





Klotrimazol
- Ishlab chiqaruvchi
- ООО Radiks
- Mamlakat
- O‘zbekiston
- Ro‘yxat raqami
- DV/M 05441/12/25
- Ruxsat muddati
- 30.12.2030 gacha
- Saqlash muddati
- 3 yil
- ATX kodi
- G01AF02
Klotrimazol nima uchun ishlatiladi
Klotrimazol shami — qinga qo‘yiladigan zamburug‘ga qarshi dori. Candida zamburug‘lari va klotrimazolga sezgir bakteriyalar keltirib chiqargan qin yallig‘lanishini (vaginit) davolaydi.
Qin zamburug‘ infeksiyasi (kandidoz)
Jinsiy a’zolar infeksiyasi — Candida zamburug‘lari keltirib chiqargan qin yallig‘lanishi (vaginit).
Bakterial qo‘shimcha infeksiya
Klotrimazolga sezgir bakteriyalar qo‘shilgan (superinfeksiya) hollarda.
Qancha va qanday qabul qilinadi
Rasmiy yo‘riqnoma bo‘yicha, 100 mg li qin shamlari uchun. Yo‘riqnoma Kandigo 100 mg vaginal suppozitoriylariniki.
Kimga mumkin, kimga mumkin emas
Homiladorlik Ehtiyotkorlik bilan
Ma’lumot cheklangan. Hayvonlarda yuqori dozada ichirilganda ko‘payishga zararli ta’sir aniqlangan, lekin qinga qo‘yilganda bunday zarar kutilmaydi. Homiladorlik yoki unga gumon bo‘lsa — qo‘llashdan oldin shifokor bilan maslahatlashing.
Emizish davri Mumkin
Ona sutiga o‘tishi haqida ma’lumot yo‘q, lekin qonga juda kam so‘riladi. Emizish davrida qo‘llash mumkin.
Bolalar Mumkin emas
16 yoshgacha qo‘llanmaydi.
60 yoshdan kattalar Ehtiyotkorlik bilan
Maxsus doza tartibi yo‘q, lekin 60 yoshdan katta bo‘lsangiz, avval shifokor bilan maslahatlashing.
Haydovchilar Mumkin
Mashina haydash va mexanizmlar bilan ishlashga ta’sir qilmaydi yoki juda kam ta’sir qiladi.
Hayz, tampon va jinsiy aloqa Ehtiyotkorlik bilan
Hayz paytida qo‘llanmaydi — sham yuvilib ketadi. Davolanish paytida tampon, qinni yuvish (spritsevaniya), spermitsid va boshqa qin vositalaridan foydalanmang. Jinsiy aloqadan saqlaning — sherigingizga yuqishi mumkin.
Farzand ko‘rish qobiliyati Mumkin
Odamlarda o‘rganilmagan; hayvonlarda o‘tkazilgan tadqiqotlarda fertillikka ta’siri aniqlanmagan.
Allergiya Ehtiyotkorlik bilan
Imidazol yoki boshqa qin uchun zamburug‘ga qarshi dorilarga allergiya bo‘lsa, avval shifokor bilan maslahatlashing.
Qo‘llash mumkin bo‘lmagan holatlar
- Klotrimazolga yoki dori tarkibidagi boshqa moddaga yuqori sezuvchanlik (allergiya)
- 16 yoshgacha
- Quyidagi belgilar bo‘lsa, shamni qo‘llamang va shifokorga murojaat qiling: muntazam bo‘lmagan yoki g‘ayrioddiy qin qon ketishi, qonli ajralma; tashqi jinsiy a’zo yoki qinda yara, pufakchalar yoki yiringli yaralar; qorin pastida og‘riq yoki og‘riqli siyish; davolash bilan bog‘liq qizarish, ta’sirlanish yoki shish; isitma yoki et uvishishi; ko‘ngil aynishi yoki qusish; ich ketishi; qindan yomon hidli ajralma
- Avval shifokor bilan maslahatlashing: kandidoz belgilari birinchi marta paydo bo‘lgan bo‘lsa; oxirgi 6 oyda ikki martadan ko‘p kandidoz bo‘lgan bo‘lsa; ilgari sizda yoki sherigingizda jinsiy yo‘l bilan yuqadigan kasallik bo‘lgan bo‘lsa; homiladorlik yoki unga gumon; 16 yoshdan kichik yoki 60 yoshdan katta; imidazol yoki boshqa qin zamburug‘ga qarshi dorilariga allergiya
Tarkibi
100mg li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Lateksli kontratseptivlar Ehtiyotkorlik
Dori lateksni shikastlab, ularning samarasini kamaytirishi mumkin. Dorini qo‘llagandan keyin kamida besh kun boshqa himoya usulidan foydalaning.
Takrolimus (ichiladigan, FK-506) va sirolimus Ehtiyotkorlik
Ularning qondagi miqdori oshishi mumkin — dozasi oshib ketish belgilarini nazorat qilish, kerak bo‘lsa qondagi miqdorini tekshirish kerak.
Ko‘p ichib qo‘ydingizmi?
Qinga yoki teriga bir marta qo‘llanganda yoki bilmasdan yutib yuborilganda o‘tkir zaharlanish xavfi kam. Maxsus zaharga qarshi dori (antidot) yo‘q. Tasodifan yutib yuborilganda bosh aylanishi, ko‘ngil aynishi yoki qusish kabi belgilar aniq paydo bo‘lsagina oshqozon yuviladi. Oshqozon faqat nafas yo‘llarini to‘g‘ri himoyalash mumkin bo‘lganda yuviladi.
Analoglari: klotrimazol
Tarkibida klotrimazol bor 16 ta dori. Almashtirishdan oldin shifokor yoki farmatsevt bilan maslahatlashing.
KlotrimazolMalham · 1% · O‘zbekistonRetseptsiz
KlotrimazolKrem · 10 mg · MoldovaRetseptsiz
KlotrimazolMalham · 1% · O‘zbekistonRetseptsiz
KandidKrem · HindistonRetseptsizKo‘p beriladigan savollar
Klotrimazol shamini qanday qo‘yish kerak?
Kechasi, uxlashdan oldin, chalqancha yotib, oyoqlarni bukkan holda qinga iloji boricha chuqur kiriting. 100 mg li shamdan har kuni 2 ta, ketma-ket 3 kun; yoki har kuni 1 ta, 6 kun.
Shamning bo‘laklari chiqib ketsa nima qilish kerak?
Qin quruq bo‘lsa, sham to‘liq erimay, bo‘laklari chiqishi mumkin. Shuning uchun shamni uxlashdan oldin iloji boricha chuqur kiriting.
Hayz paytida qo‘llasa bo‘ladimi?
Yo‘q — sham hayz ajralmasi bilan yuvilib ketadi. Davolashni hayz boshlanishidan oldin tugating.
Homiladorlikda Klotrimazol shami mumkinmi?
Ma’lumot cheklangan, qinga qo‘yilganda zarari kutilmaydi. Lekin homiladorlik yoki unga gumon bo‘lsa, avval shifokor bilan maslahatlashing. Emizish davrida qo‘llash mumkin.
Davolanish paytida jinsiy aloqa mumkinmi?
Yo‘q, saqlanish kerak — infeksiya sherikka yuqishi mumkin. Dori lateksli kontratseptivlarni shikastlab, samarasini kamaytirishi mumkin, shuning uchun qo‘llagandan keyin kamida besh kun boshqa himoya usulidan foydalaning.
Belgilar o‘tmasa nima qilish kerak?
Bir hafta ichida yengillik bo‘lmasa, shifokorga murojaat qiling. Kandidoz 7 kundan keyin yana paydo bo‘lsa, shamni qayta qo‘llash mumkin, lekin olti oyda ikki martadan ko‘p qaytalansa — shifokorga boring.
Rasmiy yo‘riqnoma
Rasmiy yo‘riqnomaning to‘liq matni
Bu dorining o‘z yo‘riqnomasi reyestrda yo‘q, shu ta’sir qiluvchi moddali dori yo‘riqnomasi keltirilgan: КАНДИГО® Суппозитории вагинальные 100 мг стрипы №6(1x6) (DV/X 07316/12/19). Doza dorining shakli va miqdoriga qarab farq qilishi mumkin.
Tavsifi
Ta’rifi: oq rangdan och-sariq ranggacha torpeda shaklidagi suppozitoriylar.
Qo‘llanilishi
Qo‘llanilishi Kandigo suppozitoriysini tanosil aʼzolaridagi infeksiyalarni (vaginitlar) davolash uchun tavsiya etiladi, zamburug'lar tufayli kelib chiqqan (Candida turi) va klotrimazolga sezgir bakteriyalar tufayli kelib chiqgan superinfeksiyalar
Qo‘llash usuli va dozalari
Qo‘llash usuli va dozalari Suppozitoriy qinga imkon qadar chuqurroq joylashtirilishi kerak. Bunga chalqanchasiga yotgan, tizzalar bukilgan va tizzalar ko‘krakka tortilgan holatda eng yaxshi tarzda erishish mumkin. Zarur hollarda, takroriy davolash o‘tkazilishi mumkin. Kandigo suppozitoriysi to‘liq erib ketishi uchun qin namlanishi kerak, aks holda suppozitoriylarning erimay qolgan bo‘laklari qindan chiqib ketishi mumkin. Suppozitoriylarning erimay qolgan bo‘laklari vaginal quruqlikka ega ayollarda kuzatilishi mumkin. Buning oldini olish uchun suppozitoriy kechki payt qinga imkon qadar chuqurroq joylashtirilishi kerak. Kattalar: Kandigo 100 mg vaginal suppozitoriylari 100 mg dan ikkita suppozitoriy ketma-ket uch kun davomida har kuni (ko‘proq kechqurun) qo‘llanishi kerak. Muqobil tarzda, olti kun davomida har kuni bitta suppozitoriy qo‘llanishi mumkin. Keksa yoshdagilar uchun maxsus dozalash rejimi mavjud emas.. Kandigo 500 mg vaginal suppozitoriylari 500 mg dan bitta suppozitoriy kechki payt qinga qo‘yilishi kerak; suppozitoriy qinga imkon qadar chuqurroq joylashtirilishi kerak. Umumiy ko‘rsatmalar: Bolalar: Kandigo 100 mg va 500 mg vaginal suppozitoriylari 16 yoshdan kichik bo’lgan bolalarga qo‘llanilmaydi.
Qo‘llash mumkin bo‘lmagan holatlar
Qo‘llash mumkin bo‘lmagan holatlar Mazkur preparatning faol moddasiga yoki istalgan boshqa komponentiga yuqori sezuvchanlikda qo‘llash mumkin emas.
Nojo‘ya ta’sirlar
Nojo‘ya ta’sirlari Qayd etilgan nojo‘ya ta’sirlar spontan xabarlarga asoslanganligi tufayli ulardan har birining aniq paydo bo‘lish tezligini aniqlash mumkin emas. Immun tizim tomonidan buzilishlar:anafilaktik reaksiyalar, angionevrotik shish, yuqori sezuvchanlik. Qon-tomir tomonidan buzilishlar:xushdan ketish, gipotoniya. Nafas olish tizimi, ko‘krak qafasi va ko‘ks oraligi organlarning buzilishi: nafas qisilishi. Me’da-ichak yo‘llari tomonidan buzilishlar: qorindagi og‘riq, qayt qilish. Teri va teriosti to‘qimalar tomonidan buzilishlar: toshma, eshakemi kasalligi, qichishish. Reproduktiv tizim va sut bezlari tomonidan buzilishlar: Genital sho‘ralash, qindan ajratmalar chikishi, vaginal qon ketish, vaginal noqulaylik hissi, vulvovaginal eritema, vulvovaginal qizarish hissi, vulvovaginalny kishish, vulvovaginal og‘riq. Umumiy buzulishlar va qo‘llangan joyidagi reaksiyalar: surtilgan joyda qizarish, shish, og‘riq.
Maxsus ko‘rsatmalar
Maxsus ko‘rsatmalar Bemorda birinchi marta kandidozli vaginit simptomlari paydo bo‘lsa davolovchi shifokor bilan maslahatlashishi kerak. Kandigo suppozitoriylari qo‘llanishidan oldin quyidagi sharoitlardan ayrimlari mavjud bo‘lgan taqdirda, davolovchi shifokor bilan maslahatlashish kerak: ‒ so‘nggi 6 oy davomida kandidozli vaginitning ikkitadan ko‘proq yuqumli kasalliklari kuzatilgan. ‒ kasallik tarixida jinsiy yo‘l bilan o‘tadigan boshdan kechirilgan kasalliklar mavjud yoki shunday holat sherigida aniqlangan. ‒ homiladorlik yoki homiladorlikka taxmin qilingan. ‒ 16 yoshdan kichik yoki 60 yoshdan katta yoshdagilar. ‒ imidazolga yoki boshqa vaginal zamburug‘ga qarshi dori vositalariga ma’lum yuqori sezuvchanlik. Kandigo suppozitoriylari tibbiy yordam uchun murojaat qilinganda quyidagi simptomlardan ayrimlariga ega bemorlar tomonidan qo‘llanmasligi kerak: ‒ nomuntazam vaginal qon ketishi. ‒ anomal vaginal qon ketishi yoki qonli ajratmalar. ‒ vulva yoki hazna yarasi, bullyozli shikastlanish yoki yiringli yaralar. ‒ qorinning pastki bo‘limlaridagi og‘riq yoki dizuriya. ‒ davolash bilan bog‘liq qizarish, yallig‘lanish yoki shishish kabi har qanday nojo‘ya reaksiyalar. ‒ isitmalash yoki et uvushishi. ‒ ko‘ngil aynishi yoki qayt qilish. ‒ diareya. ‒ qindan yomon hidli ajratmalar. Hayz ko'rish davrida davolashni o'tkazish tavsiya qilinmaydi chunki suppozitoriy hayz ajratmalari bilan birga yuvilib ketish extimoli bor. Davolashni hayz ko'rish boshlanishidan oldin tugatish kerak. Ushbu mahsulotdan foydalanganda tamponlardan, intravaginal purkab yuvishdan, spermitsidlardan yoki boshqa vaginal vositalardan foydalanmang. Vaginal infektsiya bo'lganda va ushbu mahsulotni qo'llash paytida vaginal jinsiy aloqadan saqlanish kerak, chunki infektsiya sherikga yuqishi mumkin. Agar Kandigo suppozitoriysi qo‘llanganda bir hafta ichida simptomlar engillashishi boshlanmasa, bemorlar davolovchi shifokor bilan maslahatlashishlari kerak. Agar kandidozli yuqumli kasallik 7 kundan so‘ng yana paydo bo‘lsa, Kandigo suppozitoriysidan qayta foydalanish mumkin. Biroq kandidozli yuqumli kasallik olti oy davomida ikki martadan ko‘proq takrorlansa, bemorlar davolovchi shifokor bilan maslahatlashishlari kerak.
Boshqa dorilar bilan o‘zaro ta’siri
Dorilarning o‘zaro ta’siri Laboratoriya tadqiqotlarida isbotlanganki, bir vaqtda foydalanishda mazkur dori vositasi lateksli kontratseptivlar shikastlanishiga sabab bo‘lishi mumkin. Taalluqli ravishda, ushbu kontratseptivlar samaradorligi pasayishi mumkin. Bemorlarga mazkur dori vositasi qo‘llangandan so‘ng eng kamida besh kun davomida muqobil ehtiyotkorlik choralaridan foydalanishlari tavsiya etiladi. Klotrimazol bilan vaginal qo‘llanish yo‘li orqali va peroral shaklda takrolimus (FK-506; Immunosupressor) bilan bir vaqtda davolash plazmada takrolimus va xuddi shunday sirolimus darajasi oshirilishiga olib kelishi mumkin. Shunday qilib, bemorlar, zarur hollarda, plazmada taalluqli darajalarni aniqlash yo‘li orqali takrolimus yoki sirolimusning ortiqcha dozalanish alomatlari va simptomlarini puxta nazorat qilishlari kerak.
Homiladorlik va emizish davrida
Homiladorlik va laktatsiya davrida qo‘llanishi Homiladorlik: Homilador ayollarda klotrimazol qo‘llanishi to‘g‘risida etarlicha cheklangan hajmli ma’lumotlar mavjud. Hayvonlarda o‘tkazilgan tadqiqotlarda klotrimazol qo‘llanganda yuqori peroral dozalarda reproduktiv toksiklik aniqlangan. Vaginal davolashdan so‘ng klotrimazolning quyi tizimli ta’sirlarida reproduktiv toksiklikka nisbatan zararli ta’sirlar taxmin qilinmaydi. Laktatsiya: Klotrimazolning ona sutiga kirishi haqida hech qanday ma'lumot yo'q. Biroq, qabul qilinganidan keyin tizimli so'rilish minimal va tizimli ta'sirga olib kelishi mumkin emas. Klotrimazol laktatsiya davrida qo'llanilishi mumkin. Fertillik: Klotrimazolning odam fertilligiga ta’siri yuzasidan hech qanday tadqiqotlar o‘tkazilmagan, biroq hayvonlarda o‘tkazilgan tadqiqotlarda dori vositasining fertillikka hech qanday ta’siri aniqlanmagan.
Transport boshqarishga ta’siri
Transport vositalari va boshqa mexanizmlarni boshqarish qobiliyatiga ta’siri Dori vositasi transport vositasini boshqarish yoki turli mexanizmlar bilan ishlash qobiliyatiga ta’sir ko‘rsatmaydi yoki biroz ta’sir ko‘rsatadi.
Dozani oshirib yuborish
Dozani oshirib yuborilishi O‘tkir intoksikatsiya xavfi namoyon bo‘lmaydi, chunki yagona vaginal yoki dermal qo‘llanishdan so‘ng ortiqcha dozalash (absorbsiya uchun qulay sharoitlarda katta maydonga qo‘llanishshi) yoki bilmasdan peroral yutib yuborish ehtimoli kam. Maxsus zaharga qarshi dori yo‘q. Biroq tasodifan yutib yuborilganda me’dani yuvish kabi tegishli tadbirlar ortiqcha dozalashning klinik simptomlari (masalan, bosh aylanishi, ko‘ngil aynishi yoki qayt qilish) aniq namoyon bo‘lgan holatdagina amalga oshirilishi kerak. Me’dani yuvish nafas yo‘llarini tegishli himoyalash mumkin bo‘lgan holatdagina o‘tkaziladi
Farmakodinamikasi
Farmakodinamikasi Mexanizm xarakati Azollar (masalan, Klotrimazol) odatda vulvovaginal kandidozni mahalliy davolash uchun tavsiya etiladi, bu qichishish, yonish, qinda qizarish, shishish va og‘riq kabi vulvovaginal alomatlar bilan tavsiflanadi. Klotrimazol ergosterol sintezini susaytirish orqali zamburug‘larga qarshi ta’sir ko‘rsatadi. Ergosterol sintezining susaytirilishi zamburug‘ssitoplazmatik membranasining tarkibiy va funksional etishmovchiligiga olib keladi. Klotrimazol keng in vitro va in vivo sharoitida antimikotik ta’sir doirasiga ega bo‘lib, u dermatofitlar, achitqi va mog‘or zamburug‘larini va boshqa zamburug‘larni o‘z ichiga oladi. Taalluqli sinov sharoitlarida ushbu turdagi zamburug‘lar uchun MIC miqdorlari 0,062-8,0 mkg / ml kamroq substrat doirasida bo‘ladi. Klotrimazolning ta’sir ko‘rsatish mexanizmi, klotrimazolning yuqumli kasalliklar o‘chog‘idagi konsentratsiyasiga qarab, fungistatik yoki fungitsid ta’sirga ega bo‘ladi. In vitro sharoitida faolligi zamburug‘ elementlari ko‘payishini to‘xtatadi, biroq zamburug‘lar sporalarining unga sezuvchanligi kam bo‘ladi. Zamburug‘lar sezuvchan turlarining birlamchi rezistentligi juda kamdan-kam uchraydi, sezuvchan zamburug‘larning ikkilamchi rezistentligi faqat ayrim hollarda terapiya ta’sirida kuzatilishi mumkin.
Farmakokinetikasi
Farmakokinetikasi Farmakokinetik tadqiqotlarda vaginal qo‘llangandan so‘ng klotrimazolning faqat kichik miqdori (dozaning 3-10% i) so‘rilishi isbotlangan. Jigarda tez metabolizmi tufayli klotrimazolning farmakologik jihatdan faol bo‘lmagan metabolitlari, 500 mg doza vaginal qo‘llangandan so‘ng klotrimazolning plazmadagi konsentratsiyasi yakuniy cho‘qqisi 10 ng/ml dan kamroq ko‘rsatkichni tashkil etadi, bu esa klotrimazolning intravaginal qo‘llanishi sezilarli tizimli buzilishlarga yoki nojo‘ya ta’sirlarga olib kelmasligini tasdiqlaydi.