





Lordes
- Ishlab chiqaruvchi
- ИП ООО Nobel Pharmsanoat
- Mamlakat
- O‘zbekiston
- Ro‘yxat raqami
- DV/M 01617/06/17
- Ruxsat muddati
- 23.08.2030 gacha
- Saqlash muddati
- 2 yil
- ATX kodi
- R06AX13
Lordes nima uchun ishlatiladi
Lordes — allergiyaga qarshi (antigistamin) dori, dezloratadin. Allergik tumov va eshakemi belgilarini yengillatadi; ko‘pchilikda uyquchanlik chaqirmaydi.
Allergik tumov
Allergik tumov (rinit) belgilarini yengillatish.
Eshakemi
Eshakemi (krapivnitsa) belgilarini yengillatish.
Qancha va qanday qabul qilinadi
Rasmiy yo‘riqnoma bo‘yicha, 5 mg li plyonka qobiqli tabletka uchun. Yo‘riqnoma Eslotin 5 mg tabletkasiniki.
Kimga mumkin, kimga mumkin emas
Homiladorlik Ehtiyotkorlik bilan
Ko‘p ma’lumotlarda homilaga zarar aniqlanmagan, lekin ehtiyot chorasi sifatida homiladorlikda ichmaslik tavsiya etiladi.
Emizish davri Ehtiyotkorlik bilan
Dezloratadin emizilayotgan chaqaloq organizmida topilgan, ta’siri noma’lum. Emizishni yoki davolashni to‘xtatish shifokor bilan hal qilinadi.
Bolalar Mumkin emas
12 yoshgacha 5 mg li tabletka qo‘llanmaydi. Yosh bolalar tutqanoqqa ayniqsa sezgir.
Haydovchilar Ehtiyotkorlik bilan
Ko‘pchilikda uyquchanlik bo‘lmaydi, lekin dori sizga qanday ta’sir qilishini bilmaguningizcha mashina haydash va mexanizmlar bilan ishlashdan saqlaning.
Alkogol Ehtiyotkorlik bilan
Tadqiqotda alkogol ta’sirini kuchaytirmagan, lekin alkogolni ko‘tarmaslik va mastlik holatlari xabar qilingan — ehtiyot bo‘ling.
Buyrak Ehtiyotkorlik bilan
Og‘ir buyrak yetishmovchiligida ehtiyotkorlik bilan.
Tutqanoq Ehtiyotkorlik bilan
O‘zingizda yoki oilangizda tutqanoq bo‘lgan bo‘lsa — ehtiyotkorlik bilan. Davolanish paytida tutqanoq bo‘lsa, shifokor dorini to‘xtatishi mumkin.
Qo‘llash mumkin bo‘lmagan holatlar
- Dezloratadinga, loratadinga yoki tabletka tarkibidagi boshqa moddaga yuqori sezuvchanlik (allergiya)
- Ehtiyotkorlik bilan: og‘ir buyrak yetishmovchiligi; o‘zida yoki oilasida tutqanoq bo‘lganlar, ayniqsa yosh bolalar
Tarkibi
5 mg li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Alkogol Ehtiyotkorlik
Alkogolni ko‘tarmaslik va mastlik holatlari xabar qilingan — ehtiyot bo‘ling.
Eritromitsin, ketokonazol Ehtiyotkorlik
Klinik ahamiyatli o‘zaro ta’sir kuzatilmagan.
Ko‘p ichib qo‘ydingizmi?
Dozadan oshirilganda nojo‘ya ta’sirlar odatdagidek, lekin kuchliroq bo‘lishi mumkin. 45 mg gacha (to‘qqiz baravar) dozalarda klinik ahamiyatli ta’sir aniqlanmagan. So‘rilmagan dorini chiqarish choralari, belgilarga qarab va qo‘llab-quvvatlovchi davolash o‘tkaziladi; gemodializ bilan chiqmaydi, peritoneal dializ bilan chiqishi noma’lum.
Analoglari: dezloratadin
Tarkibida dezloratadin bor 25 ta dori. Almashtirishdan oldin shifokor yoki farmatsevt bilan maslahatlashing.
LordesSirop · 2,5 mg/5 ml · Qozog‘istonRetseptsiz
AldesTabletka · 5 mg · TurkiyaRetseptsiz
DeslodinEritma · 0,5 mg · BolgariyaRetseptsizKo‘p beriladigan savollar
Lordesni qanday ichish kerak?
12 yoshdan katta o‘smirlar va kattalarga 1 tabletka kuniga 1 marta, ovqatdan qat’i nazar.
Bolaga berish mumkinmi?
5 mg li tabletka 12 yoshgacha bolalarga qo‘llanmaydi — xavfsizligi aniqlanmagan.
Qancha muddat ichiladi?
Vaqti-vaqti bilan bo‘ladigan allergik tumovda — belgilar o‘tguncha, qaytsa yana. Doimiy allergik tumovda — allergen ta’sir qiladigan davr mobaynida uzluksiz.
Uyquchanlik chaqiradimi?
Ko‘pchilikda yo‘q. Lekin dori sizga qanday ta’sir qilishini bilmaguningizcha mashina haydashdan saqlaning.
Homiladorlikda va emizishda mumkinmi?
Homiladorlikda ehtiyot uchun ichmaslik tavsiya etiladi. Emizish davrida emizishni yoki davolashni to‘xtatish shifokor bilan hal qilinadi.
Lordes bilan alkogol ichsa bo‘ladimi?
Ehtiyot bo‘ling: alkogolni ko‘tarmaslik va mastlik holatlari xabar qilingan.
Rasmiy yo‘riqnoma
Rasmiy yo‘riqnomaning to‘liq matni
Bu dorining o‘z yo‘riqnomasi reyestrda yo‘q, shu ta’sir qiluvchi moddali dori yo‘riqnomasi keltirilgan: Эслотин Таблетки, покрытые пленочной оболочкой 5 мг блистеры №10(1x10) (DV/X 00573/07/15). Doza dorining shakli va miqdoriga qarab farq qilishi mumkin.
Tavsifi
dumaloq, ikki tomonlama qavariq, bir tomonida sindirish uchun risqasi bo‘lgan ko‘k rangli plyonka qobiq bilan qoplangan tabletkalar.
Qo‘llanilishi
Eslotin kattalar va 12 yosh hamda undan katta yoshdagi o‘smirlarni quyidagilar:
allergik rinit;
eshakemi bilan bog‘liq bo‘lgan simptomlarni yengillashtirish uchun ko‘rsatilgan.
Qo‘llash usuli va dozalari
Dozalash
Katta yoshlilar va o‘smirlar (12 yosh va undan katta)
Tavsiya etilgan dozasi: 1 tabletkadan sutkasiga 1 marta.
Vaqti-vaqti bilan kuzatiladigan allergik rinitni (simptomlarni haftada 4 kundan kamroq yoki 4 haftadan kamroq muddat davomida mavjud bo‘lishi) davolash pasiyentning kasallik anamnezini baholash bilan o‘tkazilishi kerak; davolashni simptomlar bartaraf bo‘lganidan so‘ng to‘xtatish va ular takroran rivojlanganidan so‘ng qayta boshlash kerak.
Doimiy avj oluvchi rinitda (simptomlarni haftada 4 yoki undan ko‘p muddat davomida va 4 haftadan ko‘p muddat davomida mavjud bo‘lishi) uzluksiz davolash pasiyentlarga allergenni ta’siri davomida tavsiya etilishi mumkin.
Pediatrik populyasiya
Klinik tadqiqotlarda 12-17 yoshdagi o‘smirlarda dezloratadinni qo‘llash samaradorligi bo‘yicha ma’lumotlar cheklangan. 12 yoshdan kichik bolalarda 5 mg dezloratadin plyonka qobiq bilan qoplangan tabletkalarni qo‘llash havfsizligi va samaradorligi aniqlanmagan.
Qo‘llash usuli
Eslotin ovqat iste’mol qilishdan qat’i nazar ichga qabul qilinadi.
Qo‘llash mumkin bo‘lmagan holatlar
Preparatning faol moddasiga, yordamchi moddalaridan har qandayiga yoki loratadinga yuqori sezuvchanlikda qo‘llash mumkin emas.
Nojo‘ya ta’sirlar
Havfsizlik profili
Qator ko‘rsatmalar yuzasidan, shu jumladan allergik rinit va surunkali idiopatik eshakemini davolash yuzasidan o‘tkazilgan klinik tadqiqotlarda, dezloratadin sutkada
5 mg dozada qo‘llanganida nojo‘ya reaksiyalar plasebo qo‘llangandagiga nisbatan 3% yuqori tezlik bilan kuzatilgan. Uchrash tezligi plasebo qo‘llangandagi uchrash tezligiga nisbatan yuqori bo‘lgan, eng ko‘p kuzatilgan nojo‘ya reaksiyalar bo‘lib toliqish (1,2%), og‘izni qurishi (0,8%) va bosh og‘rig‘i (0,6%) hisoblangan.
Pediatrik populyasiya
12-17 yoshdagi 578 nafar o‘smirlar ishtirok etgan klinik tadqiqotda eng ko‘p kuzatilgan nojo‘ya reaksiya bosh og‘rig‘i bo‘lgan, dezloratadin qabul qilgan 5,9% pasiyentlarda va plasebo qabul qilgan 6,9% pasiyentlarda kuzatilgan.
Nojo‘ya reaksiyalar ro‘yxati
Klinik tadqiqotda plasebo qo‘llangandagiga nisbatan ko‘proq kuzatilgan nojo‘ya reaksiyalar, va preparat ro‘yxatdan o‘tkazilgandan keyingi davrda kuzatilgan boshqa nojo‘ya reaksiyalar quyida keltirilgan. Nojo‘ya reaksiyalarni uchrash tezligini ko‘rsatkichlari quyidagi tarzda aniqlanadi: juda tez-tez (≥1/10); tez-tez (≥1/100, ammo <1/10); tez-tez emas (≥1/1000, ammo <1/100); kam hollarda (≥1/10000, ammo <1/1000); juda kam hollarda (<1/10000); uchrash tezligi noma’lum (mavjud ma’lumotlar asosida baholash mumkin emas).
Metabolizm va oziqlantirish tomonidan:
tez-tezligi noma’lum – ishtahani kuchayishi.
Psixikani buzilishlari:
juda kam hollarda – gallyusinasiyalar;
tez-tezligi noma’lum – anomal xulq-atvor, agressiya, depressiya.
Nerv tizimi tomonidan:
tez-tez – bosh og‘rig‘i;
juda kam hollarda – bosh aylanishi, uyquchanlik, uyqusizlik, psixomotor giperfaollik, tirishishlar.
Ko‘rish organidan: chastotasi noma’lum - quruq ko‘zlar.
Yurak tomonidan:
juda kam hollarda – taxikardiya, palpitasiya;
tez-tezligi noma’lum – QT oralig‘ini uzayishi.
Me’da-ichak yo‘llari tomonidan:
tez-tez – og‘izni qurishi;
juda kam hollarda – qorinda og‘riq, ko‘ngil aynishi, qusish, dispepsiya, diareya.
Jigar va o‘t chiqarish yo‘llari tomonidan:
juda kam hollarda - jigar fermentlarining darajasini oshishi, bilirubinning darajasini oshishi, gepatit;
tez-tezligi noma’lum – sariqlik.
Teri va teri osti to‘qimalari tomonidan:
tez-tezligi noma’lum – yorug‘likka sezuvchanlik reaksiyalari.
Skelet-mushak va biriktiruvchi to‘qimalar tomonidan:
juda kam hollarda – mialgiya.
Umumiy buzilishlar va qo‘llash usuli bilan bog‘liq bo‘lgan buzilishlar:
tez-tez – charchoqlik;
juda kam hollarda – o‘ta yuqori sezuvchanlik reaksiyalari (anafilaksiya, angionevrotik shish, hansirash, qichishish, toshma va eshakemi kabilar);
tez-tezligi noma’lum – asteniya.
Laborator va instrumental ma’lumotlar:
tez-tezligi noma’lum – tana vaznini oshishi.
Pediatrik populyasiya
Preparat pediatriya amaliyotida ro‘yxatdan o‘tkazilgandan keyingi davrda qo‘llanganida noma’lum uchrash tezligi bilan kuzatilgan boshqa nojo‘ya reaksiyalar QT oralig‘ini uzayishi, aritmiya, bradikardiya, anomal xulq-atvor va tajovuzlikdan iborat bo‘lgan.
Retrospektiv kuzatuv xavfsizligi tadqiqoti dezloratadin qabul qilgan 0 dan 19 yoshgacha bo‘lgan pasiyentlarda yangi boshlangan tutqanoqlar darajasi dezloratadin qabul qilmagan davrlarga nisbatan oshganligini ko‘rsatdi. 0 dan 4 yoshgacha bo‘lgan bolalar orasida tuzatish kiritilgan mutlaq o‘sish 100 000 inson-yilga (IY) 37,5 (95% ishonch oralig‘i (IO)
10,5-64,5) ni tashkil etdi, bu yangi boshlangan tirishishlarning boshlang‘ich darajasi
100 000 IY ga 80,3 ni tashkil etdi. 5 yoshdan 19 yoshgacha bo‘lgan pasiyentlar orasida tuzatish kiritilgan mutlaq o‘sish 100 000 IY ga 36,4 boshlang‘ich darajasidan 100 000 IY ga
11,3 (95% IO 2,3-20,2) ni tashkil etdi.
Shubha qilingan noxush reaksiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan noxush reaksiyalar haqida xabarlar muhim hisoblanadilar. Pasiyentda dori vositasiga nisbatan jiddiy noxush reaksiya aniqlanganida yoki ushbu bo‘limda ta’riflanmagan yangi noxush reaksiya paydo bo‘lganida Milliy farmakonazorat tizimiga muvofiq ravishda xabar berishingizni so‘raymiz.
Maxsus ko‘rsatmalar
Buyrak funksiyasini buzilishi
Og‘ir darajadagi buyrak yetishmovchiligida Eslotin preparatini ehtiyotkorlik bilan qo‘llash kerak.
Tirishishlar
Shaxsiy yoki oilaviy anamnezida tirishishlari bo‘lgan pasiyentlarda, ayniqsa kichik yoshdagi bolalarda, dezloratadinni ehtiyotkorlik bilan qo‘llash kerak, chunki ularni dezloratadin bilan davolashda ular yangi tirishish hurujlarini rivojlanishiga yanada sezgir hisoblanadilar.
Shifokor davolanish vaqtida tirishishlar rivojlanadigan pasiyentlarda dezloratadinni bekor qilish ehtimolini ko‘rib chiqishi mumkin.
Boshqa dorilar bilan o‘zaro ta’siri
Klinik tadqiqotlarda dezloratadin tabletkalari eritromisin yoki ketokonazol bilan bir vaqtda qo‘llanganida klinik ahamiyatli o‘zaro ta’sirlar kuzatilmagan.
Pediatrik populyasiya
O‘zaro ta’sirlar tadqiqotlar faqat katta yoshlilarda o‘tkazilgan.
Klinik farmakologik tadqiqotda alkogol bilan bir vaqtda qabul qilingan dezloratadin turli masalalarni bajarish qobiliyatiga nisbatan alkogolning salbiy samaralarini kuchaytirmagan. Biroq preparat ro‘yxatdan o‘tkazilgandan keyingi qo‘llash davrida alkogolni o‘zlashtirolmaslik va zaharlanish holatlari xaqida xabar berilgan. Shu sababli bir vaqtda alkogol iste’mol qilinganida ehtiyotkorlikka rioya qilish tavsiya etiladi.
Homiladorlik va emizish davrida
Homiladorlik.
Homilador ayollarda olingan ma’lumotlarning katta miqdori (homiladorlikning 1000 dan ortiq holatlari) dezloratadinning malformativ yoki feto/ neonatal toksikligi yo‘qligi ko‘rsatadi.
Hayvonlarda o‘tkazilgan tadqiqotlarda reproduktiv toksiklik bilan bog‘liq bo‘lgan bevosita yoki bilvosita zararli samaralari borligini ko‘rsatmaydi. Ehtiyotkorlik chorasi sifatida homiladorlik vaqtida preparatni qo‘llashdan saqlanish tavsiya etiladi.
Laktasiya.
Preparat bilan davolangan onalar emizadigan yangi tug‘ilgan chaqaloqlar/go‘daklarning organizmida dezloratadin aniqlangan. Dezloratadinni yangi tug‘ilgan chaqaloqlar/go‘daklarga ta’siri noma’lum. Bola uchun emizishdan kutiladigan foyda va ona uchun davolashdan kutiladigan foydani inobatga olib, emizishni to‘xtatish yoki Eslotin preparati bilan davolashni to‘xtatish/bekor qilish masalasini ko‘rib chiqish kerak.
Fertillik. Erkaklar va ayollar fertilligiga nisbatan ma’lumotlar mavjud emas.
Transport boshqarishga ta’siri
Klinik tadqiqotlarga asoslanib, dezloratadinni avtotransportni haydash va mexanizmlarni boshqarish qobiliyatga ta’sir qilmasligi yoki ahamiyatsiz ta’sir qilishi aniqlangan. Ko‘pchilik holatlarda uyquchanlik kuzatilmasligi xaqida pasiyentlarga ma’lumot berish kerak. Shunday bo‘lsa-da, barcha dori preparatlariga javob reaksiyasi individual turlicha bo‘lganligi tufayli, pasiyentlarda preparatga nisbatan shaxsiy javob reaksiyasi aniqlanmagunicha, ularga avtomobilni haydash yoki mexanizmlarni boshqarish kabi diqqatni yuqori darajada jamlashni talab etuvchi faoliyat turlarini bajarishdan saqlanish tavsiya etiladi.
Dozani oshirib yuborish
Preparat ro‘yxatdan o‘tkazilgandan keyingi qo‘llash davrida, dozasi oshirib yuborilganda aniqlangan nojo‘ya reaksiyalar profili terapevtik dozalarda qo‘llangandagi havfsizlik profili bilan o‘xshash, ammo samaralarni namoyon bo‘lish darajasi yuqoriroq bo‘lishi mumkin.
Simptomlari. Ko‘p martalik dozalarini qo‘llash bilan o‘tkazilgan klinik tadqiqotlarga asoslanib, dezloratadin 45 mg gacha (klinik dozalaridan 9 barobar ortiq) dozalarda qo‘llanganida klinik ahamiyatli samaralari aniqlanmagan.
Davolash. Dozasi oshirib yuborilganida so‘rilmagan faol moddani organizmdan chiqarib yuborish uchun standart davolash choralarini bajarish lozim. Simptomatik va qo‘llab quvvatlovchi davolash o‘tkazish tavsiya etiladi.
Dezloratadin gemodializ jarayonida organizmdan chiqarilmaydi; uni peritoneal dializda organizmdan chiqarilishi noma’lum.
Pediatriya populyasiyasi. Preparat ro‘yxatdan o‘tkazilgandan keyingi qo‘llash davrida, dozasi oshirib yuborilganda aniqlangan nojo‘ya reaksiyalar profili terapevtik dozalarda qo‘llangandagi havfsizlik profili bilan o‘xshash, ammo samaralarni namoyon bo‘lish darajasi yuqoriroq bo‘lishi mumkin.
Farmakodinamikasi
Ta’sir mexanizmi
Dezloratadin periferik H1-reseptorlarga nisbatan selektiv antagonistik faollikka ega bo‘lgan, gistaminning nosedativ uzoq ta’sir etuvchi antagonisti hisoblanadi. Ichga qabul qilinganidan so‘ng dezloratadin markaziy nerv tizimiga o‘tmaganligi sababli periferik H1-gistamin reseptorlarini selektiv bloklaydi.
Dezloratadin in vitro sharoitida o‘tkazilgan tadqiqotlarda allergiyaga qarshi hususiyatlarni namoyish etgan. Ular odamning mastositlari/bazofil hujaylaridan IL-4, IL-6, IL-8 va IL-13 kabi yallig‘lanish oldi sitokinlarini ajralib chiqishini ingibisiya qilishdan, shuningdek P-selektinning adgeziv molekulasini endotelial hujayralarga ekspressiyasini ingibisiya qilishdan iborat.
Klinik samaradorlik va xavfsizlik
Dezloratadin 14 kun davomida kuniga 20 mg gacha dozalarda qabul qilingan ko‘p dozali klinik tadqiqotda statistik jihatdan ahamiyatli yurak-qon tomir ta’siri kuzatilmadi. Dezloratadin 10 kun davomida sutkasiga 45 mg dozada (klinik dozadan to‘qqiz baravar ko‘p) qabul qilingan klinik farmakologiya tadqiqotida QTc oralig‘ining oshishi kuzatilmadi.
Ketokonazol va eritromisin bilan ko‘p dozali o‘zaro ta’sir tadqiqotlarida dezloratadinning plazmadagi konsentrasiyasida klinik jihatdan ahamiyatli o‘zgarishlar kuzatilmadi.
Farmakodinamik ta’sirlar
Dezloratadin markaziy asab tizimiga zaif kiradi. Sutkasiga 5 mg tavsiya etilgan dozada o‘tkazilgan nazorat ostidagi klinik tadqiqotlarda plasebo bilan solishtirganda uyquchanlikning ortiqcha darajasi kuzatilmadi. Sutkasiga bir marta 7,5 mg dozada qabul qilingan dezloratadin klinik tadqiqotlarda psixomotor ko‘rsatkichlarga ta’sir qilmadi. Katta yoshlilarda bir martalik dozada o‘tkazilgan tadqiqotda, 5 mg dozada dezloratadin standart parvoz samaradorligi ko‘rsatkichlariga, jumladan, sub’ektiv uyquchanlikning kuchayishiga yoki parvoz bilan bog‘liq vazifalarni bajarishga ta’sir qilmadi.
Klinik farmakologiya tadqiqotlarida alkogol bilan bir vaqtda qabul qilish alkogol keltirib chiqaradigan ish faoliyatining pasayishi yoki uyquchanlikni oshirmadi. Dezloratadin va plasebo guruhlari o‘rtasida psixomotor ish faoliyatini tekshirish natijalarida, yakka holda ham, alkogol bilan ham sezilarli farqlar topilmadi.
Allergik rinit bilan og‘rigan pasiyentlarda dezloratadin aksirish, burundan oqindi va burun qichishishi kabi simptomlarni, shuningdek, ko‘z qichishishi, yosh oqishi, qizarish va tanglay qichishishini yengillashtirishda samarali bo‘ldi. Dezloratadin 24 soat davomida simptomlarni samarali nazorat qildi.
Bolalar
Dezloratadin tabletkalarining samaradorligi 12 yoshdan 17 yoshgacha bo‘lgan o‘smirlarda o‘tkazilgan tadqiqotlarda aniq ko‘rsatilmagan.
Mavsumiy va yil davomida kuzatiladigan allergik rinitga bo‘linganidan tashqari, allergik rinit simptomlarning davomiyligiga qarab intermittirlovchi (davriy) allergik rinit va persistirlovchi (doimiy) allergik rinit sifatida ham tasniflanishi mumkin. Davriy bilan allergik rinit haftada 4 kundan kam yoki 4 haftadan kam vaqt davomida simptomlarning mavjudligi sifatida belgilanadi. Doimiy allergik rinit haftada 4 yoki undan ko‘p kun davomida 4 haftadan ortiq vaqt davomida simptomlarning mavjudligi sifatida belgilanadi.
Dezloratadin mavsumiy allergik rinit yukini yengillashtirishda samarali bo‘ldi, bu rinokon’yunktivit hayot sifati so‘rovnomasining umumiy ko‘rsatkich bilan namoyish etilgan. Eng sezilarli yaxshilanishlar amaliy muammolar va simptomlar bilan cheklangan kundalik faoliyat sohalarida aniqlandi.
Surunkali idiopatik eshakemi holatlarining klinik modeli sifatida o‘rganilgan, chunki asosiy patofiziologiya etiologiyasidan qat’i nazar o‘xshash va surunkali kasallikka chalingan pasiyentlarni tadqiqotlarga istiqbolli ravishda yozilish osonroq. Gistaminning ajralib chiqishi barcha eshakemi holatlarida sababchi omil bo‘lgani uchun, klinik ko‘rsatmalardagi tavsiyalarga asoslanib, desloratadin surunkali idiopatik eshakemidan tashqari boshqa eshakemi holatlarida ham simptomatik yengillik berishda samarali bo‘lishi kutilmoqda.
Surunkali idiopatik eshakemi bilan og‘rigan pasiyentlarda o‘tkazilgan ikkita plasebo nazoratidagi olti haftalik tadqiqotlarda dezloratadin birinchi dozalash oralig‘i oxiriga kelib qichishishni yengillashtirishda va toshmalar hajmi va sonini kamaytirishda samarali bo‘lgan. Har bir tadqiqotda ta’sir 24 soatlik dozalash oralig‘ida saqlanib qolgan. Surunkali idiopatik eshakemi uchun boshqa antigistaminlarni o‘rganishda bo‘lgani kabi, antigistamin terapiyasiga javob bermagan pasiyentlarning oz qismi chiqarib tashlangan. Dezloratadin qabul qilgan pasiyentlarning 55% da qichishishning 50% dan ortiq yaxshilanishi kuzatilgan, plasebo qabul qilgan pasiyentlarning 19% ga nisbatan. Dezloratadin tabletkalari bilan davolash, shuningdek, ushbu o‘zgaruvchilarni baholash uchun ishlatiladigan to‘rt balli shkala bo‘yicha o‘lchangan uyqu va kunduzgi faollikka ta’sirini sezilarli darajada kamaytirdi.
Farmakokinetikasi
So‘rilishi.
Dezloratadinning plazmadagi konsentrasiyasi qabul qilinganidan so‘ng
30 minut davomida aniqlanishi mumkin. Dezloratadin yaxshi so‘riladi, va maksimal konsentrasiyasiga taxminan 3 soatdan keyin erishadi; terminal yarim chiqarilish davri taxminan 27 soatni tashkil etadi. Dezloratadinni to‘planish darajasi yarim chiqarilish davriga (taxminan 27 soat) va sutkada bir marta dozalash tezligiga muvofiq kelgan. Dezloratadinning biokiraolishligi 5 mg dan 20 mg gacha bo‘lgan dozalar diapazonida dozaga proporsional bo‘lgan.
Pasiyentning demografik ma’lumotlari mavsumiy allergik rinit bo‘lgan umumiy populyasiyadagi ma’lumotlar bilan muvofiq kelgan farmakokinetik tadqiqotda, 4% sub’ektlarda dezloratadinni yanada yuqori konsentrasiyasiga erishilgan. Ushbu foizda ko‘rsatilgan qiymat irqiy mansublikka muvofiq ravishda o‘zgarishi mumkin.
Dezloratadinning maksimal konsentrasiyasi, terminal yarim chiqarilish davri taxminan 89 soat bo‘lganida taxminan 7 soatdan keyin taxminan 3 barobar yuqori bo‘lgan. Ushbu sub’ektlarda havfsizlik profili umumiy populyasiyadagi havfsizlik profilidan farq qilmagan.
Taqsimlanishi.
Dezloratadin plazma oqsillari bilan o‘rtacha darajada (83-87%) bog‘lanadi. Dezloratadin sutkada bir marta (5 mg dan 20 mg gacha) 14 kun davomida qabul qilinganidan so‘ng preparatni klinik ahamiyatli to‘planish belgilari bo‘lmaydi.
Biotransformasiyasi.
Dezloratadinni metabolizmi uchun javobgar ferment aniqlanmagan, shuning uchun boshqa dori preparatlari bilan ayrim o‘zaro ta’sirlarini butunlay istisno qilish mumkin emas. Dezloratadin in vivo sharoitida CYP3A4 izofermentini ingibisiya qilmaydi, in vitro sharoitida o‘tkazilgan tadqiqotlarda, preparat CYP2D6 izofermentini ingibisiya qilmasligi va P-glikoproteinning substrati ham, ingibitori ham emasligi ko‘rsatilgan.
Chiqarilishi.
7,5 mg dezloratadinni qo‘llash bilan o‘tkazilgan bir dozalik tadqiqotda dezloratadinni taqsimlanishiga ovqatni ta’siri (yog‘larning miqdori yuqori bo‘lgan yuqori kaloriyali nonushta) kuzatilmagan.
Boshqa tadqiqotda greypfrut sharbati dezloratadinni taqsimlanishiga ta’sir ko‘rsatmagan.
Buyrak funksiyasini buzilishi bo‘lgan pasiyentlar
Surunkali buyrak yetishmovchiligi (SBE) bo‘lgan pasiyentlarda dezloratalinning farmakokinetikasi bitta bir dozali klinik tadqiqotda va bitta ko‘p dozali klinik tadqiqotda sog‘lom sub’ektlardagi farmakokinetikasi bilan solishtirilgan. Bir dozali tadqiqotda yengil yoki o‘rtacha SBE bo‘lgan sub’ektlarda dezloratadinning ekspozisiyasi sog‘lom sub’ektlarga nisbatan muvofiq ravishda taxminan 2 va 2,5 barobar yuqori bo‘lgan. Ko‘p dozali tadqiqotda muvozanat holatiga 11-kundan keyin erishilgan, dezloratadinning ekspozisiyasi esa sog‘lom sub’ektlarga nisbatan yengil yoki o‘rtacha SBE bo‘lgan sub’ektlarda taxminan 1,5 barobar yuqori bo‘lgan va og‘ir darajadagi SBE bo‘lgan sub’ektlarda taxminan 2,5 barobar yuqori bo‘lgan. Har ikkala tadqiqotlarda dezloratadin va 3-gidroksi-dezloratadinning ekspozisiyasini (AUC va Cmax) o‘zgarishi klinik ahamiyatli bo‘lmagan.