
Lordes
- Ishlab chiqaruvchi
- АО Нобел Алматинская Фармацевтическая Фабрика
- Mamlakat
- Qozog‘iston
- Ro‘yxat raqami
- DV/X 07008/11/19
- Ruxsat muddati
- 01.07.2030 gacha
- Saqlash muddati
- 3 yil
- ATX kodi
- R06AX27
Lordes nima uchun ishlatiladi
Lordes — allergiyaga qarshi sirop (antigistamin, ta’sir qiluvchi moddasi dezloratadin). Aksirish, tumov, burun bitishi, ko‘z qichishi va yoshlanishi, teri qichishi va toshmasini kamaytiradi.
Pollinoz va allergik tumov
Mavsumiy pollinoz va yil bo‘yi davom etadigan allergik rinit: aksirish, burundan suv kelishi, burun qichishi va bitishi, ko‘z qichishi va qizarishi, ko‘z yoshlanishi, tanglay qichishini kamaytiradi.
Surunkali eshakemi
Surunkali idiopatik eshakemida teri qichishi va toshmasini kamaytiradi.
Qancha va qanday qabul qilinadi
Rasmiy yo‘riqnoma bo‘yicha, 2,5 mg/5 ml sirop uchun (saytdagi yo‘riqnoma ta’sir qiluvchi moddasi va miqdori xuddi shunday bo‘lgan «Delorin» siropiniki). Kuniga 1 marta ichiladi.
Kimga mumkin, kimga mumkin emas
Homiladorlik Mumkin emas
Yo‘riqnomada homiladorlik mumkin bo‘lmagan holatlar qatorida. Homiladorlikda xavfsizligi bo‘yicha ma’lumot yo‘q; yo‘riqnomaning boshqa bo‘limida — faqat onaga foydasi homilaga xavfdan ustun bo‘lsa, shifokor qaroriga ko‘ra.
Emizish davri Mumkin emas
Ona sutiga o‘tadi — mumkin emas. Dori ichilsa, emizish to‘xtatiladi.
Bolalar Ehtiyotkorlik bilan
6 oylikdan beriladi, 6 oylikkacha mumkin emas. Doza yoshga qarab tanlanadi.
Haydovchilar Mumkin
Mashina haydash va tez reaksiya talab qiladigan ishlarga ta’sir qilmaydi.
Alkogol Mumkin
Dezloratadin alkogolning asab tizimiga ta’sirini kuchaytirmaydi.
Buyrak Ehtiyotkorlik bilan
Og‘ir buyrak yetishmovchiligida ehtiyotkorlik bilan.
Qandli diabet va fruktoza Ehtiyotkorlik bilan
Qandli diabetda ehtiyotkorlik bilan — qand tushiruvchi dorilar dozasini o‘zgartirish kerak bo‘lishi mumkin. Fruktozani ko‘tara olmaslikda mumkin emas. Ilgari tutqanoq bo‘lganlarda ehtiyotkorlik bilan.
Qo‘llash mumkin bo‘lmagan holatlar
- Dori tarkibidagi moddalarga yuqori sezuvchanlik
- Homiladorlik va emizish davri (ona sutiga o‘tadi)
- 6 oylikkacha bolalar
- Fruktozani ko‘tara olmaslik
- Ehtiyotkorlik bilan: og‘ir buyrak yetishmovchiligi, ilgari tutqanoq bo‘lgan bemorlar, qandli diabet
Tarkibi
2,5 mg/5 ml li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Ketokonazol, eritromitsin, azitromitsin, fluoksetin, simetidin Ehtiyotkorlik
Birga ko‘p marta ichilganda dezloratadin miqdorida sezilarli o‘zgarish aniqlanmagan.
Qand tushiruvchi dorilar Ehtiyotkorlik
Qandli diabetda ularning dozasini o‘zgartirish kerak bo‘lishi mumkin.
Ko‘p ichib qo‘ydingizmi?
Belgilari: nojo‘ya ta’sirlarning kuchayishi. Oshqozon yuviladi, so‘ng faollashtirilgan ko‘mir beriladi, kerak bo‘lsa belgilar bo‘yicha davolanadi. Gemodializ samarasiz, peritoneal dializ samarasi aniqlanmagan.
Analoglari: dezloratadin
Tarkibida dezloratadin bor 25 ta dori. Almashtirishdan oldin shifokor yoki farmatsevt bilan maslahatlashing.
LordesTabletka · 5 mg · O‘zbekistonRetseptsiz
AldesTabletka · 5 mg · TurkiyaRetseptsiz
DeslodinEritma · 0,5 mg · BolgariyaRetseptsizKo‘p beriladigan savollar
Bolaga Lordes siropidan necha ml berish kerak?
6–12 oylik — 2 ml; 1–5 yosh — 2,5 ml; 6–11 yosh — 5 ml; 12 yoshdan katta va kattalar — 10 ml. Hammasi kuniga 1 marta.
6 oylikkacha chaqaloqqa berish mumkinmi?
Yo‘q, 6 oylikkacha mumkin emas.
Lordesni necha kun ichish kerak?
Kasallikka bog‘liq: mavsumiy pollinozda belgilar yo‘qolguncha; yil bo‘yi allergik rinitda allergen bilan aloqa davom etgan davr mobaynida uzluksiz.
Homiladorlikda yoki emizishda ichsa bo‘ladimi?
Yo‘riqnomada homiladorlik va emizish mumkin bo‘lmagan holatlar qatorida. Ona sutiga o‘tadi — ichilsa, emizish to‘xtatiladi.
Lordes uyqu keltiradimi?
Uyquchanlik juda kam uchraydi. Dori mashina haydashga ta’sir qilmaydi.
Rasmiy yo‘riqnoma
Rasmiy yo‘riqnomaning to‘liq matni
Bu dorining o‘z yo‘riqnomasi reyestrda yo‘q, shu ta’sir qiluvchi moddali dori yo‘riqnomasi keltirilgan: ДЕЛОРИН Сироп 0,5мг/мл 50мл флаконы полимерные В комплекте с мерная ложка или стаканчик 1 (DV/M 05628/04/26). Doza dorining shakli va miqdoriga qarab farq qilishi mumkin.
Tavsifi
Yalpiz xidli, shirin ta’mli, pushti rangli, tiniq suyuqlik.
Qo‘llanilishi
- mavsumiy pollinoz va yil bo‘yi allergik rinit (aksirishni yengilashtiradi yoki bartaraf etadi, burundan shilliqning chiqarilishini, burun qichishishi va bitishi, ko‘zlarning qizarishi va qichishishi, ko‘z yoshining oqishini, tanglayning qichishishini bartaraf qiladi yoki yengillashtiradi);
- surunkali idiopatik eshakemi (terining qichishini va toshmani kamaytirish yoki bartaraf qilish).
Qo‘llash usuli va dozalari
6 dan 12 oylikkacha bolalarga: 2 ml sirop (1,0 mg) kuniga bir marta.
1 yoshdan 5 yoshgacha bo‘lgan bolalarga: 2,5 ml sirop (1,25 mg) sutkada 1 marta;
6 dan 11 yoshgacha bo‘lgan bolalarga: 5 ml sirop (2,5 mg) sutkada 1 marta;
Kattalar va 12 yoshdan oshgan o‘smirlarga: 10 ml sirop (5 mg) sutkada 1 marta.
Davolash kursi va qabul qilishning davomiyligi kasallikning xarakteri bilan belgilanadi. Mavsumiy pollinozni davolashda preparatni qabul qilish kasallikning belgilari yo‘qolganidan keyin to‘xtatiladi. Yil davomidagi allergik rinitni davolashda preparat uzluksiz, pasiyentni allergen bilan kontaktini butun davri davomida qo‘llanadi.
Qo‘llash mumkin bo‘lmagan holatlar
-Preparatning komponentlariga o‘ta yuqori sezuvchanlik;
-Homiladorlik, ko‘krak bilan emizish davri (ko‘krak suti bilan ajraladi);
-6 oygacha bo‘lgan bolalar yoshi;
-Fruktozani o‘zlashtiraolmaslik.
Ehtiyotkorlik bilan:
-Og‘ir buyrak yetishmovchiligi;
-Anamnezda tirishishlar bo‘lgan pasiyentlar.
Nojo‘ya ta’sirlar
6 oydan 23 oygacha bo‘lgan bolalarda quyidagi nojo‘ya ta’sirlar kuzatilgan: diareya, tana haroratining ko‘tarilishi, uyqusizlik. 12 - 17 yoshgacha bo‘lgan bolalarda tez-tez bosh og‘rig‘i, toliqish, og‘iz qurishi kuzatiladi.
Markaziy nerv tizimi tomonidan | Tez-tez: asteniya Kam hollarda: bosh og‘rig‘i Juda kam: bosh aylanishi, uyquchanlik, psixomotor giperfaollik, tutqanoqlar |
Ruxiy xolat tomonidan | Gallyusinasiya, anomal xulq, agressiya. |
Yurak-qon tomir tizimi tomonidan | Juda kam: Taxikardiya, yurak urishini sezish, tez-tezligi noma’lum: QT intervalining uzayishi |
Me’da-ichak trakti tomonidan | Kam hollarda: og‘iz qurishi (2 yoshgacha bo‘lgan bolalarda) Juda kam: qorin og‘rig‘i, ko‘ngil aynishi, qusish, dispepsiya, diareya, ishtaxaning ko‘tarilishi, tana vaznining oshishi. |
Jigar va o‘t yo‘llari tomonidan | Juda kam: jigar fermentlari faolligining oshishi, bilirubin darajasining oshishi, gepatit rivojlanishi |
Suyak-mushak va biriktiruvchi to‘qima tomonidan | Juda kam: mialgiya |
Umumiy buzilishlar | Tez-tez: toliqishning oshishi, isitma (2 yoshgacha bo‘lgan bolalarda) Juda kam: Anafilaksiya, Kvinke shishi, qichishish, toshma, eshakemi, nafas qisishi |
Maxsus ko‘rsatmalar
Og‘ir buyrak yetishmovchiligi bo‘lgan bemorlarda ehtiyotkorlik bilan qo‘llandi.
Preparat sirop shaklida qandli diabeti bo‘lgan bemorlarga ehtiyotkorlik bilan buyuriladi, chunki gipoglikemik vositalarning dozasini to‘g‘rilash talab qilinishi mumkin. 6 oylikkacha bo‘lgan bolalarda qo‘llashning samaradorligi va xavfsizligi isbotlanmagan.
Pediatriyada qo‘llanilishi
6 oygacha bo‘lgan bolalarda dezloratadinning samaradorligi va xavfsizligi aniqlanmagan
Isitilmasin va muzlatilmasin!
Boshqa dorilar bilan o‘zaro ta’siri
Dezloratadin ketokonazol, eritromisin, azitromisin, fluoksetin, simetidin bilan ko‘p marta birga qo‘llanganida dorilarning o‘zaro ta’siri o‘rganilganida, dezloratadinning plazmadagi konsentrasiyasini klinik ahamiyatli o‘zgarishlari aniqlanmagan. Dezloratadin alkogolning markaziy nerv tizimiga bo‘lgan ta’sirini kuchaytirmaydi.
Homiladorlik va emizish davrida
Xomiladorlik vaqtida qo‘llashning xavfsizligi bo‘yicha klinik ma’lumotlar yo‘q, shuning uchun preparatni homiladorlikda faqat ona uchun kutiladigan foyda, homila uchun bo‘lgan potensial xavfdan ustun bo‘lgan hollarda qo‘llash mumkin. Dezloratadin ko‘krak sutiga o‘tadi, shuning uchun qo‘llash davrida emizishni to‘xtatish kerak.
Transport boshqarishga ta’siri
Preparat avtomobilni boshqarish va tezkor psixomotor reaksiyalarni talab qiluvchi ishlarni bajarish qobiliyatiga ta’sir qilmaydi.
Dozani oshirib yuborish
Belgilari: nojo‘ya reaksiyalarining yaqqolligini kuchayishi.
Davolash: keyinchalik faollashtirilgan ko‘mirni qabul qilish bilan me’dani yuvish, zarurati bo‘lganida – simptomatik davolash. Gemodializ samarasiz. Peritoneal dializni samaradorligi aniqlanmagan.
Farmakodinamikasi
Preparat antigistamin, allergiyaga qarshi va yallig‘lanishga qarshi ta’sir qo‘rsatadi, uyquchanlik chaqirmaydi. Ichga qabul qilinganida dezloratadin (loratadinning birlamchi faol metoboliti) periferik gistamin N1-reseptorlarini selektiv bloklaydi. Sitostatik reaksiyalar ketma-ketligini: yallig‘lanishga qarshi sitokinlarni, shu jumladan interleykin-4 (IL-4), interleykin-6 (IL-6), interleykin-8 (IL-8), interleykin-13 (IL-13), yallig‘lanishga qarshi xemokinlarning RANTES turi, chiqarilishini, polimorf yadroli neytrofillar bilan faollashtirilgan superoksid anionlarning hosil bo‘lishini, eozinofillar adgeziyasini va xemotoksisini, adgeziya molekulalarining ekspressiyasini, shu jumladan R-selektinni, lgE-orqali gistaminni, D2 prostaglandinni va S4 leykotriyenni chiqarilishni bostiradi.
Farmakokinetikasi
Kattalar va o‘smirlar Dezloratadin qabul qilgandan 30 daqiqadan so‘ng qon plazmasida aniqlanadi. Dezloratadin OIS dan yaxshi absorbsiyalanadi, qondagi Cmax taxminan 3 soatdan so‘ng erishiladi. T1/2 o‘rtacha hisobda 27 soatni (20-30s.) tashkil etadi. Plazmaning oqsillari bilan 83-87%-ga birikadi. 14 kun mobaynida sutkasiga 1 mahal 5mg-dan 20mg dozasida kattalar va o‘smirlarga berilganda, preparatning kumulyasiyasi kuzatilmadi. Dezloratadin sutkasiga 1 mahal 7,5 mg dozada ovqat va greypfrut soki bilan bir vaqtda qabul qilinganda, dori vositaning organizmda tahsimlanishiga ta’sir etmadi. Dezloratadin CYP3A4 va SYP2D6 ingibitori, P-glikoproteina ingibitori yoki substrati hisoblanmaydi. Dezloratadin organizmda biotransformasiyalanadi, bunda gidroksillanish natijasida glyukuronid bilan birikkan 3-ON-dezloratadin hosil bo‘ladi. Oz miqdordagi preparat o‘zgarmagan xolda buyrak va ichak orqali ajraladi.