





Magniy V6
- Ishlab chiqaruvchi
- ООО Sharq Darmon
- Mamlakat
- O‘zbekiston
- Ro‘yxat raqami
- DV/M 03355/06/20
- Ruxsat muddati
- 28.11.2030 gacha
- Saqlash muddati
- 3 yil
- ATX kodi
- —
Magniy V6 nima uchun ishlatiladi
Magniy V6 — magniy (magniy laktat 470 mg) va B6 vitamini (piridoksin 5 mg) birikmasi. Magniy yetishmovchiligini to‘ldiradi; B6 vitamini magniyning ichakdan so‘rilishi va hujayralarga kirishini yaxshilaydi.
Asab belgilari
Magniy yetishmovchiligida: asabiylik, jizzakilik, yengil xavotir, o‘tkinchi charchoq, uyquning biroz buzilishi.
Bezovtalikning tana belgilari
Oshqozon-ichak spazmlari, yurak tez urishi (yurak sog‘lom bo‘lganda) ko‘rinishidagi bezovtalik.
Mushak tortishishi
Mushaklarning tortishib qolishi (talvasa), sanchish (chumoli yurgandek) hissi.
Qancha va qanday qabul qilinadi
Rasmiy yo‘riqnoma bo‘yicha, qobiqli tabletka uchun. Faqat kattalar va 6 yoshdan katta bolalar uchun.
Kimga mumkin, kimga mumkin emas
Homiladorlik Mumkin
Homilaga zararli ta’sir yoki rivojlanish nuqsonlari aniqlanmagan. Zarur bo‘lsa, homiladorlikning istalgan bosqichida qo‘llash mumkin.
Emizish davri Mumkin emas
Magniy ona sutiga o‘tadi — emizish davrida qo‘llashdan saqlaning.
Bolalar Ehtiyotkorlik bilan
Tabletka faqat 6 yoshdan katta bolalarga. 6 yoshgacha mumkin emas.
Buyrak Ehtiyotkorlik bilan
Og‘ir buyrak yetishmovchiligida (kreatinin klirensi 30 ml/min dan kam) mumkin emas. O‘rtacha buyrak yetishmovchiligida ehtiyot bo‘lish kerak — qonda magniy ko‘payib ketishi (gipermagniyemiya) xavfi bor.
Saxaroza (shakar) Mumkin emas
Tarkibida saxaroza bor: fruktozani ko‘tarmaslik, glyukoza yoki galaktoza so‘rilishi buzilishi, saxaraza-izomaltaza yetishmovchiligida mumkin emas.
Kalsiy yetishmovchiligi Ehtiyotkorlik bilan
Kalsiy ham yetishmasa, avval magniy yetishmovchiligi bartaraf qilinadi, keyin kalsiy qo‘shiladi.
Haydovchilar Mumkin
Maxsus tavsiyalar yo‘q.
Qo‘llash mumkin bo‘lmagan holatlar
- Dori tarkibidagi biror moddaga allergiya (yuqori sezuvchanlik)
- Og‘ir buyrak yetishmovchiligi (kreatinin klirensi 30 ml/min dan kam)
- Fruktozani ko‘tarmaslik, glyukoza yoki galaktoza so‘rilishi buzilishi, saxaraza-izomaltaza yetishmovchiligi
- 6 yoshgacha bolalar
- Ehtiyotkorlik bilan: o‘rtacha buyrak yetishmovchiligi
Tarkibi
Dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Fosfat yoki kalsiy tuzlari bor dorilar Birga ichilmaydi
Birga ichish tavsiya etilmaydi — magniyning ichakdan so‘rilishi ancha kamayishi mumkin.
Ichiladigan tetratsiklinlar (antibiotik) Ehtiyotkorlik
Tetratsiklin va magniy orasida kamida 2 soat oraliq bo‘lsin — tetratsiklin so‘rilishi kamayadi.
Ko‘p ichib qo‘ydingizmi?
Buyrak normal ishlasa, ichilgan magniy odatda zaharlanish chaqirmaydi. Buyrak yetishmovchiligida magniy bilan zaharlanish rivojlanishi mumkin. Davolash: suyuqlik yo‘qotishni tiklash (regidratatsiya), siydik haydash; buyrak yetishmovchiligida gemodializ yoki peritoneal dializ.
Ko‘p beriladigan savollar
Magniy V6 nimaga ichiladi?
Magniy yetishmovchiligi belgilarida: asabiylik, jizzakilik, yengil xavotir, charchoq, uyqu buzilishi, oshqozon-ichak spazmlari, yurak tez urishi (yurak sog‘lom bo‘lganda), mushak tortishishi va sanchish hissi.
Magniy V6 ni qanday ichish kerak?
Kattalarga sutkasiga 6–8 tabletka, 2–3 martaga bo‘lib, ovqat paytida. Tabletka butunligicha, katta stakan suv bilan ichiladi.
Bolaga Magniy V6 berish mumkinmi?
Faqat 6 yoshdan katta bolalarga (taxminan 20 kg): sutkasiga 4–6 tabletka, 2–3 martaga bo‘lib, ovqat paytida. 6 yoshgacha mumkin emas.
Magniy V6 ni necha kun ichish kerak?
Odatda bir oy. Qondagi magniy me’yorga kelgach to‘xtatiladi. Bir oyda yaxshilanish bo‘lmasa, faqat shu dori bilan davom ettirish foydasiz.
Homiladorlikda Magniy V6 ichsa bo‘ladimi?
Ha, zarur bo‘lsa homiladorlikning istalgan bosqichida qo‘llash mumkin. Emizish davrida esa saqlanish kerak — magniy ona sutiga o‘tadi.
Magniy V6 ni kalsiy bilan birga ichsa bo‘ladimi?
Kalsiy yoki fosfat tuzlari bilan birga ichish tavsiya etilmaydi — magniy so‘rilishi kamayadi. Ikkala yetishmovchilik bo‘lsa, avval magniy to‘ldiriladi.
Rasmiy yo‘riqnoma
Rasmiy yo‘riqnomaning to‘liq matni
Tavsifi
ovalsimon, tekis yuzali, yaltirok tusli, oq rangli qobiq bilan qoplangan
Qo‘llanilishi
Quyidagi dori vositasining tarkibida magniy moddasi bor.
Magniy tanqisligi to‘g‘risida dalolat beruvchi ma’lum miqdordagi simptomlar kombinisiyasi:
Asabiylashish, tajanglik, yengil qo‘rquv, vaqti vaqti bilan paydo bo‘ladigan charchoqlik, uyquning biroz buzilishi,
Bezovtalanishni me’da-ichak spazmlari yoki tezlashgan yurak urishi (sog‘lom yurakda) ko‘rinishida paydo bo‘lishi,
Mushaklarning tirishishi, sanchilish hissi.
Magniy qabul qilinishi bu simptomlarni yo‘q qilishiga olib keladi.
Agarda bir oy davomida o‘tkazilgan davo muolajasi bemor holatini yaxshilamasa,bu xolda shu dori vositasi bilan monoterapiya davom ettirish samarasizdir.
Qo‘llash usuli va dozalari
Tabletkalarni butun holda va bir stakan suv bilan ichish kerak.
Faqat kattalar va 6 yoshdan katta bolalar uchun!
Kattalarga: sutkasiga 6-8 tabletkadan ovqat iste’mol qilish vaqtida 2-3 qabulga bo‘lib.
Bolalarga: 10-30 mg/kg/sutkasiga (0,4-1,2 mmol/kg/sutkasiga), ya’ni 6 yoshdan oshgan bolalarga (tana vazni 20 kg dan ko‘proq) sutkasiga 4-6 tabletkadan ovqat iste’mol qilish vaqtida 2-3 qabulga bo‘lib.
Ko‘pincha davolash bir oy davom etadi.
Magniyning qondagi darajasi me’yorlashganidan keyin davolashni darhol to‘xtatish lozim.
Qo‘llash mumkin bo‘lmagan holatlar
Preparatni quyidagi keltirilgan holatlarda qabul qilinishi man etiladi:
preparat komponentlariga yuqori sezuvchanlik,
og‘ir buyrak yetishmovchiligi (kreatinin klirensi 30 ml/min dan kam).
fruktozani qabul qilaolmaslik
- 6 yoshgacha bo‘lgan bolalar.
Nojo‘ya ta’sirlar
Agar sizda quyidagi keltirilgan simptomlar paydo bo‘lsa, zudlik bilan shifokoringizga murojaat qiling!
diareya
abdominal og‘riqlar
teri reaksiyalari
allergik reaksiyalar
Maxsus ko‘rsatmalar
Yo‘ldosh kalsiy tanqisligi holatida, magniyning tanqisligi kalsiyni qo‘shimcha yuborishni boshlashdan oldin bartaraf qilinishi kerak.
Tabletka tarkibida saxaroza saqlagani tufayli preparat fruktozani qabul qilaolmaslik, glyukoza yoki galaktozaning so‘rilishini buzilishi sindromi yoki saxaroza-izomaltoza tanqisligi qabul qilinishi man etiladi.
Magniy tanqisligining og‘ir darajasida va so‘rilish jarayonining buzilishida magniyni vena ichiga yuborish tavsiya etiladi.
Buyraklar faoliyatining o‘rtacha yetishmovchiligida ehtiyotkorlik choralarini ko‘rish kerak, chunki gipermagninemiyaning rivojlanishi xavfi bor.
Bolalarda
Tabletkalar faqat kattalar va 6 yoshdan oshgan bolalar uchun mo‘ljallangan.
6 yoshdan kichik bolalarga mos boshqa dori shakllari mavjud.
Homiladorlikda va laktasiya davrida qo‘llanishi.
Homiladorlik
Homiladorlik ayollarning yetarli sonida o‘tkazilgani klinik tajriba natijalariga asosan magniy hech qanday fetotoksik va rivojlanish nuqsonlariga olib keluvchi ta’sirga ega emas. Zarur bo‘lganida magniy xomiladorlikning har qanday bosqichida qo‘llanilishi mumkin. Keng miqyosdagi tadqiqotlar yo‘q bo‘lishiga bog‘liq bo‘lmagan holda, yuqorida keltirilgan klinik tajriba umidvordir.
Laktasiya davri
Magniyning ona sutiga kirib borishi tufayli yemizish paytida preparatni qo‘llashdan saqlanish kerak.
Avtomobilni va boshqa mexanizmlarni boshqarish qobiliyatiga ta’siri
Ta’sir qilmaydi.
Boshqa dorilar bilan o‘zaro ta’siri
Tavsiya etilmaydigan kombinasiyalar
• Fosfor va kalsiy tuzlari
Fosfatlarni yoki kalsiy tuzlarini saqlovchi preparatlarni bir vaqtda qo‘llash, magniyning me’da-ichak yo‘llaridan so‘rilishini sezilarli kamaytirishi mumkin.
E’tiborga olish kerak bo‘lgan kombinasiyalar
• Peroral tetrasiklinlar
Magniy preparatlari tetrasiklinning me’da-ichak yo‘lida so‘rilishini kamaytirgani sababli, Magniy V6 ni qo‘llashdan oldin 2 soatlik interval qilish tavsiya etiladi.
Homiladorlik va emizish davrida
Homiladorlik
Homiladorlik ayollarning yetarli sonida o‘tkazilgani klinik tajriba natijalariga asosan magniy hech qanday fetotoksik va rivojlanish nuqsonlariga olib keluvchi ta’sirga ega emas. Zarur bo‘lganida magniy xomiladorlikning har qanday bosqichida qo‘llanilishi mumkin. Keng miqyosdagi tadqiqotlar yo‘q bo‘lishiga bog‘liq bo‘lmagan holda, yuqorida keltirilgan klinik tajriba umidvordir.
Laktasiya davri
Magniyning ona sutiga kirib borishi tufayli yemizish paytida preparatni qo‘llashdan saqlanish kerak.
Transport boshqarishga ta’siri
Ta’sir qilmaydi.
Dozani oshirib yuborish
Buyraklarning me’yoriy faoliyatida magniyni og‘iz orqali qabul qilish toksik reaksiyalarni chaqirmaydi. Ammo magniy bilan zaharlanish buyrak yetishmovchiligida rivojlanishi mumkin.
Davolash: regidratasiya, jadallashtirilgan diurez, buyrak yetishmovchiligida gemodializ yoki perotoneal dializ zarur.
Farmakodinamikasi
Magniy asosan hujayra ichidagi kationdir. Magniy organizmning barcha to‘qimalarda bo‘ladigan hayotiy muhim elementdir va hujayralarning me’yoriy faoliyati uchun zarur, ko‘pchilik modda almashinuvi reaksiyalarida ishtirok etadi. Xususan, u nerv impulslarining o‘tkazilishini boshqarilishida va mushaklarning qisqarishda ishtirok etadi va inson organizmidagi umumiy magniy miqdorining yarmi suyak to‘qimasida joylashgan.
Magniyning zardobidagi miqdori:
12 dan 17 mg/l gacha (1-1,4 mEkv/l yoki 0,5-0,7 mmol/l) magniyning o‘rtacha yetishmovchiligi ko‘rsatadi;
12 mg/l dan past (1 mEkv/l yoki 0,5 mmol/l) – og‘ir magniy yetishmovchiligi ko‘rsatadi.
Yetishmovchilik bo‘lishi mumkin:
birlamchi, magniy metabolizmining tug‘ma nuqsoni tufayli;
ikkilamchi, tashqi omil orqali magniy yetarli miqdorda qabul qilinmaganda (ovqatga to‘ymaslikning og‘ir holatlari, ichkilikbozlik, to‘liq parenteral ovqatlanish);
me’da-ichak yo‘llarining faoliyati buzilganda (surunkali ich ketish holatlari, me’da-ichak yo‘lidagi svish, gipoparatiroidizm);
buyrakning tuzlarni haydash qobiliyatining kuchayishi (buyrak kanalchalarning kasalligi, ko‘paygan poliuriya, diuretiklarining keragidan ortiq qo‘llanilishi, surunkali piyelonefrit, birlamchi giperaldosteronizm, sisplasin bilan davolash)
Piridoksin (V6 vitamini) ko‘pchilik metabolik jarayonlarda, nerv tizimining metabolizmini boshqarilishida ishtirok etadi. V6 vitamini magniyning me’da-ichak yo‘llaridan so‘rilishini va uning hujayralariga kirishini yaxshilaydi.
Farmakokinetikasi
Mavjud emas