





Nebilet
- Ishlab chiqaruvchi
- Berlin-Chemie AG (Menarini Group)
- Mamlakat
- Germaniya
- Ro‘yxat raqami
- DV/X 03613/09/17
- Ruxsat muddati
- 30.08.2027 gacha
- Saqlash muddati
- 3 yil
- ATX kodi
- C07AB12
Nebilet nima uchun ishlatiladi
Nebilet — tarkibida nebivolol bo‘lgan beta-blokator (yurakka tanlab ta’sir qiluvchi β1-adrenoblokator). Qon bosimini pasaytiradi, yurak urishini sekinlashtiradi va stenokardiya xurujlarini kamaytiradi.
Yuqori qon bosimi
Arterial gipertenziya — yolg‘iz o‘zi yoki bosim tushiruvchi boshqa dorilar bilan.
Yurak ishemik kasalligi
Zo‘riqish stenokardiyasi xurujlarining oldini olish.
Surunkali yurak yetishmovchiligi
Boshqa dorilar bilan birga, kompleks davo tarkibida.
Qancha va qanday qabul qilinadi
Rasmiy yo‘riqnoma bo‘yicha (sahifadagi tabletka — 5 mg; yo‘riqnoma Bipinor 2,5 va 5 mg tabletkalariniki, dozalar nebivolol mg da berilgan). Dozani shifokor belgilaydi.
Kimga mumkin, kimga mumkin emas
Homiladorlik Ehtiyotkorlik bilan
Faqat ona uchun foyda homila yoki chaqaloq uchun xavfdan yuqori bo‘lsa (homila va chaqaloqda yurak urishi sekinlashishi, bosim va qand pasayishi mumkin). Bachadon-yo‘ldosh qon oqimi va homila o‘sishi kuzatiladi. Tug‘ruqdan 48–72 soat oldin to‘xtatiladi; iloji bo‘lmasa, chaqaloq 48–72 soat sinchiklab kuzatiladi.
Emizish davri Mumkin emas
Ona sutiga o‘tadi. Emizish davrida ichish zarur bo‘lsa, emizish to‘xtatiladi.
Bolalar Mumkin emas
18 yoshgacha mumkin emas — samaradorlik va xavfsizlik aniqlanmagan.
Keksalar Ehtiyotkorlik bilan
65 yoshdan kattalarda boshlang‘ich doza 2,5 mg; 75 yoshdan kattalarda ehtiyotkorlik bilan. Buyrak faoliyati 4–5 oyda 1 marta tekshiriladi.
Haydovchilar Ehtiyotkorlik bilan
Nojo‘ya ta’sirlar paydo bo‘lsa, transport haydash va diqqat talab qiladigan xavfli ishlarda ehtiyot bo‘ling.
Jigar Mumkin emas
Jigar faoliyatining og‘ir buzilishida mumkin emas.
Buyrak Ehtiyotkorlik bilan
Buyrak yetishmovchiligida ehtiyotkorlik bilan, boshlang‘ich doza 2,5 mg.
Yurak Mumkin emas
Yurak yetishmovchiligining dekompensatsiyasi, yurak urishi daqiqasiga 60 dan kam, sinus tuguni zaifligi, II–III darajali AV-blokada (sun’iy ritm haydovchisiz), kardiogen shokda mumkin emas. I darajali AV-blokadada ehtiyotkorlik bilan.
Allergiya Ehtiyotkorlik bilan
Beta-blokatorlar allergenlarga sezuvchanlikni va anafilaktik reaksiyalar og‘irligini oshirishi mumkin. Allergik kasalliklar bo‘lgan bo‘lsa — ehtiyotkorlik bilan.
Qand diabeti va boshqalar Ehtiyotkorlik bilan
Qand diabetida ehtiyotkorlik bilan: qondagi qandga ta’sir qilmaydi, lekin qand pasayishi belgilarini (masalan, yurak tez urishini) yashirishi mumkin. Psoriaz zo‘rayishi mumkin. Kontakt linza taqadiganlarda ko‘z yoshi kamayishi mumkin. Surunkali obstruktiv o‘pka kasalligida bronxospazm kuchayishi mumkin.
Qo‘llash mumkin bo‘lmagan holatlar
- Nebivolol yoki dori tarkibidagi istalgan moddaga yuqori sezuvchanlik
- Yurak yetishmovchiligi (dekompensatsiya bosqichi), kardiogen shok
- Qon bosimining keskin pasayishi (sistolik bosim 90 mm sim. ust. dan past)
- Sinus tuguni zaifligi sindromi, jumladan sinoaurikulyar blokada
- Yurak urishi sekinligi (daqiqasiga 60 dan kam)
- II va III darajali atrioventrikulyar blokada (sun’iy ritm haydovchisi bo‘lmasa)
- Jigar faoliyatining og‘ir buzilishi
- Feoxromotsitoma, metabolik atsidoz
- Ilgari bronxospazm yoki bronxial astma bo‘lgan bo‘lsa
- Periferik qon tomirlarning og‘ir obliteratsiyalovchi kasalliklari (vaqti-vaqti bilan oqsoqlanish, Reyno sindromi)
- Miasteniya, depressiya
- 18 yoshgacha bolalar va o‘smirlar
- Ehtiyotkorlik bilan: buyrak yetishmovchiligi, qandli diabet, qalqonsimon bez giperfunksiyasi, ilgari allergik kasalliklar, psoriaz, surunkali obstruktiv o‘pka kasalligi, I darajali AV-blokada, 75 yoshdan kattalar
Tarkibi
5 mg li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Verapamil (vena ichiga) Birga ichilmaydi
Nebivolol fonida vena ichiga yuborish mumkin emas.
Verapamil, diltiazem Ehtiyotkorlik
Yurak qisqarishi va o‘tkazuvchanligiga salbiy ta’sir kuchayadi.
Bosim tushiruvchi dorilar, nitroglitserin, kalsiy kanallari blokatorlari, prazozin Ehtiyotkorlik
Bosim keskin pasayishi mumkin; prazozin bilan ayniqsa ehtiyot bo‘ling.
I sinf antiaritmik dorilar, amiodaron Ehtiyotkorlik
Yurakka salbiy ta’sir kuchayishi va o‘tkazuvchanlik sekinlashishi mumkin.
Umumiy narkoz dorilari Ehtiyotkorlik
Bosim pasayishi xavfi oshadi.
Uch halqali antidepressantlar, barbituratlar, fenotiazinlar Ehtiyotkorlik
Bosim tushirish ta’siri kuchayishi mumkin.
Serotonin qayta qamrab olinishi ingibitorlari va CYP2D6 orqali parchalanadigan dorilar, simetidin Ehtiyotkorlik
Nebivolol miqdori oshadi, yurak urishi sekinlashishi xavfi bor.
Insulin va qandni tushiruvchi tabletkalar Ehtiyotkorlik
Qand pasayishi belgilari (yurak tez urishi) yashirinishi mumkin.
Ko‘p ichib qo‘ydingizmi?
Belgilari: qon bosimi pasayishi, ko‘ngil aynishi, qusish, ko‘karish, yurak urishining sekinlashishi, AV-blokada, bronxospazm, hushdan ketish, kardiogen shok, koma, yurak to‘xtashi. Oshqozon yuviladi, faollashtirilgan ko‘mir beriladi; shifoxonada maxsus dorilar (beta-adrenostimulyatorlar, dofamin, dobutamin, norepinefrin, 1–10 mg glyukagon), kerak bo‘lsa yurak elektrostimulyatsiyasi qo‘llanadi.
Nebilet narxi
Davlat belgilagan eng yuqori chakana narx (referent narx). Har bir qadoq yonida narx belgilangan sana.
Manba: Farmatsevtika tarmog‘ini rivojlantirish agentligi, referent narxlar ro‘yxati.
Analoglari: nebivolol
Tarkibida nebivolol bor 3 ta dori. Almashtirishdan oldin shifokor yoki farmatsevt bilan maslahatlashing.
Bipinor 2.5, 5Tabletka · 5 mg · BangladeshRetseptliKo‘p beriladigan savollar
Nebilet qanday ichiladi?
Kuniga 1 marta, iloji bo‘lsa har kuni bir vaqtda, ovqatdan qat’i nazar, yetarli suyuqlik bilan.
Bosim uchun odatiy doza qancha?
O‘rtacha sutkalik doza 2,5–5 mg. To‘liq samara 1–2 haftada, ba’zan 4 haftada bo‘ladi.
Dorini birdan to‘xtatsa bo‘ladimi?
Yo‘q. Dozani asta-sekin, iloji bo‘lsa 10 kun davomida kamaytirib to‘xtatiladi; stenokardiyada 1–2 hafta davomida.
Homiladorlikda va emizishda mumkinmi?
Homiladorlikda faqat foyda xavfdan yuqori bo‘lsa, shifokor nazoratida; tug‘ruqdan 48–72 soat oldin to‘xtatiladi. Emizishda ichish zarur bo‘lsa, emizish to‘xtatiladi.
Qandli diabetda ichsa bo‘ladimi?
Ehtiyotkorlik bilan. Qondagi qandga ta’sir qilmaydi, lekin qand pasayishi belgilarini yashirishi mumkin.
Keksalarga qancha beriladi?
65 yoshdan kattalarga boshlang‘ich doza kuniga 2,5 mg, kerak bo‘lsa 10 mg gacha oshiriladi.
Rasmiy yo‘riqnoma
Rasmiy yo‘riqnomaning to‘liq matni
Bu dorining o‘z yo‘riqnomasi reyestrda yo‘q, shu ta’sir qiluvchi moddali dori yo‘riqnomasi keltirilgan: БИПИНОР 2.5, 5 Таблетки, покрытые пленочной оболочкой 2,5 мг упаковки контурные ячейковые №30(3x10) (DV/X 08605/02/21). Doza dorining shakli va miqdoriga qarab farq qilishi mumkin.
Tavsifi
2,5 mg dozasi uchun: dumaloq, har ikkala tomoni qavariq va silliq, och yashil rangdan yashil ranggacha bo‘lgan plyonka qobiq bilan qoplangan tabletkalar.
5 mg dozasi uchun: dumaloq, har ikkala tomoni qavariq, bir tomonida “ACI” yozuvi bosilgan, boshqa tomonida sindirish chizig‘i bo‘lgan, oq rangli plyonka qobiq bilan qoplangan tabletkalar.
Qo‘llanilishi
arterial gipertenziya;
yurak ishemik kasalligi: zo‘riqish stenokardiyasining hurujlarini oldin olish;
surunkali yurak yetishmovchiligi (majmuaviy davolash tarkibida) da qo‘llanadi.
Qo‘llash usuli va dozalari
Nebivolol tabletkalari ichga sutkada 1 marta qabul qilinadi, ovqatlanishdan qat’iy nazar, sutkaning doim bir vaqtida, yetarli miqdordagi suyuqlik bilan qabul qilgan afzal.
Arterial gipertenziya va yurak ishemik kasalligini davolash uchun o‘rtacha sutkalik doza 2,5-5 mg nebivololni tashkil etadi. Optimal samarasi 1-2 hafta davomida davolashdan so‘ng, qator hollarda – 4 haftadan so‘ng yaqqol ifodalanadi. Agar Nebivolol preparati bilan davolash boshlangandan so‘ng 4 hafta o‘tgach AB nazorati yetarli darajada bo‘lmasa, preparatning dozasini 2 hafta davomida sutkada 40 mg gacha oshirish mumkin. Nebivolol preparatini monoterapiya holida ham, AB ni pasaytiruvchi dori vositalari bilan birga ham qo‘llash mumkin.
Surunkali yurak yetishmovchiligini davolashni preparatning samarasini individual optimal darajada tutib turishga erishilgunicha, dozasini asta-sekin oshirish bilan boshlash kerak. Preparat oxirgi 6 hafta davomida surunkali yurak yetishmovchiligini dekompensasiya hurujlari bo‘lmaganida buyuriladi. Pasiyentni davolash uchun qo‘llanadigan boshqa preparatlar (diuretiklar, digoksin, AAF ingibitorlari, angiotenzin II reseptorlarining antagonistlari) ning dozasi Nebivolol preparati bilan davolashni boshlashdan oldin 2 hafta davomida tanlanishi kerak. Dozani tanlashni davolashni boshlanishida amalga oshirish kerak, bunda 1 dan 2 haftagacha bo‘lgan intervalga rioya qilinishi va ushbu dozani pasiyent tomonidan o‘zlashtirilishiga asoslanishi kerak: sutkada 1 marta 1,25 mg nebivololdan tashkil topgan doza avval sutkada 1 marta 2,5-5 mg gacha oshirilishi, so‘ngra esa sutkada 1 marta 10 mg gacha oshirilishi mumkin. Maksimal sutkalik doza 10 mg ni tashkil etadi.
Buyrak yetishmovchiligi bo‘lgan bemorlar, shuningdek 65 yoshdan oshgan pasiyentlarda tavsiya etilgan boshlang‘ich doza sutkada 2,5 mg preparatni tashkil etadi. Zarurat bo‘lganida sutkalik dozani 10 mg gacha oshirish mumkin.
Qo‘llash mumkin bo‘lmagan holatlar
nebivololga yoki preparatning komponentlaridan biriga yuqori sezuvchanlik;
yurak yetishmovchiligi (dekompensasiya bosqichi);
yaqqol ifodalangan arterial gipotenziya (sistolik arterial bosim 90 mm.sm.ust.dan past);
sinus tugunini kuchsizligi sindromi, shu jumladan sinoaurikulyar blokada;
jigar funksiyasini og‘ir darajadagi buzilishlari;
bradikardiya (YuQS minutiga 60 zarbdan kam);
II va III darajadagi atrioventrikulyar blokada (sun’iy boshqaruv ritmi bo‘lmaganida);
feoxromositoma;
metabolik asidoz;
kardiogen shok;
anamnezida bronxospazm va bronxial astma;
periferik qon-tomirlarni og‘ir darajadagi obliterasiyalanuvchi kasalliklari (vaqti-vaqti bilan sodir bo‘ladigan oqsoqlik, Reyno sindromi);
miasteniya;
depressiya;
bolalar va 18 yoshgacha bo‘lgan o‘smirlarda qo‘llash mumkin emas.
Buyrak yetishmovchiligi, qandli diabet, qalqonsimon bezni giperfunksiyasi, anamnezida
allergik kasalliklar, psoriaz, o‘pkani surunkali obstruktiv kasalligi, I darajadagi atrioventrikulyar blokadada, shuningdek 75 yoshdan katta pasiyentlarga preparatni ehtiyotkorlik bilan qo‘llash kerak.
Nojo‘ya ta’sirlar
Nojo‘ya samaralarni uchrash tezligini quyida keltirilgan ko‘rsatkichlari quyidagi tarzda aniqlangan: tez-tez (≥ 1/100 dan < 1/10 gacha), tez-tez emas (≥ 1/1000 dan < 1/100 gacha), juda kam hollarda (< 1/10000), uchrash tezligi noma’lum.
Immun tizimi tomonidan kuzatiladigan buzilishlar: uchrash tezligi noma’lum – angionevrotik shish, o‘ta yuqori sezuvchanlik.
Ruhiy buzilishlar: tez-tez emas – qo‘rqinchli tushlar ko‘rish, depressiya.
Nerv tizimi tomonidan kuzatiladigan buzilishlar: tez-tez – bosh og‘rig‘i, bosh aylanishi, paresteziyalar; juda kam hollarda – sinkope.
Ko‘rish a’zolari tomonidan kuzatiladigan buzilishlar: tez-tez emas – ko‘rishni buzilishi.
Yurak tomonidan kuzatiladigan buzilishlar: tez-tez emas – bradikardiya, yurak yetishmovchiligi, atrioventrikulyar blokada.
Qon-tomirlar tomonidan kuzatiladigan buzilishlar: tez-tez emas – gipotenziya, vaqti-vaqti bilan kuzatiladigan oqsoqlik.
Nafas tizimi, ko‘krak qafasi va ko‘ks oralig‘i a’zolari tomonidan kuzatiladigan buzilishlar: tez-tez – hansirash; tez-tez emas – bronxospazm.
Me’da-ichak yo‘llari tomonidan kuzatiladigan buzilishlar: tez-tez – qabziyat, ko‘ngil aynishi, diareya; tez-tez emas – dispepsiya, meteorizm, qusish.
Teri va teri osti to‘qimalari tomonidan kuzatiladigan buzilishlar: tez-tez emas – qichishish, eritematoz xarakterli teri toshmalari; juda kam hollarda – psoriazni kechishini og‘irlashishi; uchrash tezligi noma’lum – eshakemi.
Jinsiy a’zolar va sut bezlari tomonidan kuzatiladigan buzilishlar: tez-tez emas – impotensiya.
Umumiy buzilishlar va yuborilgan joydagi buzilishlar: tez-tez – toliqish, shishlar.
Bundan tashqari, ayrim b-adrenoblokatorlar tomonidan chaqiriladigan quyidagi nojo‘ya samaralar: gallyusinasiyalar, psixozlar, ongni chalkashishi, qo‘l-oyoqlarni sovuq qotishi / sianoz, Reyno sindromi, ko‘zlarni qurishi va praktol tipi bo‘yicha okulomukokutan toksiklik xaqida xabarlar berilgan.
Maxsus ko‘rsatmalar
Stenokardiyasi bo‘lgan pasiyentlarda davolashni asta-sekin – 1-2 hafta davomida to‘xtatish kerak. Zo‘riqish stenokardiyasida preparatning dozasi YuQS ni tinch holatda minutiga 55-60 zarb, yuklamada – minutiga ko‘pi bilan 110 zarbda ushlab turishni ta’minlashi kerak.
Kandli diabetda Nebivolol glyukozaning qon plazmasidagi konsentrasiyasiga ta’sir qilmaydi, ammo barcha b-adrenoblokatorlar kabi gipoglikemiyaning belgilarini yashirishi mumkin.
Psoriaz bo‘lgan pasiyentlarda Nebivolol preparatini qo‘llash masalasini hal qilishda preparatni qo‘llashdan kutilgan foyda va psoriazni kechishida kuzatilishi mumkin bo‘lgan zo‘rayish havfini sinchiklab baholash kerak.
Preparatni qabul qilishni boshlanishida AB va YuQS har kuni nazorat qilinishi kerak.
Keksa yoshdagi pasiyentlarda buyrak funksiyasini nazorat qilish (4-5 oyda 1 marta) kerak.
b-adrenoblokatorlar bradikardiyani chaqirishi mumkin: agar YuQS minutiga 50-55 zarbdan kam bo‘lsa, preparatning dozasini pasaytirish kerak.
Kontakt linzalardan foydalanadigan pasiyentlar b-adrenoblokatorlarni qo‘llash fonida ko‘z yosh suyuqligini ishlab chiqarilishi pasayishi mumkinligini hisobga olishlari kerak.
O‘pkani surunkali obstruktiv kasalligi bo‘lgan pasiyentlarda b-adrenoblokatorlarni ehtiyotkorlik bilan qo‘llash kerak, chunki bronxospazm kuchayishi mumkin.
b-adrenoblokatorlar allergenlarga nisbatan sezuvchanlikni va anafilaktik reaksiyalarning og‘irligini oshirishi mumkin.
b-adrenoblokatorlarni qo‘llashni to‘satdan to‘xtatish mumkin emas. Davolashni imkon boricha asta-sekin, 10 kun davomida dozasini kamaytirib, to‘xtatish kerak.
Pediatriyada qo‘llanishi
Bolalar va 18 yoshgacha bo‘lgan o‘smirlarda preparatni qo‘llash samaradorligi va havfsizligi o‘rganilmagan.
Homiladorlik va laktasiya davrida qo‘llanilishi
Homiladorlikda Nebivolol preparati ona uchun kutilgan foyda homila yoki yangi tug‘ilgan chaqaloq uchun kuzatilishi mumkin bo‘lgan havfdan (homilada va yangi tug‘ilgan chaqaloqda bradikardiya, arterial gipotenziya, gipoglikemiya rivojlanishi mumkinligi sababli) ustun bo‘lgan holatdagina buyuriladi. Agar Nebivolol preparatini qo‘llash zarur bo‘lsa, u holda bachadon-yo‘ldosh qon oqimini va homilani o‘sishini kuzatish kerak. Davolashni tug‘ruqdan 48-72 soat oldin to‘xtatish kerak. Buning imkoni bo‘lmagan hollarda, yangi tug‘ilgan chaqaloqlarni tug‘ruqdan so‘ng 48-72 soat davomida kuzatish kerak.
Nebivolol ko‘krak suti bilan ajralib chiqadi. Laktasiya davrida Nebivolol preparatini qo‘llash zarurati bo‘lganida emizishni to‘xtatish kerak.
Avtomobilni va murakkab mexanizmlarni boshqarish qobiliyatiga ta’siri
Nebivolol preparati bilan davolanish vaqtida (nojo‘ya samaralar rivojlanganida) transport vositalarini boshqarishda va diqqatni jamlash va psixomotor reaksiyalar tezligini talab etuvchi potensial havfli faoliyat turlarini bajarishda ehtiyotkorlikka rioya qilish kerak
Boshqa dorilar bilan o‘zaro ta’siri
Nebivololni nosteroid yallig‘lanishga qarshi preparatlar bilan bir vaqtda qo‘llash uning gipotenziv ta’sirini susaytirmaydi.
b-adrenoblokatorlar sekin kalsiy kanallarining blokatorlari (verapamil va diltiazem) bilan bir vaqtda qo‘llanganida miokardni qisqaruvchanligiga va atrioventrikulyar o‘tkazuvchanlikka salbiy ta’siri kuchayadi.
Nebivololni qo‘llash fonida verapamilni vena ichiga yuborish mumkin emas.
Nebivolol gipotenziv preparatlar, nitrogliserin yoki sekin kalsiy kanallarining blokatorlari bilan bir vaqtda qo‘llanganida yaqqol ifodalangan arterial gipotenziya rivojlanishi mumkin (prazozin bilan birga qo‘llanganida ayniqsa ehtiyotkorlikka rioya qilish kerak).
Nebivolol I sinf antiaritmik preparatlari va amiodaron bilan bir vaqtda qo‘llanganida manfiy inotrop ta’siri kuchayishi va bo‘lmachalar bo‘ylab qo‘zg‘alishni o‘tish vaqtini uzayishi bo‘lishi mumkin.
Nebivolol yurak glikozidlari bilan bir vaqtda qo‘llanganida atrioventrikulyar o‘tkazuvchanlikni sekinlashishiga ta’sirini kuchayishi aniqlanmagan.
Nebivolol va umumiy anesteziya uchun qo‘llanadigan preparatlarni bir vaqtda qo‘llash reflektor taxikardiyani susaytirishi va arterial gipotenziyani rivojlanish havfini oshirishi mumkin.
Nebivololni trisiklik antidepressantlar, barbituratlar va fenotiazin hosilalari bilan bir vaqtda qo‘llash nebivololning gipotenziv ta’sirini kuchaytirishi mumkin.
Nebivolol serotoninni qayta qamrab olinishini ingibisiya qiluvchi preparatlar, yoki CYP2D6 izofermenti ishtirokida biotransformasiyaga uchraydigan boshqa dori vositalari bilan bir vaqtda qo‘llanganida, qon plazmasida nebivololning konsentrasiyasi oshadi, nebivololning metabolizmi sekinlashadi, bu bradikardiyani rivojlanish havfiga olib kelishi mumkin.
Digoksin bilan bir vaqtda qo‘llanganida nebivolol digoksinning farmakokinetik ko‘rsatkichlariga ta’sir qilmaydi.
Nebivolol simetidin bilan bir vaqtda qo‘llanganida qon plazmasida nebivololning konsentrasiyasi oshadi.
Nebivolol va ranitidinni bir vaqtda qo‘llash nebivololning farmakokinetik ko‘rsatkichlariga ta’sir ko‘rsatmaydi.
Nebivolol nikardipin bilan bir vaqtda qo‘llanganida qon plazmasida faol moddalarning konsentrasiyasi biroz oshadi, biroq bu klinik ahamiyatga ega emas.
Nebivolol va etanol, furosemid yoki gidroxlortiazidni bir vaqtda qabul qilish nebivololning farmakokinetikasiga ta’sir qilmaydi.
Nebivolol va varfarinning klinik ahamiyatli o‘zaro ta’siri aniqlanmagan.
Nebivolol insulin va ichga qabul qilish uchun gipoglikemik vositalar bilan birga qo‘llanganida gipoglikemiyaning simptomlari (taxikardiya) yashirinishi mumkin.
Homiladorlik va emizish davrida
Homiladorlikda Nebivolol preparati ona uchun kutilgan foyda homila yoki yangi tug‘ilgan chaqaloq uchun kuzatilishi mumkin bo‘lgan havfdan (homilada va yangi tug‘ilgan chaqaloqda bradikardiya, arterial gipotenziya, gipoglikemiya rivojlanishi mumkinligi sababli) ustun bo‘lgan holatdagina buyuriladi. Agar Nebivolol preparatini qo‘llash zarur bo‘lsa, u holda bachadon-yo‘ldosh qon oqimini va homilani o‘sishini kuzatish kerak. Davolashni tug‘ruqdan 48-72 soat oldin to‘xtatish kerak. Buning imkoni bo‘lmagan hollarda, yangi tug‘ilgan chaqaloqlarni tug‘ruqdan so‘ng 48-72 soat davomida kuzatish kerak.
Nebivolol ko‘krak suti bilan ajralib chiqadi. Laktasiya davrida Nebivolol preparatini qo‘llash zarurati bo‘lganida emizishni to‘xtatish kerak.
Pediatriyada qo‘llanishi
Bolalar va 18 yoshgacha bo‘lgan o‘smirlarda preparatni qo‘llash samaradorligi va havfsizligi o‘rganilmagan.
Transport boshqarishga ta’siri
Nebivolol preparati bilan davolanish vaqtida (nojo‘ya samaralar rivojlanganida) transport vositalarini boshqarishda va diqqatni jamlash va psixomotor reaksiyalar tezligini talab etuvchi potensial havfli faoliyat turlarini bajarishda ehtiyotkorlikka rioya qilish kerak.
Dozani oshirib yuborish
Simptomlari: AB ni pasayishi, ko‘ngil aynishi, qusish, sianoz, sinusli bradikardiya, atrioventrikulyar blokada, bronxospazm, xushdan ketishi, kardiogen shok, koma, yurak urishini to‘xtashi kuzatilishi mumkin.
Davolash: me’dani yuvish, faollashtirilgan ko‘mir qabul qilish tavsiya etiladi. Og‘ir darajadagi arterial gipotenziyada, bradikardiya va yurak yetishmovchiligida vena ichiga b-adrenostimulyatorlarni 2-5 minutlik interval bilan yuborish tavsiya etiladi. Ijobiy samara bo‘lmaganida dofamin, dobutamin yoki norepinefrinni yuborish maqsadga muvofiqdir. Keyingi davolash choralari 1-10 mg glyukagonni yuborish, transvenoz intrakardial elektrostimulyatorni o‘rnatishdan iborat bo‘lishi mumkin. Bronxospazmda vena ichiga b2-adrenoreseptorlarning stimulyatorlari yuboriladi; yurak qorinchalari ekstrasistoliyasida – lidokain yuboriladi (IA sinf antiaritmik vositalarni yuborish mumkin emas); tirishishlarda – vena ichiga diazepam yuboriladi.
Farmakodinamikasi
Nebivolol – kardioselektiv b1-adrenoblokator. Gipotenziv, antianginal va antiaritmik ta’sir ko‘rsatadi. Nebivolol nebivololning D- va L-aylantiruvchi enantiomerlarini rasemati hisoblanadi. D-nebivolol hisobiga preparat b1-adrenoreseptorlarning selektiv raqobatli blokatorining hususiyatlarini namoyon qiladi. L-nebivolol hisobiga azot oksidi/L-arginin bilan metabolik o‘zaro ta’sir qilishi oqibatida qon-tomirlarni kengaytiruvchi ta’sir ko‘rsatadi. Nebivolol terapevtik dozalarda simpatomimetik faollikni namoyon qilmaydi, membranalarni ahamiyatli darajada barqarorlashtiruvchi ta’sirga ega emas, shuningdek α-adrenoreseptorlarga ta’sir qilmaydi. Nebivolol bir marta va takroran qo‘llanganida yurak qisqarishlari soni (YuQS) kamayadi, arterial bosim (AB) normal bo‘lgan shaxslarda ham, arterial gipertenziyasi (AG) bo‘lgan shaxslarda ham tinch holatda va jismoniy harakatda arterial bosimning ko‘rsatkichlari kamayadi. Gipotenziv samarasi uzoq muddat davolanganda saqlanadi.
O‘tkir va surunkali yurak yetishmovchiligi bo‘lgan pasiyentlarda nebivololni qabul qilganda umumiy periferik qon-tomirlar qarshiligini pasayishi kuzatiladi. YuQS kamayishiga qaramasdan, yurakdan otilib chiqayotgan qon hajmini oshishi sababli, tinch holatda va jismoniy harakatda yurak zarbi ahamiyatli darajada o‘zgarmaydi.
Gipotenziv ta’siri shuningdek renin-angiotenzin tizimining faolligini kamayishi bilan ham ifodalanadi (qon plazmasida reninning faolligini o‘zgarishi bilan bevosita bog‘lanmagan).
Preparatning gipotenziv samarasi davolash boshlanganidan so‘ng 1-2 hafta davomida rivojlanadi, arterial bosimni optimal nazoratiga nebivololni qabul qilish boshlanganidan so‘ng 4 haftadan keyin erishiladi.
Miokardni kislorodga bo‘lgan ehtiyojini pasaytirib (YuQS kamayishi va old yuklama va keyingi yuklamani pasayishi), nebivolol stenokardiya hurujlarining soni va og‘irligini kamaytiradi va jismoniy harakatlarning o‘zlashtirilishini oshiradi. Antiaritmik ta’siri patologik yurak avtomatizmini susaytirishi (shu jumladan, patologik o‘choqda) va atrioventrikulyar o‘tkazuvchanlikni sekinlashtirishi bilan ifodalanadi.
Farmakokinetikasi
Peroral qabul qilinganidan so‘ng nebivololning har ikkala enantiomeri ovqat hazm qilish yo‘llarida tez so‘riladi. Ovqat iste’mol qilish preparatni so‘rilishiga ta’sir qilmaydi, shuning uchun uni ovqatlanishdan qat’iy nazar qabul qilish mumkin. Nebivolol ichga qabul qilinganidan so‘ng uning biokiraolishligi “tez” metabolizm bilan amalga oshadigan (jigar orqali “birinchi marta o‘tish” samarasi) shaxslarda o‘rtacha 12% ni tashkil etadi va metabolizmi “sekin” amalga oshadigan shaxslarda deyarli to‘liq hisoblanadi. D-nebivolol uchun plazma oqsillari bilan bog‘lanishi – 98,1%, L-nebivolol uchun – 97,9% ni tashkil etadi.
Nebivolol asiklik va aromatik gidroksilizasiya va qisman N-dezalkilizasiya orqali faol metabolitlarni hosil qilib, metabolizmga uchraydi. Hosil bo‘lgan gidroksi- va aminohosilalari glyukuron kislotasi bilan kon’yugasiya bo‘ladi va organizmdan O- va N-glyukuronidlar ko‘rinishida chiqariladi. Nebivololning gidroksimetabolitlarini yarim chiqarilish davri 24 soatni tashkil etadi, enantiomerlarini yarim chiqarilish davri – 10 soatni (metabolizmi “tez” amalga oshadigan shaxslarda) tashkil etadi; (metabolizmi “sekin” amalga oshadigan shaxslarda) nebivololning gidroksimetabolitlarini yarim chiqarilish davri – 48 soatni, enantiomerlarini – 30-50 soatni tashkil etadi. Buyraklar orqali (38%) va ichak orqali (48%) chiqariladi. O‘zgarmagan nebivololni siydik bilan chiqarilishi ichga qabul qilingan preparatning miqdorini 0,5% dan kamroq qismini tashkil etadi.