





Pantenol
- Ishlab chiqaruvchi
- ЗАО «Зеленая Дубрава»
- Mamlakat
- Rossiya
- Ro‘yxat raqami
- DV/X 04828/08/18
- Ruxsat muddati
- 18.03.2031 gacha
- Saqlash muddati
- 3 yil
- ATX kodi
- D03AX03
Pantenol nima uchun ishlatiladi
Pantenol — dekspantenol (B5 vitamini hosilasi) saqlovchi malham. Terining tiklanishini tezlashtiradi, yallig‘lanishni biroz kamaytiradi, terini oziqlantiradi va yumshatadi.
Kuyish
Turli sababli kuyishlar, jumladan quyoshdan.
Tirnalish, shilinish, yaralar
Tirnalish, shilinish, yaralar, yotoq yaralari, yomon bitayotgan toza (aseptik) operatsiyadan keyingi yaralar.
Teri kasalliklari
Dermatitlar, chipqon (furunkul), oyoqlardagi trofik yaralar.
So‘rg‘ich yorilishi
Emizish davrida ko‘krak so‘rg‘ichlari yorilishi va yallig‘lanishini davolash va oldini olish.
Chaqaloq terisini parvarish
Bichilish va taglik dermatitining oldini olish va davolash, mayda shikastlarda terining bitishini tezlashtirish.
Quruq va ob-havodan zararlangan teri
Quruq terini parvarish qilish va himoyalash; sovuq, shamol, namlik ta’siri oqibatlarini davolash va oldini olish.
Qancha va qanday qabul qilinadi
Rasmiy yo‘riqnoma bo‘yicha, 5 % li malham uchun. Faqat tashqi qo‘llash uchun.
Kimga mumkin, kimga mumkin emas
Homiladorlik Mumkin
Homiladorlikda qo‘llash mumkin.
Emizish davri Mumkin
Qo‘llash mumkin. So‘rg‘ich yorilishiga surtilgan bo‘lsa, emizishdan oldin yuvib tashlang.
Chaqaloqlar Mumkin
Chaqaloqlarda bichilish va taglik dermatitida qo‘llanadi.
Allergiya Ehtiyotkorlik bilan
Tarkibidagi metilparagidroksibenzoat kechikkan allergik reaksiya (eshakemi, qichishish) chaqirishi mumkin.
Haydovchilar Mumkin
Mashina haydash va diqqat talab qiladigan ishlarga ta’sir qilmaydi.
Qo‘llash mumkin bo‘lmagan holatlar
- Malham tarkibidagi moddalarga yuqori sezuvchanlik (allergiya)
Tarkibi
5 % li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Boshqa dorilar Ehtiyotkorlik
O‘zaro ta’siri aniqlanmagan.
Ko‘p ichib qo‘ydingizmi?
Dozani oshirib yuborish holatlari kuzatilmagan.
Analoglari: dekspantenol
Tarkibida dekspantenol bor 10 ta dori. Almashtirishdan oldin shifokor yoki farmatsevt bilan maslahatlashing.
BepantenMalham · 5 % · GermaniyaRetseptsiz
BepantenKrem · 5% · GermaniyaRetseptsiz
PantegelGel · 5% · HindistonRetseptsiz
Pantenol aerozolBoshqa shakl · 50 mg · UkrainaRetseptsizKo‘p beriladigan savollar
Pantenol malhamini kuniga necha marta surtish kerak?
Kuniga 2–4 marta, zarur bo‘lsa ko‘proq — yupqa qavat qilib, yengil ishqalab.
Chaqaloqqa Pantenol surtsa bo‘ladimi?
Ha, bichilish va taglik dermatitida har taglik almashtirilganda yoki cho‘miltirilgandan keyin surtiladi.
Emizish davrida so‘rg‘ich yorilishiga surtish mumkinmi?
Ha, har emizgandan keyin surting va keyingi emizishdan oldin yuvib tashlang.
Homiladorlikda Pantenol mumkinmi?
Ha, homiladorlik va emizish davrida qo‘llash mumkin.
Pantenolni nam yaraga surtsa bo‘ladimi?
Yo‘q, nam (suv chiqib turgan) yaralarga surtilmaydi. Infeksiyalangan teri avval antiseptik bilan tozalanadi.
Rasmiy yo‘riqnoma
Rasmiy yo‘riqnomaning to‘liq matni
Tavsifi
Och-sariq rangli bir xil, sarg‘ish-jigarrangdan yashil-jigarrang ranggacha tusli bo‘lishi mumkin, lanolinga xos hidli surtma.
Qo‘llanilishi
Mexanik, kimyoviy, harorat omillari chaqirgan yoki jarroxlik aralashuvlaridan keyin teri qoplamasining butunligini buzilishi:
turli sababli kuyishlar (shu jumladan quyoshdan);
tirnalishlar, shilinishlar, yaralar, yotoq yaralar;
yomon bituvchi aseptik operasiyadan keyingi yaralar;
dermatitlar, furunkullar, oyoqdagi trofik yaralar;
laktasiya davrida sut bezlari so‘rg‘ichlarini yorilishi va yallig‘lanishini davolash va oldini olish;
bolalarni parvarish qilish: emizikli bolalarda bichilishlarni oldini olish va davolash, mayda shikastlanishlarda terini bitishi jarayonini faollashtirish, taglik dermatiti;
quruq teriga ishlov berish va himoyalash;
teriga tashqi muhit omillarining noxush ta’siri (sovuq, shamol, namlik) oqibatlarini davolash va oldini olishda qo‘llanadi
Qo‘llash usuli va dozalari
Sirtga.
Surtma sutkada 2-4 marta (zarurati bo‘lganida ko‘proq) yupqa qavat qilib shikastlangan sohaga surtiladi, yengil ishqalanadi.
Terining infeksiyalangan yuzasiga surtilganda, unga dastlab har qanday antiseptik bilan ishlov berish kerak.
Emizikli onalar har bir emizgandan keyin so‘rg‘ich yuzasiga surtma surtishlari kerak.
Emizikli bolalarga surtma har bir ich kiyimni almashtirilgandan keyin yoki suvli muolajadan keyin surtiladi.
Preparatni qo‘llash davomiyligi pasiyentda kasallikni kechishining individual xususiyatlariga bog‘liq va erishilgan terapevtik samara va preparatni o‘zlashtiraolishlik bilan belgilanadi.
Agar davolagandan keyin yaxshilanish kuzatilmasa yoki yangi simptomlar paydo bo‘lsa, shifokor bilan maslahatlashish kerak.
Preparatni faqat yo‘riqnomada ko‘rsatilgan qo‘llash usuli va dozalarda qo‘llang. Zarurati bo‘lganida iltimos, dori preparatini qo‘llashdan oldin shifokor bilan maslahatlashing.
Qo‘llash mumkin bo‘lmagan holatlar
Preparatning komponentlariga yuqori sezuvchanlik.
Nojo‘ya ta’sirlar
Allergik reaksiyalar (shu jumladan preparatning tarkibida metilparagidroksibenzoat mavjudligi tufayli sekinlashgan) – eshakemi, qichishish.
Maxsus ko‘rsatmalar
Nam yaralarga surtilmasin.
Preparatni ko‘zlarga tushishidan saqlansin.
Trofik yaralar va yomon bituvchi transplantantlarni davolash davolovchi shifokor kuzatuvi ostida amalga oshirilishi kerak.
Preparatni qo‘llashni boshlashdan oldin yo‘riqnomani diqqat bilan o‘qib chiqing.
Yo‘riqnomani saqlang, u yana kerak bo‘lib qolishi mumkin.
Agar sizda savollar yuzaga kelsa, shifokorga murojaat eting.
siz davolanayotgan dori vositasi shaxsan sizga mo‘ljallangan va uni boshqa shaxslarga berish mumkin emas, chunki hatto ularda sizdagiga o‘xshash simptomlar bo‘lsa ham u ularga zarar yetkazishi mumkin.
Homiladorlik va emizish davrida qo‘llanishi
Homiladorlik va emizish davrida pantenolni qo‘llash mumkin. Agar preparat laktasiya davrida yorilishlarga ishlov berish uchun qo‘llanilsa, emizishdan oldin uni yuvib tashlash kerak.
Avtotransportni xaydash va mexanizmlarni boshqarish qobiliyatiga ta’siri
Preparat transport vositalarini boshqarish va diqqatni yuqori jamlash va psixomotor reaksiyalarning tezligini talab etuvchi potensial xavfli faoliyat turlari bilan shug‘ullanish qobiliyatiga ta’sir qilmaydi.
Boshqa dorilar bilan o‘zaro ta’siri
Boshqa preparatlar bilan o‘zaro ta’siri aniqlanmagan.
Homiladorlik va emizish davrida
Homiladorlik va emizish davrida pantenolni qo‘llash mumkin. Agar preparat laktasiya davrida yorilishlarga ishlov berish uchun qo‘llanilsa, emizishdan oldin uni yuvib tashlash kerak.
Transport boshqarishga ta’siri
Preparat transport vositalarini boshqarish va diqqatni yuqori jamlash va psixomotor reaksiyalarning tezligini talab etuvchi potensial xavfli faoliyat turlari bilan shug‘ullanish qobiliyatiga ta’sir qilmaydi.
Dozani oshirib yuborish
Preparatning dozasini oshirib yuborilishi holatlari kuzatilmagan.
Farmakodinamikasi
Dekspantenol – pantoten kislotasining hosilasi, uglevod, oqsil va yog‘ almashinuvi uchun koferment A ning tarkibiy qismi sifatida zarur bo‘lgan suvda eruvchan V guruhi vitamini (V5 vitamini) bo‘lib hisoblanadi.
Teri regenerasiyasini rag‘batlantiradi, xujayra metabolizmini normallashtiradi, kollagen tolalari mustahkamligini oshiradi. Regenerasiya qiluvchi, kuchsiz yallig‘lanishga qarshi ta’sir ko‘rsatadi, terini oziqlantiradi va yumshatadi. Yordamchi moddalar surtmaning terapevtik xususiyatlarini yaxshilaydi.
Farmakokinetikasi
Dekspantenol sirtga qo‘llanilganda tez so‘riladi va pantoten kislotasiga aylanadi, qon plazmasidagi oqsillar bilan (asosan beta-globulin va albumin bilan) bog‘lanadi. Qonda pantoten kislotasining konsentrasiyasi 0,5-1 mg/l, qon plazmasida – 100 mkg/l ni tashkil qiladi. Pantoten kislotasi organizmda metabolizmga uchramaydi va o‘zgarmagan ko‘rinishda buyraklar orqali chiqariladi.