





Ketotifen
- Ishlab chiqaruvchi
- ООО ФАРМЕКС ГРУП
- Mamlakat
- Ukraina
- Ro‘yxat raqami
- DV/X 01891/07/16
- Ruxsat muddati
- 02.10.2031 gacha
- Saqlash muddati
- 4 yil
- ATX kodi
- R06AX17
Ketotifen nima uchun ishlatiladi
Ketotifen — allergiyaga qarshi dori. Bronxial astma xurujlarining oldini olish uchun uzoq muddat ichiladi, allergik tumov va kon’yunktivit belgilarini yengillatadi. O‘tkir allergiya va astma xurujini to‘xtatmaydi.
Bronxial astmaning oldini olish
Bronxial astma, ayniqsa atopik (allergik) astmani profilaktik davolash.
Allergik holatlar
Allergik tumov (rinit) va ko‘z allergiyasi (kon’yunktivit) kabi allergik holatlar belgilarini davolash.
Qancha va qanday qabul qilinadi
Rasmiy yo‘riqnoma bo‘yicha, 1 mg li tabletka uchun. Belgilar — bir martada ichiladigan tabletkalar soni.
Kimga mumkin, kimga mumkin emas
Homiladorlik Ehtiyotkorlik bilan
Homilaga zarari isbotlanmagan, lekin homiladorlikda qo‘llash bo‘yicha tavsiya berilmaydi.
Emizish davri Mumkin emas
Ketotifen ona sutiga o‘tadi — dori ichayotgan ona emizmasligi kerak.
Bolalar Ehtiyotkorlik bilan
3 yoshdan qo‘llanadi. Bolalarda qo‘zg‘alish, jizzakilik, uyqusizlik va bezovtalik ko‘proq uchrashi mumkin.
Haydovchilar Ehtiyotkorlik bilan
Davolash boshida reaksiya tezligini sekinlashtirishi mumkin — mashina haydash va mexanizmlar bilan ishlashda ehtiyot bo‘ling.
Alkogol Mumkin emas
Davolanish paytida alkogol ichmang — nerv tizimini susaytiruvchi ta’sir kuchayadi.
Jigar Ehtiyotkorlik bilan
Jigar faoliyati buzilganda ehtiyotkorlik bilan.
Tutqanoq va epilepsiya Ehtiyotkorlik bilan
Tutqanoq chegarasini pasaytiradi: ilgari tutqanoq yoki epilepsiya bo‘lgan bo‘lsa, alohida ehtiyotkorlik va shifokor nazorati kerak.
Shakar ko‘tarmaslik Ehtiyotkorlik bilan
Ayrim shakarlarni ko‘tarmasligi aniqlangan bo‘lsa, ichishdan oldin shifokor bilan maslahatlashing.
Qo‘llash mumkin bo‘lmagan holatlar
- Ketotifenga yoki tabletkaning boshqa moddalariga yuqori sezuvchanlik
- Ichiladigan qand tushiruvchi (diabetga qarshi) dorilar bilan birga ichish — qaytar trombotsitopeniya (trombotsitlar kamayishi) xavfi
Tarkibi
1mg li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Ichiladigan qand tushiruvchi dorilar Birga ichilmaydi
Qaytar trombotsitopeniya xavfi. Bu birikmadan saqlaning; buyurilgan bo‘lsa — trombotsitlarni qattiq nazorat qilish kerak.
Alkogol (etanol) Birga ichilmaydi
Ketotifenning nerv tizimini susaytiruvchi ta’siri kuchayadi.
Atropin va atropinsimon dorilar Ehtiyotkorlik
Siydik tutilishi, ich qotishi, og‘iz qurishi xavfi oshadi.
Tinchlantiruvchi va uxlatuvchi dorilar Ehtiyotkorlik
Ularning ta’siri kuchayishi mumkin.
Boshqa antigistamin (allergiyaga qarshi) dorilar Ehtiyotkorlik
Ta’sirlar o‘zaro kuchayishi mumkin.
Ko‘p ichib qo‘ydingizmi?
Belgilari: reaksiyalarning keskin buzilishi, kuchli uyquchanlik, bosh og‘rig‘i, mo‘ljalni yo‘qotish, yurak tez yoki sekin urishi, aritmiya, qon bosimi tushishi, nafas susayishi, ko‘z olmasining titrashi (nistagm), qo‘zg‘alish va tutqanoq, koma (ayniqsa bolalarda). Bunday belgilar paydo bo‘lsa, bemor sinchiklab tekshiriladi. Davolash: qustirish, oshqozonni yuvish; faollashtirilgan ko‘mir foydali bo‘lishi mumkin. Kerak bo‘lsa, belgilarga qarab davolash, yurak va nafas faoliyatini kuzatish. Qo‘zg‘alishda qisqa ta’sirli barbituratlar yoki benzodiazepinlar qo‘llanishi mumkin.
Ketotifen narxi
Davlat belgilagan eng yuqori chakana narx (referent narx). Har bir qadoq yonida narx belgilangan sana.
Manba: Farmatsevtika tarmog‘ini rivojlantirish agentligi, referent narxlar ro‘yxati.
Analoglari: ketotifen
Tarkibida ketotifen bor 2 ta dori. Almashtirishdan oldin shifokor yoki farmatsevt bilan maslahatlashing.
OmmaketTomchi · 0,025 % · PokistonRetseptliKo‘p beriladigan savollar
Ketotifenni qanday ichish kerak?
Kattalarga 1 tabletka (1 mg) kuniga 2 marta, ertalab va kechqurun ovqat paytida, suv bilan. Kerak bo‘lsa sutkasiga 4 mg gacha.
Ketotifenni necha oy ichish kerak?
Ta’sir bir necha haftadan keyin boshlanadi, davolash kamida 2–3 oy davom etadi. To‘xtatishda dozani 2–4 hafta davomida asta-sekin kamaytiring.
Bolaga Ketotifen berish mumkinmi?
3 yoshdan: 1 tabletka (1 mg) kuniga 2 marta, ertalab va kechqurun ovqat paytida.
Ketotifen astma xurujini to‘xtatadimi?
Yo‘q. U o‘tkir allergik reaksiya va astma xurujida samarasiz — xurujlarning oldini olish uchun uzoq ichiladi.
Ketotifen uyquni keltiradimi?
Uyquchanlik (sedativ ta’sir) nojo‘ya ta’sirlar qatorida bor. Ba’zi bemorlarda birinchi kunlarda kuchli uyquchanlik bo‘ladi — bunday holda kuniga 1 tabletka faqat kechqurun ichiladi. Davolash boshida mashina haydashda ehtiyot bo‘ling.
Homiladorlik va emizishda Ketotifen mumkinmi?
Homiladorlikda qo‘llash bo‘yicha tavsiya berilmaydi. Ona sutiga o‘tgani uchun dori ichayotgan ona emizmasligi kerak.
Ketotifen bilan alkogol ichsa bo‘ladimi?
Yo‘q, alkogol ketotifenning nerv tizimini susaytiruvchi ta’sirini kuchaytiradi.
Rasmiy yo‘riqnoma
Rasmiy yo‘riqnomaning to‘liq matni
Tavsifi
oq yoki deyarli oq rangli, dumaloq, ikki tomoni qavariq, hidsiz tabletkalar.
Qo‘llanilishi
Bronxial astmani, asosan atopik turini oldini oluvchi davolash.
Allergik holatlarni, shu jumladan allergik rinit va kon’yunktivitni simptomatik davolashda qo‘llanadi.
Qo‘llash usuli va dozalari
Preparatni ovqat vaqtida, suv bilan ichga qabul qilinadi.
Dozalash
Kattalarga: 1 tabletkadan (1 mg) sutkada 2 marta, ertalab va kechqurun ovqat vaqtida buyuriladi. Preparatni qo‘llashning birinchi kunlari vujudga keladigan, kuchli sedativ samara kuzatiladigan pasiyentlar, Ketotifenni sutkada 1 tabletkadan faqat kechqurun qabul qilishlari lozim.
Zarurati bo‘lgan hollarda sutkalik dozani 4 mg gacha, ya’ni sutkada 2 tabletkadan 2 martagacha oshirish mumkin. Yuqoriroq dozani qabul qilganda terapevtik samarani tez boshlanishiga erishish mumkin.
3 yoshgacha bo‘lgan bolalar: 1 tabletkadan (1 mg) sutkada 2 marta, ertalab va kechqurun, ovqat vaqtida.
Keksa yoshli pasiyentlar: keksa yoshli pasiyentlar uchun maxsus tavsiyalar yo‘q.
Davolash davomiyligi.
Davolash uzoq muddatli hisoblanadi, bunda terapetik samaraga bir necha xaftadan so‘ng erishiladi. Davolash 2-3 oydan kam bo‘lmasligi lozim, asosan birinchi xaftada sog‘lig‘i yaxshilanmagan pasiyentlarda.
Birga kechuvchi broxodilatator terapiya: ketotifenni bronxodilatatorlar bilan bir vaqtda qo‘llash, bronxodilatatorlarni qo‘llash tez-tezligini kamaytirish mumkin.
Davolashni to‘xtatish.
Ketotifen bilan davolashni astma simptomlarini qaytalanishi xavfidan saqlanish uchun asta-sekin, 2-4 hafta davomida to‘xtatish lozim.
Qo‘llash mumkin bo‘lmagan holatlar
Ketotifenga va preparatning boshqa komponentlariga yuqori sezuvchanlikda qo‘llash mumkin emas.
Ketotifen va diabetga qarshi peroral vositalar bilan bir vaqtda qo‘llashdan toki ushbu fenomen yetarli darajada o‘rganilmaguncha saqlansin (qaytar trombositopeniya rivojlanish xavfi).
Nojo‘ya ta’sirlar
Nojo‘ya reaksiyalar tez-tezligi bo‘yicha quyidagi tarzda tasniflanadi: juda tez-tez (≥1/10), tez-tez (≥1/100, <1/10), tez-tez emas (≥1/1000, <1/100), kam hollarda (≥1/10 000, <1/1000), juda kam hollarda (<1/10 000), tez-tezligi noma’lum (mavjud bo‘lgan ma’lumotlarga asoslanib baxo berish mumkin emas).
Infeksiyalar va invaziyalar: tez-tez emas – sistit.
Immun tizimi tomonidan: juda kam hollarda – terining og‘ir reaksiyalari, ko‘p shaklli eritema, Stivens-Djonson sindromi; tez-tezligi noma’lum – teri toshmalari.
Metabolik buzilishlar: kam hollarda – ishtahani oshishi tufayli tana vaznini oshishi.
Ruhiy kasalliklar: tez-tez – psixomotor qo‘zg‘alish, ta’sirlanish, uyqusizlik, havotirlik, asabiylashish; tez-tezligi noma’lum – oriyentasiya, uyquchanlik.
Nerv tizimi tomonidan: tez-tez emas – bosh aylanishi; kam hollarda – sedativ samara; juda kam hollarda – tirishish.
Ovqat hazm qilish yo‘llari tomonidan: tez-tez emas – og‘izni qurishi; tez-tezligi noma’lum – me’dada og‘riq, qabziyat, ko‘ngil aynishi, qusish, dispeptik buzilishlar.
Gepatobiliar tizimi tomonidan: juda kam hollarda – jigar fermentlari miqdorini oshishi, gepatit.
Siydik chiqarish tizimi tomonidan: tez-tezligi noma’lum – dizuriya kuzatilishi mumkin.
Davolashni boshida og‘izni qurishi va bosh aylanishi kelib chiqishi mumkin, biroq ular odatda davolash paytida o‘tib ketadi. Ayrim hollarda MNT tomonidan qo‘zg‘aluvchanlik, jizzakilik, uyqusizlik va havotirlik kabi stimulyasiya simptomlari kuzatiladi, ayniqsa bolalarda.
Maxsus ko‘rsatmalar
Preparat o‘tkir allergik reaksiyalarni va astmada nafas yetishmovchiligi xurujlarini davolashda samarasiz hisoblanadi.
Preparatni maksimal terapevtik samarasi bir necha xafta davomida tizimli qabul qilishdan keyin boshlanadi.
Gipofizar-buyrak usti tizimi faoliyatini normalllashuvi 1 yilgacha davom etishi mumkin. Shuning uchun ketotifenni qo‘llashni birinchi xaftalarida avvalgi davolashni davom ettirish tavsiya etiladi va uni asta–sekin, uzoq vaqt davomida bekor qilish lozim.
Ketotifen bilan uzoq muddat davolashni boshida boshqa astmaga qarshi preparatlar bilan, asosan kortikosteroidlar davolashni to‘satdan to‘xtatish mumkin emas. Steroidli qaramlik bo‘lgan pasiyentlarda adrenokortikal yetishmovchilikni rivojlanishi kuzatilishi mumkin.
Interkurent infeksiya holatida, maxsus infeksiyaga qarshi davolashni o‘tkazish zarur.
Ketotifen bilan davolanish vaqtida juda kam hollarda tirishish paydo bo‘lishi haqida xabarlar bor. Ketotifen tirishish bo‘sag‘asini kamaytirishi tufayli uni anamnezida tirishish bo‘lgan pasiyentlarda maxsus ehtiyotkorlik bilan qo‘llash zarur. Preparat bilan davolashda, tirishishlarni kelib chiqishini hisobga olib, shifokor nazorati ostida bo‘lishlari zarur.
Ketotifenni anamnezida tutqanog‘i bo‘lgan pasiyentlarga, preparat bilan davolanishda tirishish bo‘sag‘asini kamatirish ehtimoli tufayli ehtiyotkorlik bilan buyurish lozim.
Ketotifen bilan davolash vaqtida alkogolni iste’mol qilish mumkin emas, chunki u ketotifenni markaziy nerv tizimiga depressiv samarasini kuchaytirishi mumkin.
Preparatni allergiyani aniqlash uchun teri testlarini o‘tkazishdan 10-14 kun oldin to‘xtatish lozim.
Agar ketotifen bilan davolashni to‘xtatish zarur bo‘lsa, astma simptomlarini takroran kelib chiqishini oldini olish uchun dozani asta–sekin 2-4 xafta davomida kamaytirib boriladi.
Jigar funksiyasi buzilgan pasiyentlarga ketotifenni qo‘llashda ehtiyotkorlik choralariga rioya qilish lozim.
Peroral gipoglikemik preparatlar bilan bir vaqtda qo‘llash trombositopeniyani chaqirishini hisobga olib, ushbu majmuadagi preparatlardan saqlanish lozim yoki agar aynan shunday davolash tavsiya etilgan bo‘lsa, trombositlar miqdorini sinchkovlik bilan nazorat qilish lozim.
Agar pasiyentda qandning ba’zi turlarini o‘zlashtiraolmaslik aniqlansa, ushbu dori vositasini qo‘llashdan oldin shifokor bilan maslahatlashish zarur.
Bolalar
Preparatni 3 yoshdan boshlab bolalarni davolash uchun qo‘llaniladi.
Klinik kuzatuvlarni natijalari ketotifenni farmakokinetik o‘ziga xosligi katta yoshli pasiyentlarga nisbatan bolalar uchun mg/kg ko‘proq dozani zarurligini ko‘rsatdi. Preparatni yuqori dozalari, past dozalari kabi yaxshi o‘zlashtiriladi.
Homiladorlik va laktasiya davrida qo‘llanishi
Har qanday teratogen ta’sirlar to‘g‘risida hech qanday dalillar bo‘lmasada, preparatni homiladorlik vaqtida qo‘llash uchun tavsiyalar taqdim etilmagan bo‘lishi mumkin.
Ketotifen ko‘krak sutiga o‘tadi, shuning uchun preparat olayotgan onalar emizmasliklari kerak.
Avtomobilni va murakkab mexanizmlarni boshqarish qobiliyatiga ta’siri
Davolashni boshida Ketotifen transport vositalarini boshqarish va avtomatlashtirilgan mexanizmlar bilan ishlash vaqtida bemordan yuqori ehtityotkorlikni talab etadigan reaksiya tezligini sekinlashtirishi mumkin.
Boshqa dorilar bilan o‘zaro ta’siri
Ketotifenni va peroral diabetga qarshi vositalarni bir vaqtda qo‘llashda qaytuvchan trombositopeniyani rivojlanishi xavfi mavjud, shuning uchun dori vositalarining bunday majmuasidan saqlanish kerak.
Atropin, atropinsimon ta’sirga ega vositalar va ketotifenni bir vaqtda qo‘llanganda, siydikni tutilishi, konstipasiya, og‘izni qurishi kabi, nojo‘ya ta’sirlarni kelib chiqishi xavfi oshadi.
Ketotifen markaziy nerv tizimini susaytiruvchi boshqa dori vositalarining (sedativ, uyqu vositalari) samarasini kuchaytirishi mumkin.
Ketotifenni boshqa antigistamin vositalar bilan bir vaqtda qo‘llash ularning samarasini o‘zaro potensiyalanishiga olib kelishi mumkin.
Etanol ketotifenni markaziy nerv tizimiga depressiv samarasini kuchaytirish mumkin.
Homiladorlik va emizish davrida
Homiladorlik va laktasiya davrida qo‘llanishi
Har qanday teratogen ta’sirlar to‘g‘risida hech qanday dalillar bo‘lmasada, preparatni homiladorlik vaqtida qo‘llash uchun tavsiyalar taqdim etilmagan bo‘lishi mumkin.
Ketotifen ko‘krak sutiga o‘tadi, shuning uchun preparat olayotgan onalar emizmasliklari kerak.
Transport boshqarishga ta’siri
Avtomobilni va murakkab mexanizmlarni boshqarish qobiliyatiga ta’siri
Davolashni boshida Ketotifen transport vositalarini boshqarish va avtomatlashtirilgan mexanizmlar bilan ishlash vaqtida bemordan yuqori ehtityotkorlikni talab etadigan reaksiya tezligini sekinlashtirishi mumkin.
Dozani oshirib yuborish
Simptomlari: psixomotor reaksiyalarni ahamiyatli buzilishi, yaqqol sedasiyaga bo‘lgan uyquchanlik, bosh og‘rig‘i, dezoriyentasiya, taxikardiya, arterial bosimni pasayishi, koma (asosan bolalarda), nerv tizimining qo‘zg‘aluvchanlik simptomlari, shu jumladan tirishishlar yuzaga kelishi mumkin.
Shuningdek, bradikardiya, aritmiya, nafas markazi faoliyatini susayishi, nistagm kuzatiladi.
Yuqorida eslatib o‘tilgan simptomlar yuzaga kelgan holatda pasiyentni sinchkovlik bilan tekshirish lozim.
Davolash: ovqat hazm qilish yo‘llaridan so‘rilmagan dori vositasining miqdorini bartaraf etishni umumiy choralari: qusishni chaqirish, me’dani yuvish. Faollantirilgan ko‘mirni qabul qilish yaxshi ta’sir ko‘rsatishi mumkin. Zarurati bo‘lgan hollarda simptomatik davolashni o‘tkazish va yurak-qon tomir va nafas tizimini monitoringini o‘tkazish tavsiya etiladi. Qo‘zg‘aluvchanlik holatlarida qisqa ta’sir ko‘rsatuvchi barbituratlar yoki benzodiazepinni qabul qilish mumkin.
Farmakodinamikasi
Farmakodinamikasi
Ketotifen siklogeptotiofenonlar guruhiga kiradi va yaqqol antigistamin samaraga ega. U bronxodilatasiyalovchi bo‘lmagan astmaga qarshi vositalar guruhiga kiradi. Uning ta’sir mexanizmi gistaminni va boshqa mastosidlar mediatorlarini ajralib chiqishini tormozlashi, N1-reseptorlari gistaminlarini bloklashi va fosfodiesteraza fermentini susaytirishi bilan bog‘liq, buning natijasida semiz xujayralarida sAMFni miqdori oshadi. TFO (trombosito-faollashtiruvchi omil) samarasini susaytiradi. Mustaqil qo‘llanganda bronxial astma xurujlarini bartaraf etmaydi, ularni vujudga kelishini ogohlantiradi va ularning davomiyligini va jadalligini qisqarishiga olib keladi, bunda ayrim hollarda, ular to‘liq yo‘qoladi.
Farmakokinetikasi
Farmakokinetikasi
Ovqat hazm qilish yo‘lidan deyarli to‘liq so‘riladi. Maksimal plazmali darajasiga 2‑4 soatdan so‘ng erishiladi. 2 mg ni tashkil qiladigan minimal sutkalik dozani qabul qilgandan keyin muvozanat holatga erishiladi. Qonning plazma oqsillari bilan bog‘lanishi taxminan 75%.
Taqsimlanish xajmi – 2,7 l/kg.
Qabul qilingan dozaning taxminan 60% jigarda uch yo‘l bilan metabolizmga uchraydi (dimetillanish, N-oksidlanish, N-glyukurokon’yugasiyalanish), shunday metabolitlarga: ketotifen‑N-glyukuronid (farmakologik, faol bo‘lmagan), norketotifen (farmakologik faol, o‘zgarmagan ketotifen faolligiga o‘xshash), N-oksid ketotifen va
10‑gidroksiketotifen (farmakologik faolligi noma’lum).
Ikki bosqichda chiqariladi, qisqa yarim chiqarilishi davri 3 dan 5 soatgacha va davomli – 21 soat. Taxminan 1% o‘zgarmagan holatda siydik bilan 48 soat davomida, 60-70% – metabolitlar holida chiqariladi.