





Nikotin kislotasi
- Ishlab chiqaruvchi
- СП ООО Jurabek Laboratories
- Mamlakat
- O‘zbekiston
- Ro‘yxat raqami
- DV/M 00645/02/16
- Ruxsat muddati
- 14.07.2031 gacha
- Saqlash muddati
- 3 yil
- ATX kodi
- C10AD02
Nikotin kislotasi nima uchun ishlatiladi
Nikotin kislotasi — PP vitamini (niatsin). Uning yetishmovchiligini to‘ldiradi va kompleks davoda qon aylanishini yaxshilash uchun qo‘llanadi.
PP vitamini yetishmovchiligi
PP gipovitaminozi va avitaminozi (pellagra).
Ishemik insult
Kompleks davo tarkibida.
Qon tomir kasalliklari
Qo‘l-oyoq tomirlarining obliteratsiyalovchi kasalliklari (obliteratsiyalovchi endarteriit, Reyno sindromi) — kompleks davoda.
Yuz nervi nevriti
Kompleks davo tarkibida.
Qandli diabet asoratlari
Qandli diabet, diabetik polineyropatiya, mikroangiopatiya — kompleks davoda.
Xartnup kasalligi
Ba’zi aminokislotalar, jumladan triptofan o‘zlashtirilishi buziladigan irsiy kasallik.
Qancha va qanday qabul qilinadi
Rasmiy yo‘riqnoma bo‘yicha, 1% eritma (1 ml da 10 mg). Ishlatishdan oldin shifokor bilan maslahatlashish kerak. Kattalarga teri ostiga, mushak ichiga yoki vena ichiga sekin.
Kimga mumkin, kimga mumkin emas
Homiladorlik Mumkin emas
Qarshi ko‘rsatmalar ro‘yxatida bor; homiladorlik bo‘limida esa faqat shifokor buyrug‘i bilan, foyda xavfdan ustun bo‘lsa deyilgan.
Emizish davri Mumkin emas
Ona sutiga o‘tadi — qo‘llash zarur bo‘lsa, emizish to‘xtatiladi.
Bolalar Mumkin emas
18 yoshgacha mumkin emas.
Jigar Ehtiyotkorlik bilan
Jigar faoliyati kuchli buzilganda mumkin emas. Uzoq vaqt yuqori dozada jigar yog‘lanishi mumkin — jigar tahlillari muntazam tekshiriladi; parhezga metioninga boy mahsulotlar (tvorog) qo‘shish yoki metionin, lipoy kislotasi tavsiya etiladi.
Qon bosimi Ehtiyotkorlik bilan
Vena ichiga tez yuborilsa bosim keskin tushishi, kollaps bo‘lishi mumkin. Og‘ir yuqori bosim va aterosklerozda vena ichiga mumkin emas; past bosimda ehtiyotkorlik bilan.
Qand, siydik kislotasi, qon Ehtiyotkorlik bilan
Qonda qand va siydik kislotasini oshirishi mumkin — qand nazorat qilinadi; podagra va giperurikemiyada mumkin emas. Trombotsitlar biroz kamayishi mumkin — antikoagulyantlar bilan ehtiyotkorlik. Plazma va siydikdagi katexolaminlar miqdorini soxta oshirishi va Benedikt sinamasida siydikda qand uchun soxta musbat natija berishi mumkin.
Haydovchilar Ehtiyotkorlik bilan
Nojo‘ya ta’sirlar tufayli avtomobil haydashda va harakatlanuvchi mexanizmlar bilan ishlashda ehtiyot bo‘lish kerak.
Qo‘llash mumkin bo‘lmagan holatlar
- Nikotin kislotasiga yuqori sezuvchanlik
- Og‘ir yuqori qon bosimi va ateroskleroz (vena ichiga yuborish uchun)
- Oshqozon va o‘n ikki barmoqli ichak yarasining zo‘raygan davri
- Jigar faoliyatining kuchli buzilishi
- Yaqinda o‘tkazilgan miokard infarkti
- Dekompensatsiyalangan qandli diabet
- Podagra va giperurikemiya
- Homiladorlik, emizish davri
- 18 yoshgacha
- Ehtiyotkorlik bilan: qon ketishlar, glaukoma, kislotaliligi yuqori gastrit, past qon bosimi
Tarkibi
1% li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Siprofibrat, lovastatin, pravastatin Birga ichilmaydi
Birga tavsiya etilmaydi — nojo‘ya ta’sirlar xavfi oshadi.
Tiamin xlorid eritmasi Birga ichilmaydi
Aralashtirilmaydi — tiamin parchalanadi.
Bosim tushiruvchi dorilar Ehtiyotkorlik
Bosim tushirish ta’siri kuchayishi mumkin.
Antikoagulyantlar, aspirin Ehtiyotkorlik
Qon ketish xavfi. Aspirin qizarishni kamaytiradi.
Fibrinolitiklar, spazmolitiklar, yurak glikozidlari Ehtiyotkorlik
Ularning ta’siri kuchayadi.
Alkogol Ehtiyotkorlik
Alkogolning jigarga zaharli ta’siri kuchayadi.
Sulfonilmochevina dorilari Ehtiyotkorlik
Qonda qand oshishi mumkin.
Barbituratlar, silga qarshi dorilar, sulfanilamidlar Ehtiyotkorlik
Ularning samarasi va zaharliligi kamayadi.
Ichiladigan kontratseptivlar, izoniazid Ehtiyotkorlik
Nikotin kislotasiga ehtiyojni oshirishi mumkin.
Antibiotiklar Ehtiyotkorlik
Teri qizarishini kuchaytirishi mumkin.
Neomitsin Ehtiyotkorlik
Nikotin kislotasi neomitsinning zaharliligini kamaytiradi va uning ta’sirida xolesterin hamda yuqori zichlikdagi lipoproteidlar kamayishining oldini oladi.
Ko‘p ichib qo‘ydingizmi?
Belgilari: bosim tushishi, bosh og‘rig‘i, bosh aylanishi, boshga qon quyilishi, hushdan ketish mumkin. Davo: dori to‘xtatiladi, zaharsizlantiruvchi va belgilarga qarab davolash; maxsus antidot yo‘q.
Nikotin kislotasi narxi
Davlat belgilagan eng yuqori chakana narx (referent narx). Har bir qadoq yonida narx belgilangan sana.
Manba: Farmatsevtika tarmog‘ini rivojlantirish agentligi, referent narxlar ro‘yxati.
Analoglari: nikotin kislotasi
Tarkibida nikotin kislotasi bor 1 ta dori. Almashtirishdan oldin shifokor yoki farmatsevt bilan maslahatlashing.
Nano Nikotinovaya KislotaIn’yeksiya · 1 % · O‘zbekistonRetseptliKo‘p beriladigan savollar
Nikotin kislotasi vena ichiga qanday yuboriladi?
Sekin: tez yuborishda doza 10 ml 0,9% natriy xloridda suyultiriladi va kamida 5 daqiqada (daqiqasiga 2 mg dan tez emas) yuboriladi. Tez yuborilsa bosim keskin tushishi, kollaps bo‘lishi mumkin.
Ukoldan keyin yuz qizarib, issiq bo‘lishi mumkinmi?
Ha, yuz va tananing yuqori qismi qizarishi, issiqlik hissi, bosh og‘rig‘i yo‘riqnomada nojo‘ya ta’sir sifatida ko‘rsatilgan (chastotasi noma’lum). Aspirin bu qizarishni kamaytiradi, antibiotiklar kuchaytirishi mumkin.
Necha kun qilinadi?
Pellagrada va boshqa ko‘rsatmalarda odatda 10–15 kun, kuniga 1 ml (pellagrada 1–2 marta).
Homiladorlik va emizishda mumkinmi?
Homiladorlik va emizish qarshi ko‘rsatmalar ro‘yxatida. Emizish davrida qo‘llash zarur bo‘lsa, emizish to‘xtatiladi.
Spirtli ichimlik bilan mumkinmi?
Nikotin kislotasi alkogolning jigarga zaharli ta’sirini kuchaytiradi — jigar uchun xavfi oshadi.
Rasmiy yo‘riqnoma
Rasmiy yo‘riqnomaning to‘liq matni
Tavsifi
tiniq, rangsiz eritma.
Qo‘llanilishi
RR gipovitaminozi, RR avitaminozi (pellagra);
• Kombinasiyalangan terapiya tarkibida:
ishemik insultda;
qo‘l-oyoq tomirlarining obliterasiyalovchi kasalliklarida (obliterasiyalovchi en-darteriit, Reyno sindromida);
yuz nervi nevritida;
qandli diabetda, shuningdek uning asoratlarida (diabetik polineyropatiya, mikroangiopatiya);
• Xartnup kasalligi (ba’zi aminokislotalar, shu jumladan triptofanning o‘zlashtirilishining buzilishi bilan kechadigan nasliy kasallik).
Qo‘llash usuli va dozalari
Nikotin kislotasini kattalarga teri ostiga, mushak ichiga yoki vena ichiga asta-sekin yuboriladi.
Vena ichiga oqim bilan yuborish uchun bir martalik doza 0,9% li natriy xloridi eritmasining 10 ml da suyultiriladi, kamida 5 minut davomida (2 mg nikotin kislotasi 1 minutdan kam bo‘lmagan vaqtda) yuboriladi.
Vena ichiga tomchilab yuborilganida preparatning bir martalik dozasi 0,9% li natriy xloridi eritmasining 100-200 ml da suyultiriladi, yuborish tezligi minutiga 30-40 tomchini tashkil etadi.
Preparatni teri ostiga va mushak ichiga yuborilishi og‘riqlidir.
Pellagrada vena ichiga va mushak ichiga 1% li 1 ml eritma kuniga 1-2 martadan 10-15 kun davomida yuboriladi.
Ishemik insultda vena ichiga (asta-sekin) 1% li 1 ml eritma yuboriladi.
Boshqa ko‘rsatmalarda teri ostiga yoki mushak ichiga 10 mg (1 ml) dan kuniga 1 marta 10-15 kun davomida buyuriladi. Infuzion eritmalarga qo‘shish mumkin: 10 mg (1 ml) nikotin kislotasi 100-200 ml infuzion eritmada yuboriladi.
Vyena ichiga yuborilganida maksimal dozalari: bir martalik doza – 100 mg (10 ml), sutkalik doza – 300 mg (30 ml) ni tashkil etadi.
Qo‘llash mumkin bo‘lmagan holatlar
nikotin kislotasiga yuqori sezuvchanlik
arterial gipertenziya va aterosklerozning og‘ir shakllari (vena ichiga in’eksiya uchun)
me’da va o‘n ikki barmoq ichakning yara kasalligi (huruj davrida)
jigar faoliyatini yaqqol buzilishlari
yaqinda o‘tkazilgan miokard infarkti
dekompensasiyalangan qandli diabet
podagra va giperurekemiya
homiladorlik va laktasiya davri
18 yoshgacha bo‘lgan bolalar.
Ehtiyotkorlik bilan
Gemorragiyalar, glaukoma, giperasid gastrit, arterial gipotenziya.
Nojo‘ya ta’sirlar
Butun jahon sog‘liqni saqlash tashkiloti (JSST) ma’lumotlariga ko‘ra nojo‘ya reaksiyalar rivojlanish chastotasiga ko‘ra quyidagicha tasniflangan: juda tez-tez (≥ 1/10), tez-tez (ot ≥ 1/100 dan < 1/10 gacha), tez-tez emas (≥ 1/1000 dan < 1/100 gacha), kam (≥ 1/10000 dan < 1/1000gacha), juda kam (< 1/10000); chastotasi noma’lum (mavjud ma’lumotlar asosida uchrash chastotasini aniqlab bo‘lmaydi).
Immun tizimi tomonidan buzilishlar
Chastotasi noma’lum: allergik reaksiyalar (teri toshmasi, teri qichimasi, stridoroz nafas, eshakemi).
Nerv tizimi tomonidan buzilishlar
Chastotasi noma’lum: paresteziyalar, bosh aylanishi.
Tomirlar tomonidan buzilishlar
Chastotasi noma’lum: bosh terisiga “qon quyilishi” xissi, yuz terisi va tananing yuqori qismi giperemiyasi, ortostatik gipotenziya, kollaps, qizib ketish xissi, bosh og‘rig‘i. Vena ichiga tez yuborilganida arterial bosimni yaqqol pasayishi, ortostatik gipotenziya, kollaps.
Jigar va o‘t yo‘llari tomonidan buzilishlar
Chastotasi noma’lum: davomiy qo‘llanganida – jigarning yog‘li distrofiyasi.
Umumiy buzilishlar va yuborish sohasida reaksiyalar
Chastotasi noma’lum: teri ostiga va mushak ichiga in’eksiyalarda yuborilgan sohada og‘riq.
Laborator va instrumental ma’lumotlar
Chastotasi noma’lum: davomiy qo‘llanganida – giperurikemiya, glyukozaga tolerantlikni pasayishi, qonda asparaginaminotransferaza, laktatdegidrogenaza, ishqoriy fosfataza miqdorini oshishi.
Maxsus ko‘rsatmalar
Preparatni qo‘llashdan avval shifokor bilan maslahatlashish lozim.
Trombositlar
Nikotin kislotasi preparatlari qo‘llanganida trombositlar miqdorining ahamiyatsiz, lekin statistik ahamiyatli pasayishi va protrombin vaqtining uzayishi kuatilgan. Dori vositasini antikoagulyantlar bilan birga qo‘llaganda ehtiyotkorlikka rioya qilish lozim.
Siydik kislotasi
Nikotin kislotasi qonda siydik kislotasi miqdorini oshirishi mumkin. Bu dori preparatini giperurikemiya yoki podagra bilan og‘rigan bemorlarda qo‘llash tavsiya etilmaydi.
Katexolaminlar
Nikotin kislotasi qon plazmasi va siydikda katexolaminlar konsentrasiyasini yolg‘on oshishini chaqirishi mumkin (ular fotokolorimetrik usulda aniqlanganida). Nikotin kislotasining preparatlari qo‘llanganida siydikda glyukozani Benedikt usuli yordamida aniqlashda yolg‘on musbat natija kuzatilishi mumkin.
Homiladorlik va emizish davrda qo‘llanilishi
Homiladorlik
Preparatning in’eksiya yo‘li bilan yuborilishi, uning nojo‘ya ta’sirlarini hisobga olgan holda homiladorlikda preparatdan faqat ona uchun kutilayotgan foyda homila uchun potensial xavfdan yuqori bo‘lgan holatlardagina qat’iy shifokor ko‘rsatmasiga asosan qo‘llash mumkin.
Emizish davri
Nikotin kislotasi ko‘krak sutiga o‘tadi. Laktasiya davrida preparatni qo‘llash zarur bo‘lsa ko‘krak bilan emizishni to‘xtatish lozim.
Bolalarda qo‘llanilishi
18 yoshgacha bo‘lgan bolalarda qo‘llash qarshi ko‘rsatilgan.
Jigar funksiyasi buzilganida qo‘llanilishi
Nikotin kislotasi uzoq vaqt davomida yuqori dozalarda qo‘llanganida jigarning yog‘li infiltrasiyasi rivojlanishi mumkin, shuning uchun davolash jarayonida jigar funksiyasini doimiy nazorat qilish zarur. Jigar tomonidan asoratlarni oldini olish uchun bemorlarning parheziga metioninga boy mahsulotlar (tvorog) kiritiladi yoki metionin, lipoat kislotasi va boshqa lipotrop dori vositalari buyuriladi.
Glyukoza Nikotin kislotasi nahorga qonda glyukoza konsentrasiyasini oshirishi mumkin. Ba’zi bemorlarda glyukozaga tolerantlikni dozaga bog‘liq buzilishi kuzatiladi. Preparat qo‘llanganida nojo‘ya ta’sirlar yo‘qligiga ishonch hosil qilish uchun glikemiyani nazorat qilish tavsiya etiladi.
Avtotransportni boshqarish yoki boshqa mexanizmlar bilan ishlashda reaksiya tezligiga ta’sir qilish xususiyati
Dori preparatining nojo‘ya ta’sirlarini hisobga olib, avtotransportni va harakatlanuvchi mexanizmlarni boshqarishda ehtiyotkorlikka rioya qilish kerak.
Boshqa dorilar bilan o‘zaro ta’siri
Peroral homiladorlikka qarshi vositalar va izoniazid triptofanni nikotin kislotasiga aylanishini pasaytiradi, shunday qilib, nikotin kislotasiga bo‘lgan ehtiyojni oshiradi.
Nikotin kislotasi barbituratlar, tuberkulyozga qarshi vositalar, sulfanilamidlarning samaradorligi va toksikligini pasaytiradi. Sulfanilmochevina preparatlari bilan birga qo‘llanganida qonda glyukoza miqdorini oshiradi. Shuningdek, nikotin kislotasi neomisinning toksikligini pasaytiradi va u tomonidan indusirlangan xolesterin va yuqori zichlikli lipoproteidlarning konsentrasiyasini kamayishini to‘xtatadi.
Antibiotiklar nikotin kislotasi tomonidan chaqirilgan terini qizarishini kuchaytirishi mumkin.
Asetilsalisil kislotasi nikotin kislotasining ta’sirida paydo bo‘ladigan terini qizarish samarasini kamaytiradi.
Siprofibratni nikotin kislotasi bilan birga qo‘llash tavsiya qilinmaydi.
Lovastatin, pravastatin nojo‘ya reaksiyalar rivojlanish xavfini oshishini nazarda tutib, nikotin kislotasi bilan majmuada qo‘llash tavsiya qilinmaydi.
Gipotenziv vositalar (gipotenziv ta’siri kuchayishi mumkin), antikoagulyantlar, asetilsalisil kislotasi bilan (gemorragiyalar rivojlanish xavfi) birga qo‘llanganida ehtiyotkorlikka rioya qilish kerak.
Preparat fibrinolitik vositalar, spazmolitiklar va yurak glikozidlarining ta’sirini, jigarga alkogolning zaharli ta’sirini potensirlaydi.
Tiamin xloridining eritmasi bilan aralashtirish mumkin emas (tiaminni parchalanishi yuz beradi).
Homiladorlik va emizish davrida
Homiladorlik
Preparatning in’eksiya yo‘li bilan yuborilishi, uning nojo‘ya ta’sirlarini hisobga olgan holda homiladorlikda preparatdan faqat ona uchun kutilayotgan foyda homila uchun potensial xavfdan yuqori bo‘lgan holatlardagina qat’iy shifokor ko‘rsatmasiga asosan qo‘llash mumkin.
Emizish davri
Nikotin kislotasi ko‘krak sutiga o‘tadi. Laktasiya davrida preparatni qo‘llash zarur bo‘lsa ko‘krak bilan emizishni to‘xtatish lozim.
Transport boshqarishga ta’siri
Avtotransportni boshqarish yoki boshqa mexanizmlar bilan ishlashda reaksiya tezligiga ta’sir qilish xususiyati
Dori preparatining nojo‘ya ta’sirlarini hisobga olib, avtotransportni va harakatlanuvchi mexanizmlarni boshqarishda ehtiyotkorlikka rioya qilish kerak.
Dozani oshirib yuborish
Simptomlari: yurak-qon tomir tizimi tomonidan nojo‘ya ta’sirlarni kuchayishi – arterial gipotenziya, bosh og‘rig‘i, xushdan ketish mumkin, bosh aylanishi, boshga qon oqib kelishini his qilish.
Davolash: preparatni bekor qilish, dezintoksikasion terapiya, simptomatik davolash. Maxsus antidoti yo‘q.
Farmakodinamikasi
Nikotin kislotasi tuzilishi bo‘yicha nikotinamidga yaqin.
Nikotin kislotasi va uning amidlari organizmning hayot faoliyatida muhim rol o‘ynaydi: ular vodorodni tashuvchi va oksidlanish-qaytarilish jarayonlarini amalga oshiruvchi fermentlar – kodegraza I (difosfopiridinnukleotid - NAD) ning va kodegidraza II (trifosfopiridinnukleotid - NADF) prostetik guruhi hisoblanadi. Kodegidraza II shuningdek fosforni o‘tkazilishida ishtirok etadi.
Nikotin kislotasi RR vitamini tanqisligi o‘rnini to‘ldiradi, qon tomirlarni kengaytiruvchi ta’sir ko‘rsatadi. To‘qimalarning nafas olishi, uglevod va yog‘lar almashinuvini boshqarishda ishtirok etadi, detoksikasiya qiluvchi va gipoglikemik faollikka ega, xolesterinni va past zichlikdagi lipoproteidlarning umumiy darajasini pasaytiradi (asosan trigliseridlar), qon tomirlarni kengaytiradi.
Farmakokinetikasi
So‘rilishi. Nikotin kislotasi parenteral yuborilgandan so‘ng tez (20-30 daqiqada) qonga o‘tadi.
Taqsimlanishi. Parenteral yuborilganida organizmning to‘qimalarida tez taqsimlanadi. Nikotin kislotasi organizmda, asosan jigarda, mushaklarda, yog‘ to‘qimasi va buyraklarda to‘planadi. Qonda deyarli to‘liq eritrositlar bilan bog‘lanib ularda faol koenzimlar: NAD va NADFga aylanadi. NAD va NADF organizmning barcha to‘qimalarida aniqlanadi.
Metabolizmi. Nikotin kislotasi jigarda aminga aylanadi, u esa vodorod tashuvchi va oksidlanish-qaytarilish jarayonlarini amalga oshiruvchi fermentlarning prostetik guruhi nikotinamidadenindinukleotidga (NAD) qo‘shiladi. Jigarda qisman biotransformasiyaga uchraydi va asosiy metabolitlarni: N-metil-2-piridon-3-karboksamid va N-metil-2-piridon-5-karboksamidni hosil qiladi. Metabolitlar farmakologik faollikka ega emas. Ichakda bakterial flora yordamida piridoksin (V6 vitamini) va riboflavin (V2 vitamini) ishtirokida ovqat bilan tushgan triptofandan sintezlanishi (60 mg triptofandan 1 mg nikotin kislotasi hosil bo‘ladi) mumkin. Chiqarilishi. Yarim chiqarilish davri (T1/2) – 45 minutga teng. Organizmdan buyraklar orqali o‘zgarmagan holda va metabolitlar ko‘rinishida, katta dozalarda qabul qilinganida asosan o‘zgarmagan holda chiqariladi. Buyrak klirensi qon plazmasidagi nikotin kislotasining miqdoriga bog‘liq va plazmada uning konsentrasiyasi yuqori bo‘lganida pasayishi mumkin.