
Meksidol
- Ishlab chiqaruvchi
- ЗАО ЗиО-Здоровье
- Mamlakat
- Rossiya
- Ro‘yxat raqami
- DV/X 00579/07/15
- Ruxsat muddati
- 22.04.2031 gacha
- Saqlash muddati
- 3 yil
- ATX kodi
- N07XX
Meksidol nima uchun ishlatiladi
Meksidol — etilmetilgidroksipiridin suksinat saqlovchi tabletka. Miya qon aylanishi buzilishi oqibatlari, ensefalopatiya, xavotir, holsizlik va boshqa holatlarda qo‘llanadi.
Miya qon aylanishi buzilishi oqibatlari
O‘tkir miya qon aylanishi buzilishi, jumladan o‘tkinchi ishemik xurujlardan keyingi oqibatlar (profilaktik kurslar sifatida); yengil bosh miya jarohati va bosh miya jarohatlari oqibatlari.
Ensefalopatiya va xotira buzilishlari
Turli sababli ensefalopatiyalar (qon aylanishi, modda almashinuvi buzilishi, jarohatdan keyingi, aralash); ateroskleroz sababli yengil kognitiv (bilish) buzilishlari.
Asab tizimi holatlari
Vegetativ distoniya sindromi; nevroz va nevrozga o‘xshash holatlardagi xavotir buzilishlari; holsizlik (asteniya); kuchli stress omillari ta’siri va shunday sharoitda kasalliklar rivojlanishining oldini olish.
Yurak ishemik kasalligi
Kompleks davolash tarkibida.
Alkogolizmda abstinensiya
Alkogolizmdagi abstinent sindromni (asosan nevrozga o‘xshash va qon tomir-vegetativ buzilishlar bilan) bartaraf qilish, abstinensiyadan keyingi buzilishlar; antipsixotik dorilar bilan o‘tkir zaharlanishdan keyingi holat.
Bolalarda DEGS
Bolalarda diqqat yetishmovchiligi va giperaktivlik sindromi (DEGS): giperaktivlik, diqqat buzilishi, impulsivlik.
Qancha va qanday qabul qilinadi
Rasmiy yo‘riqnoma bo‘yicha, 125 mg li tabletka uchun. Belgilar — bir martada ichiladigan tabletkalar soni.
Kimga mumkin, kimga mumkin emas
Homiladorlik Mumkin emas
Mumkin emas — ta’siri yetarli o‘rganilmagan.
Emizish davri Mumkin emas
Mumkin emas — ta’siri yetarli o‘rganilmagan.
Bolalar Ehtiyotkorlik bilan
6 yoshgacha mumkin emas. Bolalarda DEGS da 125 mg dan kuniga 2 marta, 6 hafta.
Laktozani ko‘tarmaslik Mumkin emas
Tarkibida laktoza bor. Galaktozani irsiy ko‘tarmaslik, laktaza yetishmovchiligi, glyukoza-galaktoza so‘rilishi buzilganda ichmang.
Jigar va buyrak Mumkin emas
Jigar va/yoki buyrak faoliyatining o‘tkir buzilishida mumkin emas.
Haydovchilar Ehtiyotkorlik bilan
Dori ichish davrida transport haydash va tez reaksiya talab qiladigan ishda ehtiyot bo‘ling.
Qo‘llash mumkin bo‘lmagan holatlar
- Dori yoki uning tarkibidagi moddalarga yuqori sezuvchanlik
- Jigar va/yoki buyrak faoliyatining o‘tkir buzilishi
- 6 yoshgacha bolalar (ta’siri yetarli o‘rganilmagan)
- Homiladorlik, emizish davri (ta’siri yetarli o‘rganilmagan)
- Laktozani ko‘tarmaslik, laktaza yetishmovchiligi, glyukoza-galaktoza so‘rilishi buzilishi
Tarkibi
125 mg li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Benzodiazepinlar, antidepressantlar, anksiolitiklar (xavotirga qarshi dorilar) Ehtiyotkorlik
Meksidol ularning ta’sirini kuchaytiradi.
Tutqanoqqa qarshi va Parkinsonga qarshi dorilar Ehtiyotkorlik
Meksidol ularning ta’sirini kuchaytiradi.
Etil spirti (alkogol) Ehtiyotkorlik
Meksidol uning zaharli ta’sirini kamaytiradi.
Boshqa kasalliklar dorilari Ehtiyotkorlik
Somatik kasalliklarni davolashda ishlatiladigan barcha dorilar bilan birga qo‘llanishi mumkin.
Ko‘p ichib qo‘ydingizmi?
Belgilari: uyquchanlik yoki uyqusizlik. Zaharliligi past bo‘lgani uchun dozani oshirib yuborish ehtimoli kam; odatda davolash talab qilinmaydi — belgilar bir sutka ichida o‘zi o‘tadi. Belgilar kuchli bo‘lsa, qo‘llab-quvvatlovchi va belgilarga qarab davolanadi.
Meksidol narxi
Davlat belgilagan eng yuqori chakana narx (referent narx). Har bir qadoq yonida narx belgilangan sana.
Manba: Farmatsevtika tarmog‘ini rivojlantirish agentligi, referent narxlar ro‘yxati.
Ko‘p beriladigan savollar
Meksidolni kuniga necha marta ichish kerak?
Kattalarga 125–250 mg (1–2 tabletka) dan kuniga 3 marta, sutkasiga ko‘pi bilan 750 mg. Boshida 1–2 tabletka kuniga 1–2 marta, keyin asta-sekin oshiriladi.
Meksidolni necha kun ichish kerak?
Odatda 2–8 hafta; alkogol abstinensiyasida 5–7 kun; yurak ishemik kasalligida kamida 1,5–2 oy. To‘xtatishda doza 2–3 kun davomida kamaytiriladi.
Bolaga Meksidol berish mumkinmi?
6 yoshdan. Bolalarda diqqat yetishmovchiligi va giperaktivlikda 125 mg dan kuniga 2 marta, 6 hafta. 6 yoshgacha mumkin emas.
Homiladorlikda Meksidol ichsa bo‘ladimi?
Yo‘q, homiladorlik va emizish davrida mumkin emas.
Meksidol mashina haydashga ta’sir qiladimi?
Dori ichish davrida transport haydash va tez reaksiya talab qiladigan ishlarda ehtiyot bo‘lish kerak.
Meksidol tarkibida laktoza bormi?
Ha. Laktozani ko‘tarmaslik, laktaza yetishmovchiligi va glyukoza-galaktoza so‘rilishi buzilganda ichish mumkin emas.
Rasmiy yo‘riqnoma
Rasmiy yo‘riqnomaning to‘liq matni
Tavsifi
dumaloq, ikki yoqlama qavariq shaklli, oqdan sarg‘ish oq tusli oq rangligacha bo‘lgan plyonka qobiq bilan qoplangan tabletkalar, o‘ziga xos hid bo‘lishiga yo‘l qo‘yiladi.
Qo‘llanilishi
miyada qon aylanishini o‘tkir buzilishlarining oqibatlari, shu jumladan tranzitor ishemik atakalardan keyin, subkompensasiya bosqichida profilaktik kurslar sifatida;
yengil bosh-miya jarohati, bosh-miya jarohatining oqibatlari;
turli genezli (dissirkulyator, dismetabolik, jaroxatdan keyingi, aralash) ensefalopatiyalar;
vegetativ distoniya sindromi;
aterosklerotik genezga ega yengil kognitiv buzilishlar;
nevrotik va nevrozga o‘xshash holatlardagi xavotirli buzilishlar;
yurak ishemik kasalliklarini kompleks davolash tarkibida;
nevrozga o‘xshash holatlar va asosan vegetativ qon-tomir buzilishlari bilan kechuvchi alkogolizmda abstinent sindromni bartaraf qilish, postabstinent buzilishlar;
antipsixotik vositalar bilan o‘tkir zaharlanishdan keyingi holat;
astenik holatlar, shuningdek ekstremal omillar va yuklamalarning ta’siri ostida somatik kasalliklarning rivojlanishini oldini olish uchun;
ekstremal (stress) omillarning ta’sirida;
bolalarda diqqat yetishmasligi bilan o‘ta faollik sindromida (DEO‘F), shu jumladan o‘ta faollik, diqqatni buzilishi, impulsivlikda qo‘llaniladi.
Qo‘llash usuli va dozalari
Ichga, 125-250 mg dan sutkada 3 marta qabul qilinadi; maksimal sutkalik doza – 750 mg.
Davolash davomiyligi – 2-8 hafta; alkogolli abstinensiyani bartaraf qilish uchun – 5-7 kun. Dozani 2-3 kun davomida kamaytirib, davolash, asta-sekin to‘xtatiladi.
Boshlang‘ich doza – 125-250 mg (1-2 tabletka) terapevtik samara olinguncha asta-sekin oshirish bilan sutkada 1-2 marta buyuriladi.
Miya qon aylanishining o‘tkir buzilishlarining ta’sirini davolash uchun, shu jumladan vaqtinchalik ishemik xurujlardan so‘ng, tabletkalarni preparat kursidan keyin vena ichiga va mushak ichiga yuborish uchun eritma shaklida buyuriladi.
Yurak ishemik kasalligi bo‘lgan bemorlarda davolash kursining davomiyligi kamida 1,5-2 oyni tashkil etadi. Takroriy kurslarni (shifokorning tavsiyasiga ko‘ra), bahor-kuz fasllarida o‘tkazgan afzal.
Bolalarda diqqat yetishmasligi o‘ta faollikni buzilishi (DEO‘F), shu jumladan o‘ta faollikni, diqqat buzilishi, impulsivlik: 6 hafta davomida sutkada 2 marta 125 mg dan.
Qo‘llash mumkin bo‘lmagan holatlar
o‘tkir jigar va/yoki buyrak buzilishlari;
preparatga va uning komponentlariga individual yuqori sezuvchanlik;
6 yoshgacha bo‘lgan bolalar (preparatning ta’siri yetarli o‘rganilmaganligi tufayli);
homiladorlik, emizish (preparatning ta’siri yetarli o‘rganilmaganligi tufayli);
laktozani o‘zlashtiraolmaslik, laktaza tanqisligi, glyukozo-galaktoza kam so‘rilishida qo‘llash mumkin emas.
Nojo‘ya ta’sirlar
Nojo‘ya samaralar tez-tezligi Jahon sog‘liqni saqlash tashkiloti (JSST) tasnifiga muvofiq aniqlanadi: juda tez-tez (≥10%); tez-tez (≥1%, biroq <10%); tez-tez emas (≥0,1%, biroq <1%); kam hollarda (≥0,01%, biroq <0,1%); juda kam hollarda (<0,01%); tez-tezligi noma’lum (mavjud ma’lumotlar asosida tez-tezligini aniqlash mumkin emas).
Immun tizimi tomonidan buzilishlar: juda kam hollarda – angionevrotik shish, eshakemi.
Ruxiy buzilishlar: juda kam hollarda - uyquchanlik.
Nerv tizimi tomonidan buzilishlar: juda kam hollarda – bosh og‘rig‘i.
Me’da-ichak buzilishlari: juda kam hollarda – og‘iz qurishi, ko‘ngil aynishi, epigastral sohada og‘riq, achishish va diskomfort, jig‘ildon qaynashi, meteorizm, diareya.
Teri va teri osti to‘qimalari tomonidan buzilishlar: juda kam hollarda – toshma, qichishish, giperemiya kuzatilishi mumkin.
Maxsus ko‘rsatmalar
Kam uchraydigan irsiy galaktozani o‘zlashtiraolmaydigan, laktaza tanqisligi, glyukoza-galaktoza malabsorbsiyasi bo‘lgan pasiyentlar ushbu preparatni qabul qilmasliklari tavsiya etiladi.
Homiladorlik va laktasiya davrida qo‘llanilishi
Meksidol® preparatini homiladorlik va laktasiya davrida qo‘llash mumkin emas.
Avtomobilni va murakkab mexanizmlarni boshqarish qobiliyatiga ta’siri
Preparatni qabul qilish davrida psixofizik reaksiyalar tezligini talab qiluvchi ishda (transport vositalarini, mexanizmlarni va boshqalar, boshqarishda) ehtiyotkorlikka rioya qilish lozim.
Boshqa dorilar bilan o‘zaro ta’siri
Meksidol® somatik kasalliklarni davolash uchun ishlatiluvchi barcha preparatlar bilan birga ishlatilishishi mumkin. Benzodiazepin preparatlari, antidepressantlar, anksiolitiklar, tirishishga qarshi vositalar va parkinsonizmga qarshi vositalarning ta’sirini kuchaytiradi. Etil spirtining zaharli ta’sirini kamaytiradi.
Homiladorlik va emizish davrida
Homiladorlik va laktasiya davrida qo‘llanilishi
Meksidol® preparatini homiladorlik va laktasiya davrida qo‘llash mumkin emas.
Transport boshqarishga ta’siri
Avtomobilni va murakkab mexanizmlarni boshqarish qobiliyatiga ta’siri
Preparatni qabul qilish davrida psixofizik reaksiyalar tezligini talab qiluvchi ishda (transport vositalarini, mexanizmlarni va boshqalar, boshqarishda) ehtiyotkorlikka rioya qilish lozim.
Dozani oshirib yuborish
Simptomlari: uyquchanlik, uyqusizlik.
Davolash: zaxarliligi kam bo‘lgani tufayli dozani oshirib yuborilishi extimoli kam. Odatda davolash talab qilinmaydi, simptomlari odatda bir sutka davomida o‘z o‘zidan o‘tib ketadi. Dozani oshirib yuborilishini yaqqol ko‘rinishlarida tutib turuvchi va simptomatik davo o‘tkaziladi.
Farmakodinamikasi
Farmadinamikasi
Ta’sir mexanizimi
Meksidol®ning ta’sir mexanizmi uning antioksidant, antigipoksant va membranaprotektor ta’siri bilan bog‘liq. U lipidlarning perekisli oksidlanishini ingibisiya qiladi, superoksiddismutazaning faolligini oshiradi, lipid-oqsil nisbatini oshiradi, membrananing qovushqoqligini kamaytiradi, uning oquvchanligini oshiradi.
Meksidol® membranaga bog‘liq fermentlar (kalsiyga bog‘liq bo‘lmagan fosfodiesteraza, adenilatsiklaza, asetilxolinesterazaning), reseptor komplekslarning (benzodiazepin, asetilxolin, gamma-aminomoy kislotasi (GAMK)) faolligini modulyasiya qiladi, bu ularning ligandalar bilan bog‘lanish xususiyatini kuchaytiradi, biomembranalarning struktur-funksional tuzilishini saqlanib qolishiga, neyromediatorlarning tashilishiga va sinaptik o‘tkazuvchanlikni yaxshilanishiga yordam beradi. Aerob glikolizning kompensator faollashuvini kuchayishini va gipoksiya sharoitida ATF va kreatinfosfatning miqdorini oshirishi orqali Krebs siklidagi oksidlanish jarayonlarini susayish darajasini pasayishini, mitoxondriyalarning energiyani sintez qiluvchi funksiyasini faollashishini, hujayra membranalarini barqarorlashishini chaqiradi.
Meksidol® bosh miyada dofamin miqdorini oshiradi.
Farmakodinamik samarasi
Meksidol® antigipoksik, stress-protektiv, nootrop, tirishishga qarshi va anksiolitik ta’sirga ega bo‘lgan erkin radikalli jarayonlarni ingibitori membrana protektori xisoblanadi. Preparat organizmni turli shikastlovchi omillarning (shok, gipoksiya va ishemiya, miyada qon aylanishini buzilishi, alkogol va antipsixotik vositalar (neyroleptiklar) bilan zaharlanish) ta’siriga chidamliligini oshiradi. Antistress ta’siri stressdan keyingi xatti-harakatlarni normallashtirishda, somatovegetativ buzilishlarda, uyqu-uyg‘onish davrlarini tiklashda, o‘rganish va xotiraning buzilgan jarayonlarida, miyaning turli tuzilmalarida distrofik va morfologik o‘zgarishlarni pasayishida namoyon bo‘ladi. Gipolipidemik ta’sirga ega, umumiy xolesterin va past zichlikdagi lipoproteidlar (PZLP) ning miqdorini kamaytiradi. Meksidol® ishemiyaga uchragan miokardning funksional holatini yaxshilaydi. Koronar yetishmovchilik sharoitida ishemiyaga uchragan miokardni kollateral qon bilan ta’minlanishini oshiradi, kardiomiositlarni butligini saqlanishiga va ularning funksional faolligini tutib turishga yordam beradi. Yurakni qaytar disfunksiyasida miokardning qisqaruvchanligini samarali tiklaydi. Gemolizda qon hujayralarining (eritrositlar va trombositlar) membrana strukturalarini barqarorlashtiradi. Preparat bosh miyaning metabolizmi va qon bilan ta’minlanishini yaxshilaydi, mikrosirkulyasiyani va qonning reologik xususiyatlarini yaxshilaydi, trombositlar agregasiyasini kamaytiradi.
Meksidol® 6-12 yoshli bolalarda diqqat yetishmasligi o‘ta faollikni buzilishining yaqqolligini sezilarli darajada kamaytiradi: e’tiborsizlik, o‘ta faollik/impulsivlik belgilarining og‘irligini kamaytiradi, klinik yaxshilanishga yordam beradi. DEO‘F da preparatni qo‘llash diqqatni yuqori konsentrasiyasiga va diqqatni jamlash qobiliyatini oshirishga, qat’iyatlilikni oshirishga, o‘ta faollik belgilarini kamaytirishga va impulsivlikni kamaytirishga yordam beradi, bu esa bolalarning o‘rganish va ijtimoiy moslashuvini yaxshilashga yordam beradi.
Meksidol® abstinent sindromda yaqqol antitoksik ta’sirga ega. U o‘tkir alkogolli zaharlanishning nevrologik va neyrotoksik ko‘rinishlarini bartaraf etadi, xulq buzilishlarini, vegetativ funksiyani tiklaydi, shuningdek etanolni uzoq vaqt qabul qilish va uni bekor qilish chaqirgan kognitiv buzilishlarni bartaraf qilish xususiyatga ham ega. Meksidol®ning ta’siri ostida trankvilizator, neyroleptik, antidepressant, uxlatuvchi va tirishishga qarshi vositalarning ta’siri kuchayadi, bu ularning dozasini pasaytirish va nojo‘ya samaralarni kamaytirish imkonini beradi.
Klinik samaradorligi va xavfsizligi
O‘tkir va erta tiklanish davrida yarim shar ishemik insulti bo‘lgan pasiyentlarda uzoq muddatli ketma-ket terapiyada Meksidol® III bosqichining (EPIKA) samaradorligi va xavfsizligini randomizasiyalangan, ikki tomonlama ko‘r-ko‘rona, plasebo nazoratidagi, paralell guruhli 40 yoshdan 79 yoshgacha bo‘lgan 150 nafar pasiyentlar ishtirokida tadqiqotlar o‘tkazildi. Pasiyentlarning birinchi guruhi 10 kun davomida sutkada 500 mg v/i Meksidol® ni, so‘ngra 8 hafta davomida sutkada 3 marta (125 mg) 1 tabletka, va simptomlar va funksional buzilishlarning sezilarli darajada kamayishini ko‘rsatdi. Terapiya oxirida o‘zgartirilgan Renkin shkalasi bo‘yicha plasebo bilan solishtirganda hayotiy faoliyatning sezilarli darajada yaxshilanishi va milliy Sog‘liqni saqlash institutlarining (NIHSS) insult shkalasi bo‘yicha nevrologik tanqislikning sezilarli darajada pasayishi kuzatildi. Preparat funksional tiklanishni yaxshilashga yordam berdi – fazoda harakatlanish muammosi bo‘lmagan pasiyentlarning ulushi Meksidol terapiyasi guruhida sezilarli darajada yuqori bo‘lgan. Subanaliz natijalariga ko‘ra, Meksidol® preparatining ishlatilgan barcha o‘lchovlar bo‘yicha samaradorligi va xavfsizligi barcha yosh guruhlarida taqqoslangan.
Meksidol® preparatining samaradorligi va xavfsizligini baholash uchun ko‘p markazli randomizasiyalangan ikki tomonlama ko‘r-ko‘rona uchta parallel guruhda plasebo nazorati ostida klinik tadqiqotlar 6-12 yoshli bolalarda diqqat yetishmasligi o‘ta faollik sindromi buzilishini davolashda, 125 mg plyonka qobiq bilan qoplangan tabletkalar turli dozalash tartibida (MEGA) 333 nafar pasiyentlar ishtirokida o‘tkazildi.
Meksidol® ning plaseboga nisbatan yuqori samaradorligi isbotlangan. Terapiyaning 6 haftalik yakunida SNAP-IV shkalasining "e’tiborsizlik", "o‘ta faollik/impulsivlik" subshkala bo‘yicha umumiy ball yig‘indisida statistik jihatdan muhim o‘zgarishlar, SNAP-IV shkalasining "e’tiborsizlik" uchun ballarning o‘rtacha o‘zgarishi, SNAP-IV shkalasining "o‘ta faollik/impulsivlik" subshkala uchun ballarning o‘rtacha o‘zgarishi, SNAP-IV shkalasining Konnersa indeksi bo‘yicha o‘rtacha ball o‘zgarishi, ADHD Rating Scale IV shkalasi bo‘yicha qiymatining o‘rtacha o‘zgarishi, DEO‘F (Clinical Global Impressions-ADHD-Severity, CGI-ADHD-S) og‘ir darajali klinik taassurotlari shakalasi, umumiy klinik taassurot-yaxshilanish shkalasi ballari (The Clinical Global Impressions Scale – Improvement, CGI-I).
Nojo‘ya hodisalarning (NX) uchrash tez-tezligini statistik taxlil qilish natijalari, laboratoriya tekshiruvlari va fizik tekshiruvlar natijalari o‘rganilayotgan Meksidol® preparati va Plasebo dozalash tartibining xavfsizlik profillarining taqqoslanadigan xususiyatini ko‘rsatadi.
Farmakokinetikasi
Farmakokinetikasi
So‘rilishi
Ichga qabul qilinganida tez so‘riladi. 400-500 mg dozalarda qabul qilinganda maksimal konsentrasiyasi 3,5-4,0 mkg/ml ni tashkil etadi. A’zolar va to‘qimalarga tez taqsimlanadi.
Taqsimlanishi
Preparatni ichga qabul qilishda organizmda o‘rtacha ushlab turish vaqti 4,9 - 5,2 soatni tashkil qiladi.
Biotransformasiyasi
Jigarda glyukuronkon’yugirlanish orqali metabolizmga uchraydi. 5 ta metabolit aniqlandi: 3-oksipiridina fosfat - jigarda hosil bo‘ladi va ishqoriy fosfataza ishtirokida fosfor kislotasi va 3-oksipiridinga parchalanadi; 2-chi-metabolit-farmakologik jihatdan faol, ko‘p miqdorda hosil bo‘ladi va yuborilgandan so‘ng 1-2 kun o‘tgach siydikda aniqlanadi; 3-chi-siydik bilan ko‘p miqdorda chiqariladi; 4-chi va 5-chi-glyukuronkon’yugatlar.
Chiqarilishi
Ichga qabul qilinganida yarim chiqarilish davri (T1/2) – 2,0-2,6 soatni tashkil etadi. Siydik bilan asosan metabolitlari ko‘rinishida va ahamiyatsiz miqdorda – o‘zgarmagan holda tez chiqariladi. Preparat qabul qilinganidan keyin birinchi 4 soat davomida juda jadal chiqariladi. O‘zgarmagan preparat va metabolitlarning siydik bilan chiqarilish ko‘rsatkichlari individual o‘zgaruvchanlikka ega.