





Orlip
- Ishlab chiqaruvchi
- GM Pharmaceuticals Ltd
- Mamlakat
- Gruziya
- Ro‘yxat raqami
- DV/X 03021/05/17
- Ruxsat muddati
- 25.05.2027 gacha
- Saqlash muddati
- 3 yil
- ATX kodi
- A08AB01
Orlip nima uchun ishlatiladi
Orlip — tarkibida orlistat bo‘lgan, oshqozon-ichakdagi yog‘ parchalovchi fermentlarni (lipazalarni) to‘suvchi dori. Ovqatdagi yog‘ning bir qismi so‘rilmay chiqib ketadi, natijada tanaga kamroq kaloriya tushadi va vazn kamayadi.
Semizlik va ortiqcha vazn
Semizlik yoki ortiqcha vazni bor, jumladan semizlik bilan bog‘liq xavf omillari bo‘lgan bemorlarni uzoq muddat davolash — kaloriyasi biroz kamaytirilgan parhez bilan birga.
2-tur qandli diabetda
Ortiqcha vazn yoki semizligi bor 2-tur qandli diabet bemorlarida qandni tushiruvchi dorilar (metformin, sulfonilmochevina hosilalari va/yoki insulin) yoki kaloriyasi kamaytirilgan parhez bilan birga.
Qancha va qanday qabul qilinadi
Rasmiy yo‘riqnoma bo‘yicha (yo‘riqnoma Orlimig SD 120 mg kapsulasiniki), 120 mg li kapsula uchun.
Kimga mumkin, kimga mumkin emas
Homiladorlik Mumkin emas
Klinik ma’lumot yo‘qligi sababli homiladorlarga buyurilmaydi.
Emizish davri Mumkin emas
Ona sutiga o‘tishi o‘rganilmagan — emizish davrida ichilmaydi.
Bolalar Mumkin emas
12 yoshgacha mumkin emas.
Haydovchilar Mumkin
Transport haydash qobiliyatiga ta’sir qilmaydi.
Alkogol Mumkin
Alkogol bilan o‘zaro ta’siri aniqlanmagan.
Qandli diabet Ehtiyotkorlik bilan
Vazn kamayishi bilan qand nazorati yaxshilanadi, shuning uchun qandni tushiruvchi dorilar (masalan, sulfonilmochevina hosilalari) dozasini kamaytirish kerak bo‘lishi mumkin. Qand pasayishi (gipoglikemiya) juda tez-tez uchraydi.
Qo‘llash mumkin bo‘lmagan holatlar
- Surunkali malabsorbsiya (ichakda so‘rilish buzilishi) sindromi
- Xolestaz (o‘t dimlanishi)
- Dori yoki kapsula tarkibidagi istalgan moddaga yuqori sezuvchanlik
- 12 yoshgacha bolalar
- Homiladorlik va emizish davri
Tarkibi
120 mg li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Akarboza Birga ichilmaydi
Ma’lumot yo‘qligi sababli birga ichishdan saqlaning.
Varfarin va boshqa ichiladigan antikoagulyantlar Ehtiyotkorlik
XNM (MNO) ni kuzatib borish kerak.
D, E vitaminlari va beta-karotin, polivitaminlar Ehtiyotkorlik
So‘rilishi kamayadi — polivitaminlarni Orlipdan kamida 2 soat keyin yoki uxlashdan oldin iching.
Siklosporin Ehtiyotkorlik
Qondagi miqdori kamayadi — tez-tez tekshirib turish kerak.
Amiodaron Ehtiyotkorlik
Ta’siri kamayishi mumkin.
Tutqanoqqa qarshi dorilar Ehtiyotkorlik
Tutqanoqlar holatlari kuzatilgan — tutqanoq tezligi va og‘irligini kuzating.
Ko‘p ichib qo‘ydingizmi?
Tadqiqotlarda bir martada 800 mg yoki 15 kun davomida 400 mg dan kuniga 3 marta ichish jiddiy nojo‘ya ta’sir bermagan. Dori yaqqol oshirib yuborilganda bemor 24 soat kuzatiladi; ta’sirlar tez qaytadi. Orlistat 240 mg dan kuniga 3 marta 6 oy ichilganda ham nojo‘ya ta’sirlar ko‘paymagan.
Orlip narxi
Davlat belgilagan eng yuqori chakana narx (referent narx). Har bir qadoq yonida narx belgilangan sana.
Manba: Farmatsevtika tarmog‘ini rivojlantirish agentligi, referent narxlar ro‘yxati.
Analoglari: orlistat
Tarkibida orlistat bor 5 ta dori. Almashtirishdan oldin shifokor yoki farmatsevt bilan maslahatlashing.
ListoraKapsula · 120 mg · TurkiyaRetseptli
Orlimig SDKapsula · 120 mg · O‘zbekistonRetseptliKo‘p beriladigan savollar
Orlipni qachon ichish kerak?
Har asosiy ovqat bilan 1 kapsula — ovqat paytida yoki ovqatdan keyin 1 soat ichida. Ovqat o‘tkazib yuborilsa yoki ovqatda yog‘ bo‘lmasa, kapsulani ichmasa ham bo‘ladi.
Kuniga nechta kapsula ichiladi?
120 mg dan kuniga 3 marta. Undan ko‘p ichish samarani oshirmaydi.
Nega yog‘li ovqatdan keyin ich ketadi?
Dori yog‘ so‘rilishini to‘sadi, so‘rilmagan yog‘ ichakdan chiqadi. Ovqatda yog‘ qancha ko‘p bo‘lsa, moysimon ajralma va suyuq ich shuncha ko‘p bo‘ladi. Kaloriyaning ko‘pi bilan 30% i yog‘dan bo‘lishi kerak.
Vitamin ichish kerakmi?
Shifokor polivitamin buyurishi mumkin. Ularni Orlipdan kamida 2 soat keyin yoki uxlashdan oldin iching.
Bolalarga va homiladorlarga mumkinmi?
12 yoshgacha bolalarga, homiladorlik va emizish davrida mumkin emas.
Qandli diabetda ichsa bo‘ladimi?
Ha, 2-tur diabetda kattalarga qandni tushiruvchi dorilar bilan birga. Qand pasayishi mumkin — qand dorilari dozasini shifokor kamaytirishi mumkin.
Rasmiy yo‘riqnoma
Rasmiy yo‘riqnomaning to‘liq matni
Bu dorining o‘z yo‘riqnomasi reyestrda yo‘q, shu ta’sir qiluvchi moddali dori yo‘riqnomasi keltirilgan: Орлимиг SD Капсулы 120 мг упаковки контурные ячейковые №30(3x10) (DV/M 03560/10/20). Doza dorining shakli va miqdoriga qarab farq qilishi mumkin.
Tavsifi
o‘lchami №2 qattiq jelatin kapsulalar. Korpusi – sariq, qopqoqchasi – yashil yoki korpusi - sariq, qopqoqchasi - sariq. Kapsulani ichidagisi – oq yoki deyarli oq rangli kukun.
Qo‘llanilishi
semizlik bilan xastalangan bemorlar va tana vazni yuqori bo‘lgan pasiyentlarni, shu jumladan semirish bilan assosiasiyalangan xavf omillariga ega pasiyentlarni o‘rtacha gipokaloriyalik parhez bilan birga uzoq vaqt davolash;
tana vazni ortiqcha yoki semirish bilan xastalangan 2 toifa qandli diabeti bo‘lgan bemorlarda gipoglikemik preparatlar (metformin, sulfonilmochevina hosilalari va/yoki insulin) bilan majmuada qo‘llanadi.
Qo‘llash usuli va dozalari
Kattalar va 12 yoshdan oshgan bolalarda semizlik bilan xastalangan bemorlar va tana vazni yuqori bo‘lgan pasiyentlarni, shu jumladan semirish bilan assosiasiyalangan xavf omillariga ega pasiyentlarni o‘rtacha gipokaloriyalik parhez bilan birga uzoq vaqt davolashda orlistatning tavsiya etilgan dozasi har bir asosiy ovqatlanish bilan (ovqatlanish vaqtida yoki ovqatlangandan keyin bir soat ichida) birga 120 mg li bir kapsulani tashkil qiladi.
Tana vazni ortiqcha yoki semirish bilan xastalangan qandli diabetning 2 toifasi bo‘lgan bemorlarda gipoglikemik preparatlar (metformin, sulfonilmochevina hosilalari va/yoki insulin) bilan majmuada: kattalarda orlistatning tavsiya etilgan dozasi har bir asosiy ovqatlanish bilan (ovqatlanish vaqtida yoki ovqatlangandan keyin bir soat ichida) birga 120 mg li bir kapsulani tashkil qiladi.
Agar ovqatlanish o‘tkazib yuborilsa yoki agar ovqatda yog‘ bo‘lmasa, Orlimig SD preparatini ham o‘tkazib yuborish mumkin.
Preparatni muvofiqlashtirilgan, o‘rtacha kaloriyalik, yog‘ ko‘rinishida 30% dan ko‘p bo‘lmagan miqdorda kaloriya saqlovchi parhez bilan birga qabul qilish kerak. Yog‘lar, uglevodlar va oqsillarni sutkalik iste’mol qilinishini uchta asosiy qabul qilishlarga taqsimlash kerak.
Orlistatning tavsiya etilgan dozasini (120 mg sutkada 3 marta) oshirish uning terapevtik samarasini oshishiga olib kelmaydi.
Jigar va/yoki buyrak faoliyatini buzilishi, shuningdek keksa pasiyentlarda va bolalarda (12 yoshdan kichik) Orlimig SD preparatining samaradorligi va xavfsizligi o‘rganilmagan.
Qo‘llash mumkin bo‘lmagan holatlar
surunkali malabsorbsiya sindromi;
xolestaz;
preparatga yoki kapsuladagi har qanday boshqa komponentlarga yuqori sezuvchanlikda qo‘llash;
12 yoshgacha bo‘lgan bolalarda;
homilador va laktasiya davrida.
Nojo‘ya ta’sirlar
Klinik tadqiqotlar ma’lumotlari
Nojo‘ya reaksiyalarning tez-tezligini ta’riflash uchun quyidagi toifalar qo‘llaniladi: juda tez-tez (≥1/10), tez-tez (≥1/100, <1/10), tez-tez emas (≥1/1000, <1/100), kam hollarda (≥1/10000, <1/1000) va juda kam hollarda (<1/10000), shu jumladan alohida holatlar.
Orlistatga nojo‘ya reaksiyalar asosan me’da-ichak yo‘llari tomonidan paydo bo‘lgan va yog‘li ovqatni so‘rilishiga qarshilik qiluvchi preparatning farmakologik ta’siri bilan bog‘liq bo‘lgan. To‘g‘ri ichakdan yog‘li ajralmalar ajralishi, biroz miqdorda ajralmalar bilan gazlarni ajralishi, defekasiyaga imperativ qistovlar, steatoreya, defekasiyani tezlashishi, suyuq ich kelishi, meteorizm, qorinda og‘riq yoki diskomfort kabi ko‘rinishlar juda tez-tez kuzatilgan.
Ovqatda yog‘larning miqdori oshganda ularning tez-tezligi oshadi. Bemorlarni me’da-ichak yo‘llari tomonidan nojo‘ya reaksiyalar paydo bo‘lishi mumkinligi haqida ogohlantirish kerak va ularni ayniqsa ovqatdagi yog‘ miqdori yuzasian parhezga yaxshi rioya qilib ularni bartaraf etishga o‘rgatish kerak. Yog‘ni kam miqdorda saqlovchi parhezga rioya qilish me’da-ichak yo‘llari tomonidan nojo‘ya ta’sirlarning ehtimolini kamaytiradi va shu orqali pasiyentlarga yog‘larni iste’mol qilishni nazorat qilish va boshqarishga yordam beradi.
Odatda ko‘rsatilgan nojo‘ya reaksiyalar kuchsiz yaqqollikda va tranzitor bo‘ladi. Ular davolashning erta bosqichlarida (birinchi 3 oyda) paydo bo‘lgan, bunda bemorlarning ko‘pchiligida bunday reaksiyalarning bironta ham holati kuzatilmagan.
MIY tomonidan
Tez-tez: “yumshoq” ich kelishi, to‘g‘ri ichakda og‘riq yoki diskomfort, axlatni tutib turolmaslik, qorinni dam bo‘lishi*, tishlarni shikastlanishi, milklarni shikastlanishi.
Infeksiya va invaziya
Juda tez-tez: gripp
Nerv tizimi tomonidan
Juda tez-tez: bosh og‘rig‘i
Nafas tizimi, ko‘krak qafasi a’zolari va ko‘ks oralig‘i tomonidan
Juda tez-tez: yuqori nafas yo‘llari infeksiyalari;
Tez-tez: quyi nafas yo‘llari infeksiyalari
Buyrak va siydik chiqarish yo‘llari tomonidan
Tez-tez: siydik chiqarish yo‘llari infeksiyalari
Ruhiy kasalliklar
Tez-tez: xavotirlik
Umumiy buzilishlar va mahaliy qo‘rinishlar
Tez-tez: xolsizlik
Ovqat hazm qilish tomonidan
Juda tez-tez: gipoglikemik*
Qandli diabetning 2 toifasi bo‘lgan bemorlarda noxush ko‘rinishlarning xarakteri va tez-tezligi tana vazni ortiqcha yoki semizlik bilan xastalangan qandli diabeti bo‘lmagan shaxslardagilar bilan bir xil bo‘lgan.
*Qandli diabetning 2 toifasi bo‘lgan pasiyentlarda yagona yangi nojo‘ya ko‘rinishlar plasebo bilan solishtirganda >2% tez-tezlikda va ≥1% insidentlikda paydo bo‘lgan gipoglikemik holatlar (ular uglevod almashinuvining kompensasiyasini yaxshilanishi oqibatida paydo bo‘lishi mumkin) va tez-tez – qorinni dam bo‘lishi kuzatilgan.
4 yillik klinik tadqiqotda xavfsizlikning umumiy profili 1 va 2-yillik tadqiqotlarda olingan ma’lumotlardan farq qilmagan. Bunda me’da-ichak yo‘llari tomonidan noxush ko‘rinishlarni paydo bo‘lishining umumiy tez-tezligi preparatni 4 yil davomida qo‘llash davrida har yili kamaygan.
Postmarketing kuzatuv
Immun tizimi tomonidan
Kam hollarda: asosiy klinik simptomlari qichishish, toshma, eshakemi, angionevrotik shish, bronxospazm va anafilaksiya bo‘lgan allergik reaksiyalar.
MIY tomonidan
Rektal qon ketishi, divertikulit, pankreatit
Jigar va o‘t yo‘llari tomonidan
Xolelitiaz
Teri va tari osti to‘qimasi tomonidan
Juda kam hollarda: bullyoz toshma
Buyrak va siydik chiqarish yo‘llari tomonidan
Oksalat nefropatiya holatlari qayd etilgan (paydo bo‘lish tez-tezligi noma’lum).
Laboratornie i instrumentalnie malumotlar
transaminazalar va ishqoriy fosfotaza faolligini oshishining juda kam holatlari, shuningdek gepatit rivojlanishining alohida, ehtimol jiddiy holatlari ta’riflangan (Orlimig SD preparatini qabul qilish bilan sabab-oqibat bog‘liqligi yoki rivojlanishning patofiziologik mexanizmlari aniqlanmagan).
Orlimig SD preparatini antikoagulyantlar bilan bir vaqtda buyurilganda protrombinni kamayishi, xalqaro normallashga nisbat (XNN) ko‘rsatkichini oshishi va antikoagulyantlar bilan muvofiqlashtirilmagan davolash holatlari qayd etilgan, bu gemostatik ko‘rsatkichlarni o‘zgarishiga olib kelgan.
Orlistat va tutqanoqqa qarshi preparatlar bir vaqtda qabul qilinganda tirishishlar rivojlanishi holatlari kuzatilgan (“Dorilarning o‘zaro ta’siri” bo‘limiga qarang).
Maxsus ko‘rsatmalar
Orlimig SD tana vaznini uzoq vaqt nazorat qilish (tana vaznini kamaytirish va uni yangi darajada tutib turish, tana vaznini takroran oshishini oldini olish) yuzasidan samarali. Orlimig SD preparati bilan davolash xavf omillari va semirish bilan birga kechuvchi kasalliklar, shu jumladan giperxolesterinemiya, qandli diabetning 2 toifasi, glyukozaga tolerantlikni buzilishi, giperinsulinemiya, arterial gipertenziya profilini yaxshilanishiga va visseral yog‘ miqdorini kamayishiga olib keladi.
Ortiqcha tana vaznli (TVI≥28 kg/m2) yoki semizlik bilan xastalangan (TVI≥30 kg/m2) qandli diabetning 2 toifasi bo‘lgan bemorlarda metformin, sulfonilmochevina hosilalari va/yoki insulin kabi gipoglikemik preparatlar bilan majmuada qo‘llanilganda, Orlimig SD o‘rtacha kaloriyali parhez bilan qo‘llanilganda uglevod almashinuvini kompensasiyasini qo‘shimcha yaxshilanishini ta’minlaydi.
Klinik tadqiqotlarda ko‘pchilik bemorlarda A, D, Ye, K vitaminlari va betakaroten konsentrasiyasi orlistat bilan to‘rt yil davomida davolaganda norma chegarasida qolgan. Barcha ozuqa moddalarini adekvat tushishini ta’minlash uchun polivitaminlarni buyurish mumkin.
Pasiyent muvofiqlashtirilgan, yog‘ ko‘rinishidagi kaloriya 30% dan ko‘p bo‘lmagan o‘rtacha kaloriyali parhezga rioya qilishlari kerak. Mevalar va sabzavotlarga boy ovqatlanish tavsiya etiladi. Yog‘lar, uglevodlar va oqsillarning sutkalik iste’molini uchta asosiy ovqatlanishga taqsimlash kerak.
Agar Orlimig SDni yog‘larga boy (masalan, sutkada 2000 kkal, ulardan 30% dan ko‘prog‘i yog‘lar, bu 67 g yog‘ga to‘g‘ri keladi) ovqatlanish fonida qabul qilinsa, me’da-ichak yo‘llari tomonidan nojo‘ya reaksiyalar ehtimoli oshadi.
Qandli diabetning 2 toifasi bo‘lgan bemorlarda Orlimig SD preparati bilan davolaganda tana vaznini kamayishi uglevod almashinuvining kompensasiyasini yaxshilanishi bilan kechadi, bu gipoglikemik preparatlar (masalan, sulfonilmochevina hosilalari) ning dozasini kamaytirish imkonini berishi yoki talab etishi mumkin.
Bolalar
12 yoshgacha bo‘lgan bolalarda qo‘llanilmasin.
Boshqa dorilar bilan o‘zaro ta’siri
Amitriptilin, atorvastatin, biguanidlar, digoksin, fibratlar, fluoksetin, lozartan, fenitoin, peroral kontraseptivlar, fentermin, pravastatin, varfarin, nifedipin GITT (gastro-intestinal terapevtik tizim) va sekin ajralib chiqadigan nifedipin, sibutramin yoki alkogol bilan o‘zaro ta’siri aniqlanmagan (dorilarning o‘zaro ta’siri bo‘yicha o‘tkazilgan tadqiqot asosida). Lekin varfarin yoki boshqa peroral antikoagulyantlar bilan yondosh davolaganda XNN ko‘rsatkichlarini kuzatish kerak.
Orlimig SD preparati bilan bir vaqtda qabul qilinganda D, Ye vitaminlari va betakarotenni so‘rilishi kamayishi kuzatilgan. Agar polivitaminlar buyurilgan bo‘lsa, ularni Orlimig SD preparatini qabul qilgandan kamida 2 soatdan keyin yoki uyqudan oldin qabul qilish kerak.
Orlimig SD preparati va siklosporinni bir vaqtda qabul qilganda siklosporinning plazmadagi konsentrasiyasini pasayishi kuzatilgan, shuning uchun siklosporin va Orlimig SD preparatini bir vaqtda qabul qilganda siklosporinning plazmadagi konsentrasiyasini tez-tez aniqlash tavsiya etiladi.
Orlimig SD preparati bilan davolash vaqtida amiodaronni peroral buyurganda amiodaron va dezetilamiodaronning tizimli ekspozisiyasini pasayishi (25-30%) aniqlangan, lekin amiodaronning farmakokinetikasi murakkabligi tufayli, bu ko‘rinishning klinik ahamiyati noma’lum. Amiodaron bilan uzoq vaqt davolashga Orlimig SD preparatini qo‘shish ehtimol amiodaronning terapevtik samarasini pasayishiga olib kelishi mumkin (tadqiqotlar o‘tkazilmagan).
Farmakokinetik tadqiqot natijalarining yo‘qligi tufayli, Orlimig SD preparati va akarbozani bir vaqtda qabul qilishdan saqlanish kerak.
Orlistat va tutqanoqqa qarshi preparatlarni bir vaqtda qabul qilganda tirishishlar rivojlanishi holatlari kuzatilgan. Tirishishlarni rivojlanishi va orlistat bilan davolash o‘rtasida sabab-oqibat bog‘liqligi aniqlanmagan. Shunga qaramasdan, tirishish sindromining tez-tezligi va/yoki og‘irlik darajasini o‘zgarishi mumkinligi yuzasidan pasiyentlarning holatini monitoring qilish kerak.
Homiladorlik va emizish davrida
Reproduktiv toksiklik bo‘yicha hayvonlarda o‘tkazilgan tadqiqotlarda preparatning teratogen va embriotoksik samarasi kuzatilmagan. Hayvonlarda teratogen samarasi yo‘qligida odamlarda xuddi shunday samarani kutish mumkin emas. Lekin klinik ma’lumotlar yo‘qligi tufayli Orlimig SDni homiladorlarga buyurish mumkin emas. Orlistatni ko‘krak suti bilan chiqarilishi o‘rganilmagan, shuning uchun uni emizish davrida qabul qilish mumkin emas
Transport boshqarishga ta’siri
Ta’sir qilmaydi.
Dozani oshirib yuborish
Simptomlar: tana vazni normal bo‘lgan shaxslar va semizlik bilan xastalangan bemorlardagi klinik tadqiqotlarda preparatni 800 mg bir martalik dozalarini yoki 400 mg dan sutkada 3 marta ko‘p marta qabul qilish, jiddiy noxush ko‘rinishlarni paydo bo‘lishi bilan kechmagan. Bundan tashqari, semizlik bilan xastalangan bemorlarda orlistatni 240 mg dan sutkada 3 marta 6 oy davomida qo‘llash tajribasi bor, lekin bu noxush ko‘rinishlar sonini ishonchli oshishi bilan kechmagan.
Davolash: preparatining dozasi yaqqol oshirib yuborilgan xollarda, pasiyentni 24 soat kuzatish tavsiya etiladi. Odam va hayvonlardagi tadqiqotlarning ma’lumotlari bo‘yicha, orlistatning lipazani ingibirlovchi xususiyatlari bilan bog‘lash mumkin bo‘lgan xar qanday tizimli samaralari tez qaytuvchan bo‘lishi mumkin.
Farmakodinamikasi
Orlimig SD – uzoq ta’sirga ega me’da-ichak lipazalarining kuchli, spesifik va qaytuvchan ingibitoridir. Uning terapevtik ta’siri me’da va ingichka ichak bo‘shlig‘ida amalga oshadi va me’da va pankreatik lipazalarning faol serinli sohasi bilan kovalent bog‘ hosil bo‘lishidan iborat. Bunda faolsizlantirilgan ferment trigliseridlar ko‘rinishida tushuvchi ovqatdagi yog‘larni so‘riladigan erkin yog‘ kislotalari va monogliseridlarga parchalash qobiliyatini yo‘qotadi. Parchalanmagan triliseridlar so‘rilmaganligi tufayli, buning oqibatidagi organizmga kaloriyalarni tushishini kamayishi tana vaznini kamayishiga olib keladi. Shunday qilib, preparatning terapevtik ta’siri tizimli qon oqimiga so‘rilmasdan amalga oshiriladi.
Ahlatdagi yog‘ miqdoriga qaraganda orlistatning ta’siri qabul qilingandan 24-48 soatdan keyin boshlanadi. Preparat bekor qilingandan keyin ahlatdagi yog‘ miqdori davolashdan oldin kuzatilgan darajagacha odatda 48-72 soatdan keyin qaytadi.
Samaradorlik
Semizlik bilan xastalangan bemorlar
Klinik tadqiqotlarda parhez bilan davolanayotgan pasiyentlarga nisbatan orlistat qabul qilayotgan pasiyentlarda tana vaznini ko‘proq kamayishi kuzatilgan. Tana vaznini kamayishi davolash boshlanganidan keyin birinchi 2 hafta davomida boshlangan va hatto parhez bilan davolashga salbiy javobi bo‘lgan pasiyentlarda ham 6 oydan 12 oygacha davom etgan. 2 yil davomida semizlik bilan kechuvchi metabolik xavf omillarining profilini statistik jihatdan yaxshilanishi kuzatilgan. Bundan tashqari, plasebo qabul qilganga nisbatan organizmda yog‘larning miqdorini ahamiyatli darajada kamayishi aniqlangan. Orlistat tana vaznini takroran oshishini oldini olishda samarali. Yo‘qotilgan tana vaznining 25% dan yuqori bo‘lmagan tana vaznini takroran tana vaznini oshishi pasiyentlarning taxminan yarmida kuzatilgan, bu pasiyentlarning qolgan yarmida esa tana vaznini takroran oshishi kuzatilmagan yoki hatto uni keyinchalik kamayishi kuzatilgan.
Semizlik va qandli diabetning 2 toifasi bo‘lgan bemorlar
6 oydan 1 yilgacha davomiylikdagi klinik tadqiqotlarda orlistat qabul qiluvchi ortiqcha tana vazni yoki semizlik va qandli diabetning 2 toifasi bo‘lgan pasiyentlarda faqat parhez bilan davolangan pasiyentlarga nisbatan tana vaznini ko‘proq kamayishi kuzatilgan. Tana vaznini kamayishi asosan organizmdagi yog‘larning miqdorini kamayishi hisobiga amalga oshgan. Tadqiqot boshlanishidan oldin gipoglikemik vositalarni qabul qilishga qaramasdan pasiyentlarda glikemiyaning yetarli bo‘lmagan nazorati kuzatilgan. Ammo orlistat bilan davolaganda glikemiyani nazoratini statistik va klinik jihatdan yaxshilanishi kuzatilgan. Bundan tashqari, orlistat bilan davolash fonida gipoglikemik vositalarning dozasini, insulinning konsentrasiyasini pasayishi, shuningdek insulinorezistentlikni kamayishi kuzatilgan.
Semizlik bilan xastalangan bemorlarda qandli diabetning 2 toifa rivojlanishining xavfini kamaytirish
4 yillik klinik tadqiqotda orlistat qandli diabetning 2 toifa rivojlanishining xavfini ahamiyatli darajada (plaseboga nisbatan taxminan 37%) pasaytirishi namoyish etilgan. Xavfni kamayish darajasi hatto dastlab glyukozaga tolerentlikni buzilishi (taxminan 45% ga) bo‘lgan pasiyentlarda ahamiyatliroq bo‘lgan. Orlistat bilan davolash guruhida plasebo guruhiga nisbatan tana vaznini ahamiyatliroq kamayishi kuzatilgan. Tana vaznini yangi darajada tutib turish butun tadqiqot davomida kuzatilgan. Bundan tashqari, plaseboga nisbatan orlistat bilan davolangan pasiyentlarda metabolik xavf omillari profilini ahamiyatli darajada yaxshilanishi kuzatilgan.
Pubertat semizlik
1 yil davomiylikdagi klinik tadqiqotda semizlik bilan xastalangan o‘smirlarda orlastatni qabul qilganda hatto tana vazni indeksi oshgan plasebo guruhiga nisbatan tana vazni indeksini kamayishi kuzatilgan. Bundan tashqari, plasebo guruhiga nisbatan orlistat guruhidagi pasiyentlarda yog‘ massasini, shuning bel va sonning aylanma o‘lchamlarini kamayishi kuzatilgan. Shuningdek plasebo guruhiga nisbatan orlistat bilan davolangan pasiyentlarda diastolik bosimni ahamiyatli darajada pasayishi kuzatilgan.
Xavfsizligi bo‘yicha klinika oldi ma’lumotlari
Klinika oldi ma’lumotlariga ko‘ra pasiyentlar uchun xavfsizlik profili, toksiklik, genotoksiklik, kanserogenlik va reproduktiv toksiklikka taalluqli qo‘shimcha ma’lumotlar aniqlanmagan. Hayvonlarni o‘rganishda ham teratogen ta’sir topilmadi. Hayvonlarda teratogen samarasini yo‘qligi tufayli, uni odamlarda aniqlanishining ehtimoli kam.
Farmakokinetikasi
So‘rilishi
Tana vazni normal va semizligi bo‘lgan ko‘ngillilarda preparatning tizimli ta’siri minimal bo‘lgan. Preparatni 360 mg dozada bir marta peroral qabul qilingandan keyin plazmada o‘zgarmagan orlistatni aniqlash imkoni bo‘lmagan, bu uning konsentrasiyasi 5 ng/ml dan past ekanligidan dalolat beradi.
Umuman olganda, terapevtik dozalar qabul qilingandan keyin plazmada o‘zgarmagan orlistatning konsentrasiyasi kam hollardagina aniqlash mumkin bo‘lgan, bunda uning konsentrasiyasi juda past (<10 ng/ml yoki 0,02 mkmol) bo‘lgan. To‘planish belgilari kuzatilmagan, bu preparatni so‘rilishi minimal ekanligini tasdiqlaydi.
Taqsimlanishi
Vd aniqlab bo‘lmaydi, chunki preparat yomon so‘riladi. In vitro sharoitda orlistat plazmadagi oqsillar (asosan lipoproteinlar va albumin bilan) 99% dan ortiq bog‘lanadi. Orlistat minimal darajada eritrositlarga kirishi mumkin.
Metabolizmi
Hayvonlarda o‘tkazilgan tadqiqotlarda olingan ma’lumotlarga ko‘ra orlistatning metabolizmi asosan ichak devorida amalga oshiriladi. Semizlik bilan xastalangan shaxslarda o‘tkazilgan tadqiqotda tizimli so‘rilishga uchraydigan preparatning minimal fraksiyasining taxminan 42% ikkita asosiy metabolit – M1 (to‘rt bo‘g‘inli gidrolizga uchragan lakton halqasi) va M3 (N-formilleysin qoldig‘i ajratib olingan M1) ga to‘g‘ri keladi.
M1 va M3 molekulalari ochiq b-lakton halqaga ega va lipazani juda kuchsiz (orlistatga nisbatan muvofiq ravishda 1000 va 2500 marta kuchsizroq) ingibisiya qiladi. Terapevtik dozalar qabul qilingandan keyin bunday past ingibisiya qiluvchi faollik va past plazmadagi konsentrasiyalari (muvofiq ravishda o‘rtacha 26 ng/ml va 108 ng/ml) tufayli, bu metabolitlar farmakologik faol deb qaralmaydi.
Chiqarilishi
Tana vazni normal va ortiqcha bo‘lgan shaxslarda o‘tkazilgan tadqiqotlarda chiqarilishning asosiy yo‘li bo‘lib so‘rilmagan preparatni axlat bilan chiqarilishi ekanligi namoyish etilgan. Qabul qilingan dozaning taxminan 97% ahlat bilan chiqariladi, bunda 83% - o‘zgarmagan orlistat ko‘rinishida chiqariladi.
Orlistat bilan struktur bog‘langan barcha substansiyalarni buyrak orqali chiqarilishi qabul qilingan dozaning 2% dan kamrog‘ini tashkil qiladi. Preparatni organizmdan to‘liq chiqarilishi (axlat va siydik bilan) vaqti 3-5 kunga teng. Tana vazni normal va ortiqcha bo‘lgan ko‘ngillilarda orlistatning chiqarilish yo‘llarining nisbati teng bo‘lgan. Orlistat ham, M1 va M3 metabolitlari ham safro bilan chiqarilishi mumkin.
Alohida klinik guruhlardagi farmakokinetikasi
Bolalarda preparatning bir xil dozalari bilan solishtirganda kattalardagi orlistat va uning metabolitlarining (M1 va M3) plazmadagi konsentrasiyasidan farq qilmagan. Yog‘ni ahlat bilan sutka davomida chiqarilishi orlistat bilan davolaganda ovqat qabul qilishdan 27% ni va plasebo qabul qilganda – 7% ni tashkil qilgan.