





Natriya Xlorid
- Ishlab chiqaruvchi
- ООО Dentafill Plyus2
- Mamlakat
- O‘zbekiston
- Ro‘yxat raqami
- DV/M 00940/08/16
- Ruxsat muddati
- 14.05.2031 gacha
- Saqlash muddati
- 3 yil
- ATX kodi
- B05BB01
Natriya Xlorid nima uchun ishlatiladi
Natriya Xlorid 0,9 % — izotonik (fiziologik) natriy xlorid eritmasi. Qon plazmasi o‘rnini bosuvchi suyuqlik sifatida suvsizlanish va zaharlanishda organizmga suyuqlik va tuz qaytaradi, dorilarni eritish va yaralarni yuvish uchun ham ishlatiladi. Odatda vena ichiga tomchilab yuboriladi.
Zaharlanish
Ichki (endogen) va tashqi (ekzogen) zaharlanishlar.
Suvsizlanish va ich ketishi
Organizm suvsizlanganda suyuqlikni tiklash, ich ketishi (diareya), toksik dispepsiya.
Ichak tutilishi va gipoxloremik alkaloz
Ichak tutilishi, qonda xlor kamayishi bilan kechadigan alkaloz.
Dorilarni eritish
Dori vositalarini eritish va suyultirish uchun.
Yuvish
Yaralar, ko‘z kon’yunktivasi, qorin va plevra bo‘shliqlari, qin, qovuqni yuvish uchun.
Qancha va qanday qabul qilinadi
Rasmiy yo‘riqnoma bo‘yicha, 0,9 % eritma uchun. Hajm bemor ahvoli, yo‘qotilgan suyuqlik va qondagi natriy va xlor miqdoriga qarab belgilanadi; tezlik alohida tanlanadi.
Kimga mumkin, kimga mumkin emas
Homiladorlik va emizish Mumkin
Homilador va emizikli ayollarga qo‘llash mumkin.
Haydovchilar Mumkin
Mashina haydash va mexanizmlar bilan ishlashga ta’sir qilmaydi.
Yurak Ehtiyotkorlik bilan
O‘tkir chap qorincha yetishmovchiligida mumkin emas. Yurak yetishmovchiligi (dekompensatsiyalangan surunkali ham), arterial gipertenziya va periferik shishlarda ehtiyotkorlik bilan.
Buyrak Ehtiyotkorlik bilan
Surunkali buyrak yetishmovchiligi (siydik kam yoki umuman chiqmasligi) va buyrak faoliyati buzilganda (katta hajmlarda) ehtiyotkorlik bilan.
Qo‘llash mumkin bo‘lmagan holatlar
- Qonda natriy oshishi (gipernatriyemiya)
- Atsidoz
- Qonda xlor oshishi (giperxloremiya)
- Qonda kaliy kamayishi (gipokaliyemiya)
- Organizmda suyuqlik ortiqchaligi (gipergidratatsiya)
- Miya va o‘pka shishi xavfi bor qon aylanish buzilishlari; miya shishi, o‘pka shishi
- Yuqori dozada glyukokortikosteroidlar bilan birga qo‘llash
- O‘tkir chap qorincha yetishmovchiligi
- Ehtiyotkorlik bilan: dekompensatsiyalangan surunkali yurak yetishmovchiligi, surunkali buyrak yetishmovchiligi (oliguriya, anuriya), buyrak faoliyati buzilishi (katta hajmlar uchun), yurak yetishmovchiligi, arterial gipertenziya, periferik shishlar
Tarkibi
0.9 % li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Boshqa dorilar (eritma bilan aralashtirilganda) Ehtiyotkorlik
Gidrofil dorilar bilan aralashtirish mumkin. Har safar moslik ko‘z bilan tekshiriladi — ko‘rinmaydigan mos kelmaslik ham bo‘lishi mumkin.
Yuqori dozadagi glyukokortikosteroidlar Ehtiyotkorlik
Birga qo‘llash mumkin emas.
Ko‘p ichib qo‘ydingizmi?
Dori kam zaharli. Katta hajmda yuborilsa xloridli atsidoz va organizmda suyuqlik ortiqchaligi bo‘lishi mumkin. Yuborish to‘xtatiladi, belgilarga qarab davolanadi; suyuqlik ortiqchaligida osmotik diuretiklar, og‘ir yurak yetishmovchiligida shish dializ bilan yo‘qotiladi.
Natriya Xlorid narxi
Davlat belgilagan eng yuqori chakana narx (referent narx). Har bir qadoq yonida narx belgilangan sana.
Manba: Farmatsevtika tarmog‘ini rivojlantirish agentligi, referent narxlar ro‘yxati.
Ko‘p beriladigan savollar
Eritma hajmi va tezligi qanday tanlanadi?
Hajm bemor ahvoli, yo‘qotilgan suyuqlik va qondagi natriy hamda xlor miqdoriga qarab belgilanadi, infuziya tezligi alohida tanlanadi.
Sutkasiga qancha yuborish mumkin?
Ko‘p suyuqlik yo‘qotilganda va zaharlanishda sutkasiga 3000 ml gacha. 70 kg li bemorga katta hajm soatiga 500–600 tomchi tezlikda yuboriladi.
Homiladorlikda mumkinmi?
Ha, homilador va emizikli ayollarga qo‘llash mumkin.
Kimga mumkin emas?
Qonda natriy yoki xlor oshganda, kaliy kamayganda, atsidozda, organizmda suyuqlik ortiqcha bo‘lganda, miya yoki o‘pka shishida, o‘tkir chap qorincha yetishmovchiligida va yuqori dozada glyukokortikosteroid olayotganda.
Yarani yuvish uchun ishlatsa bo‘ladimi?
Ha, yo‘riqnomaga ko‘ra 0,9 % eritma yaralar va shilliq qavatlarni yuvish uchun ham qo‘llanadi.
Rasmiy yo‘riqnoma
Rasmiy yo‘riqnomaning to‘liq matni
Tavsifi
Rangsiz, tiniq eritma, sho‘r ta’mga ega.
Qo‘llanilishi
Natriy xloridining 0,9% li izotonik eritmasi plazmani o‘rnini bosuvchi suyuqlik sifatida endogen va ekzogen zaharlanishlarda, suvsizlanishni tiklash uchun, diareyada, toksik dispepsiyada, ichak tutilishida, gipoxloremik alkolozda, dori vositalarini eritish va suyultirish uchun qo‘llanadi.
Natriy xloridining izotonik eritmasi shuningdek jarohatlarni, ko‘zning kon’yunktivasini, qorin va plevra bo‘shliqlarini, qinni, qovuqni yuvish uchun qo‘llanadi.
Qo‘llash usuli va dozalari
Yuborishdan oldin flakonni vizual nazoratdan o‘tkazish lozim. Eritma tiniq bo‘lishi, zarrachalar va cho‘kma saqlamasligi kerak. Butunligi va o‘ramning germetikligi saqlangan holda, preparat qo‘llash uchun yaroqli deb hisoblanadi. Odatda natriy xloridining izotonik eritmasi vena ichiga tomchilab yuboriladi. Preparatni yuborishdan oldin flakondagi eritma 35-37 0S gacha isitiladi. Yuboriladigan eritmaning hajmi bemorning ahvoli, yo‘qotilgan suyuqlikning, natriy va xlor ionlarining qon plazmasidagi miqdoriga bog‘liq. Infuziya tezligi shaxsiy ravishda tanlanadi. Vena ichiga natriy xloridining 0,9% li izotonik eritmasi nisbatan ko‘p bo‘lmagan hajmda yuborilsa, uni oqim bilan yuborish mumkin.
Katta hajmdagi eritmani yuborish kerak bo‘lsa, tana vazni 70 kg bo‘lgan bemorga preparat tomchilab, soatiga 500-600 tomchi tezlikda yuboriladi. Ko‘p miqdorda suyuqlik yo‘qotilganida, zaharlanishlarda sutkada 3000 ml gacha natriy xloridining izotonik eritmasi yuborilishi mumkin. Natriy xloridining 0,9% li izotonik eritmasini teri ostiga, bo‘shliqlarga, to‘g‘ri ichakka yuborish mumkin. Natriy xloridining 0,9% li izotonik eritmasi shuningdek jarohatlar va shilliq qavatlarni yuvish uchun ham qo‘llanadi.
Qo‘llash mumkin bo‘lmagan holatlar
Qo‘llash mumkin bo‘lmagan holatlar
• gipernatriyemiya;
• asidoz;
• giperxloremiya,
• gipokaliyemiya;
• gipergidratasiya;
• bosh miya va o‘pka shishi xavfi bilan sirkulyator buzilishlari;
• bosh miya shishi, o‘pka shishi;
• yuqori dozada glyukokortikosteroidlar yondosh qo‘llash;
• yurak chap qorinchasi o‘tkir yetishmovchiligida qo‘llash mumkin emas.
Extiyotkorlik bilan quyidagi xollarda qo‘llash kerak:
• dekompensasiyalangan surunkali yurak yetishmovchiligi;
• surunkali buyrak yetishmovchiligi (oligo-, anuriya);
• buyrak faoliyatini buzilishi (izotonik eritmani katta hajmlarda yuborilganida);
• yurak yetishmovchiligi;
• arterial gipertenziya;
• periferik shishlarda.
Nojo‘ya ta’sirlar
Ko‘ngil aynishi, qusish, diareya, me’da spazmlari, chanqoqlik, ko‘z yosh oqishi, terlash, isitma, taxikardiya, arterial gipertenziya. Buyrak faoliyatini buzilishi, shishlar, hansirash, bosh og‘riq, bosh aylanishi, bezovtalik, xolsizlik, mushaklarni tortishi va gipertonusi.
Natriy xloridining izotonik eritmasi katta hajmlarda yuborilganida gipergidratasiya, xloridli asidoz, gipokaliyemiyaga olib kelishi mumkin.
Maxsus ko‘rsatmalar
Natriy xloridining izotonik eritmasi katta hajmlarda yuborilganida qon plazmasida elektrolitlarning miqdorini nazorat qilish lozim.
Homiladorlik va laktasiya davrida qo‘llanilishi
Natriy xloridining izotonik eritmasini homiladorlik va emizikli ayollarga qo‘llash mumkin.
Avtomobilni va murakkab mexanizmlarni boshqarish qobilyatiga ta’siri
Ta’sir qilmaydi.
Boshqa dorilar bilan o‘zaro ta’siri
Preparat kam zaharli.
Simptomlari: 0,9% li natriy xlorid eritmasining katta miqdorini yuborish xlorid asidozi va gipergidratasiyaga olib kelishi mumkin.
Davolash: Dozani oshirib yuborilgan taqdirda, preparatni to‘xtatish va simptomatik terapiya o‘tkazish kerak. Gipergidratasiya holatida osmotik diuretik terapiya o‘tkazilishi kerak. Og‘ir yurak yetishmovchiligi holatlarida shishni dializ bilan davolash mumkin.
Homiladorlik va emizish davrida
Natriy xloridining izotonik eritmasini homiladorlik va emizikli ayollarga qo‘llash mumkin.
Transport boshqarishga ta’siri
Ta’sir qilmaydi.
Dozani oshirib yuborish
Preparat kam zaharli.
Simptomlari: 0,9% li natriy xlorid eritmasining katta miqdorini yuborish xlorid asidozi va gipergidratasiyaga olib kelishi mumkin.
Davolash: Dozani oshirib yuborilgan taqdirda, preparatni to‘xtatish va simptomatik terapiya o‘tkazish kerak. Gipergidratasiya holatida osmotik diuretik terapiya o‘tkazilishi kerak. Og‘ir yurak yetishmovchiligi holatlarida shishni dializ bilan davolash mumkin.
Farmakodinamikasi
Izotonik eritma. Degidratasiya holatida organizmda suyuqlik yetishmovchiligini to‘ldiradi. Natriy va xlor ionlari hujayradan tashqari suyuqlikning asosiy noorganik komponetlari bo‘lib, qon plazmasi va hujayradan tashqari muvofiq suyuqlikning osmatik bosimini tutib turadi.
Natriy xloridi organizmga ovqat bilan kiradi. Odatda odam sutkada 10 g ga yaqin (170 mmol) natriy xloridini iste’mol qiladi va uning bu miqdori organizmning elektrolit muvozanatini ta’minlaydi. Natriy xloridining 0,9% li eritmasi qon plazmasiga nisbatan izotonik bo‘lib, tibbiyot amaliyotida keng qo‘llanadi. Natriy xloridining izotonik eritmasi qitiqlovchi ta’sir ko‘rsatmasligi tufayli, parenteral yuborilishi ham, yara, shilliq pardalarni yuvish uchun ham qo‘llanishi mumkin. Natriy xloridining izotonik eritmasi qon plazmasiga nisbatan izotonik bo‘lganligi tufayli, qon tomirlardan tez chiqib ketadi va qon tomirlardagi suyuqlik hajmini faqat vaqtinchalik oshiradi, shuning uchun ko‘p qon yo‘qotishlarda va shokda preparatning samarasi yuqori emas.
Farmakokinetikasi
Bo‘yrak orqali o‘zgarishsiz tez chiqariladi.