
Neyromultivit
- Ishlab chiqaruvchi
- G.L.Pharma GmbH
- Mamlakat
- Avstriya
- Ro‘yxat raqami
- DV/X 00986/11/15
- Ruxsat muddati
- 04.02.2031 gacha
- Saqlash muddati
- 3 yil
- ATX kodi
- A11DB
Neyromultivit nima uchun ishlatiladi
Neyromultivit — B guruhi vitaminlari (tiamin B1, piridoksin B6, sianokobalamin B12) majmuasi. Nerv kasalliklarini kompleks davolashda qo‘llanadi. In’yeksiyani faqat shifokor yoki hamshira mushak ichiga yuboradi.
Polineyropatiya
Turli sabablardan kelib chiqqan ko‘p nervlar zararlanishi (polineyropatiya) — kompleks davolash tarkibida.
Nevrit va nevralgiya
Nervlar yallig‘lanishi va og‘rig‘i, uch shoxli nerv nevralgiyasi, qovurg‘alararo nevralgiya.
Umurtqa kasalliklari tufayli radikulonevrit
Bo‘yin sindromi, qo‘l va bilak sindromi, bel sindromi; ishialgiya.
Qancha va qanday qabul qilinadi
Rasmiy yo‘riqnoma bo‘yicha, 2 ml li ampula (100 mg tiamin, 200 mg piridoksin, 0,24 mg sianokobalamin). In’yeksiyani faqat shifokor yoki hamshira yuboradi.
Kimga mumkin, kimga mumkin emas
Homiladorlik Mumkin emas
Tajriba yo‘q yoki juda cheklangan — homiladorlikda qo‘llanmaydi (qarshi ko‘rsatma).
Emizish davri Mumkin emas
Vitaminlar ona sutiga o‘tadi; B6 ning yuqori miqdori sut ishlab chiqarilishini bosishi mumkin. Emizish yoki davolashdan birini to‘xtatish haqida shifokor qaror qiladi.
Bolalar Mumkin emas
18 yoshgacha mumkin emas.
Tromb va yurak Ehtiyotkorlik bilan
O‘tkir tromboembolik kasalliklarda yuborilmaydi. Tromb hosil bo‘lishiga moyil stenokardiyali bemorlarda va yurak ishemik kasalligida ehtiyotkorlik bilan; qon ivishi nazorat qilinadi.
Jigar Ehtiyotkorlik bilan
Og‘ir jigar shikastlanishida uning faoliyatini yomonlashtirishi mumkin.
Oshqozon yarasi va tahlillar Ehtiyotkorlik bilan
Oshqozon va o‘n ikki barmoqli ichak yarasida ehtiyotkorlik bilan. B12 funikulyar mieloz va pernitsioz kamqonlik belgilarini va tahlillarini o‘zgartirishi mumkin. Ampulada 1 mmol (23 mg) dan kam natriy — «natriysiz».
Haydovchilar Mumkin
Mashina haydash va mexanizmlar bilan ishlashga deyarli ta’sir qilmaydi.
Qo‘llash mumkin bo‘lmagan holatlar
- Dorining faol yoki yordamchi moddalariga yuqori sezuvchanlik
- Eritremiya, eritrotsitoz (qonda eritrotsitlar ko‘pligi)
- Homiladorlik va emizish davri
- B guruhi vitaminlari ortiqchaligi (gipervitaminoz)
- 18 yoshgacha bolalar
- O‘tkir tromboembolik kasalliklar
Tarkibi
2ml li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Dopamin, metoksantron, piridoksalfosfat eritmalari Ehtiyotkorlik
Tiamin eritmasi bilan mos kelmaydi.
L-dopa (levodopa) Ehtiyotkorlik
B6 vitamini uning ta’sirini pasaytirishi mumkin.
Altretamin Ehtiyotkorlik
Piridoksin uning o‘smaga qarshi ta’sirini susaytiradi.
Glimepirid, insulin, glibenklamid + metformin Ehtiyotkorlik
Piridoksin qand tushiruvchi ta’sirini kuchaytiradi.
Askorbin kislotasi, og‘ir metall tuzlari, benzilpenitsillin, dekstroza, riboflavin, fenobarbital Ehtiyotkorlik
Mos kelmaydi.
Lansoprazol, mesalazin, aminoglikozidlar, salitsilatlar, tutqanoqqa qarshi dorilar, kolxitsin, kaliy dorilari Ehtiyotkorlik
B12 vitamini so‘rilishini kamaytiradi.
Epinefrin va norepinefrin Ehtiyotkorlik
Ularning yurakka nojo‘ya ta’siri kuchayishi mumkin.
Ko‘p ichib qo‘ydingizmi?
Faqat juda katta dozalar uzoq vaqt yuborilganda bo‘lishi mumkin. Belgilari: harakat muvozanati buzilishi (ataksiya) bilan neyropatiya, sezgi buzilishi, EEG o‘zgarishlari bilan tutqanoq, gipoxrom kamqonlik, dermatit. Davo: belgilarga qarab.
Neyromultivit narxi
Davlat belgilagan eng yuqori chakana narx (referent narx). Har bir qadoq yonida narx belgilangan sana.
Manba: Farmatsevtika tarmog‘ini rivojlantirish agentligi, referent narxlar ro‘yxati.
Analoglari: piridoksin; sianokobalamin; tiamin
Tarkibida piridoksin; sianokobalamin; tiamin bor 19 ta dori. Almashtirishdan oldin shifokor yoki farmatsevt bilan maslahatlashing.
NeyromultivitTabletka · AvstriyaRetseptsiz
NeyromedKapsula · BelarusRetseptsiz
Neyromed ForteKapsula · BelarusRetseptsiz
Demoton-B 12In’yeksiya · 5ml · GretsiyaRetseptliKo‘p beriladigan savollar
Neyromultivit ukolini o‘zim qilsam bo‘ladimi?
Yo‘q. In’yeksiyani faqat shifokor yoki hamshira mushak ichiga (dumbaning yuqori tashqi qismiga) yuboradi.
Necha marta qilinadi?
Og‘ir, o‘tkir holatlarda kuniga 1 ta ukol belgilar yo‘qolguncha; yengilroq holatlarda haftada 2–3 marta 1 ta ukol.
Homiladorlik va emizishda mumkinmi?
Yo‘q, yo‘riqnomaga ko‘ra homiladorlik va emizish davrida mumkin emas.
Bolalarga qilinadimi?
Yo‘q, 18 yoshgacha mumkin emas.
Uzoq vaqt qilsa zararlimi?
B6 vitamini uzoq muddat yuqori dozada qo‘llansa, nervlar zararlanishi (uvishish) mumkin. Bunday belgilar paydo bo‘lsa, dozani qayta ko‘rib chiqish yoki dorini to‘xtatish lozim.
Rasmiy yo‘riqnoma
Rasmiy yo‘riqnomaning to‘liq matni
Tavsifi
qizil rangli, ko‘rinarli zarrachalarsiz tiniq eritma.
Qo‘llanilishi
Kompleks davolash tarkibida:
- kelib chiqishi turlicha bo‘lgan polineyropatiya
- nevritlar va nevralgiyalar
- umurtqa pog‘onaning degenerativ kasalliklari oqibatidagi radikulonevritlar (bo‘yin sindromi, barmoq va yelka oldi sindromi, bel sindromi)
- ishialgiya
- uchlamchi nervini nevralgiyasi, qovurg‘alararo nevralgiyada qo‘llaniladi.
Qo‘llash usuli va dozalari
Preparatni faqat mushak ichiga yuboriladi (dumba mushagini yuqori tashqi kvadrantiga).
Og‘ir o‘tkir holatlarda sindromni bartaraf qilingunicha kuniga 1 in’eksiya.
Og‘ir bo‘lmagan holatlarda: 1 in’eksiya haftada 2-3 marta.
Qo‘llash mumkin bo‘lmagan holatlar
- preparatni faol yoki yordamchi moddalariga yuqori sezuvchanlik
- eritremiya, eritrositoz
- homiladorlik va laktasiya davri
- V guruhi vitaminlarini gipervitaminozi
- 18 yoshgacha bo‘lgan bolalar yoshida qo‘llash mumkin emas.
Nojo‘ya ta’sirlar
Noxush nojo‘ya ta’sirlarni namoyon bo‘lish tez-tezligi JSST tasnifiga muvofiq keltirilgan: juda tez-tez (>1/10), tez-tez (>1/100, <1/10), tez-tez emas (>1/1000, <1/100), kam hollarda (>1/10000, <1/1000), juda kam hollarda (<1/10000).
Immun tizimi tomonidan buzilishlar
Juda kam hollarda: o‘ta yuqori sezuvchanlik reaksiyalari (masalan, ekzantema, qichishish, hansirash, bronxospazm, anafilaktik shok).
Nerv tizimi tomonidan buzilishlar
Tez-tezligi noma’lum: uzoq kurslar (6 - 12 oydan ko‘p davomiylikdagi) B6 vitaminini 50 mgdan oshadigan sutkalik dozada qo‘llash, periferik sensor neyropatiyani rivojlanishini keltirib chiqarishi mumkin. Tremor.
Yurak-tomir tizimi tomonidan buzilishlar:
Noma’lum: parenteral kobalamin-davolashni boshida gipokaliyemiya tufayli aritmiya (eritropoezni tezda oshganligi natijasida)
Me’da-ichak yo‘llari tomonidan buzilishlar:
Kam hollarda: ko‘ngil aynishi
Noma’lum: me’da-ichak buzilishlari
Teri va teri osti kletchatkasini kasalliklari:
Noma’lum: ekzema, husnbuzarli toshma
Umumiy buzilishlar va yuborish joyida buzilishlar
Obshiye narusheniya i narusheniya v meste vvedeniya
Kam hollarda: bosh og‘rig‘i, vertigo
Noma’lum: in’eksiya joyida mahalliy ta’sirlanish, quyiilishlar, istima, titroq, lohaslik kuzatilishi mumkin.
Maxsus ko‘rsatmalar
Neyromultivit, in’eksiya uchun eritmani boshqa dori preparatlari bilan aralashtirish mumkin emas.
O‘tkir tromboembolik kasalliklarda yuborish mumkin emas. Stenokardiya bilan bo‘lgan tromb hosil bo‘lishiga moyilligi shaxslarda ehtiyotkorlikka rioya qilish kerak.
Qon ivishini nazorat qilish zarur.
Me’da va 12-barmoqli ichakni yara kasalligida, yurak ishemik kasalligida ehtiyotkorlik bilan qo‘llanadi.
Jigarni og‘ir shikastlanishida– uni funksiyasini yomonlashishini chaqirishi mumkin.
B12vitaminini saqlagan preparatlar funikulyaro miyeloz yoki pernisioz anemiyani klinik manzarasini o‘zgartirishi va laborator diagnostikasi natijalariga ta’sir qilishi mumkin
Periferik sensor neyropatiya (paresteziya) simptomlarini yoki belgilarini rivojlanish hollarida, dozani qayta ko‘rib chiqish va agar bu zarur bo‘lsa dori vositasini qo‘llashni to‘xtatish lozim. B6 vitaminini 50 mgdan oshadigan sutkalik dozalarini uzoq qo‘llash (6 - 12 oy davomida) fonida va B6 vitamini bilan sutkada 1 gdan katta dozalarda qisqa muddatli (2 oy davomida) davolash fonida neyropatiya hollari qayd etilgan.
Dori preparati ampulada 1 mmoldan kam natriyni saqlaydi (23 mg), bu «natriysiz» miqdorini bildiradi.
Boshqa dorilar bilan o‘zaro ta’siri
Tiamin eritmasi dopamin, metoksantron, piridoksalfosfat eritmalari bilan nomutanosib.
L-dopani bir vaqtda qo‘llanganda, V6 vitamini uni ta’sirini pasaytirishi mumkin. Piridoksin altretaminni o‘smaga qarshi samarasini susaytiradi.
Piridoksin glimepirid, insulin va glibenklamid+metformin majmuasini gipoglikemik ta’sirini kuchaytiradi.
Sianokobalamin askorbin kislotasi, og‘ir metallarni tuzlari va piridoksalfosfat bilan nomutanosib.
Lansoprazol sianokobalamin so‘rilishini sekinlashtiradi, mesalazinni uni so‘rilishini sekinlashtiradi.
Aminoglikozidlar, salisilatlar, tutqanoqqa qarshi dori vositalari, kolxisin, kaliy preparatlari –V12 vitaminini so‘rilishini pasaytiradi.
Tiamin+piridoksin+sianokobalamin majmuasi askorbin kislotasi, benzilpenisillin, dekstroza, riboflavin, fenobarbital nomutanosib.
Epinefrin va norepinefrin bilan birgalikda qo‘llanganda, ularni yurakka bo‘lgan nojo‘ya ta’sirlari kuchayishi mumkin.
Homiladorlik va emizish davrida
Homiladorlik va laktasiya davri
Hanuzgacha homilador ayollarda bu dori vositasini qo‘llash tajribasi yo‘q yoki faqat juda cheklangan. Shunday qilib, homiladorlik vaqtida ehtiyotkorlik choralari sifatida Neyromultivitni qo‘llashdan saqlanish lozim .
B1, B6 va B12 vitaminlari emizikli ayollarda ko‘krak suti bilan chiqariladi. V6 vitaminini yuqori konsentrasiyalari ko‘krak sutini ishlab chiqarilishini bostiradi. Bu preparatni emizish vaqtida qo‘llash tavsiya qilinmaydi. Neyromultivitni emizishni to‘xtatish yoki davolashni bekor qilish to‘g‘risida qarorni qabul qilish uchun bola uchun emizishni muvofiq afzaliklarini, ona uchun davolashdan bo‘lgan foyda bilan sinchkov solishtirish lozim.
Transport boshqarishga ta’siri
Dori vositasini transport vositalarini yoki potensial xavfli mexanizmarni boshqarish qobiliyatiga ta’sirini o‘ziga xosligi
Neyromultivit avtotransportni boshqarish va qurilmalar bilan ishlash qobiliyatiga ta’sir ko‘rsatmaydi va amalda ta’sir ko‘rsatmaydi.
Dozani oshirib yuborish
Dozani oshirib yuborilishi faqat favqulodda katta dozalarni yuborilgandan keyin uzoq davr davomida paydo bo‘lishi mumkin.
Simptomlari: ataksiya bilan bo‘lgan nevropatiya, sensor funksiyalarni buzilishi, EEG o‘zgarishlari bilan bo‘lgan tirishishlar, gipoxrom anemiya, dermatit kuzatilishi mumkin.
Davolash: simptomatik davolash o‘tkaziladi.
Farmakodinamikasi
Neyromultivit® V guruhi vitaminlarini majmuasini saqlaydi, ular markaziy va periferik nerv tizimining oraliq metabolizmida koenzim sifatida o‘ta zarur. Hamma vitaminlar kabi ular ovqatlanishning ajralmas qismi hisoblanadi va organizmda mustaqil ishlab chiqarilmaydi. Ushbu vitaminlarni terapevtik dozalarda ovqatlanishga qo‘shimcha kiritish har qanday yetishmovchilikni muvozanatlanishiga yordam beradi, shunday qilib koenzimlarni kerakli miqdorini ishlab chiqarilishi ta’minlanadi.
Katta dozalarda birgalikda yuborish, ayniqsa o‘tkir vitamin tanqisligini tuzatish zarur bo‘lganda komponentlarni alohida qo‘llangandagiga qaraganda samaraliroq hisoblanadi.
Nerv tizimini buzilishlarida bu vitaminlarni terapevtik qo‘llash bir tomondan yondosh tanqis holatlarni namoyon bo‘lishiga to‘sqinlik qiladi (ba’zida o‘tkazilgan kasalliklar oqibatida yuqori talab bilan chaqirilgan), shuningdek boshqa tomondan tabiiy mexanizmlarni to‘g‘rilashni rag‘batlantiradi. Xuddi shu vaqtda V guruhi vitaminlari kompleksini og‘riq qoldiruvchi samarasi sog‘lomlashtiruvchi ta’sirini kuchaytiradi.
B1 vitamini
Pirofosfat tiamin B1 vitaminining samarali shakli hisoblanadi va bir nechta fermentlar uchun koferment kabi ta’sir qiladi (masalan, piruvatdegidrogenaza va transketolaza). B1 vitamini muvofiq ravishda asosan uglevod almashinuvida ishtirok etadi, biroq shuningdek lipidlar va aminokislotalarni sintezida ham qatnashadi. Nerv hujayralari energiyani asosan fermentativ okisidlanish va glyukozadan karboksil guruhini ajralib chiqishi hisobiga oladi. Shuning uchun B1 vitaminini yetarli miqdorda olish muhim. Tiamin shuningdek nerv impulslaridan ta’sirlovchilarni o‘tkazilishida rol o‘ynaydi.
B6 vitamini
Piridoksalfosfat, piridoksinni biologik faol shakli bo‘lib, aminokislotalarni metabolizmida asosiy koferment hisoblanadi. U fiziologik faol aminlarni (masalan, serotonin, gistamin, adrenalin) dekarboksil guruhini ajralishi yo‘li bilan hosil bo‘lishida, shuningdek anabolik va katabolik jarayonlarda aminoksilotalarni qaytar o‘tkazilishida ishtirok etadi. Piridoksalfosfat markaziy nerv tizimida, ayniqsa neyrotransmitterlarni fermentativ nazoratlanadigan metabolizmida muhim rol o‘ynaydi. Biosintezni birinchi bosqichida katalizator sifatida sfingozin piridoksalfosfat sfingolipidlarni metabolizmida hal qiluvchi rolni o‘ynaydi. Sfingolipidlar nerv hujayralarini miyelin qobig‘ini muhim komponenti hisoblanadi.
B12 vitamini
V12 vitamini uning faol shaklida (5-dezoksiadenozilkobalamin va metilkobalamin) molekula ichidagi fermentativ katalizlanadigan vodorodli siljishida va metil guruhini molekula ichida o‘tkazilishida ishtirok etadi. B12 vitamini shuningdek metioninni sintezida (nuklein kislotalarini sintezi bilan chambarchas bog‘liq) va lipidlarni metabolizmida propion kislotasini suksinil kislotasiga aylanishi natijasida ishtirok etadi.
V12 vitamini nerv hujayralarini miyelin qobig‘ini komponenti, miyelin asosi oqsilini metil guruhini birikishida ishtirok etadi. Metil guruhini birikishi oqsil-miyelin asosini lipofil xususiyatlarini oshiradi, bu kuchaytirilgan integrasiyasiga yordam beradi.
V1, V6 va V12 vitaminlarini birgalikda qo‘llanilishi
V1, V6 va V12 vitaminlarini o‘zlarini biokimyoviy o‘zaro munosabatlari tufayli nerv tizimini metabolizmi uchun, ham alohida, ham birgalikda alohida ahamiyatga ega. Bundan tashqari ko‘pchilik keksa pasiyentlar, diabetiklar va boshqalar kabi jalb qilingan guruh pasiyentlarda hamma uchta vitaminlarni tanqisligi. Hayvonlardagi tadqiqotlar, V vitamini komplekslarini majmuasi shikastlangan nerv hujayralarini regenerasiya jarayonlarini tezlashtirishini ko‘rsatgan, bu oxir-oqibatda mushaklarni funksiyasini va innervasiyasini yanada tezda tiklanishiga olib keladi. Diabet chaqirilgan kalamushlarda V vitamini komplekslari nervning xarakterli shikastlanishini bartaraf qilgan yoki kamaytirgan, shuning uchun funksional xususiyatlarini yomonlashishiga qarama-qarshi (antineyropatik samara). Kalamushlarda og‘riqni turli modellarida V1, V6 va V12 vitaminlarni yuborish antinosiseptiv samarani ko‘rsatgan. Majmuani samaradorligi alohida yuborilishlarni samaradorligidan oshgan.
Farmakokinetikasi
Preparat V guruhi vitaminlarini majmuasini saqlaydi: tiamin gidroxlorid (vitamin V1), piridoksin gidroxlorid (vitamin V6), sianokobalamin (vitamin V12).
Mushak ichiga yuborilgandan keyin suvda eriydigan vitaminlar organizmada to‘liq o‘zlashtiriladi.
Tiamin gidroxlorid (vitamin V1). Yarim chiqarilish davri taxminan 4 soatni tashkil qiladi. Odam organizimida 30 mg atrofida tiamin to‘planishi mumkin. Tiaminni tez metabolizmini hisobga olgan holda odamni uning zahiralarini saqlab qolish qobiliyati ahamiyatli darajda cheklangan (u 4 dan 10 kungacha bo‘lgan davr davomida chiqariladi).
Piridoksin gidroxlorid (vitamin V6). Vitamin B6 asosan jigarda fosfat kislotasini qoldig‘i bilan qo‘shiladi, bu biologik faol shaklini hosil bo‘lishiga olib keladi. Hujayra membranasini kesib o‘tishi uchun, fosfat kislotasini qoldig‘i bilan qo‘shilgan B6 vitamini ishqoriy fosfataza bilan gidrolizga uchrashi kerak, B6 vitaminini ajralib chiqishi uchun. Hujayraga tashilishi diffuziya orqali yuz beradi, keyinchalik qayta fosfat kislotasini qoldig‘i bilan qo‘shiladi. Piridoksalfosfatni biologik yarim parchalanish davri 15-25 kunni tashkil qiladi. Piridoksin organizmdan maksimum 2-5 soatdan keyin chiqariladi. Odam organizmida bu vitamin 40-150 mg atrofida saqlanishi mumkin. Siydik bilan sutkada 1,7 dan 3,6 mggacha chiqariladi.
Sianokobalamin (vitamin V12). Vitamin B12 past so‘rilish tezligiga ega, u keksa odamlarda, dializdagi pasiyentlarda va kam so‘rilishning boshqa turlari bo‘lgan pasiyentlarda bariatrik operasiyadan keyin qo‘shimcha pasayishi mumkin. Peroral B12 vitaminini to‘yingan faol so‘rilishiga qo‘shimcha maksimal sutkalik taxminan 1,5 mkg dozada B12 vitamini shuningdek passiv diffuziya orqali ham so‘rilishi mumkin. Passiv diffuziya yo‘li bilan so‘riladigan bo‘lak, ist’emol qilinadigan miqdorini jami 1-2% atrofidani tashkil qiladi. Bu bariatrik operasiya qilingan pasiyentlarda yoki boshqa kasalliklar tufayli me’da-ichak yo‘llari orqali so‘rilishi buzilganlarda qo‘shimcha pasayishi mumkin. Bunday pasiyentlar uchun parenteral yuborish maqsadga muvofiq bo‘lishi mumkin. Kobalaminning taxminan 90% plazmada oqsillar (transkobalaminlar bilan) bilan bog‘langan. Plazmada aylanib yurmaydigan B12 vitamini asosan jigarda saqlanadi. Sutkalik ehtiyoj 1 mkg atrofidani tashkil qiladi. B12 aylanish tezligi kuniga 2,5 mkg ni yoki organizmda saqlanadigan umumiy miqdorini 0,05% ni tashkil qiladi.
V12 vitamini asosan safroga chiqariladi va ko‘p qismi enterogepatik sirkulyasiya orqali qayta so‘riladi. Agar organizmdagi saqlangan hajm, ayniqsa parenteral yuborilganda yuqori dozalardan oshsa, ushlab qolinmaydigan qismi siydik bilan chiqariladi.