





Mildronat
- Ishlab chiqaruvchi
- АО Гриндекс
- Mamlakat
- Latviya
- Ro‘yxat raqami
- DV/X 01803/06/16
- Ruxsat muddati
- 22.10.2031 gacha
- Saqlash muddati
- 4 yil
- ATX kodi
- C01EB22
Mildronat nima uchun ishlatiladi
Mildronat (meldoniy) — hujayralarda energiya almashinuvini yaxshilovchi dori. Zo‘riqishda hujayralarning kislorodga ehtiyoji va uning yetkazilishi orasidagi muvozanatni tiklaydi, ish qobiliyatini oshiradi va tetiklashtiradi. Yurak va miya qon aylanishi kasalliklarida kompleks davoning bir qismi sifatida qo‘llanadi.
Yurak kasalliklari
Kompleks davoda: yurak ishemik kasalligi (stenokardiya, miokard infarkti), surunkali yurak yetishmovchiligi, disgormonal kardiomiopatiya.
Miya qon aylanishi buzilishi
O‘tkir va surunkali miya qon aylanishi buzilishlari (insult, serebrovaskulyar yetishmovchilik); insult, bosh jarohati va ensefalitdan keyingi tiklanish davri.
Ko‘z to‘r pardasi kasalliklari
Gemoftalm va to‘r pardaga qon quyilishi, to‘r parda markaziy venasi trombozi, diabetik va gipertonik retinopatiya.
Charchoq va zo‘riqish
Ish qobiliyatining pasayishi, jismoniy va aqliy zo‘riqish.
Alkogol abstinensiyasi
Surunkali alkogolizmda abstinensiya sindromi (alkogolizmning maxsus davosi bilan birga).
Bronxial astma va bronxit
Bronxial astma va surunkali obstruktiv bronxitda kompleks davoda immunitetni boshqaruvchi vosita sifatida.
Qancha va qanday qabul qilinadi
Rasmiy yo‘riqnoma bo‘yicha, Mildronat kapsulalari uchun (250 mg va 500 mg). Dozalar yo‘riqnomadagidek grammda berilgan. Qo‘zg‘atuvchi ta’sir bo‘lishi mumkinligi sababli kunning birinchi yarmida ichish tavsiya etiladi.
Kimga mumkin, kimga mumkin emas
Homiladorlik Mumkin emas
Mumkin emas — odam uchun xavfi noma’lum.
Emizish davri Mumkin emas
Mumkin emas — chaqaloq uchun xavfni istisno qilib bo‘lmaydi.
Bolalar Mumkin emas
18 yoshgacha mumkin emas — xavfsizligi va samarasi haqida ma’lumot yo‘q.
Jigar va buyrak Ehtiyotkorlik bilan
Og‘ir jigar va buyrak yetishmovchiligida mumkin emas. Ilgari jigar yoki buyrak kasalligi bo‘lganlarda ehtiyotkorlik bilan, ularning faoliyati nazorat qilinadi.
Haydovchilar Ehtiyotkorlik bilan
Transport haydash va mexanizmlar bilan ishlashga ta’siri o‘rganilmagan.
Qo‘llash mumkin bo‘lmagan holatlar
- Meldoniy yoki yordamchi moddalarga yuqori sezuvchanlik
- Og‘ir buyrak va jigar yetishmovchiligi (xavfsizligi bo‘yicha ma’lumot yetarli emas)
- Homiladorlik, emizish davri
- 18 yoshgacha bolalar va o‘smirlar
Tarkibi
250mg li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Meldoniy saqlagan boshqa dorilar Birga ichilmaydi
Birga qo‘llanmaydi — nojo‘ya ta’sirlar xavfi oshadi.
Glitseriltrinitrat (nitrogliserin), nifedipin, beta-blokatorlar, boshqa bosim tushiruvchi va tomir kengaytiruvchi dorilar Ehtiyotkorlik
Meldoniy ularning ta’sirini kuchaytirishi mumkin.
Siklofosfamid, ifosfamid Ehtiyotkorlik
Meldoniy ularning yurakka zaharli ta’sirini kuchaytirishi mumkin.
Uzoq ta’sirli nitratlar, stenokardiyaga qarshi dorilar, yurak glikozidlari, siydik haydovchilar, antikoagulyantlar, antiagregantlar, aritmiyaga qarshi dorilar Ehtiyotkorlik
Meldoniy bilan birga qo‘llash mumkin.
Ko‘p ichib qo‘ydingizmi?
Meldoniy dozasi oshirilgani haqida xabar yo‘q; dori kam zaharli. Qon bosimi pasayganda bosh og‘rig‘i, bosh aylanishi, yurak tez urishi, umumiy holsizlik bo‘lishi mumkin. Belgilarga qarab davolanadi; og‘ir holda jigar va buyrak faoliyati nazorat qilinadi.
Mildronat narxi
Davlat belgilagan eng yuqori chakana narx (referent narx). Har bir qadoq yonida narx belgilangan sana.
Manba: Farmatsevtika tarmog‘ini rivojlantirish agentligi, referent narxlar ro‘yxati.
Analoglari: meldoniy
Tarkibida meldoniy bor 48 ta dori. Almashtirishdan oldin shifokor yoki farmatsevt bilan maslahatlashing.
AkardinIn’yeksiya · 100 mg · UkrainaRetseptli
DoninIn’yeksiya · 500 mg/5 ml · O‘zbekistonRetseptli
DronitIn’yeksiya · 500mg/5ml · O‘zbekistonRetseptli
IdrenIn’yeksiya · 100 mg · O‘zbekistonRetseptliKo‘p beriladigan savollar
Mildronatni qachon ichish kerak?
Kunning birinchi yarmida — dori qo‘zg‘atuvchi ta’sir qilishi mumkin.
Charchoq va zo‘riqishda Mildronat qanday ichiladi?
Kattalarga 0,25 g dan kuniga 4 marta yoki 0,5 g dan kuniga 2 marta, 10–14 kun. Kerak bo‘lsa, 2–3 haftadan keyin takrorlanadi.
Yurak kasalligida Mildronat necha kun ichiladi?
Kompleks davoda kuniga 0,5–1,0 g, kurs 4–6 hafta. Yurak og‘rig‘i (disgormonal miokard distrofiyasi)da kuniga 0,5 g, 12 kun.
Homiladorlikda Mildronat ichsa bo‘ladimi?
Yo‘q, homiladorlik va emizish davrida mumkin emas.
O‘smirlarga Mildronat berish mumkinmi?
Yo‘q, 18 yoshgacha mumkin emas — xavfsizligi tekshirilmagan.
Dozani o‘tkazib yuborsam nima qilaman?
Esingizga kelishi bilan iching, lekin ikki baravar doza ichmang. Keyin shifokor tavsiyasi bo‘yicha davom eting.
Rasmiy yo‘riqnoma
Rasmiy yo‘riqnomaning to‘liq matni
Tavsifi
Ta’rifi: oq rangli, qattiq jelatin kapsulalar.
Kapsula ichidagisi – kuchsiz hidli oq rangli kristall kukun. Kukun gidroskopik xususiyatga ega.
Qo‘llanilishi
Qo‘llanilishi
Majmuaviy terapiyada:
yurak ishemik kasalligini (stenokardiya, miokard infarkti), surunkali yurak yetishmovchiligi va disgormonal kardiomiopatiya, shuningdek bosh miyani qon bilan ta’minlanishini o‘tkir va surunkali buzilishlarini (bosh miya insulti va serebrovaskulyar yetishmovchilikni) majmuaviy davolashda;
bosh miya qon aylanishini buzilishi, bosh jarohati va ensefalitdan keyin tiklanish davrida;
gemoftalm va ko‘zning to‘r pardasiga turli etiologiyali qon quyilishlar, ko‘z to‘r pardasining markaziy venasi va uning shoxlarini trombozi, turli etiologiyali (diabetik, gipertonik) retinopatiyalar;
ish qobiliyatini pasayishi; jismoniy qayta zo‘riqishlar,
surunkali alkogolizmda abstinensiya sindromini (alkogolizmni spesifik davolash bilan majmuada);
bronxial astma va surunkali obstruktiv bronxitni (majmuaviy davolashda immunomodulyator sifatida) majmuaviy davolashda qo‘llanadi.
Qo‘llash usuli va dozalari
Qo‘llash usuli va dozalari
Qo‘zg‘atuvchi samarani rivojlanish ehtimolini nazarda tutib, kunning birinchi yarmida qo‘llash tavsiya etiladi.
1. Yurak-qon tomir kasalliklari
Majmuaviy davolash tarkibida kuniga 0,5-1,0 g dan, butun dozani darhol yoki uni 2 qabulga bo‘lib, ichga qabul qilinadi. Davolash kursi – 4-6 hafta.
Miokardning disgormonal distrofiyasi fonidagi kardialgiyada – kuniga 0,5 g dan, butun dozani darhol yoki 2 qabulga bo‘lib, ichga qabul qilinadi. Davolash kursi – 12 kun.
2. Bosh miya qon aylanishini buzilishlari
O‘tkir fazada – preparatning in’eksion dori shaklini 10 kun davomida qo‘llaniladi, so‘ngra preparatni kuniga 0,5-1,0 g dan, butun dozani darhol yoki 2 qabulga bo‘lib, ichga qabul qilishga o‘tiladi. Umumiy davolash kursi – 4-6 hafta.
Surunkali buzilishlarda – kuniga 0,5 g dan, butun dozani darhol yoki 2 qabulga bo‘lib, ichga qabul qilinadi. Umumiy davolash kursi – 4-6 hafta. Takroriy davolash kurslarini (odatda yiliga 2-3 marta) shifokor bilan maslahatlashgandan keyin o‘tkazish mumkin.
3. Qon tomirlar patologiyasi va ko‘zning to‘r pardasini distrofik kasalliklari
Preparatning in’eksion dori shakli qo‘llaniladi.
4. Aqliy va jismoniy zo‘riqishlar
Kattalarga –0,25 g dan kuniga 4 marta yoki 0,5 g dan kuniga 2 marta ichga qabul qilinadi. Davolash kursi – 10-14 kun. Zarurat bo‘lganida davolashni 2-3 haftadan keyin takrorlanadi.
5. Surunkali alkogolizm
0,5 g dan kuniga 4 marta ichga qabul qilinadi. Davolash kursi – 7-10 kun.
6. Bronxial astma
0,25 g dan har kuni 3 hafta davomida ichga qabul qilinadi. Davolash bronxolitik preparatlar bilan majmuada olib boriladi.
Agar Siz preparatning navbatdagi qabulini o‘tkazib yuborgan bo‘lsangiz, uni darhol qabul qiling. O‘tkazib yuborilgan dozani o‘rnini qoplash uchun ikki barobar dozani qabul qilmang. Shifokor tavsiyalariga muvofiq preparatni qabul qilishni davom ettiring.
Qo‘llash mumkin bo‘lmagan holatlar
Qo‘llash mumkin bo‘lmagan holatlar
Meldoniyga yoki preparatning har qanday yordamchi moddasiga yuqori sezuvchanlik.
Og‘ir darajadali buyrak va jigar yetishmovchiligi (qo‘llash xavfsizligi to‘g‘risidagi ma’lumotlar yetarli emas).
Homiladorlik, laktasiya davri.
18 yoshgacha bo‘lgan bolalarda (qo‘llash xavfsizligi tekshirib ko‘rilmagan) qo‘llash mumkin emas.
Nojo‘ya ta’sirlar
Nojo‘ya ta’sirlari
Quyida sanab o‘tilgan nojo‘ya samaralar a’zolar tizimining guruhlari va MedDRA bo‘yicha uchrash tez-tezligiga muvofiq tasniflangan: tez-tez (≥1/100 dan<1/10 gacha), kam hollarda (≥1/10000 dan<1/1000 gacha).
Immun tizimi tomonidan buzilishlar
Tez-tez: allergik reaksiyalar*.
Kam hollarda: o‘ta yuqori sezuvchanlik reaksiyalari, allergik dermatit, eshakemi, angionevrotik shish, anafilaktik reaksiya.
Ruhiy buzilishlar
Kam hollarda: qo‘zg‘alish, qo‘rquv hissi, shilqim fikrlar, uyquni buzilishi.
Nerv tizimi tomonidan buzilishlar
Tez-tez: bosh og‘riqlari*.
Kam hollarda: “chumolini yurishi” hissi, tremor, gipesteziya, quloqlarni shang‘illashi, vertigo, bosh aylanishi, qadam tashlashni buzilishi, hushdan ketishdan oldingi holat, hushdan ketish.
Yurak tomonidan buzilishlar
Kam hollarda: yurak ritmini o‘zgarishi, yurak urishi, taxikardiya/sinusli taxikardiya, yurak bo‘lmachalarining fibrillyasiyasi, aritmiya, ko‘krakda diskomfort/ko‘krakda og‘riqlar.
Qon tomir tizimi tomonidan buzilishlar
Kam hollarda: qon bosimini oshishi/pasayishi, gipertenziv kriz, giperemiya, teri qoplamalarini oqarishi.
Nafas olish tizimi tomonidan buzilishlar, ko‘krak va ko‘ks oralig‘i kasalliklari
Kam hollarda: tomoqni yallig‘lanishi, yo‘tal, dispnoe, apnoe.
Me’da-ichak yo‘llari tomonidan buzilishlar
Tez-tez: dispepsiya.
Kam hollarda: disgevziya (og‘izda metall ta’mi), ishtahani yo‘qolishi, qusishga urinishlar, ko‘ngil aynishi, qusish, meteorizm, diareya, qorinda og‘riqlar.
Teri va teri osti to‘qimalari tomonidan buzilishlar
Kam hollarda: toshmalar, umumiy/makulyoz/papulyoz toshmalar, qichishish.
Suyak-mushak va unga yondosh tizim tomonidan buzilishlar
Kam hollarda: orqada og‘riqlar, mushak kuchsizligi, mushak spazmlari.
Buyrak va siydik chiqarish tizimi tomonidan buzilishlar
Kam hollarda: pollakiuriya.
Umumiy buzilishlar va yuborish joyidagi reaksiyalar
Kam hollarda: umumiy holsizlik, titroq, asteniya, shish, yuzni shishi, oyoqlarni shishi, qizib ketish hissi, sovuq qotish hissi, sovuq ter chiqishi.
Tekshirishlar
Kam hollarda: elektrokardiogrammada (EKG) o‘zgarishlar, yurak ishini tezlashishi, eozinofiliya* kuzatilishi mumkin.
* Erta o‘tkazilgan nazoratlanmaydigan klinik tadqiqotlarda kuzatilgan nojo‘ya ta’sirlar.
Meldoniyni qo‘llanishi sababli, shuningdek epigastriyadagi og‘riqlar va migren to‘g‘risida xabar qilingan.
Sanab o‘tilgan nojo‘ya reaksiyalar paydo bo‘lganida, shuningdek yo‘riqnomada eslatib o‘tilmagan nojo‘ya reaksiya paydo bo‘lganida shifokorga murojaat qilish kerak.
Maxsus ko‘rsatmalar
Maxsus ko‘rsatmalar
Anamnezida jigar va/yoki buyrak faoliyatinining buzilishlari bo‘lgan pasiyentlar uchun dorini qabul qilinganda (jigar va/yoki buyrak funksiyasini nazoratini o‘tkazish lozim) ehtiyotkorlikka rioya qilish lozim.
Boshqa dorilar bilan o‘zaro ta’siri
Dorilarning o‘zaro ta’siri
Meldoniyni uzoq ta’sirga ega bo‘lgan nitratlar va boshqa antianginal vositalar (turg‘un zo‘riqish stenokardiyasida), yurak glikozidlari hamda diuretik preparatlar (yurak yetishmovchiligida) bilan bir vaqtda qo‘llash mumkin. Meldoniyni shuningdek antikoagulyantlar, antiagregantlar, aritmiyaga qarshi vositalar va mikrosirkulyasiyani yaxshilovchi boshqa preparatlar bilan bir vaqtda qo‘llash mumkin. Meldoniy gliseriltrinitrat, nifedipin preparatlari, beta adrenoblokatorlar, boshqa gipotenziv vositalar va periferik vazodilatorlarning ta’sirini kuchaytirishi mumkinligini nazarda tutish kerak.
Surunkali yurak yetishmovchiligi bo‘lgan, simptomlarni kamaytirish uchun bir vaqtda meldoniy va lizinioprilni qo‘llagan pasiyentlarda majmuaviy davolashni pozitiv ta’siri (bosh arteriya qon tomirini kengayishi, periferik qon aylanishini va hayot sifatini yaxshilanishi, ruhiy va jismoniy stressni kamaytirishi) aniqlanagan.
Temir tanqisligi chaqirgan anemiyali pasiyentlarda Sorbifer va meldoniyni bir vaqtda qo‘llash natijasida qizil qon tanachalarida yog‘ kislotalarining tarkibi yaxshilangan.
Ishemiya/reperfuziya oqibatida yuz bergan shikastlanishlarni bartaraf qilish uchun meldoniyni orotat kislotasi bilan majmuada qo‘llanilganida qo‘shimcha farmakologik samara kuzatiladi.
Meldoniy yurakda azidotimidin (AZT) chaqirgan patologik o‘zgarishlarni bartaraf qilishga yordam beradi va, mitoxondriyalarni disfunksiyasiga olib keluvchi AZT chaqirgan oksidlanish stressi reaksiyalariga bilvosita ta’sir ko‘rsatadi. Meldoniyni azidotimidin yoki OITS ni davolash uchun boshqa preparatlar bilan majmuada qo‘llash orttirilgan immun tanqislik (OITS) ni davolashda ijobiy ta’sirga ega.
Etanol chaqirgan muvozanat refleksini yo‘qolishi yuzasidan o‘tkazilgan testda meldoniy uyquni davomiyligini kamaytirgan. Pentilentetrazol tomonidan chaqirilgan tirishishlari vaqtida meldoniyni tirishishlarga qarshi yaqqol ifodalangan ta’siri aniqlangan. O‘z navbatida, meldoniy bilan davolashdan oldin α2 adrenoblokatorini, yoximbinni 2 mg/kg dozada va azot oksidi sintazasi (AOS) ingibitori N-(G)-nitro-L-argininni 10 mg/kg dozada qo‘llanilganida meldoniyning tirishishlarga qarshi ta’siri to‘liq bloklanadi.
Meldoniyning dozasini oshirib yuborilishi siklofosfamid keltirib chiqargan kardiotoksiklikni kuchaytirishi mumkin.
Meldoniy qo‘llanilganida hosil bo‘ladigan karnitin tanqisligi ifosfamid keltirib chiqargan kardiotoksiklikni kuchaytirishi mumkin.
Indinavir keltirib chiqargan kardiotoksiklik va efavirenz keltirib chiqargan neyrotoksiklik yuzaga kelgan taqdirda meldoniy himoyalovchi ta’sir ko‘rsatadi.
Meldoniy saqlaydigan boshqa preparatlar bilan birgalikda qo‘llash mumkin emas, chunki nojo‘ya samaralarni namoyon bo‘lish xavfi oshishi mumkin.
Homiladorlik va emizish davrida
Homiladorlik va emizish davri
Meldoniyni homiladorlikka, embrion/homilani rivojlanishiga, tug‘ruqlarlar va tug‘ruqdan keyingi rivojlanishga ta’sirini aniqlash uchun hayvonlarda tadqiqotlar yetarli emas Odamlar uchun potensial xavfi noma’lum, shuning uchun preparatini homiladorlik vaqtida qo‘llash mumkin emas. Hayvonlardagi mumkin bo‘lgan ma’lumotlar meldoniyni ona sutiga ajralishidan dalolat beradi. Dorini odam ona sutiga ajralishi noma’lum. Yangi tug‘ilganlar/chaqaloqlar uchun xavfni istisno qilish mumkin emas, shuning uchun bolani ko‘krak bilan emizish vaqtida bu preparatni qo‘llash mumkin emas.
Transport boshqarishga ta’siri
Preparatni transport vositalarini boshqarish va murakkab mexanizmlar bilan ishlash qobiliyatiga ta’siri
Transport vositalarini boshqarish va mexanizmlar bilan ishlash qobiliyatiga ta’siriga oid tadqiqotlar o‘tkazilmagan.
Dozani oshirib yuborish
Dozani oshirib yuborilishi
Meldoniyning dozasini oshirib yuborilgan holatlar to‘g‘risida xabar berilmagan. Preparat kam zaharli va xavf soluvchi nojo‘ya ta’sirlarni chaqirmaydi.
Simptomlari: arterial qon bosimi past bo‘lganida bosh og‘riqlari, bosh aylanishi, taxikardiya, umumiy holsizlik bo‘lishi mumkin.
Davolash simptomatik. Dozani oshirib yuborilishining og‘ir holatlarida jigar va buyrak funksiyasini nazorat qilish lozim. Meldoniyni oqsillar bilan yaqqol bog‘lanishi tufayli meldoniyning dozasi oshirib yuborilganida gemodializ sezilarli ahamiyatga ega emas.
Farmakodinamikasi
Farmakodinamikasi
Meldoniy – odam organizmining har bir hujayrasida bo‘ladigan gamma-butirobetain moddasining strukturaviy analogidir.
Yuqori yuklama kuchli zo‘riqish sharoitlarida meldoniy hujayralarning kislorodga bo‘lgan ehtiyoji va uni yetkazib berilishi orasidagi muvozanatni tiklaydi, hujayralarda moddalar almashinuvining toksik mahsulotlarini to‘planishini bartaraf etib, ularni shikastlanishlardan himoya qiladi; shuningdek tonusni oshiruvchi ta’sir ko‘rsatadi. Uni qo‘llash natijasida organizm yuklamaga bardoshli va energetik zahiralarni tezda tiklash qobiliyatiga ega bo‘ladi. Ushbu xususiyatlari tufayli meldoniydan yurak-qon tomir tizimi faoliyatidagi, bosh miyani qon bilan ta’minlanishidagi turli buzilishlarni davolash, shuningdek jismoniy va aqliy ishlash qobiliyatini oshirish uchun foydalaniladi. Karnitin konsentrasiyasini pasayishi natijasida qon tomirlarini kengaytiruvchi xususiyatlarga ega bo‘lgan gamma-butirobetain kuchli ravishda sintezlanadi. Miokardni o‘tkir ishemik shikastlanish hollarida meldoniy nekrotik sohani hosil bo‘lishini sekinlashtiradi, reabilitasiya davrini qisqartiradi. Yurak yetishmovchiligida miokardni qisqaruvchanligini oshiradi, jismoniy yuklamaga tolerantlikni oshiradi, stenokardiya xurujlari sonini kamaytiradi. Bosh miya qon aylanishini o‘tkir va surunkali ishemik buzilishlarida ishemiya o‘chog‘ida qon aylanishini yaxshilaydi, qonni ishemiyaga uchragan soha foydasiga qayta taqsimlanishiga yordam beradi. Ko‘z tubining vaskulyar va distrofik patologiyasida samarali hisoblanadi. Preparat surunkali alkogolizm bilan xastalangan bemorlarda abstinensiya sindromida nerv tizimining funksional buzilishlarini bartaraf etadi.
Nevrologik xarakterga ega buzilish hollarida (bosh miya qon aylanishi buzilishlari, bosh miyadagi jarrohlik operasiyalari, bosh jarohatlari, o‘tkazilgan kana ensefalitidan keyin) sog‘ayish davrida jismoniy va intellektual funksiyalarni tiklanish jarayoniga ijobiy ta’sir qiladi.
Farmakokinetikasi
Farmakokinetikasi
So‘rilishi
Bir martalik peroral dozadan keyin qon plazmasida maksimal konsentrasiyasi (Cmax) 2,23-2,43 mkg/ml ni, takroriy dozalar qo‘llanilganidan keyin esa 2,77 mkg/ml ni tashkil etadi. Qon plazmasida maksimal konsentrasiyaga erishish vaqti (tmax) 1-3 soatni tashkil etadi. Peroral yuborilganida biokiraolishligi 78% ni tashkil etadi. Ovqat ushbu dori vositasini so‘rilishini biroz sekinlashtiradi.
Taqsimlanishi
Meldoniy qon oqimidan to‘qimalarga tez taqsimlanadi. Taqsimlanish hajmi 88,07±8,56 l ni tashkil etadi. Plazma oqsillari bilan bog‘lanish 78% ni tashkil etadi. Meldoniy va uning metabolitlari yo‘ldosh to‘sig‘i orqali qisman o‘tadi.
Biotransformasiyasi
Eksperimental hayvonlarda metabolizmni o‘rganish yuzasidan tadqiqotlarda meldoniyni asosan jigarda metabolizmga uchrashi aniqlangan.
Chiqarilishi
Meldoniy va uning metabolitlarini organizmdan chiqarilishida buyrak orqali ekskresiyasi muhim ahamiyat kasb etadi. Bir martalik dozani peroral qabul qilinganidan keyin meldoniyning organizmdan yarim chiqarilishining erta davri (t1/2) taxminan 3,5-4,0 soatni tashkil etadi. Takroriy dozalar qo‘llanganida meldoniyni yarim chiqarilish davri farqlanadi. Ushbu natijalar meldoniyni qon plazmasida to‘planishi mumkinligidan dalolat beradi.
Pasiyentlarning alohida guruhlari
Keksa yoshdagi pasiyentlar
Jigar yoki buyrak funksiyasining buzilishlari va taxmin qilingan biokiraolishligi yuqori bo‘lgan keksa yoshdagi pasiyentlarda meldoniyning dozasini pasaytirish lozim.
Buyrak funksiyasini buzilishlari
Buyrak funksiyasi kuchsizlangan va taxmin qilingan biokiraolishligi yuqori bo‘lgan pasiyentlarga meldoniyning dozasini pasaytirish lozim. Meldoniy yoki uning metabolitlari (masalan, 3-gidroksimeldoniy) va karnitinning buyrak reabsorbsiyasi jarayonida o‘zaro ta’sirlashuvi mavjud, buni natijasida karnitinning buyrak klirensi oshadi. Meldoniy, GBB va meldoniy/GBB majmuasining renin-angiotenzin-aldosteron tizimiga bevosita ta’siri yo‘q.
Jigar funksiyasini buzilishlari
Jigar funksiyasini buzilishlari va taxmin qilingan biokiraolishligi yuqori bo‘lgan pasiyentlarga meldoniyning dozasini pasaytirish lozim. Meldoniy 100 mg/kg dan ortiq dozada qo‘llanilganida, kalamushlarda preparatning toksikligini o‘rganishga oid tadqiqotlarda jigarni sariq rangga kirishi va yog‘larni denaturasiyasi aniqlangan. Meldoniyning yuqori dozalarini (400 mg/kg va 1600 mg/kg) qo‘llanganidan keyin hayvonlarda o‘tkazilgan gistopatologik tadqiqotlarda jigar hujayralarida yog‘larni to‘planishi aniqlangan. Meldoniyning 400-800 mg li yuqori dozalari qo‘llanganidan keyin odamlarda jigar funksiyasining ko‘rsatkichlarini o‘zgarishlari kuzatilmagan. Jigar hujayralarida yog‘larni infiltrasiyasini bo‘lishi mumkinligini istisno etish mumkin emas.
Pediatrik populyasiya
Meldoniyni bolalar va o‘smirlarda (18 yoshgacha) qo‘llash xavfsizligi va samaradorligi to‘g‘risida ma’lumotlar yo‘q, shuning uchun ushbu preparatni bolalar va o‘smirlarda qo‘llash mumkin emas.