Sefiksim
- Ishlab chiqaruvchi
- ООО Radiks
- Mamlakat
- O‘zbekiston
- Ro‘yxat raqami
- DV/M 04302/11/22
- Ruxsat muddati
- 23.08.2030 gacha
- Saqlash muddati
- 2 yil
- ATX kodi
- J01DD08
Sefiksim nima uchun ishlatiladi
Sefiksim — sefalosporinlar guruhidagi antibiotik. Unga sezgir mikroblar keltirib chiqargan nafas yo‘llari, LOR a’zolari, siydik yo‘llari, o‘t yo‘llari infeksiyalari va qorin tifida qo‘llanadi.
Nafas yo‘llari infeksiyalari
Yuqori va quyi nafas yo‘llari infeksiyalari, bakterial o‘pka infeksiyalari, o‘tkir va surunkali bronxit, zotiljam (pnevmoniya), infeksiyalangan bronxoektazlar, surunkali nafas kasalliklaridagi ikkilamchi infeksiyalar.
Quloq, tomoq va burun infeksiyalari
O‘rta otit, sinusit, tonzillit, faringit, laringit. Shuningdek skarlatina.
Siydik yo‘llari infeksiyalari
Buyrak va siydik yo‘llarining asoratli va asoratsiz infeksiyalari (prostatitdan tashqari), piyelonefrit, sistit, gonokokkli uretrit va asoratsiz gonoreya.
O‘t yo‘llari infeksiyalari
O‘t yo‘llari infeksiyalari, xoletsistit va xolangit.
Ichak infeksiyasi
Qorin tifi.
Qancha va qanday qabul qilinadi
Rasmiy yo‘riqnoma bo‘yicha (Optiksim 100 kukuni yo‘riqnomasi). Tayyor suspenziyaning 1 ml ida 20 mg, 5 ml ida 100 mg sefiksim bor. Bolalarga doza vaznga qarab hisoblanadi: kuniga 1 marta har kilogrammga 8 mg yoki har 12 soatda har kilogrammga 4 mg.
Kimga mumkin, kimga mumkin emas
Bolalar Ehtiyotkorlik bilan
6 oylikdan beriladi, doza vaznga qarab. 6 oylikkacha mumkin emas.
Homiladorlik Ehtiyotkorlik bilan
Ma’lumot yetarli emas; dori yo‘ldosh orqali homilaga o‘tadi. Faqat shifokor foyda va xavfni baholagandan keyin.
Emizish davri Ehtiyotkorlik bilan
Sefiksimning ona sutiga o‘tishi noma’lum. Yetarli klinik tajriba bo‘lmaguncha emizikli ayollarga tayinlash tavsiya etilmaydi.
Buyrak yetishmovchiligi Ehtiyotkorlik bilan
Kreatinin klirensi 20 ml/min dan kam bo‘lsa, doza kuniga 200 mg dan oshmasligi kerak. Buyrak yetishmovchiligi bor 12 yoshgacha bolalarga tavsiya etilmaydi.
Qandli diabet va fruktoza Ehtiyotkorlik bilan
Tarkibida saxaroza bor — qandli diabetda hisobga oling. Irsiy fruktozani ko‘tarmaslikda qo‘llanmaydi. Uzoq ishlatilsa tishlarga zarar qilishi mumkin.
Haydovchilar Ehtiyotkorlik bilan
Ta’sir qilmaydi, lekin bosh aylanishi mumkin.
Qo‘llash mumkin bo‘lmagan holatlar
- Ilgari sefalosporin antibiotiklariga allergiya bo‘lgan bo‘lsa
- 6 oylikkacha bolalar (suspenziya)
- Irsiy fruktozani ko‘tarmaslik va shunga bog‘liq buzilishlar
- Qandli diabetda ehtiyot bo‘ling — tarkibida saxaroza bor
Tarkibi
100mg li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Ichak harakatini susaytiruvchi dorilar Birga ichilmaydi
Antibiotik sabab bo‘lgan og‘ir ich ketishida mumkin emas.
Antikoagulyantlar (qon ivishini kamaytiruvchi dorilar) Ehtiyotkorlik
Sefiksim protrombin indeksini pasaytiradi va bilvosita antikoagulyantlar ta’sirini kuchaytiradi — ehtiyotkorlik kerak.
Magniy yoki alyuminiy gidroksidli antatsidlar Ehtiyotkorlik
Sefiksimning so‘rilishini sekinlashtiradi.
Ko‘p ichib qo‘ydingizmi?
Belgilari: allergik reaksiyalardan tashqari, yuqorida yozilgan nojo‘ya ta’sirlarning kuchayishi. Davolash: oshqozon yuviladi, belgilarga qarab va qo‘llab-quvvatlovchi davo; gemodializ va peritoneal dializ samarasiz.
Analoglari: sefiksim
Tarkibida sefiksim bor 29 ta dori. Almashtirishdan oldin shifokor yoki farmatsevt bilan maslahatlashing.
Tsef-ODSuspenziya · 100 mg/5ml · PokistonRetseptli
Tsef-ODKapsula · 200 mg · PokistonRetseptli
BimaksSuspenziya · 100 mg/5 ml · TurkiyaRetseptli
BiteksimSuspenziya · 60ml · HindistonRetseptli
FiksimKapsula · 400 mg · HindistonRetseptli
FiksimklavTabletka · 200 mg + 125 mg · HindistonRetseptliKo‘p beriladigan savollar
Bolaga Sefiksim suspenziyasidan necha ml beriladi?
Vaznga qarab, bir kunlik doza: 10 kg — 80 mg (4 ml), 15 kg — 120 mg (6 ml), 20 kg — 160 mg (8 ml), 25 kg — 200 mg (10 ml), 37,5 kg dan ortiq — 400 mg (20 ml). Kuniga 1 marta yoki 12 soatda bir ikkiga bo‘lib beriladi.
Necha kun ichiladi?
Odatdagi kurs 7 kun, kerak bo‘lsa 14 kungacha uzaytirilishi mumkin.
Suspenziya qanday tayyorlanadi?
Paketcha ichidagini 5 ml sovutilgan qaynatilgan suvda (taxminan 1 choy qoshiq) eritib, yaxshi aralashtiring va darhol iching.
Ovqatdan oldin yoki keyin beriladimi?
Ovqatdan qat’i nazar. Hazm buzilsa, ovqat bilan birga bering.
Chaqaloqqa berish mumkinmi?
6 oylikkacha mumkin emas — bu yoshda xavfsizligi aniqlanmagan.
Homiladorlik va emizishda mumkinmi?
Homiladorlikda faqat shifokor foyda va xavfni baholagandan keyin. Emizikli ayollarga tayinlash tavsiya etilmaydi.
Rasmiy yo‘riqnoma
Rasmiy yo‘riqnomaning to‘liq matni
Bu dorining o‘z yo‘riqnomasi reyestrda yo‘q, shu ta’sir qiluvchi moddali dori yo‘riqnomasi keltirilgan: Оптиксим 100 Порошок для приготовления суспензии для приёма внутрь 5 мг/мл 2г саше №10(10x1) (DV/X 11449/08/26). Doza dorining shakli va miqdoriga qarab farq qilishi mumkin.
Tavsifi
Kukun:
Oq rangdan och sariq ranggacha, sochiluvchan granulalangan
Tayyor holdagi suspenziya:
Oqdan och sariq ranggacha bo‘lgan, apelsin ta’mli suspenziya.
Qo‘llanilishi
Optiksim 100 quyidagi mikroorganizmlar chaqirgan infeksiyalarni davolashda qo‘llash uchun ko‘rsatilgan:
Streptococcus, Streptococcus pneumonia, Neisseria gonorrhoeae, Neisseria meningitides, Moraxella (Branhamella) catarrhalis, Escherichia coli, Klebsiella, Serratia, Proteus, Providencia, Morganella morganii, Haemophilus influenza, Haemophilus parainfluenzae, Salmonella sp,Shigella sp, Aeromonas hydrophila, Pasteurella multocida, Citrobacter freundii, Citrobacter amalonaticus, Citrobacter diversus, Enterobacter sp, Acinetobacter iwoffi, Yersinia enterocolitica, Campylobacter jejuni.
Nafas yo‘llarining infeksiyalarida
Yuqori va quyi nafas yo‘llarining infeksiyalari, bakterial etiologiyali o‘pka infeksiyalari, bronxit (o‘tkir va surunkali), pnevmoniya, infeksiyali bronxoektazlar va surunkali respirator kasalliklardagi ikkilamchi infeksiyalar.
Quloq, burun va tomoq infeksiyalari
O‘rta otit, sinusit, tonzillit, faringit va laringit.
Skarlatina
Me’da-ichak infeksiyalari
Qorin tifi
Siydik chiqarish yo‘llarining infeksiyalari
Buyrak va siydik chiqarish yo‘llarining infeksiyalari, siydik chiqarish yo‘llarining asoratlangan va asoratlanmagan infeksiyalari (prostatitdan tashqari), piyelonefrit, sistit, gonokokkli uretrit va asoratlanmagan gonoreya (servikal/ uretral).
O‘t-safro yo‘llarining infeksiyalari
O‘t-safro yo‘llarining infeksiyalari, xolesistit va xolangit.
Qo‘llash usuli va dozalari
6 oylikdan 12 yoshgacha bo‘lgan bolalarga preparat suspenziya ko‘rinishida sutkada bir marta tana vazni kg ga 8 mg dozada yoki 4 mg/kg dan har 12 soatda buyuriladi.
6 oylikdan 1 yoshgacha bo‘lgan bolalarga dozalash kg tana vazniga/mg larda hisoblanishi kerak. Agarda bolaning tana vazni 50 kg dan ortiq bo‘lsa, yoshi 12 yoshdan katta bo‘lsa, unda kattalarning dozalarini qo‘llash lozim.
6 oylikdan kichik bolalarda sefiksimning samaradorligi va xavfsizligi aniqlanmagan.
Suyultirilgan suspenziya bir hafta davomida qo‘llanilishi kerak.
Bolalar uchun dozalash sxemasi
Tana vazin (kg) | Kundalik doza (mg) | Kundalik doza (ml) |
6.25 | 50 | 2.5 |
10.0 | 80 | 4 |
12.5 | 100 | 5 |
15 | 120 | 6 |
17.5 | 140 | 7 |
18.75 | 150 | 7.5 |
20 | 160 | 8 |
22.5 | 180 | 9 |
25 | 200 | 10 |
27.5 | 220 | 11 |
31.25 | 250 | 12.5 |
37.5 | 300 | 15 |
> 37.5 | 400 | 20 |
Preparat bilan oddiy davolash kursi 7 kunni tashkil etadi. Zarur bo‘lsa, u 14 kungacha davom ettirilishi mumkin.
Suspenziyani tayyorlash qoidasi
Paketdagi kukunni 5 ml qaynatilgan xona haroratigacha sovutilgan suvda (taxminan 1 choy qoshiq) eritib, yaxshilab aralashtirish va tayyor bo‘lgan suspenziyani darxol qabul qilish kerak. Optiksim 100 suspenziyasining 1 ml miqdori 20 milligramm (mg) sefiksimga teng,
5 ml og‘iz suspenziyasi esa 100 milligramm (mg) sefiksimga teng.
Buyrak yetishmovchiligida dozalash
Optiksim 100 buyraklar faoliyatining buzilishida buyurilishi mumkin. Normal doza va qabul qilishlar soni kreatinin klirensi minutiga 20 ml yoki undan va yuqori bo‘lganida buyurilishi mumkin. Kreatinin klirensi minutiga 20 ml dan kam bo‘lgan pasiyentlarda doza sutkada bir marta 200 mg dan oshmasligi kerak. Ambulator peritoneal dializdagi yoki gemodializdagi pasiyentlarda preparatni qabul qilish soni va dozasi, kreatinin klirensi minutiga 20 ml dan kamroq bo‘lgan pasiyentlardagi kabi bo‘lishi kerak.
Buyrak yetishmovchiligi bo‘lgan 12 yoshgacha bo‘lgan bolalarda sefiksimni qo‘llash bo‘yicha ma’lumotlar yetarli emas, shuning uchun ushbu toifadagi bemorlarda uni qo‘llash tavsiya etilmaydi.
O‘tkazib yuborilgan doza
Agarda siz preparatning qabul qilish vaqtini o‘tkazib yuborgan bo‘lsangiz, bu haqida eslashingiz bilan uni qabul qiling. Agarda bu keyingi qabulga yaqin bo‘lsa, unda qabulni o‘tkazib yuboring va odatdagi qabul qilish tartibiga qayting. O‘tkazib yuborilgan dozaning o‘rnini bosish uchun keyingi dozani ikki barobar oshirmang.
Umumiy tavsiyalar
Preparat ovqat qabul qilishga bog‘liq bo‘lmagan holda buyuriladi, ammo agarda ovqat hazm qilishning buzilishi aniqlansa, unda preparatni ovqat bilan birga qabul qilish tavsiya qilinadi.
Qo‘llash mumkin bo‘lmagan holatlar
Anamnezida sefolosparin antibiotiklariga allergiyasi bo‘lgan pasiyentlarda qo‘llash mumkin emas.
Suspenziya: 6 oylikkacha bo‘lgan bolalar.
Saxaroza saqlaydi: qandli diabetda hisobga olish kerak.
Fruktozaga irsiy toqatsizlik va shunga bog‘liq buzilishlarda qo‘llanilmaydi.
Uzoq vaqt qo‘llanilganda tishlarga zararli ta’sir ko‘rsatishi mumkin.
Nojo‘ya ta’sirlar
Ovqat hazm qilish tizimi tomonidan: og‘izni qurishi, anoreksiya, diareya, ko‘ngil aynishi, qusish, qorinda og‘riq, meteorizm, jigar transaminazalari va ishqoriy fosfatazaning faolligini tranzitor oshishi, giperbilirubenemiya, sariqlik, me’da-ichak yo‘llarining kandidozi, disbakterioz; kam – stomatit, glossit, psevdomembranoz enterokolit.
Qon yaratish tizimi tomonidan: leykopeniya, trombositopeniya, neytropeniya, gemolitik anemiya.
Markaziy nerv tizimi tomonidan: bosh aylanishi, bosh og‘rig‘i.
Siydik chiqarish tizimi tomonidan: interstisial nefrit
Allergik reaksiyalar : terining qichishishi, eshakemi, teri giperemiyasi, eozinofiliya, istma.
Maxsus ko‘rsatmalar
Umumiy qoida sifatida qo‘zg‘atuvchiga sezuvchanlik aniqlangandan keyin, mikroorganizmlarning preparatga chidamliligi paydo bo‘lishini oldini olish maqsadida pasiyentning u yoki bu holatini davolash uchun zarur preparatni qo‘llashning davomiyligi minimal davr bilan chegaralangan bo‘lishi kerak.
Dorini uzoq vaqt qo‘llash sezgir bo‘lmagan mikroorganizmlarning ko‘payishiga olib kelishi mumkin.
Keng ta’sir doirasiga ega antibiotiklar ichak mikroflorasini o‘zgartiradi va Clostridium difficile bilan bog‘liq ich ketishga sabab bo‘lishi mumkin. Og‘ir ich ketishi paydo bo‘lsa, psevdomembranoz kolit xavfi bor.
Bunday holatda dori to‘xtatiladi va zarur tekshiruvlar hamda davolash o‘tkaziladi. Og‘ir holatlarda vankomisin qo‘llanilishi mumkin. Ichak peristaltikasini susaytiruvchi dorilarni qo‘llash mumkin emas.
Boshqa dorilar bilan o‘zaro ta’siri
Optiksim 100 protrombin indeksini pasaytiradi, bilvosita antikoagulyantlarning ta’sirini kuchaytiradi. Magniy yoki alyuminiy gidroksidi saqlovchi antasidlar Sefiksimning so‘rilishini sekinlashtiradi. Boshqa sefalosporinlar qo‘llanilganidagi kabi, ayrim bemorlarda protrombin vaqtining uzayishi kuzatilgan. Shuning uchun antikoagulyant terapiyasini qabul qilayotgan bemorlarda ehtiyotkorlikka rioya qilish kerak.
Maxsus ko‘rsatmalar
Umumiy qoida sifatida qo‘zg‘atuvchiga sezuvchanlik aniqlangandan keyin, mikroorganizmlarning preparatga chidamliligi paydo bo‘lishini oldini olish maqsadida pasiyentning u yoki bu holatini davolash uchun zarur preparatni qo‘llashning davomiyligi minimal davr bilan chegaralangan bo‘lishi kerak.
Dorini uzoq vaqt qo‘llash sezgir bo‘lmagan mikroorganizmlarning ko‘payishiga olib kelishi mumkin.
Keng ta’sir doirasiga ega antibiotiklar ichak mikroflorasini o‘zgartiradi va Clostridium difficile bilan bog‘liq ich ketishga sabab bo‘lishi mumkin. Og‘ir ich ketishi paydo bo‘lsa, psevdomembranoz kolit xavfi bor.
Bunday holatda dori to‘xtatiladi va zarur tekshiruvlar hamda davolash o‘tkaziladi. Og‘ir holatlarda vankomisin qo‘llanilishi mumkin. Ichak peristaltikasini susaytiruvchi dorilarni qo‘llash mumkin emas.
Homiladorlik va emizish davrida
Homilador ayollarda sefiksimni qo‘llash bo‘yicha yetarli ma’lumotlar mavjud emas. Hayvonlarda o‘tkazilgan tadqiqotlarda homiladorlikka, embrion/homila rivojlanishiga, tug‘ruqqa yoki tug‘ruqdan keyingi rivojlanishga salbiy ta’sir ko‘rsatmagan. Biroq sefiksim plasenta orqali homilaga o‘tishi aniqlangan.
Ehtiyot chorasi sifatida sefiksim homiladorlik davrida faqat shifokor tomonidan foyda/xavf nisbati baholangandan keyin qo‘llanilishi kerak.
Sefiksim inson ona sutiga ajralishi ma’lum emas. Klinik oldi tadqiqotlarda hayvonlar sutiga ajralishi kuzatilgan.
Emizishni davom ettirish yoki to‘xtatish, shuningdek sefiksim bilan davolashni davom ettirish yoki to‘xtatish qarori bola uchun emizishning foydasi va ayol uchun davolashning foydasini hisobga olgan holda qabul qilinishi kerak.
Biroq yetarli klinik tajriba bo‘lmaguncha, sefiksimni emizikli ayollarga tayinlash tavsiya etilmaydi.
Transport boshqarishga ta’siri
Ta’sir qilmaydi, ammo bosh aylanishi mumkin.
Dozani oshirib yuborish
Simptomlari: allergik reaksiyalardan tashqari, ta’riflangan nojo‘ya samaralar ko‘rinishlarining kuchayishi.
Davolash: me’dani yuvish, simptomatik va tutib turuvchi davolashni o‘tkazish.
Gemodializ va peritoneal dializ samarasiz.
Farmakodinamikasi
Optiksim 100 – III avlod sefalosporin antibiotigi. Bakterisid tasir ko‘rsatadi (bakteriyalar hujayra devorining asosiy struktur komponenti-peptidoglikan sintezini ingibirlaydi). Beta–laktamazalar tasiriga chidamli. Turli aerob va anaerob grammanfiy va grammusbat mikroorganizmlarga, shu jumladan Pseudomonas aeruginosa ga nisbatan keng ta’sir doirasiga ega. Optiksim 100 preparatiga sezgir mikroorganizmlar:
Turlari: Streptococcus sp, Streptococcus pneumonia, Neisseria gonorrhoeae, Neisseria meningitides, Moraxella (Branhamella) catarrhalis, Escherichia coli, Klebsiella sp, Serratia sp, Proteus sp, Providencia sp, Morganella morganii, Haemophilus influenza, Haemophilus parainfluenzae, Salmonella sp,Shigella sp, Aeromonas hydrophila, Pasteurella multocida, Citrobacter freundii, Citrobacter amalonaticus, Citrobacter diversus, Enterobacter sp, Acinetobacter iwoffi, Yersinia enterocolitica, Campylobacter jejuni.
Farmakokinetikasi
So‘rilishi va taqsimlanishi: Og‘iz orqali qabul qilinganda Optiksim 100 taxminan 40–50% miqdorda so‘riladi va bu ovqat qabul qilishga bog‘liq emas. Biroq, ovqat bilan birga qabul qilinganda maksimal so‘rilish vaqti taxminan 0,8 soatga uzayadi. Suspenziya shaklida preparatni 200 mg dozada qabul qilinganida qon zardobidagi maksimal konsentrasiyasiga 4 soatdan keyin erishiladi va 2,8 mkg/ml ni 400 mg dozada qabul qilganida–4,4 mkg/ml ni tashkil qiladi.
Plazma oqsillari bilan, asosan albuminlar bilan bog‘lanishi 65% tashkil qiladi.
Chiqarilishi: Dozaning taxminan 50% siydik bilan o‘zgarmagan holda 24 soat davomida chiqariladi, dozaning taxminan 10% o‘t-safro bilan chiqariladi. Yarimchiqarilish davri dozaga bog‘liq va 3–4 soatni tashkil qiladi.
Buyraklar faoliyatini buzilishlari bo‘lgan pasiyentlarda kreatinin klirensi 20–40 ml/min bo‘lganida yarim chiqarilish davri 6,4 soatgacha, kreatinin klirensi 5–10 ml/min bo‘lganida 11,5 soatgacha uzayadi.