Kasallik.uz
  • Bosh sahifa
  • Dorilar
  • Statistika
  • Maqolalar
  • Bo'limlar
  • Biz haqimizda
Ру
Dorilar katalogi
Dorilar katalogiAsab tizimiTserebrolizin
Aylantiring
Qutini aylantirib, qo‘lingizdagi bilan solishtiring
Davlat reyestrida ro‘yxatdan o‘tgan

Tserebrolizin

20ml · in’yeksiya
Retsept bilan beriladiAntidepressantlar va nootroplar
Ishlab chiqaruvchi
EVER Neuro Pharma GmbH
Mamlakat
Avstriya
Ro‘yxat raqami
DV/X 00603/07/15
Ruxsat muddati
18.03.2031 gacha
Saqlash muddati
5 yil
ATX kodi
N06BX
Rasmiy yo‘riqnoma
Yuborish yo‘liMushak ichiga (5 ml gacha) yoki vena ichiga (10 ml gacha)
KursHar kuni 10–20 kun
Homiladorlik va emizishEhtiyotkorlik bilan, foyda-xavf baholangach
HaydovchilarTa’sir qilmaydi
Nima uchunDozasiKimga mumkin emasTarkibiNojo‘ya ta’sirlarBoshqa dorilar bilanNarxiSavollarRasmiy yo‘riqnoma

Tserebrolizin nima uchun ishlatiladi

Tserebrolizin — miya faoliyatini qo‘llab-quvvatlovchi (nootrop) dori. Kattalarda insult, miya va orqa miya jarohatlari, demensiya va miya qon aylanishi yetishmovchiligida qo‘llanadi. Parenteral yuboriladi: mushak ichiga yoki vena ichiga.

  • Altsgeymer kasalligi va demensiya

    Altsgeymer kasalligi, turli sabablarga ko‘ra rivojlangan demensiya (aqli zaiflik) — 18 yoshdan katta kattalarda.

  • Miya qon aylanishi

    Surunkali miya qon tomir yetishmovchiligi, ishemik insult.

  • Miya va orqa miya jarohatlari

    Bosh va orqa miyaning jarohatlari.

  • Bolalarda (faqat o‘zbekcha matnda)

    O‘zbekcha yo‘riqnomada bolalarda aqliy rivojlanish kechikishi va diqqat yetishmasligi bilan bog‘liq parishonxotirlik ham ko‘rsatilgan; ruscha asl matnda bu yo‘q va dori 18 yoshdan katta kattalar uchun deyilgan.

  • Endogen depressiya

    Antidepressantlar yordam bermagan endogen depressiyada kompleks davo tarkibida.

Qancha va qanday qabul qilinadi

Rasmiy yo‘riqnoma bo‘yicha. Doza va muddat kasallik turi, og‘irligi va bemor yoshiga qarab belgilanadi. Bir martalik doza 50 ml gacha bo‘lishi mumkin, lekin kurs bilan davolash afzal.

Kim uchunBir martadaNecha martaSutkasiga ko‘pi bilan
O‘tkir holatlar (ishemik insult, bosh miya jarohati, neyroxirurgik operatsiya asoratlari)
Bir martada:10 ml dan 50 ml gacha
Necha marta:—
Sutkasiga ko‘pi bilan:—
Insult va miya/orqa miya jarohatidan keyingi qoldiq davr
Bir martada:5 ml dan 50 ml gacha
Necha marta:—
Sutkasiga ko‘pi bilan:—
Psixoorganik sindrom va depressiya
Bir martada:5 ml dan 30 ml gacha
Necha marta:—
Sutkasiga ko‘pi bilan:—
Altsgeymer kasalligi, qon tomir va aralash demensiya
Bir martada:5 ml dan 30 ml gacha
Necha marta:—
Sutkasiga ko‘pi bilan:—
Bolalar nevrologiyasida
Bir martada:har kg vaznga 0,1–0,2 ml
Necha marta:—
Sutkasiga ko‘pi bilan:—
Yo‘riqnomaning «Qo‘llanilishi» bo‘limida dori 18 yoshdan katta kattalar uchun deyilgan — ruscha asl matnda bolalar uchun ko‘rsatma yo‘q.
Tavsiya etilgan kurs: har kuni in’yeksiya, 10–20 kun. Holat yaxshilanib borsa, kurslar takrorlanishi mumkin; birinchi kursdan keyin haftasiga 2 yoki 3 martagacha kamaytirilishi mumkin.
Mushak ichiga — 5 ml gacha, vena ichiga — 10 ml gacha. 10 ml dan 50 ml gacha dozalar faqat standart eritmada suyultirilib, sekin tomchi qilib 15 dan 60 daqiqagacha yuboriladi.
Suyultirish uchun: 0,9% natriy xlorid, Ringer eritmasi, 5% glyukoza (xona haroratida va yorug‘likda 24 soat mos).
Juda tez yuborilsa issiqlik hissi, terlash, bosh aylanishi bo‘lishi mumkin — sekin yuboriladi.
Vitaminlar va yurak qon aylanishini yaxshilovchi dorilar bilan birga buyurilishi mumkin, lekin bitta shpritsda aralashtirilmaydi. Faqat tiniq eritma, faqat bir marta ishlatiladi.

Kimga mumkin, kimga mumkin emas

  • Homiladorlik Ehtiyotkorlik bilan

    I uch oylikda ehtiyotkorlik bilan. Homiladorlikda faqat foyda va xavf sinchkovlik bilan baholangach. Tajribalarda homilaga zarar ko‘rsatmagan, lekin odamlarda tadqiqot o‘tkazilmagan.

  • Emizish davri Ehtiyotkorlik bilan

    Ehtiyotkorlik bilan, faqat foyda va xavf baholangach.

  • Buyrak Mumkin emas

    O‘tkir buyrak yetishmovchiligida mumkin emas.

  • Epilepsiya Mumkin emas

    Epileptik statusda mumkin emas. Davolash paytida juda kam hollarda katta epileptik xurujlar va tirishishlar qayd etilgan.

  • Haydovchilar Mumkin

    Transport boshqarish va mexanizmlar bilan ishlashga ta’sir qilmaydi.

Qo‘llash mumkin bo‘lmagan holatlar

  • Dorini individual ko‘tara olmaslik
  • O‘tkir buyrak yetishmovchiligi
  • Epileptik status

Tarkibi

20ml li dorining barcha moddalari, yordamchi moddalar ham

Tserebrolizin kontsentratta’sir qiluvchi215.2 ml
Azot
In’yeksiya uchun suv792.7 mg
Natriy gidroksid2.1 mg

Nojo‘ya ta’sirlar

Qanchalik ko‘p uchrashi bo‘yicha

Kamdan-kam10 000 kishidan 1 tadan 1000 tagacha
juda tez yuborilganda issiqlik hissi, terlash, bosh aylanishi (yagona hollarda yurak tez urishi yoki aritmiya)ishtaha yo‘qolishi, dispepsiya, ich ketishi, ich qotishi, ko‘ngil aynishi, qusishqo‘zg‘alish: tajovuzkor xulq, ong chalkashishi, uyqusizlikukol joyida qizarish, qichishish, achishish
Juda kam10 000 kishidan 1 tadan kam
katta epileptik xurujlar va tirishishlar (0,01% dan kam)yuqori sezuvchanlik yoki allergik reaksiyalar: bosh og‘rig‘i, bo‘yin, oyoq-qo‘l va bel og‘rig‘i, hansirash, et uvishishi, kollaps holatitez-tez nafas olish (giperventilyatsiya), qon bosimi oshishi yoki pasayishi, charchash, titroq, depressiya, loqaydlik, bosh aylanishi, grippga o‘xshash belgilar (yo‘tal, tumov, nafas yo‘llari infeksiyalari)

Boshqa dorilar bilan birga

  • Muvozanatlangan aminokislota eritmalari Birga ichilmaydi

    Bitta infuziya eritmasida aralashtirilmaydi.

  • Lipidli eritmalar va muhit pH ini (5,0–8,0) o‘zgartiruvchi eritmalar Birga ichilmaydi

    Mos kelmaydi.

  • Antidepressantlar, MAO ingibitorlari Ehtiyotkorlik

    Ta’sirlar qo‘shilishi mumkin — antidepressant dozasini kamaytirish tavsiya etiladi.

Ko‘p ichib qo‘ydingizmi?

Dozadan oshirib yuborish holatlari aniqlanmagan.

103

Tserebrolizin narxi

Davlat belgilagan eng yuqori chakana narx (referent narx). Har bir qadoq yonida narx belgilangan sana.

Cerebrolysin Inyeksiya uchun eritma 5ml ampulalar №5(1x5)01.07.2025337 751 so‘m
Cerebrolysin Inyeksiya uchun eritma 10ml ampulalar №5(1x5)01.07.2025459 528 so‘m
Cerebrolysin Inyeksiya uchun eritma 20ml ampulalar №5(1x5)01.11.2026725 627 so‘m

Manba: Farmatsevtika tarmog‘ini rivojlantirish agentligi, referent narxlar ro‘yxati.

Ko‘p beriladigan savollar

Tserebrolizin qanday yuboriladi?

Mushak ichiga 5 ml gacha, vena ichiga 10 ml gacha. 10 ml dan 50 ml gacha dozalar faqat suyultirilib, sekin vena ichiga infuziya bilan yuboriladi.

Tserebrolizin kursi necha kun?

Tavsiya etilgan kurs — har kuni 10–20 kun. Holat yaxshilanib borsa, kurslar takrorlanishi mumkin.

Bir martada qancha yuboriladi?

Kasallikka qarab 5 ml dan 50 ml gacha: o‘tkir holatlarda 10–50 ml, demensiya va depressiyada 5–30 ml. Aniq dozani shifokor belgilaydi.

Homiladorlikda mumkinmi?

Faqat foyda va xavf sinchkovlik bilan baholangach, ayniqsa I uch oylikda va emizish davrida ehtiyotkorlik bilan.

Nojo‘ya ta’sirlarning hammasi dorining o‘zidanmi?

Yo‘riqnomaga ko‘ra, ba’zi ta’sirlar (qo‘zg‘alish, qon bosimi o‘zgarishi, holsizlik, titroq, depressiya, loqaydlik, bosh aylanishi, bosh og‘rig‘i, hansirash, ich ketishi, ko‘ngil aynishi) klinik sinovlarda platsebo olgan bemorlarda ham xuddi shunday uchragan.

Kimga mumkin emas?

Dorini ko‘tara olmaslik, o‘tkir buyrak yetishmovchiligi va epileptik statusda.

Rasmiy yo‘riqnoma

Rasmiy yo‘riqnomaning to‘liq matni

Tavsifi

qahrabo rangli tiniq eritma.

Qo‘llanilishi

Alsgeymer kasalligi, turli genezli demensiya sindromi, surunkali serebrovaskulyar yetishmovchilik, ishemik insult, bosh va orqa miyaning travmatik shikastlanishlari, bolalardagi aqliy rivojlanishning kechikishi, bolalardagi diqqatning kamayib ketishi bilan bog‘liq bo‘lgan parishonxotirlik; antidepressantlarga rezistent bo‘lgan endogen depressiyani majmuaviy davolashda qo‘llanadi.

Qo‘llash usuli va dozalari

Parenteral qo‘llanadi. Dozalari va davolash davomiyligi, kasallikning og‘irligi va xarakteri, shuningdek, bemorning yoshiga bog‘liq. Miqdori 50 ml ga yetishi mumkin bo‘lgan bir martalik dozalarni buyurish mumkin, biroq davolash kursini o‘tkazish ma’qulroqdir.

Tavsiya etilgan optimal davolash kursi 10-20 kun davomidagi kundalik in’eksiyalardan iborat.

  • O‘tkir hollarda (ishemik insult, bosh-miya jarohati, neyroxirurgik operasiyalarning asoratlari):
10 ml dan 50 ml gacha
  • Bosh va orqa miya jarohati va miya insultining rezidual davrda:
5 ml dan 50 ml gacha
  • Psixoorganik sindromi va depressiyada:
5 ml dan 30 ml gacha
  • Alsgeymer kasalligida, tomir va qo‘shilgan alsgeymer-tomir genezili demensiyada:
5 ml dan 30 ml gacha
  • Neyropediatrik amaliyotida:
0,1-0,2 ml/kg vaznga

Davolash samaradorligini oshirish uchun, davolash natijasida pasiyentning holatini yaxshilanishi kuzatilgunicha takroriy kurslar o‘tkazilishi mumkin. Birinchi kurs o‘tkazilganidan keyin dozalarni buyurish davriyligi haftasiga 2 yoki 3 martagacha kamaytirilishi mumkin.

Serebrolizin in’eksiyalar ko‘rinishida: mushak ichiga (5 ml gacha) va vena ichiga (10 ml gacha) qo‘llanadi. 10 ml dan 50 ml gacha dozalarni infuziya uchun taklif qilingan standart eritmalar bilan suyultirilgandan keyin, faqat asta-sekin vena ichiga infuziyalar yordamida yuborish tavsiya qilinadi. Infuziyaning davomiyligi 15 dan 60 minutgachani tashkil qiladi.

Ehtiyotkorlik va tibbiy personal uchun ma’lumot

In’eksiya haddan tashqari tez bajarilganida qizish hissi, terlash, bosh aylanishi bo‘lishi mumkin. Shuning uchun preparani asta-sekin yuborish kerak.

Preparatni (24 soat davomida xona haroratida va yorug‘likda) infuziya uchun quyidagi standart eritmalar bilan mutanosibligi tekshirilgan va isbotlangan:

  • Natriy xloridining 0,9% li eritmasi (9 mg NaCl/ml).
  • Ringer eritmasi (Na+ - 153,98 mmol/l; Sa2+ - 2,74 mmol/l; K+ - 4,02 mmol/l; Cl- - 163,48 mmol/l).
  • 5% li glyukoza eritmasi.

Serebrolizinni vitaminlar va yurakda qon aylanishini yaxshilovchi preparatlar bilan bir vaqtda buyurishga yo‘l qo‘yiladi, biroq bu preparatlarni Serebrolizin bilan bir shprisda aralashtirish mumkin emas.

Faqat tiniq eritmani va faqat bir marta ishlatish kerak.

Qo‘llash mumkin bo‘lmagan holatlar

  • preparatni shaxsiy o‘zlashtiraolmaslik
  • o‘tkir buyrak yetishmovchiligi
  • epileptik statusda qo‘llash mumkin emas.

Nojo‘ya ta’sirlar

Tez-tez uchraydigan nojo‘ya samaralari - 1/100 dan ortiq - 1/10 dan kam; kam uchraydigan nojo‘ya samaralari - 1/1000 dan ko‘p - 1/100 dan kam; juda kam uchraydigan nojo‘ya samaralari - 1/10000 dan ko‘p - 1/1000 dan kam; kamdan-kam uchraydigan nojo‘ya samaralari - 1/10000 dan kam.

Haddan tashqari tez yuborilganida kam hollarda quzish hissi, terlash, bosh aylanishi va (yakka hollarda) yurakni tez urishi va aritmiyalar bo‘lishi mumkin.

Me’da-ichak yo‘llari tomonidan: kam hollarda ishtahani yo‘qolishi, dispepsiya, diareya, qabziyatlar, ko‘ngil aynishi va qusish kuzatilgan.

MNT va periferik nerv tizimi tomonidan: kam hollarda taxmin qilinayotgan faollashuv samarasi qo‘zg‘alish (agressiv xulq, ongni chalkashishi, uyqusizlik bilan namoyon bo‘ladigan) bilan kechgan. Serebrolizin bilan davolanish davrida yakka hollarda (<0,01%) katta tutqanoq xurujlari va tirishishlar paydo bo‘lganligi haqida xabarlar bor.

Immun tizimi tomonidan: kamdan-kam hollarda bosh og‘rig‘i; bo‘yinda va qo‘l-oyoqlarda, orqaning pastki qismida og‘riq hislari; hansirash, et uvishishi va kollaptoid holat bilan namoyon bo‘luvchi yuqori sezuvchanlik reaksiyalari yoki allergik reaksiyalar aniqlangan.

Mahalliy reaksiyalar: kam hollarda terini qizarishi, in’eksiya joyida qichishish va achishish aniqlanadi.

Boshqalar: tekshirish natijalari bo‘yicha giperventilyasiya, arterial gipertoniya, arterial gipotoniya, charchoqlik, tremor, depressiya, apatiya, bosh aylanishi va grippga o‘xshash simptomlarning (yo‘tal, tumov, nafas yo‘llarining infeksiyalari) kamdan-kam hollari to‘g‘risida xabar berilgan.

Ayrim noxush samaralari (qo‘zg‘alish, arterial gipertoniya, arterial gipotoniya, lanjlik, tremor, depressiya, apatiya, bosh aylanishi, bosh og‘rig‘i, hansirash, diareya, ko‘ngil aynishi) klinik sinovlar vaqtida aniqlangan va Serebrolizin olgan pasiyentlarda ham, plasebo guruhidagi pasiyentlarda ham bir xil darajada ro‘y bergan.

Maxsus ko‘rsatmalar

Homiladorlik va laktasiya

Preparat homiladorlikning I uch oyligida va laktasiya davrida ehtiyotkorlik bilan buyuriladi.

Homiladorlik davrida va emizish vaqtida Serebrolizin faqat, davolashning ijobiy samarasi va uni o‘tkazish bilan bog‘liq bo‘lgan xavf orasidagi o‘zaro nisbat sinchiklab tahlil qilinganidan keyingina qo‘llanishi kerak. Eksperimental tadqiqotlarning natijalari, Serebrolizinni qandaydir teratogen ta’sirga egaligi yoki homilaga zaharli ta’sir ko‘rsatishini taxmin qilishga asos bo‘lmaydi. Biroq, xuddi shunday klinik tadqiqotlar o‘tkazilmagan.

Transport vositalarini boshqarish qobiliyatiga ta’siri

Klinik sinovlar Serebrolizinni transport vositalarni boshqarish va mexanizmlarni ishlatish qobiliyatiga ta’sir etmasligini ko‘rsatdi.

Boshqa dorilar bilan o‘zaro ta’siri

Serebrolizinning farmakologik profilini hisobga olib, antidepressantlar yoki MAO ingibitorlari bilan birga buyurilganida paydo bo‘lishi mumkin bo‘lgan additiv samaralarga maxsus e’tibor qaratish kerak. Bunday hollarda antidepressantning dozasini pasaytirish tavsiya etiladi.

Serebrolizinni va aminokislotalarning muvozanatlangan eritmalarini infuziya uchun bir eritmada aralashtirish mumkin emas, Serebrolizin tarkibiga lipidlar kirgan eritmalar va rN muhitni o‘zgartiradigan eritmalar bilan to‘g‘ri kelmaydi.

Homiladorlik va emizish davrida

Preparat homiladorlikning I uch oyligida va laktasiya davrida ehtiyotkorlik bilan buyuriladi.

Homiladorlik davrida va emizish vaqtida Serebrolizin faqat, davolashning ijobiy samarasi va uni o‘tkazish bilan bog‘liq bo‘lgan xavf orasidagi o‘zaro nisbat sinchiklab tahlil qilinganidan keyingina qo‘llanishi kerak. Eksperimental tadqiqotlarning natijalari, Serebrolizinni qandaydir teratogen ta’sirga egaligi yoki homilaga zaharli ta’sir ko‘rsatishini taxmin qilishga asos bo‘lmaydi. Biroq, xuddi shunday klinik tadqiqotlar o‘tkazilmagan.

Transport boshqarishga ta’siri

Klinik sinovlar Serebrolizinni transport vositalarni boshqarish va mexanizmlarni ishlatish qobiliyatiga ta’sir etmasligini ko‘rsatdi.

Dozani oshirib yuborish

Aniqlanmadi.

Farmakodinamikasi

Serebrolizin gematoensefalik to‘siqdan o‘tib, to‘g‘ridan-to‘g‘ri nerv hujayralariga kiradigan pastmolekulyar biologik faol neyropeptidlar saqlaydi. Preparat bosh miyaga organospesifik multimodal ta’sirga ega, ya’ni metabolik boshqaruv, neyroproteksiya, funksional neyromodulyasiya va neyrotrofik faollikni ta’minlaydi.

a) metabolik regulyasiya: serebrolizin bosh miyaning aerob energetik metabolizmining samaradorligini oshiradi, rivojlanayotgan va qariyotgan bosh miyada hujayra ichki oqsil sintezini yaxshilaydi.

b) neyroproteksiya: serebrolizin neyronlarni laktasidozning shikastlovchi ta’siridan himoya qiladi, erkin radikallarni hosil bo‘lishini oldini oladi, gipoksiya va ishemik sharoitlarda neyronlarning yashab qolish darajasini oshiradi va nobud bo‘lishini oldini oladi, qo‘zg‘atuvchi aminokislotalarning (glutamat) shikastlovchi neyrotoksik ta’sirini kamaytiradi.

v) neyrotrofik faollik: serebrolizin – neyrotrofik faolligi isbotlangan, neyronal o‘sishning (NGF) tabiiy omillari ta’siriga o‘xshash ta’sirli yagona nootrop peptidergik preparat bo‘lib, samarasi periferik sharoitda yuborilganda namoyon bo‘ladi.

g) funksional neyromodulyasiya: serebrolizin kognitiv funksiyalar buzilganida, ma’lumotlarni eslab qolish jarayoniga ijobiy ta’sir ko‘rsatadi.

Farmakokinetikasi

Faol fraksiyasi umumiy polifunksional ta’sirga ega bo‘lgan, biologik faol oligopeptidlarning muvozanatlangan va barqaror aralashmasidan iborat bo‘lgan serebrolizinning murakkab tarkibi alohida komponentlarni odatdagi farmakokinetik tahlilini o‘tkazishga yo‘l qo‘ymaydi.

Manba: Sog‘liqni saqlash vazirligi huzuridagi Farmatsevtika mahsulotlari xavfsizligi markazi — dori vositalari davlat reyestri, ro‘yxat raqami DV/X 00603/07/15, ro‘yxatga olingan: 18.03.2026. Qadoq rasmlari — Farmatsevtika tarmog‘ini rivojlantirish agentligi. Ma’lumot tanishish uchun, shifokor maslahatining o‘rnini bosmaydi. Sahifa yangilangan: 07.11.2026.
Yuborish yo‘liMushak ichiga (5 ml gacha) yoki vena ichiga (10 ml gacha)
KursHar kuni 10–20 kun
Homiladorlik va emizishEhtiyotkorlik bilan, foyda-xavf baholangach
HaydovchilarTa’sir qilmaydi
Nima uchunDozasiKimga mumkin emasTarkibiNojo‘ya ta’sirlarBoshqa dorilar bilanNarxiSavollarRasmiy yo‘riqnoma

Sayt pastki qismi

Kasallik.uz

Kasalliklar, ularning belgilari, sabablari, tashxis va davolash usullari haqida o'zbek va rus tillarida sodda va ishonchli ma'lumotlar.

РусскийO'zbekcha

Sayt

  • Bosh sahifa
  • Dorilar
  • Statistika
  • Maqolalar
  • Bo'limlar
  • Homiladorlik kalendari
  • Ovulyatsiya kalendari
  • O'g'il yoki qiz kalendari
  • Tana vazni indeksi
  • Kaloriya kalkulyatori
  • Bolalar uchun dori dozasi
  • Mualliflar

Loyiha

  • Biz haqimizda
  • Tahririyat
  • Tahririyat siyosati
  • Aloqa

Huquqiy ma'lumot

  • Maxfiylik siyosati
  • Foydalanish shartlari
  • Tibbiy ogohlantirish
  • Cookie siyosati

Saytdagi ma'lumotlar faqat tanishish uchun mo'ljallangan va shifokor maslahati, tashxisi yoki davolashining o'rnini bosmaydi. Sog'lig'ingiz bilan bog'liq har qanday savol bo'yicha mutaxassisga murojaat qiling. Shoshilinch holatda 103 raqamiga qo'ng'iroq qiling. Batafsil

© 2026 Kasallik.uz. Barcha huquqlar himoyalangan.

Materiallardan foydalanilganda Kasallik.uz saytiga faol havola berilishi shart.

Bosh sahifaMavzular
Dorilar