Kasallik.uz
  • Bosh sahifa
  • Dorilar
  • Statistika
  • Maqolalar
  • Bo'limlar
  • Biz haqimizda
Ру
Dorilar katalogi
Dorilar katalogiTeri kasalliklariKlotrimazol
Aylantiring
Qutini aylantirib, qo‘lingizdagi bilan solishtiring
Davlat reyestrida ro‘yxatdan o‘tgan

Klotrimazol

klotrimazol · 10 mg, 1 % · krem
Retseptsiz beriladiZamburug‘ga qarshi (teri)
Ishlab chiqaruvchi
ООО Фармаприм
Mamlakat
Moldova
Ro‘yxat raqami
DV/X 08241/09/20
Ruxsat muddati
14.05.2031 gacha
Saqlash muddati
3 yil
ATX kodi
D01AC01
Analoglari (16) Rasmiy yo‘riqnoma
HomiladorlikdaBirinchi 3 oyda tavsiya etilmaydi
EmizishdaEmizishni to‘xtatish kerak
Kuniga2–3 marta
RetseptRetseptsiz
Nima uchunDozasiKimga mumkin emasTarkibiNojo‘ya ta’sirlarBoshqa dorilar bilanAnaloglari · 16SavollarRasmiy yo‘riqnoma

Klotrimazol nima uchun ishlatiladi

Klotrimazol — zamburug‘ga qarshi krem. Zamburug‘ hujayrasi qobig‘ini buzib, uning o‘sishini to‘xtatadi yoki o‘ldiradi. Teri va tashqi jinsiy a’zolar zamburug‘ infeksiyalarini mahalliy davolashda qo‘llanadi.

  • Teri va oyoq zamburug‘i

    Qo‘l, oyoq, tana, boldir va oyoq kafti terisining dermatofitlar (Trichophyton, Epidermophyton, Microsporum) qo‘zg‘atgan zamburug‘ infeksiyalari.

  • Kepaksimon temiratki

    Malassezia furfur zamburug‘i qo‘zg‘atgan rang-barang (kepaksimon) temiratki.

  • Jinsiy a’zolar kandidozi

    Candida zamburug‘lari qo‘zg‘atgan tashqi jinsiy a’zolar (jinsiy lablar, olat boshchasi va kertmak terisi) teri va shilliq qavati infeksiyasi.

Qancha va qanday qabul qilinadi

Rasmiy yo‘riqnoma bo‘yicha, 10 mg/g li krem uchun. Faqat teriga surtiladi.

Kim uchunBir martadaNecha martaSutkasiga ko‘pi bilan
Dermatofit infeksiyalari (teri, oyoq zamburug‘i)
Bir martada:yupqa qavat
Necha marta:kuniga 2–3 marta
Sutkasiga ko‘pi bilan:—
Kamida 4 hafta.
Kepaksimon temiratki
Bir martada:yupqa qavat
Necha marta:kuniga 2–3 marta
Sutkasiga ko‘pi bilan:—
1 haftadan 3 haftagacha.
Candida infeksiyalari
Bir martada:yupqa qavat
Necha marta:kuniga 2–3 marta
Sutkasiga ko‘pi bilan:—
Kamida 2 hafta.
Kremni toza va quruq, neytral pH li sovun bilan yuvilgan zararlangan teriga surting.
Oyoq kaftiga surtishda oyoqni yaxshilab yuvib, quriting va kremni barmoqlar orasiga ham surting.
Barcha zararlangan joylarga bir vaqtda surting.
7 kun davolangandan keyin yaxshilanish bo‘lmasa — shifokorga murojaat qiling.
Ko‘z atrofiga surtmang. Yutmang.

Kimga mumkin, kimga mumkin emas

  • Homiladorlik Ehtiyotkorlik bilan

    Ma’lumotlar cheklangan. Ehtiyot chorasi sifatida birinchi trimestrda qo‘llamaslik tavsiya etiladi.

  • Emizish davri Mumkin emas

    Hayvonlarda klotrimazol ona sutiga o‘tgan. Davolanish paytida emizishni to‘xtatish kerak.

  • Lateks kontratseptivlar Ehtiyotkorlik bilan

    Krem lateks prezervativ va diafragmalarni shikastlab, samarasini kamaytirishi mumkin. Davolanish paytida va tugaganidan keyin kamida 5 kun boshqa himoya usulidan foydalaning.

  • Teri reaksiyalari Ehtiyotkorlik bilan

    Tarkibidagi setostearil spirti mahalliy teri reaksiyalarini (masalan, kontakt dermatit) chaqirishi mumkin.

  • Haydovchilar Mumkin

    Mashina haydashga ta’sir qilmaydi yoki juda kam ta’sir qiladi.

Qo‘llash mumkin bo‘lmagan holatlar

  • Klotrimazolga yoki krem tarkibidagi boshqa moddaga yuqori sezuvchanlik (allergiya)

Tarkibi

10 mg li dorining barcha moddalari, yordamchi moddalar ham

Klotrimazolta’sir qiluvchi10 mg на g
Polisorbat 6015 mg
Sorbitan monostearat20 mg
Tsetosteariloviy spirt115 mg
Oktildodekanol100 mg
Benziloviy spirt10 mg
Tozalangan suv1000 Достаточное количество
Tsetilpalmitat30 mg

Nojo‘ya ta’sirlar

Qanchalik ko‘p uchrashi bo‘yicha

Chastotasi noma’lumaniq chastota baholanmagan
allergik reaksiyalar: eshakemi, hansirash, qon bosimi pasayishi, hushdan ketishqichishish, toshma, pufakchalar, teri po‘st tashlashiog‘riq yoki noqulaylik, shish, achishish, ta’sirlanish, qizarish, sanchish
Rasmiy yo‘riqnomada alohida aytilgan holatlar: 7 kunda yaxshilanish bo‘lmasa — shifokorga boring.

Boshqa dorilar bilan birga

  • Lateks kontratseptivlar (prezervativ, diafragma) Ehtiyotkorlik

    Ularning butunligi buzilib, samarasi kamayishi mumkin. Davolanish paytida va undan keyin kamida 5 kun boshqa usuldan foydalaning.

Ko‘p ichib qo‘ydingizmi?

Teriga surtilganda dozani oshirib yuborish holatlari tasvirlanmagan. Tasodifan yutib yuborilsa bosh aylanishi, ko‘ngil aynishi, qusish bo‘lishi mumkin. Davolash simptomatik, maxsus antidot yo‘q.

103

Analoglari: klotrimazol

Tarkibida klotrimazol bor 16 ta dori. Almashtirishdan oldin shifokor yoki farmatsevt bilan maslahatlashing.

KlotrimazolMalham · 1% · O‘zbekistonRetseptsizKlotrimazolSham · 100mg · O‘zbekistonRetseptsizKlotrimazolMalham · 1% · O‘zbekistonRetseptsiz
KandidIn’yeksiya · 1% · HindistonRetseptsiz
KandidEritma · 1 % · HindistonRetseptsiz
KandidGel · 30g · HindistonRetseptsiz
KandidKrem · HindistonRetseptsiz
Kandid-B6Tabletka · HindistonRetseptsiz

Ko‘p beriladigan savollar

Klotrimazol kremni kuniga necha marta surtish kerak?

Kuniga 2–3 marta, toza va quruq zararlangan teriga yupqa qavat qilib.

Klotrimazolni necha kun surtish kerak?

Teri va oyoq zamburug‘ida kamida 4 hafta, kepaksimon temiratkida 1–3 hafta, Candida infeksiyalarida kamida 2 hafta. 7 kunda yaxshilanish bo‘lmasa, shifokorga boring.

Oyoq zamburug‘ida qanday surtiladi?

Oyoqni yaxshilab yuvib, quriting va kremni barmoqlar orasiga ham surting. Barcha zararlangan joylarga bir vaqtda surting.

Homiladorlikda Klotrimazol surtsa bo‘ladimi?

Ehtiyot chorasi sifatida birinchi trimestrda tavsiya etilmaydi. Emizish davrida davolanish paytida emizish to‘xtatiladi.

Klotrimazol prezervativga ta’sir qiladimi?

Ha, lateks prezervativ va diafragmani shikastlashi mumkin. Davolanish paytida va undan keyin kamida 5 kun boshqa himoya usulidan foydalaning.

Rasmiy yo‘riqnoma

Rasmiy yo‘riqnomaning to‘liq matni

Tavsifi

Ta’rifi: oq yoki deyarli oq rangli bir xil krem.

Qo‘llanilishi

Qo‘llanilishi
Klotrimazol krem maxalliy davolashda qo‘llaniladi:
-dermatofitlar Trichophyton rubrum, Trichophyton mentagrophytes, Epidermophyton floccosum va Microsporum canis chaqirgan oyek, qo‘l, tana oyoq kafti terisining zamburug‘li infeksiyalarida;
-Malassezia furfur (Pityrosporum orbiculare yoki Pityrosporum ovale) chaqirgan kepaksimon temiratki;
-Candida turiga mansub bo‘lgan zamburug‘lar chaqirgan tashki jinsiy a’zolarining (ayollar tashki jinsiy lablar, erkaklarda jinsiy a’zolarida olatda) teri va shilliq qavatlaridagi zamburug‘li infeksiyasida qo‘llaniladi.

Qo‘llash usuli va dozalari

Qo‘llash usuli va dozalari
Tashqi qo‘llanish uchun.
Kremni zararlangan terining toza quruq joylariga (rN neytral bo‘lgan sovun bilan yuvilgan) kuniga 2-3 marta yupqa qatlamda surtish kerak. Oyoq kaftiga qo‘llanilganida yaxshi yuvib, quritiladi va oyoq barmoqlari orasiga surtiladi.
Krem zararlangan terini xamma joylariga bir vaqtda surtilishi kerak.
Davolanish muddati:
–Dermatofitlar chaqirgan infeksiyalarda – 4 xaftadan ko‘prok;
–Kepaksimon temiratki – 1 xaftadan 3 xaftagacha;
–Candida chaqirgan infeksiyalarda – 2 xaftadan kam bo‘lmagan muddat.
Davolanishdan so‘ng 7 kun davomida yaxshilanish bo‘lmasa, shifokorga murojat etish tavsiya etiladi.

Qo‘llash mumkin bo‘lmagan holatlar

Qo‘llash mumkin bo‘lmagan holatlar
Klotrimazolga yoki preparatning bironta yordamchi moddalariga o‘ta yuqori sezuvchanlikda qo‘llash mumkin emas.

Nojo‘ya ta’sirlar

Nojo‘ya ta’sirlari
Nojo‘ya ta’sirlari MedDRA tasnifi a’zo va tizimlarga, paydo bo‘lish tez-tezligigiga bog‘liq holda: juda tez-tez (≥1/10), tez-tez (≥1/100, <1/10), tez-tezdan kam hollarda (≥1/1000, <1/100), kam hollarda (≥1/10 000, <1/1000), juda kam hollarda (<1/10 000), uchrash tezligi noma’lum (mavjud bo‘lgan ma’lumotlarga ko‘ra aniqlash mumkin emas).
Immun tizimi tomonidan buzilishlar: uchrash tezligi noma’lum – allergik reksiyalar (eshakemi, xansirash, arterial gipotenziya, xushdan ketish).
Teri va teri osti to‘qimalar tomonidan buzilishlar: uchrash tezligi noma’lum - qichishish, toshmalar, pufakchalar, teri qipiqlanishi, og‘riq/diskomfort, shishlar, achishish, ta’sirlanishi, eritema, qizarishi sanchishlar.

Maxsus ko‘rsatmalar

Maxsus ko‘rsatmalar
Preparatni ko‘z atrofidagi teriga surtilishi mumkin emas. Ichga qabul qilinmasin.
Terining zaralangan joylari bir vaqtni o‘zida davolanishi kerak.
Preparat tarkibida terini maxalliy reaksiyalarini (masalan, kontaktli dermatit) chakirishi mumkin bo‘lgan setostearil spirti saklaydi.

Boshqa dorilar bilan o‘zaro ta’siri

Dorilarning o‘zaro ta’siri
Laborator taxlillar natijasida klotrimazol lateksli kontraseptivlarni bir vaqtda qo‘llanilishi ularning butunligini shikastlaydi va samaradorligini pasaytiradi.
Davolanish davomida va davolashdan so‘nggi 5 kun ichida pasiyentlar boshqa muqobil kontrasepsiya vositalaridan foydalanishi tavsiya etiladi.

Homiladorlik va emizish davrida

Homiladorlik va laktasiya davrida qo‘llanilishi
Homiladorlik
Homiladorlik davrida preparatni maxalliy qo‘llanilishi to‘grisida ma’lumotlar cheklangan. Xayvonlar tadqiqotlarda reproduktiv faoliyatiga toksik ta’sirini aniqlanmagan. Ehtiyotkorlik chorasi sifatida homiladorlikning I uch oyligida klotrimazolni qo‘llash tavsiya etilmaydi.
Laktasiya
Xayvonlardagi tahlillarda farmakodinamik/farmakokinetik ma’lumotlarga ko‘ra klotrimazol/metabolitlari ko‘krak suti orqali chiqarilishi aniqlangan.
Klotrimazol bilan davolanayetgan davrda ko‘krak suti bilan emizish ta’qiqlanadi.
Fertillik
Klotrimazolni fertilikka ta’siri odamlarda o‘tkazilmagan, lekin hayvonlar ustida tadqiqotlarda preparatni fertilikka ta’siri aniklanmagan.

Transport boshqarishga ta’siri

Avtomobilni va murakkab mexanizmlarni boshqarish qobiliyatiga ta’siri
Preparatni qo‘llash avtomobilni haydash va potensial xavfli mexanizmlarni boshqarish qobiliyatiga ta’sir qilmaydi yoki axamiyatsiz ta’sir etadi.

Dozani oshirib yuborish

Dozani oshirib yuborilishi
Klotrimazolni sirtga qo‘llashda dozani oshirib yuborish holatlari tasvirlanmagan.
Preparatni beixtiyer ravishda peroral qo‘llanilganida bosh aylanishi, ko‘ngil aynishi, qusish kuzatilishi mumkin.
Davolash: simptomatik. Maxsus antidot aniklanmagan.

Farmakodinamikasi

Farmakodinamikasi
Klotrimazol xujayralarning o‘sishi va bo‘linishini bostiradi, va konsentrasiyasiga bog‘liq bo‘lib, fungistatik yoki fungisid ta’sir ko‘rsatadi.
Ta’sir mexanizmi zamburug‘larning xujayra membranasining ergosterollarning sintezini buzilishi, zamburug‘ membranisining fosfolipidlari bilan bog‘lanishi va o‘tkazuvchanligini buzilishi bilan bog‘liq.
Klinik tadqiqodlar klotrimazol bilan maxalliy infeksiyalarni davolash boshqa imidazol xosilalari, masalan ekonazol va ketokonazol, kabi samaradorligini ko‘rsatadi.
Klotrimazol oqsil, yog‘lar, DNK va polisaxaridlarni sintezini susaytiradi, xujayraning nuklein kislotasini shikastlaydi va kaliyni chikarilishini tezlashtiradi.
Shuningdek u oksidaza va peroksidazalarning faolligini, trigliseridlarni va fosfolipidlarni biosintezini ingibisiya qiladi. Yuqori konsentrasiyalarda klotrimazol xujayra membranasini shikastlanashini, sterollar sinteziga bog‘liq bo‘lmagan mexanizmlar orkali, namoyon etadi. Klotrimazol Candida albicans blastosporalarini invaziv miselial shakliga rivojlanishini oldini oladi. Xujayra membranasining tuzilishidagi o‘zgarishlar xujayra o‘limiga olib keladi va dori vositasini mikroorganizmlarga ta’sir kuchiga bog‘liq bo‘ladi.
Faoliyat spektri
Klotrimazol keng doiradagi zamburug‘larga qarshi faoliyat spektrga ega, dermatofitlar (Epidermophyton floccosum, Microsporum canis, Trichophyton mentagrophytes, Trichophyton rubrum), achitkisimon zamburug‘lar (Candida spp., Cryptococcus neoformans), dimorf zamburug‘lar (Coccidioides immitis, Histoplasma capsulatum, Paracoccidioides brasiliensis) va sodda xayvonlar (Trichomonas vaginalis) o‘sishini bostiradi va o‘limiga olib keladi.
Shunindek klotrimazol ba’zi grammmusbat (Streptococcus, Staphylococcus, Gardnerella vaginalis) va grammanfiy bo‘lgan (Bacteroides) mikroorganizmlarga faoldir. Lactobacillus turiga xech kanday ta’sir etmaydi. In vitro sharoitida klotrimazol Corynebacterium va grammusbat kokklarni (enterokokklar bundan mustasno) 0,5–10 mkg/ml konsentrasiyasida, ko‘payishini ingibisiya qiladi.
Klotrimazol in vitro sharoitida keng doirali fungistatik va fungisid ta’siriga ega. Dermatofitlar (Trichophyton, Microsporum, Epidermophyton) miseliyiga ta’siri grizeofulvin ta’siriga o‘xshash, zamburug‘lar pochkasimon xujayralariga esa (Candida) poliyenlar faolligiga (amfoterisin V va nistatin) kabi ta’sir ko‘rsatadi.
Klotrimazol konsentrasiyasi 1 mkg/ml dan past bo‘lganida Trichophyton rubrum, Trichophyton mentagrophytes, Epidermophyton floccosum va Microsporum canis shtammlarini usishini bostiradi. Klotrimazol 3 mkg/ml dan past bo‘lgan konsentrasiyasida boshqa mikroorganizmlarni: Pityrosporum orbiculare, Aspergillus fumigatus, Candida species, shuningdek Candida albicans, ba’zi Staphylococcus aureus va Streptococcus pyogenes shtammlarini, va Proteus vulgaris i Salmonella ba’zi shtammlarini rivojlanishini ingibisiya qiladi.
Klotrimazol Sporothrix, Cryptococcus va Cefalosporium, Fusariu qarshi ta’siriga ega. Klotrimazol 100 mkg/ml dan yuqori bo‘lgan konsentrasiyalarida Trichomonas vaginalis ga qarshi ta’sirga ega.
Klotrimazolga barqaror bo‘lgan zamburug‘lar juda kam uchraydi, faqat ba’zi Candida guilliermondii shtammlariga shunday ma’lumotlar bor.
Bugungi kungacha klotrimazolga rezistentlik biror xolatda aniqlanmagan, Candida albicans va Trichophyton mentagrophytes ekish dan so‘ng. Poliyen antibiotiklarga barkaror bo‘lgan S. albicans ximik mutasiyasi natijasida mavjud bo‘lgan shtammlarda klotrimazolga rezistentlik rivojlanish xolatlari aniqlanmagan.

Farmakokinetikasi

Farmakokinetikasi
Krem teriga maxalliy qo‘llanilganida, klotrimazol epidermis orqali so‘riladi.
Klotrimazolning yuqori konsentrasiyalari epidermisning shoxli va tikli qatlamlarida, shuningdek dermaning papillyar va to‘rsimon qatlamlarida aniqlanadi, lekin qon aylanishi tizimiga juda kam miqdorda aniqlanadi.
Klotrimazol jigarda nofaol moddalargachan metobolizmga uchraydi, siydik va ahlat bilan chiqariladi.

Manba: Sog‘liqni saqlash vazirligi huzuridagi Farmatsevtika mahsulotlari xavfsizligi markazi — dori vositalari davlat reyestri, ro‘yxat raqami DV/X 08241/09/20, ro‘yxatga olingan: 14.05.2026. Qadoq rasmlari — Farmatsevtika tarmog‘ini rivojlantirish agentligi. Ma’lumot tanishish uchun, shifokor maslahatining o‘rnini bosmaydi. Sahifa yangilangan: 07.11.2026.
HomiladorlikdaBirinchi 3 oyda tavsiya etilmaydi
EmizishdaEmizishni to‘xtatish kerak
Kuniga2–3 marta
RetseptRetseptsiz
Nima uchunDozasiKimga mumkin emasTarkibiNojo‘ya ta’sirlarBoshqa dorilar bilanAnaloglari · 16SavollarRasmiy yo‘riqnoma

Sayt pastki qismi

Kasallik.uz

Kasalliklar, ularning belgilari, sabablari, tashxis va davolash usullari haqida o'zbek va rus tillarida sodda va ishonchli ma'lumotlar.

РусскийO'zbekcha

Sayt

  • Bosh sahifa
  • Dorilar
  • Statistika
  • Maqolalar
  • Bo'limlar
  • Homiladorlik kalendari
  • Ovulyatsiya kalendari
  • O'g'il yoki qiz kalendari
  • Tana vazni indeksi
  • Kaloriya kalkulyatori
  • Bolalar uchun dori dozasi
  • Mualliflar

Loyiha

  • Biz haqimizda
  • Tahririyat
  • Tahririyat siyosati
  • Aloqa

Huquqiy ma'lumot

  • Maxfiylik siyosati
  • Foydalanish shartlari
  • Tibbiy ogohlantirish
  • Cookie siyosati

Saytdagi ma'lumotlar faqat tanishish uchun mo'ljallangan va shifokor maslahati, tashxisi yoki davolashining o'rnini bosmaydi. Sog'lig'ingiz bilan bog'liq har qanday savol bo'yicha mutaxassisga murojaat qiling. Shoshilinch holatda 103 raqamiga qo'ng'iroq qiling. Batafsil

© 2026 Kasallik.uz. Barcha huquqlar himoyalangan.

Materiallardan foydalanilganda Kasallik.uz saytiga faol havola berilishi shart.

Bosh sahifaMavzular
Dorilar