





Magniya Sulfat
- Ishlab chiqaruvchi
- СП ООО Jurabek Laboratories
- Mamlakat
- O‘zbekiston
- Ro‘yxat raqami
- DV/M 00362/10/15
- Ruxsat muddati
- 28.11.2030 gacha
- Saqlash muddati
- 3 yil
- ATX kodi
- B05XA05
Magniya Sulfat nima uchun ishlatiladi
Magniya Sulfat — magniy tuzi eritmasi. Qon bosimini tushiradi, tutqanoqni to‘xtatadi, organizmda magniy yetishmovchiligini to‘ldiradi. Bemor yotgan holatda yuboriladi.
Yuqori qon bosimi
Arterial gipertenziya, jumladan miya shishi bilan kechadigan gipertonik kriz.
Yurak ritmi buzilishi
«Piruet» tipidagi polimorf qorincha taxikardiyasi.
Tutqanoq
Tutqanoq sindromi; eklampsiyada tutqanoqni to‘xtatish, og‘ir preeklampsiyada uning oldini olish.
Bachadon tetanusi
Bachadonning kuchli qisqarishlarini bo‘shashtirish.
Magniy yetishmovchiligi
Gipomagniyemiya, jumladan faqat vena orqali oziqlanayotganlarda; o‘tkir gipomagniyemiya (tetaniya).
Epileptik status
Murakkab davo tarkibida epileptik statusni to‘xtatish uchun ham qo‘llanishi mumkin.
Zaharlanish
Og‘ir metall tuzlari (simob, margimush, tetraetilqo‘rg‘oshin) bilan zaharlanishda kompleks davo tarkibida.
Qancha va qanday qabul qilinadi
Rasmiy yo‘riqnoma bo‘yicha, 25% eritma (1 ml da 250 mg). Doza klinik holatga qarab individual belgilanadi. Vena ichiga sekin yoki tomchilab; mushak ichiga faqat vena ichiga yuborib bo‘lmaganda.
Kimga mumkin, kimga mumkin emas
Homiladorlik Ehtiyotkorlik bilan
Faqat shifokor buyrug‘i bilan, foyda xavfdan ustun bo‘lsa. Tug‘ruqdan oldingi 2 soatda mumkin emas (boshqa vositalar tutqanoqni to‘xtata olmagan holatdan tashqari).
Emizish davri Mumkin emas
Ona sutiga o‘tadi — qo‘llash zarur bo‘lsa, emizish to‘xtatiladi.
Bolalar Ehtiyotkorlik bilan
Chaqaloqlikdan mushak ichiga va vena ichiga tomchilab, ehtiyotkorlik bilan. 18 yoshgacha ehtiyotkorlik talab qilinadi.
Buyrak Ehtiyotkorlik bilan
Kreatinin klirensi 20 ml/min dan past bo‘lsa — mumkin emas; undan yuqorida ehtiyotkorlik bilan, kamaytirilgan dozada.
Keksalar Ehtiyotkorlik bilan
Ehtiyotkorlik bilan, odatda kamaytirilgan dozada.
Nafas markazi Ehtiyotkorlik bilan
Katta dozalar nafas markazini falajlashi mumkin. Miasteniya, nafas a’zolari kasalliklari, oshqozon-ichak o‘tkir yallig‘lanishi, yurak blokadasi va miokard zararlanishida ehtiyotkorlik bilan. Texnetsiy ishlatiladigan radiologik tekshiruv natijalari buzilishi mumkin.
Haydovchilar Ehtiyotkorlik bilan
Katta dozalarda nerv-mushak o‘tkazuvchanligini susaytiradi, shuning uchun davolash davrida avtomobil haydashda va diqqat hamda tez reaksiya talab qiladigan xavfli ishlarda ehtiyot bo‘lish kerak.
Qo‘llash mumkin bo‘lmagan holatlar
- Dorga yuqori sezuvchanlik
- Atrioventrikulyar blokada
- Sekin yurak urishi (bradikardiya)
- Og‘ir buyrak yetishmovchiligi (kreatinin klirensi 20 ml/min dan past)
- Og‘ir past qon bosimi
- Kalsiy yetishmovchiligi va nafas markazi susayishi bilan bog‘liq holatlar
- Tug‘ruqdan oldingi davr (tug‘ruqdan 2 soat oldin)
- Ehtiyotkorlik bilan: miasteniya, surunkali buyrak yetishmovchiligi (klirens 20 ml/min dan yuqori), nafas a’zolari kasalliklari, oshqozon-ichakning o‘tkir yallig‘lanishi, keksa yosh, homiladorlik, emizish, 18 yoshgacha
Tarkibi
25% li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Kalsiy preparatlari, etanol (yuqori konsentratsiyada), karbonatlar, gidrokarbonatlar, fosfatlar, margimush kislotasi, bariy, stronsiy tuzlari, klindamitsin fosfat, gidrokortizon, natriy suksinat, polimiksin B, prokain, salitsilatlar, tartratlar Birga ichilmaydi
Eritmada mos kelmaydi — cho‘kma hosil bo‘ladi.
Boshqa dorilar Ehtiyotkorlik
Magniy sulfat bilan birga boshqa dori qabul qilinsa, buni shifokorga aytish kerak.
Tinchlantiruvchi, narkotik va og‘riq qoldiruvchi dorilar, miorelaksantlar Ehtiyotkorlik
Ularning ta’siri kuchayadi.
Nifedipin Ehtiyotkorlik
Og‘ir bosim tushishi va nerv-mushak blokadasi.
Gentamitsin Ehtiyotkorlik
Qonda magniy yuqori bo‘lgan emizikli bolada nafas to‘xtashi holati tasvirlangan.
Ichiladigan antikoagulyantlar, yurak glikozidlari, fenotiazinlar (xlorpromazin) Ehtiyotkorlik
Ularning samarasi kamayadi.
Siprofloksatsin, etidron kislotasi, streptomitsin, tobramitsin Ehtiyotkorlik
So‘rilishi yoki ta’siri kamayadi.
Kalsiy tuzlari Ehtiyotkorlik
Magniy ularning ta’sirini susaytiradi; magniy ortiqchaligida antidot sifatida kalsiy xlorid yoki glyukonat qo‘llanadi.
Ko‘p ichib qo‘ydingizmi?
Belgilari: tizza refleksi yo‘qolishi, ko‘ngil aynishi, qusish, qon bosimining keskin tushishi, yurak sekinlashishi, nafas va markaziy nerv tizimi susayishi. Davo: vena ichiga sekin 5–10 ml 10% kalsiy xlorid yoki kalsiy glyukonat, kislorod, sun’iy nafas, dializ.
Magniya Sulfat narxi
Davlat belgilagan eng yuqori chakana narx (referent narx). Har bir qadoq yonida narx belgilangan sana.
Manba: Farmatsevtika tarmog‘ini rivojlantirish agentligi, referent narxlar ro‘yxati.
Ko‘p beriladigan savollar
Magniy sulfat qanday yuboriladi?
Asosan vena ichiga sekin yoki tomchilab, bemor yotgan holatda; mushak ichiga faqat vena ichiga yuborib bo‘lmaganda. Har takroriy yuborishdan oldin tizza refleksi tekshiriladi.
Bosim oshganda qancha yuboriladi?
Gipertonik krizda vena ichiga juda sekin 1,25–5 g (5–20 ml). Doza klinik holatga qarab individual belgilanadi.
Homiladorlikda mumkinmi?
Faqat shifokor buyrug‘i bilan, foyda xavfdan ustun bo‘lsa (masalan, preeklampsiya va eklampsiyada). Tug‘ruqdan oldingi 2 soatda mumkin emas.
Emizish paytida mumkinmi?
Ona sutiga o‘tadi — qo‘llash zarur bo‘lsa, emizish to‘xtatiladi.
Bolalarga beriladimi?
Chaqaloqlikdan ehtiyotkorlik bilan, mushak ichiga yoki tomchilab. Tutqanoqda 20–40 mg/kg mushak ichiga.
Rasmiy yo‘riqnoma
Rasmiy yo‘riqnomaning to‘liq matni
Tavsifi
: rangsiz, tiniq suyuqlik.
Qo‘llanilishi
• Arterial gipertenziya (shuningdek miya shishi belgilari bilan kechuvchi gipertonik kriz); • Polimorf qorinchalar taxikardiyasi («piruet» tipida); • Tirishish sindromi; • Eklamsiyadagi (tirishini oldini olish uchun), og‘ir preeklamsiyadagi tirishish sindromi (tirishishni yo‘qotish uchun),; • Bachadonni kuchli qisqarishini bartaraf etish uchun (bachadon tetanusi); • Gipomagniyemiya (shuningdek faqat parenteral oziqlanayotgan pasiyentlarda) va o‘tkir gipomagniyemiya-tetaniya • Og‘ir metall tuzlari bilan zaxarlanganda (simob, margimush, tetraetilqo‘rg‘oshin)- majmuaviy davolash tarkibida qo‘llaniladi.
Qo‘llash usuli va dozalari
Vena ichiga (oqim bilan sekin yoki tomchilab). Pasiyent yotgan holatda bo‘lishi kerak. Magniy sulfati eritmasini 0,9% natriy xloridi eritmasi yoki 5% dekstroza (glyukoza) eritmasida suyultirish mumkin. Mushak ichiga yuborishni faqat preparatni vena ichiga yuborish mumkin bo‘lmaganida, masalan, periferik tomirlarga yuborish imkoni bo‘lmaganida qo‘llash kerak Preeklampsiya va eklampsiya: doza klinik holatga qarab individual belgilanadi. To‘yinrish dozasi: 2-4 g (8-16 ml) 5-20 minut davomida (v/i infuziya). Ushlab turuvchi doza: soatiga. 1-2 g (4-8 ml). Bachadon tetaniyasi: To‘yintirish dozasi 20 minut ichida (infuziya) 4 g (16 ml). Ushlab turuvchi doza dastlab soatiga 1-2 g (4-8 ml), so‘ngra soatiga 1 g (4 ml) (24-72 soat davomida v/i tomchilab yuborish ham mumkin). Gipomagniyemiya: Kattalardagi yengil gipomagniyemiya. Og‘iz orqali magniy preparatlarini yuborish mumkin bo‘lmasa yoki maqsadga muvofiq bo‘lmasa (ko‘ngil aynishi, qusish, me’dada so‘rilishning buzilishi va boshqalar tufayli) magniy sulfati eritmasi parenteral ravishda ishlatiladi. Sutkalik doza - 1-2 g (250 mg/ml vena ichiga va mushak orasiga yuborish uchun 4-8 ml eritma). Bu doza bir marta yoki 2-3 qabulda yuboriladi. Yuborish joylarini almashtirib turish kerak. Kattalardagi og‘ir gipomagniyemiya - Boshlang‘ich doza – 5 g (250 mg/ml vena ichiga va mushak orasiga yuborish uchun 20 ml eritma) vena ichiga sekin 1 l infuzion eritmada (0.9% natriy xloridi eritmasi yoki 5% dekstroza (glyukoza) eritmasi). Doza qon zardobidagi magniy ionlarining tarkibiga qarab belgilanadi. Faqat parenteral oziqlanuvchi pasiyentlarda gipomagniyemiyaning oldini olish: agar ozuqa eritmalarida magniy bo‘lmasa, uni qo‘shimcha qo‘shiladi. Sutkalik doza 1.5-4 g (6-16 ml), odatda 1 l parenteral oziqlanish eritmasiga 1 g magniy sulfati qo‘shiladi. Gipertonik krizda magniy sulfatini vena ichiga 1,25-5 g (5-20 ml) (sekin!) yuboriladi. Aritmiyani bartaraf etish uchun vena ichiga 1-2 g (4-8 ml) taxminan 5 minut davomida yuboriladi, takror yuborish mumkin. Tirishish holatida 5-10-20 ml 25 % eritmasi mushak orasiga yuboriladi (tirishish sindromining darajasiga ko‘ra). Magniy sulfati antidot sifatida qo‘llaniladi: simob, margimush va tetraetilqo‘rg‘oshin bilan zaharlanishda – 5 ml dan 25% eritmani vena ichiga oqim bilan. Bolalar Bolalarda yangi tug‘ilgan davrdan mushak ichiga va vena ichiga tomchilab qo‘llaniladi. Magniy preparatlari gipermagniyemiya va nafas to‘xtashi, yurak to‘xtashi, arterial gipotenziya rivojlanishiga olib kelishi ehtimoli tufayli yangi tug‘ilgan chaqaloqlarga vena ichiga oqim bilan yuborish tavsiya etilmaydi. Bolalarga tirishishni bartaraf etish uchun preparat mushak ichiga 20-40 mg/kg (0.08-0.16 ml/kg 25% li eritma) miqdorda buyuriladi. Yangi tug‘ilgan chaqaloq organizmida magniy tanqisligini bartaraf etish uchun sutkalik doza - tana vazniga nisbatan 0,5-0,8 ml/kg, vena ichiga asta-sekin, kuniga bir marta 5-8 kun davomida. Tug‘ruqda og‘ir gipoksiya bo‘lgan bolalarga tana vazniga nisbatan 0,2 ml/kg, dozani 0,8 ml/kg gacha oshirib, 3-4 kun davomida yuboriladi. Faqat parenteral oziqlanadigan chaqaloqlarda va bolalarda gipomagniyemiyaning oldini olishda ushlab turuvchi dozalar diapozoni kuniga 0.25 g dan 1.25 g gacha (1-5 ml eritma) tashkil qiladi, bu doza yuboriladigan eritmaning butun hajmida bir xilda suyultiriladi (0.9% natriy xlorid eritmasi yoki 5% dekstroza(glyukoza) eritmasi. Magniy sulfatini qayta in’eksiya qilishdan oldin tizza refleksini tekshirish lozim. Agar refleks yo‘qolgan bo‘lsa, preparatni yuborish mumkin emas! Magniy sulfatining yuqori sutkalik dozasi kattalar uchun – 40 g (buyraklarning normal funksiyasida 160 ml). Buyraklar funksiyasi buzilganida kattalar uchun magniy sulfatining maksimal sutkalik dozasi 48 soat davomida 20 g (80 ml) dan ko‘p emas.
Qo‘llash mumkin bo‘lmagan holatlar
• Preparatga yuqori sezuvchanlik; • Atrioventikulyar blokada; • Bradikardiya; • Yaqqol buyrak yetishmovchiligi (kreatinin klirensi 20 ml/min.dan past); • Yaqqol arterial gipotenziya; • Kalsiy yetishmovchiligi va nafas markazini susayishi bilan bog‘lik bo‘lgan holatlar; • Tug‘ruqdan oldingi davr (tug‘ishdan 2 soat oldin); Ehtiyotkorlik bilan: • Miasteniya; • Surunkali buyrak yetishmovchiligi ( kreatinin klirensi 20ml/min yuqori); • Nafas a’zolari kasalliklari; • Me’da-ichak yo‘llarining o‘tkir yallig‘lanish kasalliklari; • Keksa yosh; • Homiladorlik, emizish davri; • 18 yoshgacha bo‘lgan bolalar.
Nojo‘ya ta’sirlar
Nerv tizimi tomonidan buzilishlar: reflekslarni susayishi, xavotirlik, kuchli sedasiya. Yurak tomonidan buzilishlar: qon aylanishini o‘tkir yetishmovchiligi, yurak qisqarishlar sonini kamayishi, elektrokardiogrammada o‘zgarishlar. Tomirlar tomonidan buzilishlar: arterial bosimni kuchli pasayishi. Nafas tizimi, ko‘krak qafasi va ko‘ks oralig‘i a’zolari tomonidan buzilishlar: nafas chastotasini kamayishi, xansirash. Mushak, skelet tizimi va biriktiruvchi to‘qima tomonidan buzilishlar: mushak tonusini susayishi. Buyraklar va siydik yo‘llari tomonidan buzilishlar: poliuriya. Reproduktiv tizim va sut bezlari tomonidan buzilishlar: bachadon atoniyasi. Umumiy buzilishlar va yuborish sohasida reaksiyalar: giperemiya, gipotermiya, gipergidroz. Alohida nojo‘ya reaksiyalar ta’rifi Preparat nafas markazining qo‘zg‘aluvchanligini pasaytiradi, preparatning katta dozalari parenteral yuborilganida nafas markazi falajini keltirib chiqarishi mumkin. Gipermagniyemiyaning erta belgilari va simptomlari: bradikardiya, diplopiya, yuz terisiga to‘satdan qon «quyilishi», bosh og‘rig‘i, arterial bosimni pasayishi, ko‘ngil aynishi, xansirash, nutqni noaniqligi, qusish, asteniya. Magniy ionlarining qon zardobidagi konsentrasiyasini oshib borishiga ko‘ra gipermagniyemiya belgilari: chuqur pay reflekslarini pasayishi (2–3,5 mmol/l), elektrokardiogrammada PQ intervalini uzayishi va QRS kompleksini kengayishi (2,5–5 mmol/l), chuqur pay reflekslarini yo‘qolishi (4–5 mmol/l), nafas markazini susayishi (5–6,5 mmol/l), yurakda o‘tkazuvchanlikni buzilishi (7,5 mmol/l), yurak to‘xtashi (12,5 mmol/l).
Maxsus ko‘rsatmalar
Nafas markazining falajiga oson olib keladigan zaharli konsentrasiya hosil bo‘lmasligi uchun preparatni ehtiyetkorlik bilan qo‘llash kerak. Uzoq muddat qo‘llanganida qon bosimi, yurak funksiyasi, pay reflekslari, buyraklar funksiyasi va nafas olish tezligini kuzatish tavsiya etiladi. Kalsiy va magniy tuzlarini bir vaqtning o‘zida yuborish kerak bo‘lsa dorilarni turli venalarga yuborish kerak. Tanqislik holatlarini davolashda magniyning buyraklar orqali ekskresiyasini kuchayishi va gipermagniyemiya yuzaga kelishidan qochish uchun ehtiyotkorlikka rioya qilish kerak. Magniy sulfati qo‘llanganida texnesiy bilan o‘tkaziladigan radiologik tekshiruvlarning natijalari o‘zgarishi mumkin. Yurak blokadasida, miokard shikastlanishida, nafas a’zolari kasalliklarda, OIT o‘tkir yallig‘lanish kasalliklarida, homiladorlikda ehtiyotkorlik bilan qo‘llanilishi lozim. Preparatni tug‘ruqqacha bo‘lgan davrning so‘nggi ikki soati davomida yuborish tavsiya etilmaydi (boshqa vositalar bilan tirishishni to‘xtatish imkoni bo‘lmagan holatlardan tashqari). Epileptik statusni bartaraf qilish uchun (kompleks davo tarkibida) qo‘llash mumkin. Homiladorlik va laktasiya davrida qo‘llanilishi Homiladorlik Homiladorlik davrida magniy sulfati faqat ona uchun kutilgan foyda homila uchun potensial xavfdan ortiq bo‘lgan hollarda ehtiyotkorlik bilan faqat shifokor ko‘rsatmasi asosida ishlatiladi. Tug‘ruqdan oldingi davrda (tug‘ruqdan 2 sovt oldin) preparatni qo‘llash qarshi ko‘rsatilgan. Ko‘krak bilan emizish davri Emizish davrida preparat faqat ona uchun kutilgan foyda bola uchun potensial xavfdan ortiq bo‘lgan hollarda faqat shifokor ko‘rsatmasi asoida ishlatiladi. Magniy sulfati ko‘krak sutiga o‘tadi, shuning uchun laktasiya davrida preparatdan foydalanish lozim bo‘lsa emizishni to‘xtatish kerak Bolalarda qo‘llanilishi Bolalarda mushak ichiga va vena ichiga tomchilab ehtiyotkorlik bilan qo‘llanilsin. Yangi tug‘ilgan chaqaloqlarga magniy preparatlarini vena ichiga oqim bilan yuborish mumkin emas, chunki gipermagnemiya va nafas to‘xtashi, yurak to‘xtashi, arterial gipotenziya rivojlanishi mumkin. Keksalarda qo‘llanilishi Keksa yoshdagi bemorlarga odatda pasaytirilgan dozalarda ehtiyotkorlik bilan qo‘llanilishi kerak. Buyraklar funksiyasi buzilganida qo‘llanilishi Buyraklar funksiyasi buzilgan pasiyentlarda preparatni kamroq dozalarda ehtiyotkorlik bilan qo‘llash lozim. Avtotransportni boshqarish yoki boshqa mexanizmlar bilan ishlashda reaksiya tezligiga ta’sir qilish xususiyati Preparat katta dozalarda nerv-mushak o‘tkazuvchanligini susaytirgani uchun davolash davrida diqqatning kuchli jamlanishini va psixomotor reaksiyalarning tezligini talab qiluvchi potensial xavfli faoliyat turlari bilan shug‘ullanish va transport vositalarini boshqarishda ehtiyotkorlikka
Boshqa dorilar bilan o‘zaro ta’siri
Magniy sulfati bilan birga boshqa dori vositalarini qabul qilayotgan bemorlar bu haqida shifokorni ogohlantirishlari lozim. Preparat sedativ vositalar, narkotiklar, analgetiklar va miorelaksantlar bilan birga yuborilganida ularning ta’sirini kuchaytiradi, kalsiy tuzlarining ta’sirini susaytiradi. Nifedipin bilan birga qo‘llash og‘ir gipotenziya va nerv –mushak o‘tkazuvchanligini blokadasiga olib kelishi mumkin. Qon plazmasida magniyning konsentrasiyasi yuqori bo‘lgan emizikli bolada magniy sulfati bilan davolash fonida gentamisin qo‘llanganida nafas to‘xtashi holati ta’riflangan. Peroral antikoagulyantlar (shu jumladan kumarin hosilalarn yoki indandion derivatlari), yurak glikozidlari, fenotiazinlarning (ayniqsa xlorpromazinni) samarasini kamaytiradi. Siprofloksasin, etidron kislotasining so‘rilishini pasaytiradi, streptomisin va tebromisinning ta’sirini susaytiradi. Magniy sulfatining dozasi oshirib yuborilganida antidot sifatida kalsiy preparatlari – kalsiy xloridi yoki kalsiy glyukonati qo‘llaniladi. Kalsiy preparatlari, etanol (yuqori konsentrasiyalarda) karbonatlar, ishqoriy metallarning gidrokarbonatlari va fosfatlari, margimush kislotasi tuzlari, bariy, stronsiy tuzlari, klindamisin fosfati, gidrokortizon, natriy suksinati, polimiksin V sulfati, prokain gidroxloridi, salisilat va tartratlar bilan farmasevtik nomutanosib (cho‘kma hosil bo‘ladi).
Homiladorlik va emizish davrida
Homiladorlik Homiladorlik davrida magniy sulfati faqat ona uchun kutilgan foyda homila uchun potensial xavfdan ortiq bo‘lgan hollarda ehtiyotkorlik bilan faqat shifokor ko‘rsatmasi asosida ishlatiladi. Tug‘ruqdan oldingi davrda (tug‘ruqdan 2 sovt oldin) preparatni qo‘llash qarshi ko‘rsatilgan. Ko‘krak bilan emizish davri Emizish davrida preparat faqat ona uchun kutilgan foyda bola uchun potensial xavfdan ortiq bo‘lgan hollarda faqat shifokor ko‘rsatmasi asoida ishlatiladi. Magniy sulfati ko‘krak sutiga o‘tadi, shuning uchun laktasiya davrida preparatdan foydalanish lozim bo‘lsa emizishni to‘xtatish kerak
Transport boshqarishga ta’siri
Preparat katta dozalarda nerv-mushak o‘tkazuvchanligini susaytirgani uchun davolash davrida diqqatning kuchli jamlanishini va psixomotor reaksiyalarning tezligini talab qiluvchi potensial xavfli faoliyat turlari bilan shug‘ullanish va transport ositalarini boshqarishda ehtiyotkorlikka rioya qilish zarur.
Dozani oshirib yuborish
Simptomlari Tizza refleksini yo‘qolishi, ko‘ngil aynishi, arterial bosimni keskin pasayishi, bradikardiya, nafasni susayishi va markaziy nerv tizimi faoliyatini susayishi. Davolash Darhol 5-10 ml 10% li kalsiy xloridi yoki kalsiy glyukonati eritmasini vena ichiga yuborish, oksigenoterapiya o‘tkazish, sun’iy nafas o‘tkazish, peritoneal dializ yoki gemodializ, simptomatik terapiya o‘tkazish kerak.
Farmakodinamikasi
Tirishishga qarshi ta’siri Magniy nerv-mushak sinapslaridan asetilxolin ajralishini kamaytiradi, shu bilan nerv-mushak o‘tkazuvchanligini susaytiradi, MNTga bevosita susaytiruvchi ta’sir ko‘rsatadi. Antiaritmik ta’siri Magniy kardiomiositlarning qo‘zg‘aluvchanligini susaytiradi, ionlar muvozanatini tiklaydi, hujayra membranalarini stabillashtiradi, natriy oqimini, kalsiyning sekin kiruvchi oqimi va kaliyning bir tomonlama oqimini buzadi. Tokolitik ta’siri Magniy miometriyning qisqaruvchanlik xususiyatini susaytiradi (silliq mushaklar hujayralarida kalsiy ionlarini o‘zlashtirilishi, bog‘lanishi va taqsimlanishini pasaytirish orqali), bachadon tomirlarini kengaytirib bachadonda qon aylanishini kuchaytiradi. Og‘ir metall tuzlari bilan zaharlanganda antidot bo‘lib hisoblanadi. Tizimli ta’siri vena ichiga yuborilganida darhol rivojlanadi. Vena ichiga yuborilganida ta’sir davomiyligi – 30 minut.
Farmakokinetikasi
Taqsimlanishi Muvozanatli konsentrasiyasi (CSS) – 2–3,5 mmol/l. Gematoensefalik to‘siq va yo‘ldosh to‘sig‘i orqali o‘tadi. Ko‘krak sutida qon plazmadagi konsentrasiyasidan 2 marta yuqori konsentrasiyani hosil qiladi Eliminasiyasi Buyraklar orqali chiqariladi, buyrak ekskresiyasi tezligi qon plazmadagi konsentrasiyasi va koptokcha filtrasiyasi darajasiga proporsional.