





Oselvir
- Ishlab chiqaruvchi
- ИП ООО Nobel Pharmsanoat
- Mamlakat
- O‘zbekiston
- Ro‘yxat raqami
- DV/M 03656/02/21
- Ruxsat muddati
- 20.01.2031 gacha
- Saqlash muddati
- 2 yil
- ATX kodi
- J05AH02
Oselvir nima uchun ishlatiladi
Oselvir (oseltamivir) — gripp virusiga qarshi dori. Faqat gripp virusi chaqirgan kasallikda samarali; grippga qarshi emlashning o‘rnini bosmaydi.
Grippni davolash
1 yoshdan katta bolalar va kattalarda gripp.
Grippning oldini olish
Bemor bilan muloqotdan keyin: 1 yoshdan katta bolalar, shuningdek yuqtirish xavfi yuqori bo‘lgan 12 yoshdan katta o‘smirlar va kattalar (katta jamoalar, harbiy qismlar, holsiz bemorlar).
Qancha va qanday qabul qilinadi
Rasmiy yo‘riqnoma bo‘yicha, 75 mg li kapsula uchun.
Kimga mumkin, kimga mumkin emas
Homiladorlik Mumkin emas
Hayvonlarda homilaga salbiy ta’sir aniqlangan, homiladorlarda tadqiqot yo‘q — homiladorlikda mumkin emas.
Emizish davri Mumkin emas
Emizish davrida mumkin emas; ichish zarur bo‘lsa, emizishni to‘xtatish masalasi hal qilinadi.
Bolalar Ehtiyotkorlik bilan
1 yoshgacha mumkin emas. Bolalarda, ayniqsa o‘smirlarda xulq-atvor o‘zgarishlari kuzatilgan — holatini diqqat bilan kuzatish kerak.
Buyrak Mumkin emas
Surunkali buyrak yetishmovchiligida (doimiy gemodializ, surunkali peritoneal dializ, KK 10 ml/min va kam) mumkin emas. O‘rtacha va og‘ir buyrak yetishmovchiligida doza kamaytiriladi.
Haydovchilar Ehtiyotkorlik bilan
Mashina haydashga ta’siri o‘rganilmagan.
Ruhiy holat o‘zgarishi Ehtiyotkorlik bilan
Grippga chalinganlarda, ayniqsa bolalar va o‘smirlarda, qo‘zg‘alish, g‘ayrioddiy xulq, gallyutsinatsiya kabi buzilishlar kuzatilgan. Bemorning xulq o‘zgarishlari diqqat bilan kuzatiladi va davolashni davom ettirishning foyda va xavfi baholanadi. Bunday buzilishlar grippga chalingan, lekin oseltamivir ichmaganlarda ham kuzatilgan.
Qo‘llash mumkin bo‘lmagan holatlar
- Dori tarkibiga yuqori sezuvchanlik
- Surunkali buyrak yetishmovchiligi (doimiy gemodializ, surunkali peritoneal dializ, KK 10 ml/min va kam)
- Homiladorlik
- Emizish davri
- 1 yoshgacha bolalar
- Ehtiyotkorlik bilan: terapevtik oralig‘i tor dorilar (xlorpropamid, metotreksat, butadion) bilan birga
Tarkibi
75 mg li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Xlorpropamid, metotreksat, butadion Ehtiyotkorlik
Terapevtik oralig‘i tor dorilar — ehtiyotkorlik bilan.
Probenetsid Ehtiyotkorlik
Faol metabolit miqdori taxminan 2 baravar oshadi, lekin doza o‘zgartirilmaydi.
Paratsetamol, aspirin, ibuprofen, antatsidlar, varfarin, antibiotiklar va boshqa ko‘p ishlatiladigan dorilar Ehtiyotkorlik
Ahamiyatli o‘zaro ta’sir aniqlanmagan. Og‘iz orqali kontratseptivlar bilan ta’sir kutilmaydi.
Ko‘p ichib qo‘ydingizmi?
Belgilari odatiy dozadagi nojo‘ya ta’sirlarga o‘xshaydi. Dori to‘xtatiladi, belgilarga qarab davolanadi; maxsus antidot yo‘q.
Oselvir narxi
Davlat belgilagan eng yuqori chakana narx (referent narx). Har bir qadoq yonida narx belgilangan sana.
Manba: Farmatsevtika tarmog‘ini rivojlantirish agentligi, referent narxlar ro‘yxati.
Analoglari: oseltamivir
Tarkibida oseltamivir bor 5 ta dori. Almashtirishdan oldin shifokor yoki farmatsevt bilan maslahatlashing.
FlukapSuspenziya · 6 mg · HindistonRetseptli
SeltavirKapsula · 75 mg · HindistonRetseptliKo‘p beriladigan savollar
Grippda Oselvirni necha kun ichish kerak?
Davolash uchun 75 mg dan kuniga 2 marta, 5 kun. Oldini olish uchun 75 mg kuniga 1 marta, bemor bilan muloqotdan keyin kamida 10 kun.
Bolaga Oselvir berish mumkinmi?
1 yoshdan. 8 yosh va undan katta yoki 40 kg dan og‘ir bolalar kapsulani yuta olsa — kattalar dozasi. Kichik vaznda kapsula ichidagisidan aralashma tayyorlanadi: 15 kg gacha 30 mg, 15–23 kg 45 mg, 23–40 kg 60 mg.
Oselvirni ovqatdan oldin yoki keyin ichish kerakmi?
Ovqatdan qat’i nazar ichish mumkin.
Kapsulani yuta olmasam nima qilay?
Kapsulani ochib, kukunini 1 choy qoshiqdan ko‘p bo‘lmagan shirin ovqatga (asal, yogurt, olma pyuresi va boshqalar) aralashtiring va darhol iching.
Dozani oshirsam tezroq tuzalamanmi?
Yo‘q, sutkasiga 150 mg dan ko‘p ichish samarani oshirmaydi.
Homiladorlikda Oselvir ichsa bo‘ladimi?
Yo‘q, homiladorlikda mumkin emas. Emizish davrida ichish kerak bo‘lsa, emizish to‘xtatiladi.
Rasmiy yo‘riqnoma
Rasmiy yo‘riqnomaning to‘liq matni
Tavsifi
Oq yoki deyarli oq rangli, kukun saqlovchi, tiniq-ko‘k/ rangsiz, qattiq jelatinli №2 kapsulalar.
Qo‘llanilishi
Kattalar va 1 yoshdan katta bolalarda grippni davolash;
1 yoshdan katta bolalarda, shuningdek virusni yuqtirish xavfi yuqori bo‘lgan guruhlardagi (yirik ishlab chiqarish jamoalarida, harbiy qismlarda va holsizlangan pasiyentlarda) kattalar va 12 yoshdan katta o‘smirlarda kontaktdan keyin grippni oldini olish uchun qo‘llaniladi.
Qo‘llash usuli va dozalari
Preparat ichga, ovqatlanishga bog‘liq bo‘lmagan holda qabul qilinadi.
Grippni davolash uchun kattalar, o‘smirlar va 12 yoshdan katta bolalar uchun tavsiya etiladigan doza - 75 mg bir kapsuladan sutkasiga 2 marta 5 kun davomida.
Kapsulalarni yuta oladigan og‘irligi 40 kg dan oshadigan yoki 8 yoshdan katta bolalar ham 75 mg bir kapsuladan sutkasiga 2 marta 5 kun davomida ichga qabul qilishlari mumkin.
Grippni oldini olish uchun kattalar, o‘smirlar va 12 yoshdan katta bolalar uchun tavsiya etilgan doza - pasiyent bilan kontaktda bo‘lgandan keyin 75 mg bir kapsuladan sutkasiga 1 marta kamida 10 kun davomida.
Kapsulalarni yuta oladigan og‘irligi 40 kg dan oshadigan yoki 8 yoshdan katta bolalar ham 75 mg bir kapsuladan sutkasiga 1 marta kamida 10 kun davomida ichga qabul qilishlari mumkin.
Preparatni qabul qilish qancha davom etsa, profilaktik ta’sir ham shuncha davom etadi.
Diqqat! Sutkalik dozani 150 mg dan oshirish ta’sir samaradorligini oshirmaydi!
OSELVIR® kapsulalari ichidagi tarkibdan suspenziya tayyorlash.
Qachonki, kattalar, o‘smirlar va bolalarda OSELVIR® kapsulalarini yutishda muammo kelib chiqsa, kapsulani ochish va uning ichidagini, achchiq ta’mini yashirish uchun, oz miqdordagi (maksimal 1 choy qoshiq) mos keladigan shirin oziq mahsulotiga (me’yoriy miqdorda shakar qo‘shilgan yoki shakarsiz shokolad qiyomi, asal, suvda eritilgan och jigarrang shakar yoki oshxona shakari, shirin desert, shakarli quyultirilgan sut, olma pyuresi yoki yogurt) qo‘shish kerak.
Aralashma yaxshilab aralashtirilishi va pasiyentga berilishi kerak. Aralashma tayyorlangandan keyin darhol ichilishi kerak.
Agar pasiyentlarga 75 mg doza zarur bo‘lsa, quyidagi ko‘rsatmalarga amal qilish kerak.
1. OSELVIR® 75 mg lik bir kapsulasini kichik idish ustida ushlab turib, ehtiyotkorlik bilan kapsulani ochish va kukunni idish ichiga solish kerak.
2. Ozgina miqdorda (1 choy qoshiqdan ko‘p bo‘lmagan) shirin oziq mahsulotini (achchiq ta’mni yo‘qotish uchun) qo‘shish va yaxshilab aralashtirish kerak.
3. Aralashma yaxshilab aralashtiriladi va tayyorlangandan keyin darhol ichiladi. Agar aralashmaning oz miqdori idishda qolsa, u holda idish oz miqdordagi suv bilan chayiladi va qolgan aralashma ichiladi.
Agar pasiyentlarga 30-60 mg doza talab qilinsa, unda to‘g‘ri dozalash uchun quyidagi ko‘rsatmalarga amal qilish kerak:
1. OSELVIR® 75 mg lik bir kapsulasini kichik idish ustida ushlab turib, ehtiyotkorlik bilan kapsulani ochish va kukunni idish ichiga solish kerak.
2. Kukunga, olingan suyuqlik miqdorini ko‘rsatadigan o‘lchovli shpris yordamida 5 ml suv qo‘shiladi. 2 daqiqa davomida yaxshilab aralashtiriladi.
3. Aralashmaning kerakli miqdori quyida keltirilgan jadvalga muvofiq idishdan shprisga tortiladi.
Tana vazni | Tavsiya etilgan doza | Bir martalik qabul uchun OSELVIR® aralashmasining miqdori |
≤15 kg | 30 mg | 2 ml |
>15-23kg | 45 mg | 3 ml |
>23-40 kg | 60 mg | 4 ml |
Erimagan oq kukunni olish zarur emas, chunki u nofaol to‘ldirg‘ich hisoblanadi. Shpris porshenini bosib, uning ichidagini ikkinchi idishga solinadi. Qolgan ishlatilmagan aralashma tashlab yuborilishi kerak.
4. Ikkinchi idishga achchiq ta’mni yo‘qotish uchun oz miqdorda (1 choy qoshiqdan ko‘p bo‘lmagan) mos keladigan shirin mahsulot qo‘shiladi va yaxshilab aralashtiriladi.
5. Aralashma yaxshilab aralashtiriladi va tayyorlangandan keyin darhol ichiladi. Agar aralashmaning oz miqdori idishda qolsa, u holda idish oz miqdordagi suv bilan chayiladi va qolgan aralashma ichiladi.
Preparatning har bir qabulidan oldin ushbu muolajani takrorlash kerak!
Maxsus holatlarda qo‘llash usuli va dozalari
Jigar yetishmovchiligi
Jigar yetishmovchiligi bo‘lgan pasiyentlarda grippni davolash va oldini olishda dozani korreksiyalash talab qilinmaydi.
Buyrak yetishmovchiligi
Grippni davolash
O‘rtacha yoki og‘ir buyrak yetishmovchiligi bo‘lgan kattalar va 13-17 yoshdagi o‘smirlarda, jadvalda ko‘rsatilgandek, dozani korreksiyalash tavsiya etiladi.
KK (kreatinin klirensi) | Davolash uchun tavsiya etiladigan doza |
>60 (ml/min) | 75 mg sutkasiga 2 marta |
30 dan 60 gacha (ml/min) | 30 mg sutkasiga 2 marta |
10 dan 30 gacha (ml/min) | 30 mg sutkasiga 1 marta |
≤10 (ml/min) | Tavsiya etilmaydi (ma’lumotlar yo‘q) |
Gemodializdagi pasiyentlar | Gemodializning har bir seansidan keyin 30 mg |
Peritoneal dializdagi pasiyentlar * | Bir martalik doza 30 mg |
* Ambulator sharoitda doimiy peritoneal dializda (ADPD) bo‘lgan pasiyentlarning tadqiqotlaridan olingan ma’lumotlar; avtomatlashtirilgan peritoneal dializ (APD) qo‘llanilganda oseltamivirning klirensi yuqori bo‘lishi kutiladi. Agar nefrolog tomonidan zarurat deb ko‘rilgan bo‘lsa, davolash usuli APD dan ADPD ga o‘zgartirilishi mumkin.
Grippning oldini olish
Buyrak yetishmovchiligi o‘rta yoki og‘ir darajali bo‘lgan kattalar va 13-17 yoshdagi o‘smirlarda, jadvalda batafsil ko‘rsatilgandek, dozani korreksiyalash tavsiya etiladi.
KK (kreatinin klirensi) | Davolash uchun tavsiya etiladigan doza |
>60 (ml/min) | 75 mg sutkasiga 1 marta |
30 dan 60 gacha (ml/min) | 30 mg sutkasiga 1 marta |
10 dan 30 gacha (ml/min) | 30 mg sutkasiga 1 marta |
≤10 (ml/min) | Tavsiya etilmaydi (ma’lumotlar yo‘q) |
Gemodializdagi pasiyentlar | Gemodializning har bir seansidan keyin 30 mg |
Peritoneal dializdagi pasiyentlar * | Bir martalik doza 30 mg |
* ADPDda bo‘lgan pasiyentlarning tadqiqotlaridan olingan ma’lumotlar; APD qo‘llanilganda oseltamivirning klirensi yuqori bo‘lishi kutiladi. Agar nefrolog tomonidan zarurat deb ko‘rilgan bo‘lsa, davolash usuli APD dan ADPD ga o‘zgartirilishi mumkin.
Klinik ma’lumotlar mavjud emasligi sababli, go‘daklar va 12 yoshdan kichik bolalarda buyrak yetishmovchiligi bo‘lgan bolalarda dozalash bo‘yicha tavsiyalar berish mumkin emas.
Katta yoshdagi pasiyentlar
O‘rtacha yoki og‘ir buyrak yetishmovchiligidan tashqari boshqa holatlarda dozaga tuzatish kiritish talab qilinmaydi.
Immuntanqisligi bo‘lgan pasiyentlar
Immuntanqisligi bo‘lgan pasiyentlar uchun mavsumiy profilaktikasini 12 haftaga uzaytirish ko‘rib chiqilmoqda.
Qo‘llash mumkin bo‘lmagan holatlar
preparatning komponentlariga yuqori sezuvchanlik;
surunkali buyrak yetishmovchiligi (doimiy gemodializ, surunkali peritoneal dializ, KK (kreatinin klirensi) ≤ 10 ml/min);
homiladorlik;
laktasiya davri;
1 yoshgacha bo‘lgan bolalik yoshida qo‘llash mumkin emas.
Nojo‘ya ta’sirlar
JSST ma’lumotlariga ko‘ra, nojo‘ya ta’sirlar ularning yuzaga kelish chastotasiga ko‘ra quyidagicha tasniflandi: juda tez-tez (≥1/10); tez-tez (≥1/100 dan <1/10 gacha); tez-tez emas (≥1/1000 dan <1/100 gacha); kam hollarda (≥1 / 10000 dan <1/1000 gacha); juda kam hollarda (<1/10000); noma’lum - mavjud ma’lumotlar bo‘yicha yuzaga kelish chastotasini aniqlash imkoniyati yo‘q).
Nafas tizimi tomonidan: tez-tez – bronxit, oddiy gerpes, nazofaringit, yuqori nafas yo‘llari infeksiyalari, sinusit;
Qon yaratish chiqarish tizimi tomonidan: kam hollarda – trombositopeniya.
Immun tizimi tomonidan: tez-tez emas – yuqori sezuvchanlik reaksiyalari, kamdan-kam – anafilaktik, anfilaktoid reaksiyalari.
Ruhiy buzilishlar, kam hollarda – qo‘zg‘aluvchanlik, noodatiy hatti-harakatlar, bezovtalik, ongning buzilishi, maniya, alahsirash, gallyusinasiyalar, bosinqirashlar, o‘zini mayib qilish.
Nerv tizimi tomonidan: juda tez-tez - bosh og‘rig‘i, tez-tez – uyqusizlik, kam - idrokning buzilishi, tutqanoqlar.
Ko‘rish a’zosi tomonidan: kam hollarda – ko‘rishning buzilishlari.
Yurak-qon tomir tizimi tomonidan:kam hollarda – yurak aritmiyasi.
Ovqat xazm qilish tizimi tomonidan: juda tez-tez - ko‘ngil aynishi; tez-tez – qusish, qorinda og‘riq (jumladan, qorin bo‘shlig‘i yuqori sohasidagi og‘riq), dispepsiya, kam hollarda – me’da-ichak qon ketishlari, gemorragik kolit.
Gepatobiliar buzilishlar, kam hollarda - jigar fermentlari faolligining oshishi; kam hollarda - fulminant gepatit, buyrak yetishmovchiligi, gepatit;
Teri va teri osti yog‘ kletchatkasi tomonidan, tez-tez emas - ekzema, dermatit, toshma,
eshakemi; kam hollarda – angionevrotik shish, ko‘p shaklli eritema, Stivens-Djonson sindromi, toksik epidermal nekroliz;
Umumiy o‘zgarishlar – tez-tez - og‘riq, bosh aylanishi (shu jumladan, vestibulyar), charchoqlik, gipertermiya, oyoq-qo‘llardagi og‘riq;
Pediatrik klinik tadqiqotlarda eng ko‘p uchraydigan nojo‘ya reaksiyalar:
Infeksiyalar va invaziyalar, tez-tez - o‘rta otit;
Nerv tizimi tomonidan, tez-tez - bosh og‘rig‘i;
Ko‘rish a’zosi tomonidan, tez-tez - kon’yunktivit (shu jumladan, ko‘zning qizarishi, ko‘zdan ajralmalar va ko‘z og‘rig‘i);
Eshitish a’zosi tomonidan, tez-tez - quloqda og‘riq; kam hollarda – nog‘ora pardasining shikastlanishi;
Nafas tizimi tomonidan: juda tez-tez - yo‘tal, burun bitishi; tez-tez – rinoreya;
Ovqat hazm qilish tizimi tomonidan, juda tez-tez - qusish; tez-tez – qorin og‘rig‘i (shu jumladan qorin bo‘shlig‘i yuqori sohasidagi og‘riq), dispepsiya, ko‘ngil aynishi;
Teri va teri osti to‘qimalari tomonidan, kam hollarda - dermatit (jumladan, allergik va atopik).
Maxsus ko‘rsatmalar
Oseltamivir faqat gripp viruslari keltirib chiqaradigan kasalliklarda samarali. Oseltamivirning gripp virusidan boshqa qo‘zg‘atuvchilar keltirib chiqaradigan kasalliklarga qarshi samaradorligi haqida hech qanday dalil yo‘q.
Oseltamivir grippga qarshi vaksinaning o‘rnini bosa olmaydi. Preparatni qo‘llash, har yili grippga qarshi o‘tkaziladigan emlash uchun odamlarni aniqlashga ta’sir qilmasligi kerak. Grippdan himoya faqat preparatni qabul qilish davrida davom etadi.
Populyasiyada gripp tarqalishini tasdiqlovchi ishonchli epidemiologik dalillar mavjud bo‘lgandagina, grippni davolash va oldini olish uchun oseltamivirni qo‘llash kerak. Tarqalgan gripp shtammlarining oseltamivirga nisbatan sezgirligi juda o‘zgaruvchan. Shu sababli, resept bo‘yicha preparatni buyuruvchi tibbiyot xodimlari preparatni qo‘llash to‘g‘risidagi qarorni qabul qilishda hozirgi vaqtda tarqalayotgan viruslarning oseltamivirga ta’sirchanligi to‘g‘risidagi so‘nggi axborotlarni hisobga olishlari kerak.
Yondosh og‘ir holatlar. Yetarlicha darajada og‘ir yoki noturg‘un klinik holatda bo‘lgan, ya’ni kasalxonaga yotqizilish xavfi muqarrar bo‘lgan bemorlarda oseltamivirning xavfsizligi va samaradorligi to‘g‘risida ma’lumotlar yo‘q.
Immuntanqisligi bo‘lgan bemorlar. Immuniteti past pasiyentlarda grippni davolash uchun ham, profilaktikasi uchun ham oseltimivirning samaradorligi yaxshi aniqlanmagan.
Yurak/respiratorli kasalliklari. Surunkali yurak va/yoki nafas yo‘llari kasalliklari bo‘lgan bemorlarda oseltamivirning samaradorligi aniqlanmagan. Bunday pasiyentlarda preparat va plasebo guruhlari o‘rtasida asoratlarning rivojlanishida farq bo‘lmadi.
Og‘ir darajadagi buyrak yetishmovchiligi. Og‘ir darajadagi buyrak yetishmovchiligi bo‘lgan kattalar va 13-17 yoshdagi o‘smirlarda davolash va profilaktikada dozaga tuzatish kiritish tavsiya etiladi. Buyrak yetishmovchiligi bo‘lgan go‘daklar va bolalar (1 yosh va undan katta) uchun dozalash bo‘yicha tavsiya berish uchun klinik ma’lumotlar yetarli emas.
Gripp bo‘lgan pasiyentlarda, ayniqsa bolalar va o‘smirlarda oseltamivirni qabul qilish paytida neyropsixiatrik buzilishlar kuzatilgan. Xuddi shunday o‘zgarishlar oseltamivirni qabul qilmagan gripp bo‘lgan bemorlarda ham kuzatilgan. Pasiyentlar hulq-atvorining o‘zgarishini diqqat bilan kuzatib borish kerak va har bir pasiyent uchun davolanishni davom ettirishning foydasi va xavfini diqqat bilan baholash lozim.
Boshqa dorilar bilan o‘zaro ta’siri
Oseltamivir asosan jigarda joylashgan esterazalar ta’sirida faol metabolitga ekstensiv ravishda aylanadi. Esterazalar faol markazlari bilan bog‘lanishga bo‘lgan raqobat tufayli yuzaga keladigan dorilarning o‘zaro ta’siri adabiyotlarda keng yoritilmagan. Oseltamivir va uning faol metabolitining plazma oqsillari bilan bog‘lanish darajasini pastligi dorilarni oqsillar bilan bog‘lanishdan chiqarib yuborilishi bilan bog‘langan o‘zaro ta’sirlashuv mavjudligini taxmin qilish uchun asos bo‘lmaydi.
In vitro tadqiqotlar shuni ko‘rsatadiki, na oseltamivir fosfati na uning faol metaboliti sitoxrom R450 tizimining polifunksional oksidazalari yoki glyukuronil transferazalari uchun yaxshi substrat hisoblanmaydi. Peroral kontraseptivlar bilan o‘zaro ta’sirlashuv uchun hech qanday asos yo‘q.
Sitoxrom R450 tizimi izofermentlarining nomaxsus ingibitori va ishqor turidagi preparatlar va kationlar bilan naychali sekresiya jarayonida raqobatlashadigan simetidin oseltamivir va uning faol metabolitining plazma konsentrasiyasiga ta’sir qilmaydi.
Aksariyat bunday dorilar uchun xavfsizlik zahirasini, oseltamivir faol metabolitini chiqarilish yo‘llarini (glomerulyar filtrlasiya va anion naychali sekresiya), shuningdek, har bir yo‘lning chiqarish qobiliyatini hisobga olgan holda, naychali sekresiya uchun raqobat bilan bog‘liq klinik ahamiyatga ega dorilarning o‘zaro ta’sirlashuvi mavjud emas.
Probenesid oseltamivir faol metabolitining AUC ni taxminan 2 baravar oshishiga olib keladi (buyraklardagi faol naycha sekresiyasining pasayishi tufayli). Biroq, faol metabolitning xavfsizlik zahirasini hisobga olib, probenesid bilan bir vaqtda qo‘llanganda dozani korreksiyalash talab qilinmaydi.
Amoksisillin bilan bir vaqtda qabul qilish oseltamivir va metabolitlarining plazma konsentrasiyasiga ta’sir qilmaydi, anion naychali sekresiya bilan chiqarilishi uchun kuchsiz raqobatni namoyish etadi.
Parasetamol bilan bir vaqtda qabul qilish oseltamivir va uning faol metaboliti yoki parasetamolning plazma konsentrasiyasiga ta’sir qilmaydi.
Parasetamol, asetilsalisil kislotasi, simetidin, antasidlar (magniy va alyuminiy gidroksidi, kalsiy karbonat), varfarin, remantadin yoki amantadin bilan bir vaqtda qabul qilinganda, oseltamivir bilan va uning asosiy metaboliti bilan farmakokinetik o‘zaro ta’sirlashuv aniqlanmadi.
OSELVIR®ni keng qo‘llaniladigan preparatlar, masalan, AAF ingibitorlari (enalapril, kaptopril), tiazid diuretiklar (bendroflumetiazid), antibiotiklar (penisillin, sefalosporinlar, azitromisin, eritromisin va doksisiklin), gistaminli N2-reseptor blokatorlari (ranitidin, simetidin), beta-adrenoblokator (propranolol), ksantinlar (teofillin), simpatomimetiklar (psevdoefedrin), opiatlar (kodein), kortikosteroidlar, ingalyasion bronxolitiklar va narkotik bo‘lmagan analgetiklar (asetilsalisil kislotasi, ibuprofen va parasetamol) fenomenida) bilan birga qo‘llanganda nojo‘ya ta’sirlar xarakterida yoki chastotasida o‘zgarishlar kuzatilmadi.
Oseltamivirni tor terapevtik ta’sirga ega preparatlar (masalan, xlorpropamid, metotreksat, butadion) bilan bir vaqtda qo‘llashda ehtiyot bo‘lish kerak.
Homiladorlik va emizish davrida
Homiladorlik paytida preparatni qo‘llash imkoniyati to‘g‘risidagi FDA tasnifi bo‘yicha OSELVIR® (oseltamivir) homilaga ta’siriga ko‘ra “S” toifaga kiradi.
Hayvonlarda o‘tkazilgan tadqiqotlar dorining homilaga salbiy ta’sir etishini aniqladi, homilador ayollarda esa bunday tadqiqotlar o‘tkazilmagan, homiladorlikda preparatni qo‘llash mumkin emas. Laktasiya davrida preparatni qabul qilish zarur bo‘lsa, emizishni to‘xtatish to‘g‘risidagi masalani hal etish lozim.
Transport boshqarishga ta’siri
Preparatning transport vositalarini boshqarish qobiliyatiga va yuqori darajadagi diqqat-e’tiborni va psixomotor reaksiyalar tezligini talab qiladigan boshqa potensial xavfli faoliyat turlari bilan shug‘ullanishga ta’sirini o‘rganish bo‘yicha tadqiqotlar o‘tkazilmagan.
Dozani oshirib yuborish
Simptomlari: dozani oshirib yuborilishi bilan bog‘liq bo‘lgan ma’lumotlar, xarakteri va tez-tezligi bo‘yicha, yuqorida tavsiflangan, terapevtik dozalarda preparatni qo‘llashda kuzatilgan nojo‘ya reaksiyalarga o‘xshash bo‘ldi.
Davolash: preparatni qabul qilishni to‘xtatish, simptomatik, maxsus antidoti noma’lum.
Farmakodinamikasi
Virusga qarshi preparat. Oseltamivir fosfati dorivor hisoblanadi, uning faol metaboliti (oseltamivir karboksilati) A va V grippining infeksiyalangan hujayralardan yangi hosil bo‘lgan virus zarralarini ajralib chiqish jarayonini, ularning nafas tizimining epitelial hujayralariga kirib borishini va organizmga tarqalishini kataliz qiladigan neyraminidaza fermentini raqobatbardoshli va selektiv tarzda ingibisiya qiladi.
Oseltamivir karboksilati hujayralar tashqarisida ta’sir qiladi. Bu in vitro sharoitida gripp virusini ko‘payishini va in vivo sharoitida uning replikasiyasini va patogenligini ingibisiya qiladi, organizmdan A va V gripp viruslarining chiqishini kamaytiradi. Uning ferment faolligini 50% (IC 50) ga pasaytirish uchun zarur bo‘lgan konsentrasiyasi nanomolyar diapazonning pastki chegarasida joylashgan.
Farmakokinetikasi
So‘rilishi
Oseltamivir fosfatii og‘iz orqali qabul qilingandan keyin me’da-ichak yo‘lida oson so‘riladi va jigar esterazalari ta’sirida yuqori darajada faol metabolitga aylanadi. Plazmada faol metabolitning konsentrasiyasi 30 minut ichida aniqlanadi, qabul qilinganidan keyin 2-3 soat ichida deyarli maksimal darajaga yetadi va olddori konsentrasiyasidan sezilarli darajada (20 baravardan ko‘proq) oshadi. Og‘iz orqali qabul qilingan dozaning kamida 75% tizimli qon aylanishiga faol metabolit shaklida, 5% dan kamrog‘i dastlabki preparat ko‘rinishida tushadi. Olddorining ham, faol metabolitning ham plazma konsentrasiyalari dozaga mutanosib va ovqatlanishga bog‘liq bo‘lmaydi.
Taqsimlanishi
Odamda faol metabolitning o‘rtacha taqsimlanish hajmi (Vss) taxminan 23 litrni tashkil qiladi. Sassiqko‘zanlar, kalamushlar va quyonlarda o‘tkazilgan tajribalar ko‘rsatdkanidek, faol metabolit gripp infeksiyasi joylashgan barcha asosiy joylarga yetib boradi. Ushbu tajribalarda oseltamivir fosfatii peroral qabul qilingandan so‘ng, uning faol metaboliti o‘pkada, bronxlar yuvilgan suvda, burun shilliq qavatida, o‘rta quloq va traxeyada virusga qarshi ta’sir ko‘rsatadigan konsentrasiyalarda topilgan. Faol metabolitning odam plazma oqsillari bilan bog‘lanishi sezilarsiz (taxminan 3%) darajada. Olddorining odam plazma oqsillari bilan bog‘lanishi 42% ni tashkil qiladi, bu dorilarning sezilarli darajadagi o‘zaro ta’sirlashuviga sabab bo‘lishi uchun yetarli emas.
Metabolizmi
Oseltamivir fosfati yuqori darajada asosan jigar va ichaklarda uchraydigan esterazalar tomonidan faol metabolitga aylanadi. Oseltamivir fosfati ham, faol metabolit ham R450 sitoxrom tizimining izofermentlarining substratlari yoki ingibitorlari hisoblanmaydi.
Chiqarilishi
So‘rilgan oseltamivir asosan (>90%) faol metabolitga aylanish yo‘li orqali chiqariladi. Faol metabolit keyingi transformasiyaga uchramaydi va siydik bilan chiqariladi (> 99%). Ko‘pgina pasiyentlarda faol metabolitning plazmadagi yarim chiqarilish davri 6-10 soatni tashkil qiladi. Faol metabolit to‘liq (>99%) buyraklar ekskresiyasi yo‘li orqali chiqariladi. Buyrakning klirensi (18,8 l/soat) glomerulyar filtrlash tezligidan (7,5 l/soat) oshadi, bu esa preparat naychali sekresiya orqali chiqarilishini ham anglatadi. Radioaktiv nishonlangan preparatning 20%dan kamrog‘i najas bilan chiqariladi.
Maxsus klinik holatlardagi farmakokinetikasi.
1 yoshgacha bo‘lgan go‘daklar: 1 yoshgacha bo‘lgan bolalardagi farmakokinetik va xavfsizlik ma’lumotlari cheklangan. Ushbu ma’lumotlar bilan, bundan tashqari, kattalar, go‘daklar va 1 yosh va undan katta yoshdagi bolalarni o‘rganish ma’lumotlaridan foydalangan holda farmakokinetik modellashtirish o‘tkazildi. Natijalar shuni ko‘rsatdiki, 3 oylikdan 12 oylikkacha bo‘lgan bolalarda kuniga ikki marta 3 mg/kg doza va 1 oylikdan 3 oylikkacha bo‘lgan bolalarda kuniga ikki marta 2,5 mg/kg doza, kattalarda, chaqaloqlarda va 1 yoshdan katta bolalarda olingan ta’sirga o‘xshash ekspozisiya qiymatini beradi va klinik jihatdan samarali hisoblanadi (“Qo‘llash uchun ko‘rsatmalar” va “Qo‘llash usuli va dozalari” bo‘limlariga qarang). Hozirgi vaqtda 1 oygacha bo‘lgan bolalarda oseltamivirni qo‘llash bo‘yicha ma’lumotlar yo‘q.
1 yosh va undan katta go‘daklar va bolalar: Oseltamivirning farmakokinetikasi go‘daklarda, bolalarda va 1 yoshdan 16 yoshgacha bo‘lgan o‘smirlarda bir marta berilgan dozaning farmakokinetik tadqiqotlarida o‘rganildi. Takroriy dozaning farmakokinetikasi preparatning samaradorligini klinik o‘rganishda qatnashgan oz sonli bolalarda o‘rganildi. Yosh bolalarda olddori va uning faol metabolitining klirensi kattalarga qaraganda yuqori bo‘ldi, uning natijasi ushbu dozada mg/kg da eng past konsentrasiya hisoblandi. Oseltamivir fosfati 2 mg/kg dozada qo‘llanilganda erishiladigan konsentrasiyani kattalardagi 75 mg (taxminan 1 mg/kg) ga teng bir martalik dozadan keyin olingan konsentrasiya bilan solishtiish mumkin bo‘ldi. 12 va undan katta yoshdagi bolalar va o‘smirlarda oseltamivirning farmakokinetikasi kattalarnikiga o‘xshashdir.
Katta yoshdagi pasiyentlar
Katta yoshdagi pasiyentlarda (65-78 yosh) faol metabolitning konsentrasiyasi doimiy konsentrasiya fazasida, oseltamivirni taqqoslanadigan dozalarda qabul qilgan 65 yoshgacha bo‘lgan kattalar guruhiga qaraganda 25-35% yuqori bo‘ldi. Katta yoshdagi pasiyentlarda yarim chiqarilish davri yoshi kattalarnikiga o‘xshash bo‘ldi. Dori vositalarining konsentrasiyasi va organizm tomonidan qabul qilinishidan kelib chiqqan holda, katta yoshdagi pasiyentlarda buyrak yetishmovchiligining og‘ir buzilishlari bo‘lmasa, dozaga tuzatish kiritish talab etilmaydi.