





Klopidogrel
- Ishlab chiqaruvchi
- ЧП Ziyo Nur Farm
- Mamlakat
- O‘zbekiston
- Ro‘yxat raqami
- DV/M 05828/07/26
- Ruxsat muddati
- 14.07.2031 gacha
- Saqlash muddati
- 2 yil
- ATX kodi
- B01AC04
Klopidogrel nima uchun ishlatiladi
Klopidogrel — qon pilakchalarining (trombotsitlarning) bir-biriga yopishishiga to‘sqinlik qiluvchi dori (antiagregant). Tomirlarda tromb hosil bo‘lishi va uning asoratlari — infarkt, insultning oldini olish uchun ichiladi.
Infarkt va insultdan keyin
Miokard infarkti (boshlab — bir necha kundan keyin, lekin 35 kundan kechiktirmay) yoki ishemik insultdan (7 kundan keyin, lekin 6 oydan kechiktirmay) so‘ng kattalarda aterotromboz asoratlarining oldini olish.
Oyoq arteriyalari kasalligi
Periferik arteriyalar kasalligi (oyoq tomirlari zararlanishi va aterotrombozi) aniqlangan kattalarda.
O‘tkir koronar sindrom
ST segmenti ko‘tarilmagan o‘tkir koronar sindrom (nostabil stenokardiya yoki Q tishchasiz infarkt), jumladan teri orqali koronar angioplastikada stent qo‘yilganlarda — atsetilsalitsil kislota (ASK) bilan birga.
ST ko‘tarilgan o‘tkir infarkt
ST segmenti ko‘tarilgan o‘tkir miokard infarktida ASK bilan birga (standart dori davolashi olayotgan va trombolitik davolash ko‘rsatilgan bemorlarda).
Qancha va qanday qabul qilinadi
Rasmiy yo‘riqnoma bo‘yicha, 75 mg li tabletka uchun. Dozani va davolash muddatini shifokor belgilaydi.
Kimga mumkin, kimga mumkin emas
Homiladorlik Mumkin emas
Homiladorlikda qo‘llash mumkin emas.
Emizish davri Mumkin emas
Emizish davrida qo‘llash mumkin emas.
Bolalar Mumkin emas
Bolalarga mumkin emas: xavfsizligi va samaradorligi aniqlanmagan.
Haydovchilar Mumkin
Mashina haydash va mexanizmlar bilan ishlash qobiliyatiga ta’sir qilmaydi yoki juda kam ta’sir qiladi.
Jigar Ehtiyotkorlik bilan
Og‘ir jigar yetishmovchiligida mumkin emas. O‘rtacha og‘irlikdagi jigar kasalligida ehtiyotkorlik bilan.
Buyrak Ehtiyotkorlik bilan
Buyrak yetishmovchiligida tajriba cheklangan — ehtiyotkorlik bilan buyuriladi.
Laktoza Mumkin emas
Irsiy galaktoza ko‘tara olmaslik, Lapp laktaza yetishmovchiligi yoki glyukoza-galaktoza so‘rilishi buzilishida mumkin emas.
Qon ketish xavfi Ehtiyotkorlik bilan
Qon ketish to‘xtashi odatdagidan uzoqroq davom etishi mumkin (ayniqsa ASK bilan birga). Har qanday g‘ayrioddiy qon ketish haqida shifokorga ayting. Operatsiya yoki yangi dori oldidan shifokorga (stomatologga ham) Klopidogrel ichayotganingizni ayting. Qon ketish belgilari, jumladan yashirin qon ketish, ayniqsa birinchi haftalarda va yurak muolajalari yoki operatsiyalardan keyin sinchiklab kuzatiladi.
Qo‘llash mumkin bo‘lmagan holatlar
- Klopidogrel yoki tabletka tarkibidagi boshqa moddaga yuqori sezuvchanlik (allergiya)
- Og‘ir jigar yetishmovchiligi
- O‘tkir qon ketish (masalan, oshqozon yarasidan yoki miya ichiga qon quyilishi)
- Irsiy galaktoza ko‘tara olmaslik, Lapp laktaza yetishmovchiligi, glyukoza-galaktoza so‘rilishi buzilishi
- Homiladorlik va emizish davri
- Bolalar yoshi
- Ehtiyotkorlik bilan: jarohat, operatsiya yoki boshqa holatlar sababli qon ketish xavfi yuqori bo‘lganda (ayniqsa oshqozon-ichak va ko‘z ichiga qon ketish); ASK, geparin, glikoprotein IIb/IIIa ingibitorlari, NYQD (ayniqsa COX-2 ingibitorlari) bilan birga
- Ehtiyotkorlik bilan: buyrak yetishmovchiligi, o‘rtacha og‘irlikdagi jigar kasalligi
Tarkibi
75mg li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
CYP2C19 ni susaytiruvchi dorilar: omeprazol, ezomeprazol, fluvoksamin, fluoksetin, moklobemid, vorikonazol, flukonazol, tiklopidin, siprofloksatsin, simetidin, karbamazepin, okskarbazepin, xloramfenikol Birga ichilmaydi
Klopidogrel faol moddasining qondagi miqdorini kamaytiradi — bunday birikmalardan qochish kerak.
Proton pompasi ingibitorlari Birga ichilmaydi
Mutlaqo zarur bo‘lgan hollardan tashqari birga qo‘llamaslik kerak.
Atsetilsalitsil kislota, geparin, bilvosita antikoagulyantlar, NYQD Ehtiyotkorlik
Qon ivishiga qarshi ta’sir kuchayadi — qon ketish xavfi oshadi.
Glikoprotein IIb/IIIa ingibitorlari Ehtiyotkorlik
Qon ketish xavfi yuqori bo‘lgan bemorlarda ehtiyotkorlik bilan.
Fenitoin, tolbutamid, NYQD (CYP2C9 orqali parchalanadigan dorilar) Ehtiyotkorlik
Ularning qondagi miqdori oshishi mumkin.
Ko‘p ichib qo‘ydingizmi?
Dozadan oshib ketganda qon ketish vaqti uzayishi mumkin. Tez to‘xtatish kerak bo‘lsa — trombotsit massasi quyiladi. Maxsus antidoti yo‘q.
Klopidogrel narxi
Davlat belgilagan eng yuqori chakana narx (referent narx). Har bir qadoq yonida narx belgilangan sana.
Manba: Farmatsevtika tarmog‘ini rivojlantirish agentligi, referent narxlar ro‘yxati.
Analoglari: klopidogrel
Tarkibida klopidogrel bor 28 ta dori. Almashtirishdan oldin shifokor yoki farmatsevt bilan maslahatlashing.
Akriviks 75Tabletka · 75 mg · HindistonRetseptli
DeplatTabletka · 75 mg · PokistonRetseptli
FinotTabletka · 75 mg · HindistonRetseptli
Instaklop 75Tabletka · 75 mg · HindistonRetseptliKo‘p beriladigan savollar
Klopidogrelni ovqatdan oldin yoki keyin ichish kerakmi?
Ovqatdan qat’i nazar ichiladi, odatda kuniga 1 marta 75 mg.
Klopidogrelni necha vaqt ichish kerak?
Muddatni shifokor belgilaydi. ST ko‘tarilmagan o‘tkir koronar sindromda kurs 1 yilgacha; ST ko‘tarilgan infarktda ASK bilan birga 4 hafta.
Operatsiyadan oldin Klopidogrelni to‘xtatish kerakmi?
Rejali operatsiyada antitrombotik dori vaqtincha kerak bo‘lmasa, 7 kun oldin to‘xtatiladi. Operatsiya va tish davolashdan oldin shifokorga dori ichayotganingizni ayting.
Homiladorlikda yoki emizishda Klopidogrel ichsa bo‘ladimi?
Yo‘q, homiladorlik va emizish davrida mumkin emas.
Klopidogrel bilan omeprazol ichsa bo‘ladimi?
Omeprazol, ezomeprazol va boshqa proton pompasi ingibitorlari bilan birga qo‘llashdan, mutlaqo zarur bo‘lmasa, qochish kerak — ular Klopidogrel ta’sirini susaytiradi.
Klopidogrel ichganda qon ketsa nima qilish kerak?
Qon odatdagidan sekinroq to‘xtashi mumkin. Har qanday g‘ayrioddiy qon ketish haqida shifokorga ayting; qon ketish belgilari bo‘lsa, darhol qon tahlili kerak.
Rasmiy yo‘riqnoma
Rasmiy yo‘riqnomaning to‘liq matni
Tavsifi
Dumaloq ikki tomonlama qavariq, g‘ishtsimon-qizil rangli plenka qobiq bilan qoplangan tabletkalar.
Qo‘llanilishi
Kattalarda aterotromboz belgilari profilaktikasi:
- Yurak infarktini boshidan kechirgan bemorlarda (davolash infarkt sodir bo‘lganidan so‘ng bir necha kun ichida, lekin 35 kundan kechikmay boshlanishi kerak), ishemik insultdan keyin (davolash insult sodir bo‘lganidan 7 kun o‘tib boshlanishi mumkin, lekin 6 oydan kechikmasligi kerak), yoki periferik arteriyalar kasalligi (quyi qo‘l-oyoq arteriyalarining shikastlanishi va aterotrombozi) aniqlangan bemorlarda.
O‘tkir koronar sindromi bo‘lgan bemorlarda:
ST segmenti ko‘tarilmagan o‘tkir koronar sindrom (nestabil stenokardiya yoki Q tishchasisiz miokard infarkti), shu jumladan, chap qon tomiriga stent o‘rnatilgan bemorlarda, asetilsalisil kislotasi (ASK) bilan birga qo‘llaniladi;
ST segmenti ko‘tarilgan miokard infarktida, standart dori-darmon bilan davolanayotgan va trombolitik terapiya ko‘rsatilgan bemorlarda asetilsalisil kislotasi bilan birgalikda qo‘llaniladi.
Qo‘llash usuli va dozalari
Klopidogrel kuniga 1 marta 75 mg dozada, ovqatlanishdan qat’i nazar qabul qilinadi.
ST segmenti ko‘tarilmagan o‘tkir koronar sindromi bo‘lgan bemorlarda davolash 300 mg li yakkalik yuklama dozasi bilan boshlanadi, keyin esa davolash 75 mg dozada sutkada 1 marta davom ettiriladi (asetilsalisil kislotasi (ASK) bilan birga — sutkada 75–325 mg). ASK ning yuqori dozalarini qo‘llash qon ketish xavfini oshiradi, shu sababli ASK dozasini 100 mg dan oshirmaslik tavsiya etiladi. Davolash kursi — 1 yilgacha.
ST segmenti ko‘tarilgan miokard infarkti bo‘lgan bemorlarga klopidogrel 75 mg dozada, sutkada 1 marta tayinlanadi, davolash 300 mg yakkalik yuklama dozasi bilan boshlanadi. Preparat ASK bilan birga, trombolitik vositalar bilan yoki ularsiz qo‘llaniladi. 75 yoshdan katta bemorlarda klopidogrel yuklama dozasisiz boshlanadi. Kombinasiyalangan terapiya simptomlar paydo bo‘lishi bilan bir vaqtda, iloji boricha ertaroq boshlanishi va 4 hafta davom ettirilishi kerak. Ushbu kasallikda klopidogrel va ASK kombinasiyasining 4 haftadan ortiq muddatdagi samarasi o‘rganilmagan, shuning uchun bu davrdan keyin preparat ehtiyotkorlik bilan tayinlanishi kerak.
Bo‘yrak yetishmovchiligi: Bunday bemorlarda preparatni qo‘llash bo‘yicha klinik tajriba cheklangan, shuning uchun klopidogrel ehtiyotkorlik bilan tayinlanadi.
Jigar yetishmovchiligi: O‘rta darajadagi jigar faoliyati buzilishi va qon ketishga moyillik (gemorragik diatez) xavfi mavjud bo‘lgan bemorlarda preparatni qo‘llash tajribasi cheklangan. Shu sababli, bunday bemorlarga ham preparat ehtiyotkorlik bilan tayinlanishi lozim.
Qo‘llash mumkin bo‘lmagan holatlar
Preparatning ta’sir etuvchi moddasi yoki undagi har qanday yordamchi moddaga yuqori sezuvchanlik. Jiddiy jigar yetishmovchiligi. O‘tkir qon ketishi (masalan, yara kasalligi yoki miya ichiga qon quyilishi). Irsiy galaktoza hazm qila olmaslik, Lappa laktaza yetishmovchiligi yoki glyukoza-galaktoza malabsorbsiyasining buzilishi. Homiladorlik yoki emizish davri. Bolalar yoshi.
Nojo‘ya ta’sirlar
Nojo‘ya ta’sirlar paydo bo‘lish tez-tezligiga qarab quyidagi toifalarga ajratiladi: tez-tez (>1/100 va <1/10), ba’zan (>1/1000 va <1/100), kam-kam (>1/10000 va <1/1000), juda kam (<1/10000).
Asab tizimi tomonidan: tez-tez — bosh aylanishi, bosh og‘rig‘i, paresteziyalar; kam — bosh miya ichiga qon quyilishi (ba’zi hollarda o‘lim bilan tugagan); juda kam — gallyusinasiyalar, ongning chalkashuvi, ta’m hissiyotining o‘zgarishi.
Ko‘rish organi tomonidan: ba’zan — (kon’yunktivit, ko‘z, to‘r parda (retinal) qon ketishi.
Eshitish organi tomonidan: kam — bosh aylanishi.
Yurak-qon tomir tizimi tomonidan: tez-tez — gematoma; juda kam — og‘ir qon ketish, jarrohlik jarohatidan qon oqishi, vaskulit, arterial gipotenziya.
Nafas tizimi tomonidan: tez-tez — burundan qon ketishi; juda kam — qon tuflash, o‘pka qon ketishi, bronxospazm, interstisial pnevmonit.
Ovqat hazm qilish tizimi tomonidan: tez-tez — ovqat hazm qilish tizimida qon ketishi, diareya, qorin og‘rig‘i, dispepsiya; ba’zan — oshqozon va o‘n ikki barmoq ichak yarasi, gastrit, ko‘ngil aynishi, qayt qilish, ich qotishi, meteorizm; kam — retroperitoneal qon quyilishi; juda kam — oshqozon-ichak va retroperitoneal qon ketishi, pankreatit, kolit (yazvali yoki limfositar), stomatit.
Jigar tomonidan:juda kam — o‘tkir jigar yetishmovchiligi, gepatit, jigar funksiyasini tekshiruvchi ko‘rsatkichlarda o‘zgarishlar.
Teri va mushak-suyak tizimi tomonidan: tez-tez — teri ostiga qon quyilishi; ba’zan — toshma, qichishish, purpura (terida nuqsonli qon chiqishlar); juda kam — bullyoz dermatit (toksik epidermal nekroliz, Stivens–Jonson sindromi, ko‘p shaklli eritema), angionevrotik shish, eritematoz toshma, qichishi bilan kechuvchi toshmalar (krapivnisa), ekzema, yassi lishay, muskul-suyak qon quyilishlari, artrit, artralgiya, mialgiya.
Qon va limfa tizimi tomonidan: ba’zan — trombositopeniya, leykositopeniya, eozinofiliya; kam — neytropeniya, og‘ir neytropeniyani qo‘shib; juda kam — trombotik trombositopenik purpura, aplastik anemiya, pansitopeniya, agranulositoz, og‘ir trombositopeniya, granulositopeniya, anemiya.
Immun tizimi: juda kam — sirovotka kasalligi, anafilaktoid reaksiyalar.
Siydik-tanov tizimi tomonidan: ba’zan — siydikda qon (gematuriya); juda kam — glomerulonefrit, qonda kreatinin darajasining oshishi.
Umumiy buzilishlar va joyidagi reaksiyalar: tez-tez — ukol qilingan joyda qon ketishi; juda kam — isitma.
Laboratoriya ko‘rsatkichlari: ba’zan — qon ketish vaqtining uzayishi, neytrofillar va trombositlar sonining kamayishi.
Maxsus ko‘rsatmalar
Qon ketishi va gematologik nojo‘ya ta’sirlar xavfi tufayli preparat qo‘llanilgan paytda qon ketishiga ishora qiluvchi alomatlar kuzatilsa, darhol qonning to‘liq tahlilini va/yoki boshqa mos testlarni o‘tkazish kerak.
Boshqa antitrombotik vositalar kabi, klopidogrelni ham jarohat, jarrohlik amaliyoti yoki boshqa patologik holatlar tufayli qon ketish xavfi yuqori bo‘lgan bemorlarga ehtiyotkorlik bilan qo‘llash kerak. Shuningdek, agar bemor asetilsalisil kislotasi (ASK), geparin, glikoprotein IIb/IIIa ingibitorlari yoki steroid bo‘lmagan yallig‘lanishga qarshi vositalar (ayniqsa SOG-2 ingibitorlari) qabul qilayotgan bo‘lsa, ehtiyotkorlik talab etiladi.
Bemorlarda qon ketishi belgilari, jumladan yashirin qon ketish, ayniqsa davolanishning dastlabki haftalarida va/yoki yurakda invaziv muolajalar yoki jarrohlik amaliyotlaridan keyin diqqat bilan kuzatilishi kerak. Agar rejalashtirilgan jarrohlik amaliyoti bo‘lsa va antitrombotik vositalar talab etilmasa, klopidogrelni operasiyadan 7 kun oldin to‘xtatish lozim. Bemorlar shifokorga (shu jumladan stomatologga) operasiya yoki yangi dori tayinlanishidan oldin klopidogrel qabul qilayotganini ma’lum qilishi kerak.
Klopidogrel qon ketish davomiyligini uzaytiradi, shuning uchun uni qon ketish xavfi yuqori bo‘lgan bemorlarga (ayniqsa oshqozon-ichak va ko‘z ichidagi qon ketish holatida) ehtiyotkorlik bilan qo‘llash lozim. Bemorlarga klopidogrel bilan davolanish paytida (ayniqsa ASK bilan birga) qon ketishi odatdagidan kechroq to‘xtashi mumkinligi va har qanday g‘ayrioddiy qon ketish holati haqida shifokorga xabar berish kerakligi aytilmog‘i zarur.
Juda kam hollarda, hatto qisqa muddatli qo‘llashdan keyin ham, klopidogrel qabul qilgan bemorlarda trombotik trombositopenik purpura (TTP) holatlari qayd etilgan. TTP — hayot uchun xavfli holat bo‘lib, zudlik bilan davolashni talab qiladi, xususan, plazmaferez bilan.
Homiladorlik va emizish davrida qo‘llanishi
Preparatni homiladorlik va emizish davrida qo‘llash tavsiya etilmaydi.
Bolalarda qo‘llanishi
Preparatning bolalarda qo‘llanish xavfsizligi va samaradorligi aniqlanmagan.
Avtomobil haydash va mexanizmlar bilan ishlashda ta’siri
Klopidogrel avtomobil boshqarish yoki mexanizmlar bilan ishlash qobiliyatiga ta’sir qilmaydi yoki juda kam darajada ta’sir qiladi.
Boshqa dorilar bilan o‘zaro ta’siri
Klopidogrel asetilsalisil kislotasi, geparin, bilvosita antikoagulyantlar, steroid bo‘lmagan yallig‘lanishga qarshi vositalar bilan birga qo‘llanilganda ularning antiagregant ta’sirini kuchaytiradi.
Glikoprotein IIb/IIIa ingibitorlari
Klopidogrelni shikastlanish, jarrohlik amaliyoti yoki boshqa patologiya holati tufayli qon ketish xavfi yuqori bo‘lgan bemorlarga glikoprotein IIb/IIIa ingibitorlari bilan bir vaqtda ehtiyotkorlik bilan tayinlash kerak.
CYP2C19 fermentini susaytiruvchi preparatlar
CYP2C19 faolligini susaytiruvchi dori vositalari faol metabolitning qon plazmasidagi konsentrasiyasini kamaytiradi, shuning uchun bunday kombinasiyadan saqlanish kerak. CYP2C19 faolligini susaytiruvchi preparatlarga omeprazol, ezomeprazol, fluvoksamin, fluoksetin, moklobemid, vorikonazol, flukonazol, tiklopidin, siprofloksasin, simetidin, karbamazepin, okskarbamazepin va xloramfenikol kiradi.
Proton nasos ingibitorlari
Proton nasos ingibitorlari bilan bir vaqtda qo‘llashdan saqlanish kerak, faqat zarur hollardagina mumkin.
Boshqa dori vositalari bilan kombinasiyasi
Klopidogrel atenolol, nifedipin, fenobarbital, simetidin, estrogenlar, digoksin, teofillin, tolbutamid, antasid vositalar bilan birga qo‘llanilganda klinik ahamiyatga ega bo‘lgan farmakodinamik o‘zaro ta’sir kuzatilmagan.
Klopidogrelning karboksil metabolitlari sitoxrom P450 2C9 faolligini susaytirishi mumkin. Bu fenitoin, tolbutamid va P450 2C9 orqali metabolizmga uchraydigan NYaQVlar (steroid bo‘lmagan yallig‘lanishga qarshi vositalar) kabi dori vositalarining qondagi darajasini oshirishi mumkin.
Klopidogrelni diuretiklar, β-blokatorlar, angiotenzin-konvertiruvchi ferment ingibitorlari, kalsiy antagonistlari, xolesterin darajasini pasaytiruvchi vositalar, koronar vazodilatatorlar, qand kasalligiga qarshi vositalar (insulinni ham o‘z ichiga olgan), epilepsiyaga qarshi vositalar, gormon o‘rnini bosuvchi terapiya bilan birga qo‘llanilganda klinik ahamiyatga ega bo‘lgan nojo‘ya ta’sirlar qayd etilmagan.
Homiladorlik va emizish davrida
Homiladorlik va emizish davrida qo‘llanishi
Preparatni homiladorlik va emizish davrida qo‘llash tavsiya etilmaydi.
Transport boshqarishga ta’siri
Avtomobil haydash va mexanizmlar bilan ishlashda ta’siri
Klopidogrel avtomobil boshqarish yoki mexanizmlar bilan ishlash qobiliyatiga ta’sir qilmaydi yoki juda kam darajada ta’sir qiladi.
Dozani oshirib yuborish
Klopidogrelning dozasi oshirib yuborilganida qon ketish vaqti uzayishi mumkin.
Davolash: agar qon ketish vaqtini tezda to‘g‘rilash zarur bo‘lsa – trombosit massasini quyish tavsiya etiladi. Preparatning maxsus antidoti mavjud emas.
Farmakodinamikasi
Antiagregant vositasi. Ta’sir mexanizmi trombositlarda adenozindifosfat (ADF) reseptorlari bilan bog‘lanishni qaytmas darajada selektiv ravishda tormozlash va ADF orqali fibrinogenning glikoprotein IIb/IIIa kompleksi bilan bog‘lanishini bloklash orqali amalga oshadi. Preparat boshqa agonistlar orqali yuzaga keladigan agregasiyani ham tormozlaydi, bu ADF tomonidan trombositlar faolligining oshishiga to‘sqinlik qilish bilan bog‘liq. U ADF reseptorlarini qaytmas darajada o‘zgartiradi, natijada trombositlar butun umri davomida (taxminan 7 kun) faolligini yo‘qotadi va ularning funksiyasi yangilanish orqali tiklanadi. Trombositlar agregasiyasini tormozlab, preparat qon ketish vaqtini oshiradi. Fosfodiesteraza faolligiga ta’sir qilmaydi. Antiagregant ta’siri dozaga bog‘liq bo‘lib, bir martalik qabuldan keyin 2 soat ichida namoyon bo‘ladi. Preparatni 50–100 mg kunlik dozada kurs ko‘rinishida qabul qilishda ADF orqali trombositlar agregasiyasi 3–7 kun ichida barqaror darajaga yetadi, bu vaqtda agregasiyani maksimal tormozlash 40–60% ni tashkil qiladi. Preparatni qabul qilish to‘xtatilgandan so‘ng, trombositlar agregasiyasi va qon ketish vaqti 5–7 kun ichida avvalgi holatiga qaytadi, bu trombositlarning hayot davri (7–10 kun)ga mos keladi.
Farmakokinetikasi
So‘rilishi. Klopidogrel sutkada 75 mg dozada og‘iz orqali qabul qilinganidan so‘ng tez so‘riladi. Qon plazmasida o‘zgarmagan klopidogrelning o‘rtacha eng yuqori konsentrasiyasi (taxminan 2,2–2,5 ng/ml, 75 mg lik bir martalik dozadan keyin) qabul qilinganidan taxminan 45 daqiqa o‘tib aniqlanadi. So‘rilish darajasi kamida 50% ni tashkil etadi, bu klopidogrel metabolitlarining siydik orqali chiqarilishi orqali tasdiqlangan.
Tarqalishi. Klopidogrel va uning asosiy (faol emas) metaboliti inson qon plazmasi oqsillari bilan qayta bog‘lanish qobiliyatiga ega: mos ravishda 98% va 94%.
Metabolizm. Klopidogrel jigarda jadal metabolizmga uchraydi. In vitro va in vivo sharoitda uning ikki asosiy metabolik yo‘li mavjud: birinchisi - esterazlar ishtirokida gidroliz yuz beradi va faol bo‘lmagan karbon kislotasi hosilasi hosil bo‘ladi (plazmadagi barcha metabolitlarning 85% i). Ikkinchi yo‘l sitoxrom P-450 tizimi fermentlari ishtirokida amalga oshadi. Avvalo klopidogrel 2-okso-klopidogrel degan o‘rtacha metabolitga aylanadi. Keyinchalik, bu metabolitdan tiolli hosila — klopidogrelning faol metaboliti hosil bo‘ladi. Bu jarayonda CYP3A4, CYP2C19, CYP1A2 va CYP2B6 fermentlari ishtirok etadi. In vitro sharoitda aniqlangan faol metabolit trombositlardagi reseptorlar bilan tez va qaytmas bog‘lanadi va trombositlar agregasiyasini oldini oladi.
Chiqarilish. Klopidogrel tanadan asosan siydik orqali (50%) va ichaklar orqali (46%) chiqariladi (vena orqali yuborilganidan so‘ng 120 soat ichida). Asosiy metabolitning yarim chiqarilish davri (T½) yakkalik va qayta-qayta qabuldan keyin 6–8 soatni tashkil etadi.
Bo‘yrak yetishmovchiligi. Bo‘yrak faoliyati og‘ir buzilgan (kreatinin klirensi 5–15 ml/da) bemorlarga sutkada 75 mg dozada klopidogrel muntazam qabul qilinganda ADF orqali induksiyalangan trombositlar agregasiyasi ingibisiyasi sog‘lom insonlarga nisbatan kamroq (25%) bo‘lgan. Lekin qon ketish vaqti sog‘lom ixtiyoriylarga o‘xshash darajada uzaygan. Preparatning klinik jihatdan ko‘tarish qobiliyati barcha bemorlarda yaxshi bo‘lgan.
Jigar yetishmovchiligi. Jigar faoliyati og‘ir buzilgan bemorlar 10 kun davomida klopidogrelni 75 mg dozada muntazam qabul qilganda ADF orqali trombositlar agregasiyasining ingibisiyasi sog‘lom insonlarga o‘xshash bo‘lgan. Qon ketish vaqtidagi o‘rtacha oshish ham har ikki guruhda bir xil bo‘lgan.