiyasi va o‘sishi uchun zarur.
Farmakokinetikasi
Preparatning komponentlari suvda eruvchan vitaminlar hisoblanadi, bu ularni organizmga to‘planib qolish ehtimolini istisno qiladi.
Tiamin va piridoksin ichakning yuqori qismida so‘riladi, so‘rilish darajasi dozaga bog‘liq. Sianokobalaminni so‘rilishi me’dadan boshlanadi, sianokobalaminni to‘qimalarga yetkazib berilishi transkobalamin II transport oqsili yordamida amalga oshiriladi. Preparatning tarkibiga kiruvchi hamma vitaminlar jigarda metabolizmga uchraydi.
Tiamin va piridoksinni organizmdan chiqarilishi buyrak orqali amalga oshiriladi (taxminan 10% o‘zgarmagan ko‘rinishda chiqariladi).
Sianokobalamin asosan safro bilan chiqariladi, uning buyraklar orqali chiqarilishi 6% dan 30% gachani tashkil qiladi.