
Laktofiltrum
- Ishlab chiqaruvchi
- АО АВВА РУС
- Mamlakat
- Rossiya
- Ro‘yxat raqami
- DV/X 01520/03/16
- Ruxsat muddati
- 26.05.2031 gacha
- Saqlash muddati
- 3 yil
- ATX kodi
- A07BC30
Laktofiltrum nima uchun ishlatiladi
Laktofiltrum — ikki ta’sirli dori: lignin (tabiiy enterosorbent) ichakda zararli bakteriyalar, toksinlar va allergenlarni bog‘lab chiqaradi, laktuloza esa foydali bakteriyalar (bifido- va laktobakteriyalar) o‘sishini kuchaytiradi.
Ichak disbakteriozi
Ichak mikroflorasi buzilishi, jumladan antibiotik bilan davolanishdan keyin.
Ta’sirlangan ichak sindromi
Kompleks davolashda.
Jigar kasalliklari
Gepatit va jigar sirrozini kompleks davolashda.
Allergik kasalliklar
Atopik dermatit, eshakemi — kompleks davolashda.
Bakterial vaginoz
Qin mikroflorasi buzilishi (qin disbiozi) — kompleks davolashda.
Qancha va qanday qabul qilinadi
Rasmiy yo‘riqnoma bo‘yicha, Laktofiltrum tabletka uchun. Belgilar — bir martada ichiladigan tabletkalar soni.
Kimga mumkin, kimga mumkin emas
Homiladorlik Ehtiyotkorlik bilan
Homiladorlarda klinik tadqiqot o‘tkazilmagan, qo‘llash haqida ma’lumot yo‘q.
Emizish davri Ehtiyotkorlik bilan
Emizish davrida qo‘llash haqida ma’lumot yo‘q.
Bolalar Ehtiyotkorlik bilan
1 yoshdan dozasi berilgan: 1–3 yoshda ½ tabletka, 3–7 yoshda 1 tabletka, 8–12 yoshda 1–2 tabletka kuniga 3 marta.
Galaktozemiya Mumkin emas
Galaktozemiyada mumkin emas.
Haydovchilar Mumkin
Mashina haydash va mexanizmlar bilan ishlashga salbiy ta’sir qilmaydi.
Qo‘llash mumkin bo‘lmagan holatlar
- Dori tarkibidagi moddalarni ko‘tara olmaslik
- Ichak tutilishi
- Oshqozon-ichakdan qon ketishi
- Galaktozemiya
- Oshqozon va o‘n ikki barmoqli ichak yarasining zo‘rayishi
- Ichak sustligi (atoniya)
Tarkibi
Dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Ichiladigan boshqa dorilar Ehtiyotkorlik
Bir vaqtda ichilsa, ayrimlarining davolovchi ta’siri pasayishi mumkin. Laktofiltrumni boshqa dorilardan bir soat oldin, alohida iching.
Ko‘p ichib qo‘ydingizmi?
Belgilari: ich qotishi, qorin og‘rig‘i. Davolash — dorini ichishni to‘xtatish.
Ko‘p beriladigan savollar
Laktofiltrumni ovqatdan oldin yoki keyin ichish kerak?
Ovqatdan va boshqa dorilardan bir soat oldin, suv bilan ichiladi.
Laktofiltrumni necha kun ichish kerak?
Kurs o‘rtacha 2–3 hafta. Uzoqroq ichish va takroriy kurslar faqat shifokor tavsiyasi bilan.
Bolaga Laktofiltrum berish mumkinmi?
1 yoshdan: 1–3 yoshda ½ tabletka, 3–7 yoshda 1 tabletka, 8–12 yoshda 1–2 tabletka kuniga 3 marta. Kerak bo‘lsa, tabletkani maydalash mumkin.
Laktofiltrumni antibiotik bilan birga ichsa bo‘ladimi?
Antibiotikdan keyingi disbakteriozda qo‘llanadi. Boshqa dorilar bilan alohida vaqtda iching — ayrim dorilar ta’siri pasayishi mumkin.
Homiladorlikda Laktofiltrum mumkinmi?
Homiladorlik va emizish davrida qo‘llash bo‘yicha ma’lumot yo‘q.
Rasmiy yo‘riqnoma
Rasmiy yo‘riqnomaning to‘liq matni
Tavsifi
oq-kulrang dog‘lari bo‘lgan to‘q-jigar rangli, ikki yoqlama qavariq kapsulasimon shaklli, riskali tabletkalar.
Qo‘llanilishi
Qo‘llanilishi
Ichak mikroflorasining buzilishlari (ichak disbakteriozi), shu jumladan antibiotikoterapiya natijasida; ta’sirlangan ichak sindromini, gepatitlar va jigar sirrozini, allergik kasalliklarni (atopik dermatit, eshakemi), bakterial vaginoz qin disbiozi) ni majmuali davolash uchun qo‘llaniladi.
Qo‘llash usuli va dozalari
Ichish uchun, zarur bo‘lganda - ovqatdan va boshqa dori vositalarini qabul qilishdan bir soat oldin oldindan maydalab, suv bilan ichiladi.
Ichak disbakteriozida:
– kattalar va 12 yoshdan oshgan bolalarga – 2-3 tabletkadan kuniga 3 mahal,
– 8 yoshdan 12 yoshgacha bo‘lgan bolalarga – 1-2 tabletkadan kuniga 3 mahal,
– 3 yoshdan 7 yoshgacha bo‘lgan bolalarga – 1 tabletkadan kuniga 3 mahal,
– 1 yoshdan 3 yoshgacha bo‘lgan bolalarga – 1/2 tabletkadan kuniga 3 mahal buyuriladi.
Bakterial vaginozda (qin disbiozida):
2 tabletkadan kuniga 3 mahal.
Davolash kursining o‘rtacha davomiyligi – 2-3 hafta.
Preparatning uzoq vaqt qo‘llanilishi va davolashning qayta kurslari faqat shifokorning ko‘rsatmasi bo‘yicha o‘tkazilishi kerak.
Qo‘llash mumkin bo‘lmagan holatlar
Preparatni komponentlarni individual o‘zlashtira olmaslik, ichak tutilishi, oshqozon-ichakdan qon ketishlari, galaktozemiya, oshqozon va o‘n ikki barmoq ichak yara kasalligining zo‘rayishida, ichak atoniyasi.
Nojo‘ya ta’sirlar
Preparatning komponentlariga allergik reaksiyalar bo‘lishi mumkin, kam hollarda - meteorizm, diareya.
Maxsus ko‘rsatmalar
Preparatni boshqa dori preparatlari bilan alohida qabul qilish qoidasiga rioya qilgan holda majmuali davolashda qo‘llash mumkin.
Boshqa dorilar bilan o‘zaro ta’siri
Bir vaqtning o‘zida peroral qabul qilinayotgan ayrim dori preparatlarning davolovchi ta’siri pasayishi mumkin.
Homiladorlik va emizish davrida
Homiladorlikda va laktasiya davrida qo‘llanilishi.
Laktofiltrum® dori preparatining ayollar homiladorlik davrida qo‘llanilishi bo‘yicha klinik tadqiqotlar o‘tkazilmagan. Preparatning homiladorlik davrida qo‘llanilishi bo‘yicha ma’lumotlar mavjud emas.
Laktofiltrum® preparatining emizish davrida qo‘llanilishi bo‘yicha ma’lumotlar mavjud emas.
Transport boshqarishga ta’siri
Transport vositalari, mexanizmlarni boshqarish qobiliyatiga ta’siri
Laktofiltrum® preparati transport vositalari va/yoki boshqa mexanizmlarni boshqarish qobiliyatiga ta’sir ko‘rsatmaydi.
Dozani oshirib yuborish
Belgilari: qabziyat, qorinda og‘riqlar.
Davolash: preparat qabul qilishni to‘xtatish lozim.
Farmakodinamikasi
Laktuloza – sintetik disaxarid bo‘lib, uning molekulasi galaktoza va fruktoza qoldiqlaridan tashkil topgan. Laktuloza me’dada va ichakning yuqori bo‘limlarida so‘rilmaydi va gidrolizga uchramaydi. Tabletkadan yo‘g‘on ichakda substrat sifatida ajralib chiqqan laktuloza, bifidobakteriyalar va laktobasillalar o‘sishini kuchaytirib, ichakning me’yoriy mikroflorasi tomonidan fermentga uchraydi. Laktulozaning yo‘g‘on ichakdagi gidrolizi natijasida, patogen mikroorganizmlarning o‘sishini susaytiruvchi va buning oqibatida azot saqlovchi toksik moddalarni hosil bo‘lishini kamaytiruvchi organik kislotalar – sut, sirka va chumoli kislotalari hosil bo‘ladi. Ta’riflangan jarayon yo‘g‘on ichak ichida osmotik bosimning oshishiga va peristaltikaning kuchayishiga olib keladi.
Farmakokinetikasi
Preparatning farmakologik ta’siri tarkibiga kiruvchi faol komponentlar - gidroliz lignin va laktulozaning xususiyatlari bilan bog‘liq.
Gidrolizli lignin - yog‘och komponentlari gidrolizining mahsulotlaridan tashkil topgan tabiiy enterosorbent, yuqori sorbsiyalovchi (yutuvchi) faollikka va nospesifik dezintoksikasion ta’sirga ega. Ichakda patogen bakteriyalarni va bakterial toksinlarni, dori preparatlarini, og‘ir metall tuzlarini, alkogolni, allergenlarni, shuningdek modda almashinuvining ayrim ortiqcha mahsulotlarini, shu jumladan bilirubin, xolesterin, gistamin, serotonin, siydikchil, endogen toksikozning rivojlanishi uchun mas’ul bo‘lgan boshqa metabolitlarni bog‘laydi va organizmdan chiqaradi.
Toksik emas, so‘rilmaydi, 24 soat davomida ichakdan to‘liq chiqariladi.