Neyroks
- Ishlab chiqaruvchi
- АО Рафарма
- Mamlakat
- Rossiya
- Ro‘yxat raqami
- DV/X 11234/02/26
- Ruxsat muddati
- 26.02.2031 gacha
- Saqlash muddati
- 2 yil
- ATX kodi
- N07XX
Neyroks nima uchun ishlatiladi
Neyroks (etilmetilgidroksipiridin suksinat) — miya hujayralarini kislorod yetishmovchiligi va zararli ta’sirlardan himoya qiluvchi dori (antioksidant). Miya qon aylanishi buzilishi oqibatlari, ensefalopatiya, xavotir va holsizlik holatlarida qo‘llanadi.
Miya qon aylanishi buzilishi oqibatlari
O‘tkir miya qon aylanishi buzilishi, jumladan tranzitor ishemik xurujlardan keyin, subkompensatsiya bosqichida profilaktik kurslar sifatida.
Bosh jarohati va ensefalopatiya
Yengil bosh miya jarohati va uning oqibatlari; turli sababli ensefalopatiyalar (distsirkulyator, dismetabolik, jarohatdan keyingi, aralash); aterosklerozga bog‘liq yengil bilish (kognitiv) buzilishlari.
Xavotir va vegetativ distoniya
Nevrotik va nevrozsimon holatlardagi xavotir buzilishlari, vegetativ distoniya sindromi.
Yurak ishemik kasalligi
Kompleks davolash tarkibida.
Alkogol abstinensiyasi va zaharlanishlar
Nevrozsimon va vegetativ-tomir buzilishlari ustun bo‘lgan alkogol abstinent sindromini bartaraf etish, abstinensiyadan keyingi buzilishlar; antipsixotik dorilar bilan o‘tkir zaharlanishdan keyingi holatlar.
Holsizlik va stress
Astenik holatlar; ekstremal (stress) omillar ta’siri va shunday ta’sirlarda somatik kasalliklarning oldini olish.
Qancha va qanday qabul qilinadi
Rasmiy yo‘riqnoma bo‘yicha, 125 mg li tabletka uchun.
Kimga mumkin, kimga mumkin emas
Homiladorlik Mumkin emas
Homiladorlikda mumkin emas.
Emizish davri Mumkin emas
Emizish davrida mumkin emas.
Bolalar Mumkin emas
18 yoshgacha mumkin emas.
Haydovchilar Ehtiyotkorlik bilan
Davolanish paytida mashina haydash va diqqat hamda tez reaksiya talab qiladigan xavfli ishlarda ehtiyot bo‘ling.
Jigar va buyrak Mumkin emas
O‘tkir jigar va/yoki buyrak yetishmovchiligida mumkin emas.
Laktoza Mumkin emas
Irsiy galaktoza ko‘tara olmaslik, Lapp laktaza yetishmovchiligi yoki glyukoza-galaktoza so‘rilishi buzilishida ichmang.
Qo‘llash mumkin bo‘lmagan holatlar
- Etilmetilgidroksipiridin suksinat yoki yordamchi moddalarga yuqori sezuvchanlik
- O‘tkir jigar va/yoki buyrak yetishmovchiligi
- 18 yoshgacha
- Homiladorlik va emizish davri
- Irsiy galaktoza ko‘tara olmaslik, Lapp laktaza yetishmovchiligi, glyukoza-galaktoza so‘rilishi buzilishi
Tarkibi
125 mg li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Benzodiazepinlar, antidepressantlar, anksiolitiklar, tutqanoqqa qarshi va Parkinsonga qarshi dorilar Ehtiyotkorlik
Neyroks ularning ta’sirini kuchaytiradi.
Etil spirti Ehtiyotkorlik
Neyroks spirtning zaharli ta’sirini kamaytiradi.
Somatik kasalliklarni davolash dorilari Ehtiyotkorlik
Barchasi bilan birga qo‘llash mumkin.
Ko‘p ichib qo‘ydingizmi?
Belgilari: uyquchanlik, uyqusizlik. Zaharliligi past, dozadan oshib ketish ehtimoli kam; odatda davolash talab qilinmaydi — belgilar bir sutka ichida o‘z-o‘zidan o‘tadi. Belgilar kuchli bo‘lsa, qo‘llab-quvvatlovchi va simptomatik davolash o‘tkaziladi.
Neyroks narxi
Davlat belgilagan eng yuqori chakana narx (referent narx). Har bir qadoq yonida narx belgilangan sana.
Manba: Farmatsevtika tarmog‘ini rivojlantirish agentligi, referent narxlar ro‘yxati.
Ko‘p beriladigan savollar
Neyroksni kuniga necha marta ichish kerak?
Odatda 125–250 mg (1–2 tabletka) kuniga 3 marta. Boshlanishda 1–2 tabletka kuniga 1–2 marta, asta-sekin oshiriladi; sutkasiga ko‘pi bilan 800 mg.
Neyroksni necha kun ichish kerak?
Odatda 2–6 hafta; alkogol abstinensiyasida 5–7 kun; yurak ishemik kasalligida kamida 1,5–2 oy.
Neyroksni birdan to‘xtatsa bo‘ladimi?
Yo‘q, dozani 2–3 kun davomida asta-sekin kamaytirib to‘xtatiladi.
Homiladorlikda yoki emizishda Neyroks mumkinmi?
Yo‘q, homiladorlik va emizish davrida mumkin emas.
Bolalarga Neyroks berish mumkinmi?
Yo‘q, 18 yoshgacha mumkin emas.
Rasmiy yo‘riqnoma
Rasmiy yo‘riqnomaning to‘liq matni
Tavsifi
Dumaloq shaklli, ikki tomonlama qavariq, oq rangli plyonka qobiq bilan qoplangan tabletkalar. Ko‘ndalang kesimida oq yoki sarg‘ish tusli oq rangli yadro.
Qo‘llanilishi
- bosh miyada qon aylanishini o‘tkir buzilishi oqibatlari, shu jumladan tranzitor ishemik atakalardan keyin, subkompensasiya fazasida profilaktik kurslar sifatida;
- yengil darajadagi bosh-miya jarohati, bosh-miya jarohati oqibatlari;
- turli genezli ensefalopatiya (dissirkulyator, dismetabolik, posttravmatik, aralash);
- vegetativ distoniya sindromi;
- aterosklerotik genezli yengil darajali kognitiv buzilishlar;
- nevrotik va nevrozsimon holatlarda xavotirli buzilishlar;
- yurak ishemik kasalligi majmuaviy davolash tarkibida;
- alkogolizmda nevrozsimon va vegetativ-qon tomir buzilishlari ustunligi bilan abstinent sindromni bartaraf etish, postabstinent buzilishlar;
- antipsixotik vositalar bilan o‘tkir intoksikasiyadan keyingi holat;
- astenik holatlar, shuningdek ekstremal omillar va yuklamalar ta’siri ostida somatik kasalliklarni rivojlanishini oldini olish;
- ekstremal (stressor) omillar ta’sirida qo‘llanadi.
Qo‘llash usuli va dozalari
Ichga qabul qilish uchun, sutkada 3 marta 125–250 mg dan buyuriladi.
Boshlang‘ich doza — 125–250 mg (1-2 tabletka) sutkada 1–2 marta, terapevtik samaraga erishilguncha asta-sekin oshiraladi; maksimal sutkalik doza — 800 mg (6 tabletka).
Davolash davomiyligi — 2–6 xafta; alkogolli abstinensiyani bartaraf etish uchun — 5–7 kun. Davolash dozani 2-3 kun davomida pasaytirilib, asta-sekin to‘xtatiladi.
Yurak ishemik kasalligi bo‘lgan pasiyentlarda davolash kursi davomiyligi kamida 1,5–2 oy. Takroriy kurslarni (shifokor tavsiyalari bo‘yicha) bahor-kuz davrlarida amalga oshirgan afzal.
Qo‘llash mumkin bo‘lmagan holatlar
- etilmetilgidroksipiridin suksinati va/yoki yordamchi moddalardan birontasiga o‘ta yuqori sezuvchanlik;
- o‘tkir jigar va/yoki buyrak yetishmovchiligida;
- 18 yoshgacha bo‘lgan bolalarda qo‘llash mumkin emas.
Nojo‘ya ta’sirlar
Nojo‘ya samaralar tez-tezligi Jahon sog‘liqni saqlash tashkiloti (JSST) tasnifiga muvofiq belgilangan: juda tez-tez (≥ 10 %); tez-tez (≥ 1 %, ammo < 10 %); tez-tez emas (≥ 0,1%, ammo < 1%); kam xollarda (≥ 0,01%, ammo < 0,1%); juda kam xollarda (< 0,01%); tez-tezligi noma’lum (mavjud ma’lumotlar asosida tez-tezligini aniqlab bo‘lmaydi).
Immun tizimi tomonidan buzilishlar: juda kam xollarda – angionevrotik shish, eshakemi.
Ruhiy buzilishlar: juda kam xollarda – uyquchanlik.
Nerv tizimi tomonidan buzilishlar: juda kam xollarda – bosh og‘rig‘i.
Me’da-ichak yo‘llari tomonidan buzilishlar: juda kam xollarda – og‘izni qurishi, ko‘ngil aynishi, og‘riq, epigastral sohada achishish va diskomfort, jig‘ildon qaynashi, meteorizm, diareya.
Teri va teri osti to‘qimalari tomonidan buzilishlar: juda kam xollarda – toshma, qichishish, giperemiya.
Maxsus ko‘rsatmalar
Yordamchi moddalar
Galaktozani kam uchraydigan nasliy o‘zlashtiraolmaslik, Lapp laktaza tanqisligi yoki glyukozo-galaktoz malabsorbsiyasi bo‘lgan pasiyentlar ushbu preparatni qabul qilmasliklari kerak.
Homiladorlik va laktasiya davrida qo‘llanilishi
Homiladorlik va emizish davrida preparatni qo‘llash mumkin emas.
Avtomobilni va murakkab mexanizmlarni boshqarish qobiliyatiga ta’siri
Davolash davrida transportni boshqarganda va diqqatni yuqori jamlash va psixomotor reaksiyalarning tezligini talab etuvchi boshqa potensial xavfli faoliyat turlari bilan shug‘ullanganda ehtiyotkorlikka rioya qilish kerak.
Boshqa dorilar bilan o‘zaro ta’siri
Neyroks® preparati somatik kasalliklarni davolash uchun qo‘llanadigan barcha preparatlar bilan birga qo‘llanadi. Benzodiazepin preparatlar, antidepressantlar, anksiolitiklar, tirishishga qarshi vositalar va parkinsonga qarshi vositalarning ta’sirini kuchaytiradi. Etil spirtining toksik samaralarini kamaytiradi.
Homiladorlik va emizish davrida
Homiladorlik va emizish davrida preparatni qo‘llash mumkin emas.
Transport boshqarishga ta’siri
Davolash davrida transportni boshqarganda va diqqatni yuqori jamlash va psixomotor reaksiyalarning tezligini talab etuvchi boshqa potensial xavfli faoliyat turlari bilan shug‘ullanganda ehtiyotkorlikka rioya qilish kerak.
Dozani oshirib yuborish
Simptomlari
Uyquchanlik, uyqusizlik.
Davolash
Toksikligi pastligi tufayli dozani oshirib yuborilishi ehtimoli kam. Davolash odatda talab etilmaydi – simptomlar sutka davomida o‘z-o‘zidan o‘tib ketadi. Yaqqol ko‘rinishlarda tutib turuvchi va simptomatik davolash amalga oshiriladi.
Farmakodinamikasi
Etilmetilgidroksipiridin suksinati erkin radikal jarayonlarning ingibitori, antigipoksik, stress-protektiv, nootrop, tirishishga qarshi va anksiolitik ta’sirlarga ega membranoprotektor bo‘lib hisoblanadi. Preparat organizmning turli shikastlovchi omillar (shok, gipoksiya va ishemiya, bosh miyada qon aylanishini buzilishi, alkogol va antipsixotik vositalar (neyroleptiklar) bilan intoksikasiya) ta’siriga rezistentligini oshiradi.
Etilmetilgidroksipiridin suksinatining ta’sir mexanizmi uning antioksidant, antigipoksant va membranoprotektor ta’sirlari bilan bog‘liq. U lipidlarning perekisli oksidlanishini ingibisiya qiladi, superoksiddismutaza faolligini oshiradi, lipid-oqsil nisbatini oshiradi, membranalarning qovushqoqligini pasaytiradi, ularning egiluvchanligini oshiradi. Etilmetilgidroksipiridin suksinati membranaga bog‘liq fermentlar (kalsiyga bog‘liq bo‘lmagan fosfodiesteraza, adenilatsiklaza, asetilxolinesteraza), reseptor komplekslar (benzodiazepin, gamma-aminomoy kislotasi, asetilxolin) faolligini modulyasiya qiladi, bu ularning ligandlar bilan bog‘lanish qobiliyatini kuchaytiradi, biomembranalarning struktur-funksional organizasiyasini saqlanishiga, neyromediatorlarni tashilishiga va sinaptik o‘tkazuvchanlikni yaxshilanishiga yordam beradi. Etilmetilgidroksipiridin suksinati bosh miyada dofamin miqdorini oshiradi. Aerob glikolizni kompensator faollashishini kuchayishiga va adenozinfosfat va kreatinfosfat miqdori oshishi bilan gipoksiya sharoitida Krebs siklida oksidlanish jarayonlarini susayishi darajasini pasayishini, mitoxondriylarning energiya sintez qiluvchi funksiyasini faollashishini, xujayra membranasini barqarorlashishini chaqiradi.
Bosh miya metabolizmi va qon bilan ta’minlanishini yaxshilaydi, mikrosirkulyasiyani va qonning reologik xususiyatlarini yaxshilaydi, trombositlar agregasiyasini kamaytiradi. Gemolizda qon xujayralarining (eritrositlar va trombositlar) membrana strukturalarini barqarorlashtiradi. Gipolipidemik ta’sirga ega, umumiy xolesterin va past zichlikdagi lipoproteidlar miqdorini kamaytiradi.
Antistressor ta’siri stressdan keyin hulqni, somatovegetativ buzilishlarni normallashishi, uyqu-tetiklik sikllarini, izdan chiqqan ta’lim olish va xotira jarayonlarini tiklanishi, bosh miyaning turli strukturalarida distrofik va morfologik o‘zgarishlarni pasayishida namoyon bo‘ladi.
Etilmetilgidroksipiridin suksinati abstinent sindromda yaqqol antitoksik ta’sirga ega. O‘tkir alkogolli intoksikasiyada nevrologik va neyrotoksik ko‘rinishlarni bartaraf etadi, hulqni, vegetativ funksiyalarni buzilishlarini tiklaydi, shuningdek etanolni uzoq vaqt qabul qilish va uni bekor qilish chaqirgan kognitiv buzilishlarni bartaraf etish qobiliyatiga ega. Etilmetilgidroksipiridin suksinati ta’siri ostida trankvilizasiya qiluvchi, neyroleptik, antidepressiv, uxlatuvchi va tirishishga qarshi vositalarning ta’siri kuchayadi, bu ularning dozasini pasaytirish va nojo‘ya samaralarni bartaraf etish imkonini beradi. Etilmetilgidroksipiridin suksinati ishemiyaga uchragan miokardning funksional holatini yaxshilaydi. Koronar yetishmovchilik sharoitida ishemiyaga uchragan miokardning kollateral qon bilan ta’minlanishini oshiradi, kardimiositlarning butunligini saqlanishini va ularning funksional faolligini tutib turilishiga yordam beradi. Qaytuvchan yurak disfunksiyasida miokardning qisqaruvchanligini samarali tiklaydi.
Farmakokinetikasi
Ichga qabul qilinganda tez so‘riladi. 400–500 mg dozalarda maksimal konsentrasiyasi 3,5–4,0 mkg/ml ni tashkil qiladi. A’zolar va to‘qimalarda tez taqsimlanadi. Preparatni ichga qabul qilganda organizmda ushlab turilishi — 4,9–5,2 soat. Glyukuronkon’yugasiya yo‘li bilan jigarda metabolizmga uchraydi. 5 metabolit identifikasiya qilingan: 3-oksipiridin fosfati — jigarda hosil bo‘ladi va ishqoriy fosfataza ishtirokida fosfat kislotasi va 3-oksipiridinga parchalanadi; 2-chi metaboliti — farmakologik faol, ko‘p miqdorda hosil bo‘ladi va yuborilgandan keyin 1-2 sutka o‘tgach siydikda aniqlanadi; 3-chisi — ko‘p miqdorda siydik bilan chiqariladi; 4-chisi va 5-chisi — glyukuronkon’yugatlari. Ichga qabul qilganda T1/2 — 2,0–2,6 soat. Siydik bilan asosan metabolitlari ko‘rinishida va ahamiyatsiz miqdorda — o‘zgarmagan ko‘rinishda tez chiqariladi. Preparatni qabul qilgandan keyin birinchi 4 soat davomida eng jadal chiqariladi. O‘zgarmagan preparat va metabolitlarini siydik bilan chiqarilishi ko‘rsatkichi individual o‘zgaruvchanlikka ega.