Pankreatin
- Ishlab chiqaruvchi
- ПАО Биосинтез
- Mamlakat
- Rossiya
- Ro‘yxat raqami
- DV/X 11372/06/26
- Ruxsat muddati
- 15.06.2031 gacha
- Saqlash muddati
- 2 yil
- ATX kodi
- A09AA02
Pankreatin nima uchun ishlatiladi
Pankreatin — me’da osti bezi fermentlari saqlovchi dori. Ovqatni hazm qilishga yordam beradi va bez fermentlari yetishmaganda ularning o‘rnini bosadi.
Me’da osti bezi fermentlari yetishmovchiligi
O‘rnini bosuvchi davo: surunkali pankreatit, me’da osti bezi olib tashlangandan keyin, nurlanishdan keyin, dispepsiya, mukovistsidoz.
Qorin dam bo‘lishi va ich ketishi
Qorin dam bo‘lishi (meteorizm), infeksiyaga bog‘liq bo‘lmagan ich ketishi, Remxeld sindromi (gastrokardial sindrom).
Ovqat hazm bo‘lishi buzilishi
Oshqozon yoki ingichka ichak qismi olib tashlangandan keyin. Oshqozon-ichak faoliyati normal odamlarda ham: yog‘li yoki ko‘p ovqat, tartibsiz ovqatlanish, chaynash buzilishi, kam harakatlilik, uzoq vaqt yotib qolishda.
Tekshiruvga tayyorlanish
Qorin bo‘shlig‘i a’zolarini rentgen va ultratovush tekshiruviga tayyorlashda.
Qancha va qanday qabul qilinadi
Rasmiy yo‘riqnoma bo‘yicha, Pankreatin tabletkasi uchun. Belgilar — bir martada ichiladigan tabletkalar soni.
Kimga mumkin, kimga mumkin emas
Homiladorlik Ehtiyotkorlik bilan
Faqat shifokor ona uchun foydani homila uchun xavfdan yuqori deb bilsa buyuradi. Homilador bo‘lsangiz yoki rejalashtirsangiz, avval shifokor bilan maslahatlashing.
Emizish davri Mumkin
Emizish davrida mumkin.
Bolalar Ehtiyotkorlik bilan
6 yoshdan, faqat shifokor buyurganda. 6 yoshgacha bermang.
Laktoza Mumkin emas
Tarkibida laktoza bor: galaktozani ko‘tarmaslik, laktaza yetishmovchiligi yoki glyukoza-galaktoza so‘rilishi buzilishida mumkin emas. Ba’zi qandlarni ko‘tara olmasangiz, ichishdan oldin shifokorga murojaat qiling.
Bo‘yoq azorubin Ehtiyotkorlik bilan
Tarkibidagi azorubin (karmuazin, E 122) bo‘yog‘i allergiya chaqirishi mumkin.
Mukovistsidoz Ehtiyotkorlik bilan
Mukovistsidozda ehtiyotkorlik bilan: doza yeyilayotgan ovqat miqdori va sifatiga mos bo‘lishi kerak. Ichishdan oldin shifokor bilan maslahatlashing.
Haydovchilar Mumkin
Mashina haydash qobiliyatiga ta’sir qilmaydi.
Qo‘llash mumkin bo‘lmagan holatlar
- Pankreatin yoki dori tarkibidagi boshqa moddaga allergiya
- O‘tkir pankreatit yoki surunkali pankreatit zo‘rayishi
- Galaktozani ko‘tarmaslik, laktaza yetishmovchiligi, glyukoza-galaktoza so‘rilishi buzilishi (tarkibida laktoza bor)
- 6 yoshgacha bolalar
Tarkibi
25Ме li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Temir preparatlari va foliy kislotasi Ehtiyotkorlik
Pankreatin ularning so‘rilishiga ta’sir qilishi mumkin. Me’da osti bezi faoliyati normal bo‘lib, hazm buzilishida uzoq ichsangiz, shifokor temir preparatini qo‘shib buyurishi mumkin.
Kalsiy karbonat va/yoki magniy gidroksid saqlovchi antatsidlar Ehtiyotkorlik
Pankreatin samarasini kamaytirishi mumkin.
Ko‘p ichib qo‘ydingizmi?
Belgilari: siydik va qonda siydik kislotasi ko‘payishi (giperurikozuriya, giperurikemiya), bolalarda — ich qotishi. Dorini to‘xtatish va belgilarga qarab davolash kerak.
Ko‘p beriladigan savollar
Pankreatinni ovqatdan oldin yoki keyin ichish kerakmi?
Ovqat paytida yoki ovqatdan keyin, chaynamasdan butunligicha, suv yoki meva sharbati bilan.
Bir kunda nechta Pankreatin ichish mumkin?
Kattalarga odatda 2–4 tabletkadan kuniga 3–6 marta, sutkasiga ko‘pi bilan 16 tabletka. Doza individual belgilanadi.
Bolaga Pankreatin berish mumkinmi?
6 yoshdan, shifokor buyurganda: odatda 1 tabletkadan kuniga 3 marta. 6 yoshgacha bermang.
Homiladorlikda va emizishda Pankreatin mumkinmi?
Homiladorlikda faqat shifokor foyda xavfdan yuqori deb hisoblasa. Emizish davrida mumkin.
Pankreatinni necha kun ichish mumkin?
Ovqatlanishdagi xatolarda bir necha kun, doimiy o‘rinbosar davo kerak bo‘lsa — bir necha oy yoki yil.
O‘tkir pankreatitda Pankreatin ichsa bo‘ladimi?
Yo‘q, o‘tkir pankreatit va surunkali pankreatit zo‘rayganda mumkin emas.
Rasmiy yo‘riqnoma
Rasmiy yo‘riqnomaning to‘liq matni
Tavsifi
Pushti yoki to‘q-pushti rangli qobiq bilan qoplangan, ikki tomonlama qavariq shaklli tabletkalar. Ko‘ndalang kesimida ikki qavat ko‘rinadi: tashqi – pushti yoki to‘q-pushti rangli, ichki – och-jigarrangdan to‘q-jigarranggacha bo‘lgan kiritmali sarg‘ish yoki jigarrang tusli oqdan jigarranggacha rangli. O‘ziga xos hid bo‘lishiga yo‘l qo‘yiladi.
Qo‘llanilishi
Pankreatin preparati kattalarda va 6 yoshdan oshgan bolalarda quyidagi holatlarda ko‘rsatilgan:
• Me’da osti bezining tashqi sekretor yetishmovchiligida o‘rinbosar davolash: surunkali pankreatit, pankreatektomiya, nurlanishdan keyingi holat, dispepsiya, mukovissidoz.
• Meteorizm, noinfeksion genezli diareya, Remxeld sindromi (gastrokardial sindrom).
• Ovqat hazm qilishni buzilishi (me’da va ingichka ichak rezeksiyasidan keyingi holat); oziqlanishdagi xatoliklar holatida (yog‘li ovqat iste’mol qilish, ko‘p miqdorda ovqat qabul qilish, nomuntazam ovqatlanish) me’da-ichak yo‘llarining funksiyasi normal bo‘lgan shaxslarda va chaynash funksiyasini buzilishlarida, kam harakatli hayot tarzida, uzoq vaqt immobilizasiyada ovqat hazm qilishni yaxshilash uchun.
• Qorin bo‘shlig‘i a’zolarini rentgenologik va ultratovush tekshiruviga tayyorlashda qo‘llanadi.
Qo‘llash usuli va dozalari
Kattalar
Doza ovqat hazm qilishni buzilishi darajasiga qarab individual ravishda belgilanadi.
Odatda - 2-4 tabletkadan sutkada 3-6 marta buyuriladi. Maksimal sutkalik doza – 16 tabletka.
Davolash davomiyligi bir necha kundan (parhezdagi xatoliklar oqibatidagi ovqat hazm qilish jarayonlarini buzilishlarida) bir necha oy yoki yilgacha (doimiy o‘rinbosar davolash zaruratida) o‘zgarishi mumkin.
Bolalar va o‘smirlarda qo‘llanishi
6 yosh va undan katta bolalar:
6 yoshdan oshgan bolalarda preparat shifokor ko‘rsatmasi bo‘yicha qo‘llanadi.
Doza individual ravishda belgilanadi.
Odatda 1 tabletkadan sutkada 3 marta buyuriladi.
Yuborish yo‘li va (yoki) usuli
Ichga, butunligicha (chaynamasdan, chunki bu og‘iz bo‘shlig‘ida fermentlarni erta ajralib chiqishiga, samaradorligi pasayishiga va shilliq qavatlarni ta’sirlanishiga olib kelishi mumkin), ovqatlanish vaqtida yoki ovqatdan keyin, ishqoriy bo‘lmagan suyuqlik (suv, meva sharbatlari) bilan qabul qilinadi.
Davolash davomiyligi
Davolash davomiyligi bir necha kundan (parhezdagi xatoliklar oqibatidagi ovqat hazm qilish jarayonlarini buzilishlarida) bir necha oy yoki yilgacha (doimiy o‘rinbosar davolash zaruratida) o‘zgarishi mumkin.
Qo‘llash mumkin bo‘lmagan holatlar
Quyidagi holatlarda Pankreatin preparatini qo‘llamang:
• agar Sizda pankreatin yoki preparatning boshqa komponentlariga allergiyasi bo‘lsa;
• agar Sizda me’da osti bezini yallig‘lanishi – o‘tkir pankreatit yoki surunkali pankreatitni zo‘rayishi bo‘lsa.
Agar Sizda galaktozani o‘zlashtiraolmaslik, laktaza tanqisligi yoki glyukozo-galaktoz malabsorbsiyasi sindromi bilan bog‘liq kam uchraydigan nasliy kasallik bo‘lsa qo‘llash mumkin emas, chunki preparat laktoza saqlaydi.
Nojo‘ya ta’sirlar
Barcha dori preparatlari kabi Pankreatin preparati noxush reaksiyalar chaqirishi mumkin, ammo ular barchada ham yuzaga kelmaydi.
Allergik reaksiyalar belgilari yuzaga kelgan holatlarda Pankreatin preparatini qabul qilishni to‘xtating va darhol tibbiy yordamga murojaat eting.
Pankreatin preparatini qabul qilganda kuzatilishi mumkin bo‘lgan boshqa noxush reaksiyalar:
Kam xollarda (1 000 nafar odamdan 1 tadan kamrog‘ida yuzaga kelishi mumkin):
• diareya;
• qabziyat;
• qorinning yuqori qismida diskomfort (epigastral sohada);
• qorinda og‘riq;
• ko‘ngil aynishi;
• yog‘ kislotalarini hosil bo‘lishini (endogen sintezi) pasayishi.
Pankreatin preparatini yuqori dozalarda uzoq vaqt qo‘llaganda siydik kislotasini siydik bilan ajralishini oshishi (giperurikozuriya), qonda siydik kislotasi darajasini oshishi (giperurikemiya), mukovissidozi bo‘lgan bemorlarda yuqori dozalarda qo‘llanilganda – ichakda torayishlar (strikturalar) rivojlanishi mumkin, bu qorinni dam bo‘lishi, to‘xtovsiz qusish, ich kelmasligi va gazlarni chiqmasligi (ichak obstruksiyasi simptomlari) bilan namoyon bo‘lishi mumkin.
Bolalarda pankreatinni yuqori dozalarda qo‘llaganda perianal ta’sirlanish va og‘iz bo‘shlig‘i shilliq qavatini ta’sirlanishi yuzaga kelishi mumkin.
Maxsus ko‘rsatmalar
Pankreatin preparatini qabul qilishdan oldin davolovchi shifokoringiz yoki dorixona hodimi bilan maslahatlashing.
Bu ayniqsa, agar Sizda hayotiy muhim a’zolarni shikastlanishi bilan kechuvchi bezlarning ajratuvchi funksiyasini izdan chiqadigan nasliy kasallik (mukovissidoz) bo‘lsa muhim. Mukovissidozda preparatni ehtiyotkorlik bilan qo‘llash kerak, chunki doza iste’mol qilinayotgan ovqatning miqdori va sifatiga adekvat bo‘lishi kerak.
Agar Siz ovqat hazm qilishni buzilishida (me’da osti bezi funksiyasi normal bo‘lganida) Pankreatin preparatini uzoq vaqt qabul qilayotgan bo‘lsangiz, shifokoringiz Sizga bir vaqtda temir preparatlarini buyurishi mumkin.
Bolalar
Dozalash tartibini ta’minlash imkoniyati yo‘qligi tufayli, 6 yoshgacha bo‘lgan bolalarga Pankreatin preparatini bermang.
Pankreatin preparati laktoza saqlaydi
Agar Sizda ayrim qandlarni o‘zlashtiraolmaslik bo‘lsa, ushbu dori preparatini qabul qilishdan oldin davolovchi shifokorga murojaat eting.
Pankreatin preparati azorubin bo‘yovchisini saqlaydi
Azorubin bo‘yovchisi (karmuazin, Ye 122) allergik reaksiyalar chaqirishi mumkin.
Boshqa dorilar bilan o‘zaro ta’siri
Siz biron-bir boshqa preparatlarni qabul qilayotgan, yaqinda qabul qilgan yoki qabul qilishingiz mumkinligi haqida davolovchi shifokor yoki dorixona hodimiga xabar bering.
Agar Siz quyidagilarni qabul qilayotgan bo‘lsangiz, shifokoringizga xabar bering:
• temir preparatlari va folat kislotasi (o‘sish va qon yaratish va immun tizimlarini rivojlanishi uchun zarur vitamin), chunki pankreatin temir va folat kislotasining so‘rilishiga ta’sir ko‘rsatishi mumkin;
• kalsiy karbonati va/yoki magniy gidroksidini saqlovchi antasid vositalar (jig‘ildon qaynashida qo‘llanadi), chunki ular pankreatinning samaradorligini pasaytirishi mumkin.
Homiladorlik va emizish davrida
Agar Siz homilador bo‘lsangiz yoki emizsangiz, homiladorman deb hisoblasangiz yoki homiladorlikni rejalashtirsangiz, preparatni qabul qilishni boshlashdan oldin davolovchi shifokor bilan maslahatlashing.
Homiladorlik davrida davolovchi shifokor tomonidan pankreatinni faqatgiga ona uchun taxmin qilingan foyda homila uchun kuzatilishi mumkin bo‘lgan xavfdan yuqori bo‘lsagina buyurish mumkin.
Emizish davrida Pankreatin preparatini qo‘llash mumkin.
Transport boshqarishga ta’siri
Preparat transport vositalarini boshqarish va mexanizmlarni boshqarish qobiliyatiga ta’sir ko‘rsatmaydi.
Dozani oshirib yuborish
Simptomlari: giperurikozuriya, giperurikemiya. Bolalarda – qabziyat.
Davolash: preparatni bekor qilish, simptomatik davolash.
Farmakodinamikasi
Ovqat hazm qiluvchi ferment vositasi, me’da osti bezining tashqi sekretor funksiyasi yetishmovchiligini kompensasiya qiladi, proteolitik, amilolitik va lipolitik ta’sir ko‘rsatadi.
Tarkibiga kiruvchi pankreatik fermentlar (lipaza, amilaza, tripsin, ximotripsin) oqsillarni aminokislotalarga, yog‘larni – gliserin va yog‘ kislotalarigacha, kraxmalni – dekstrinlar va monosaxaridlargacha parchalanishiga yordam beradi.
Me’da-ichak yo‘llarining funksional holatini yaxshilaydi, ovqat hazm qilish jarayonlarini normallashtiradi.
Farmakokinetikasi
Pankreatik fermentlar dori shaklidan ingichka ichakning ishqoriy muhitida ajralib chiqadi, ya’ni me’da shirasining ta’siridan ichakda eruvchan qobiq bilan himoyalangan.
Peroral qabul qilingandan keyin 30-40 minut o‘tgach maksimal fermentativ faolligi kuzatiladi. Autoliz va proteoliz natijasida fermentlarning katta qismi faolsizlanadi. Ovqat hazm qilish fermentlarining ahamiyatsiz qismi ichak orqali chiqariladi.