Kandibiotik
- Ishlab chiqaruvchi
- Glenmark Pharmaceuticals LTD
- Mamlakat
- Hindiston
- Ro‘yxat raqami
- DV/X 04477/06/18
- Ruxsat muddati
- 19.12.2030 gacha
- Saqlash muddati
- 2 yil
- ATX kodi
- S02CA
Kandibiotik nima uchun ishlatiladi
Kandibiotik — quloq uchun to‘rt moddali tomchi: antibiotik (xloramfenikol), zamburug‘ga qarshi modda (klotrimazol), yallig‘lanish va allergiyaga qarshi gormon (beklometazon) va og‘riqsizlantiruvchi (lidokain). Quloqning yallig‘lanishi va allergik kasalliklarida qo‘llanadi.
Tashqi quloq yallig‘lanishi
O‘tkir diffuz tashqi otit.
O‘rta quloq yallig‘lanishi
O‘rta quloqning o‘tkir otiti.
Surunkali otit zo‘rayishi
Zo‘raygan davrdagi surunkali otit.
Quloq operatsiyasidan keyin
Quloqda jarrohlik aralashuvidan keyingi holat.
Qancha va qanday qabul qilinadi
Rasmiy yo‘riqnoma bo‘yicha, 5 ml li quloq tomchilari uchun. Faqat mahalliy qo‘llanadi — quloqqa tomiziladi.
Kimga mumkin, kimga mumkin emas
Homiladorlik va emizish Ehtiyotkorlik bilan
Faqat shifokor buyursa — onaga kutilayotgan foyda homila va bola uchun xavfdan yuqori bo‘lganda.
Bolalar Mumkin emas
6 yoshgacha mumkin emas. 6–12 yoshda 2 tomchidan kuniga 4 marta, 5 kun.
Haydovchilar Mumkin
Mashina haydash va xavfli mexanizmlar bilan ishlashga ta’sir qilmaydi.
Quloq pardasi Mumkin emas
Quloq pardasi butunligi buzilgan (teshilgan) bo‘lsa, qo‘llash mumkin emas.
Qo‘llash mumkin bo‘lmagan holatlar
- Dori tarkibidagi moddalarga yuqori sezuvchanlik
- 6 yoshgacha bolalar
- Quloq pardasi butunligining buzilishi
Tarkibi
5ml li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Boshqa dorilar Ehtiyotkorlik
Faol moddalar teri orqali kam so‘rilgani uchun boshqa dorilar bilan o‘zaro ta’sir ehtimoli kam.
Ko‘p ichib qo‘ydingizmi?
Dozani oshirib yuborish ehtimoli kam, lekin tasodifan ko‘p tomizilsa, nojo‘ya ta’sirlar kuchayishi mumkin. Zararlangan joyni yuving; belgilar bo‘yicha davolanadi.
Kandibiotik narxi
Davlat belgilagan eng yuqori chakana narx (referent narx). Har bir qadoq yonida narx belgilangan sana.
Manba: Farmatsevtika tarmog‘ini rivojlantirish agentligi, referent narxlar ro‘yxati.
Ko‘p beriladigan savollar
Kandibiotikni quloqqa necha tomchidan tomizish kerak?
Kattalar va 12 yoshdan katta bolalarga 3–4 tomchidan kuniga 3–4 marta. 6–12 yoshli bolalarga 2 tomchidan kuniga 4 marta.
Kandibiotikni necha kun tomizish kerak?
Kattalarga kursni shifokor belgilaydi, o‘rtacha 5–7 kun. 6–12 yoshli bolalarga 5 kun.
Kichik bolaga Kandibiotik tomizish mumkinmi?
6 yoshgacha bolalarga mumkin emas.
Quloq pardasi teshilgan bo‘lsa ishlatsa bo‘ladimi?
Yo‘q, quloq pardasi butunligi buzilganda qo‘llash mumkin emas.
Tomchini isitish kerakmi?
Faqat birinchi marta ochishdan oldin flakonni qo‘lda 3–5 daqiqa ushlab, xona haroratigacha isiting. Keyin xona haroratida saqlansa, isitish shart emas.
Homiladorlikda Kandibiotik ishlatsa bo‘ladimi?
Faqat shifokor buyursa, onaga foyda homila va bola uchun xavfdan yuqori bo‘lganda.
Rasmiy yo‘riqnoma
Rasmiy yo‘riqnomaning to‘liq matni
Tavsifi
Rangsizdan och-sariq ranggacha tiniq suyuqlik.
Qo‘llanilishi
Quloqning allergik va yallig‘lanish kasalliklari:
- o‘tkir diffuz tashqi otit;
- o‘rta quloqning o‘tkir otiti;
- zo‘rayish bosqichidagi surunkali otit;
- quloqda jarrohlik aralashuvidan keyingi holatlarda kollaniladi.
Qo‘llash usuli va dozalari
Maxalliy qullanadi. O‘ramni ochishdan va preparatni birinchi qo‘llashdan oldin flakonni qo‘lda xona xaroratigacha 3-5 minut davomida isitish kerak. Keyingi ishlatishda va hona haroratida saqlashda qushimcha isitish talab qilinmaydi. Preparatni qo‘llash uchun boshni egish, kerakli miqdordagi tomchini qo‘lokka tomizish va preparatni eshitish yo‘llariga kirishni ta’minlash uchun boshni bir muddatgacha egik holatda tutib turish lozim.
Kattalarga va 12 yoshdan katta bolalarga preparatni 3-4 tomchidan eshitish yo‘liga sutkada 3-4 marta tomizish kerak.
Davolash kursi kasallikni og‘irlik darajasiga va kechuviga bog‘lik holda individual belgilanadi.
6 dan 12 yoshgacha bo‘lgan bolalarga - 2 tomchidan sutkada 4 marta. Davolash kursi 5 kunni tashkil qiladi.
Qo‘llash mumkin bo‘lmagan holatlar
preparatning komponentlariga yuqori sezuvchanlik
6 yoshgacha bo‘lgan bolalar
quloq pardasi butunligini buzilishida qo‘llash mumkin emas.
Nojo‘ya ta’sirlar
- achishish, preparat qo‘yilgan joyda qichishish,
- allergik reaksiya.
Maxsus ko‘rsatmalar
Faqat mahalliy qo‘llash uchun buyuriladi. Ko‘zga tushishiga yo‘l qo‘ymang. Ko‘zga tushganida ularni suv bilan yaxshilab yuvish kerak. Agar ahvolni yomonlashishi kuzatilsa yoki muntazam qo‘llanganidan keyin ahvol yaxshilanmasa, shifokorga murojaat qiling.
Boshqa dorilar bilan o‘zaro ta’siri
Preparatning faol komponentlarini teri orqali kam so‘rilishi tufayli, dorilarning o‘zaro ta’sirining ehtimoli kam hisoblanadi.
Homiladorlik va emizish davrida
Preparatni homiladorlik va laktasiya davrida buyurishni maqsadga muvofiqligi to‘g‘risidagi masala shifokor maslahatidan keyin individual xal etilishi lozim. Preparat faqat ona uchun taxmin qilinayotgan foyda, homila va bola uchun potensial xavfdan ustun bo‘lgandagina buyurilishi mumkin.
Transport boshqarishga ta’siri
Preparatni qo‘llanishi avtotransportni yoki potensial xavfli mexanizmlarni boshqarish qobiliyatiga ta’sir qilmaydi.
Dozani oshirib yuborish
Simptomlari: dozani oshirib yuborilishining ehtimoli kam, lekin doza behosdan oshirib yuborilganda nojo‘ya samaralar kuchayishi mumkin.
Davolash: shikastlangan sohani yuvish, simptomatik davolashni o‘tkazish kerak.
Farmakodinamikasi
Xloramfenikol - amfenikol hosilasi, keng ta’sir doirasiga ega antibiotik, mikrob hujayrasida oqsil sinteziga ta’sir qiladi. Bakteriostatik ta’sir ko‘rsatadi. Grammusbat bakteriyalar: Staphylococcus spp., Streptococcus spp.; grammanfiy bakteriyalar: Neisseria gonorrhoeae, Neisseria meningitidis, Escherichia coli, Haemophilus influenzae, Salmonella spp., Shigella spp., Klebsiella spp., Serratia spp., Yersinia spp., Proteus spp., Rickettsia spp. ga nisbatan faol; shuningdek Spirochaetaceae ga nisbatan xam faol.
Xloramfenikol penisillinga, streptomisinga, sulfanilamidlarga chidamli bo‘lgan shtammlarga, shuningdek anaerob mikrofloraga nisbatan faol.
Beklometazon dipropionati – galogen glyukokortikosteroid, yallig‘lanishga qarshi, allergiyaga qarshi va ekssudasiyaga qarshi ta’sirga ega.
Klotrimazol – imidazol hosilasi, zamburug‘larga qarshi ta’sir faolligi zamburug‘larning hujayra membranasiga qaratilgan. Zamburug‘larning hujayra membranasi tarkibidagi ergosterin sintezini buzadi, bu hujayra devorini shikastlanishiga olib keladi. Ergosterin - zamburug‘larning sitoplazmatik membranasining asosiy komponenti bo‘lib, klotrimazol ergosterinning sinteziga tizilib oladi va sintezini buzadi, uning samarasi konsentrasiyasiga bog‘liqdir.
Lidokain – mahalliy anestetik, yuborilgan joyda sezuvchan nerv tolalari bo‘ylab impuls o‘tkazuvchanligini buzadi. Samarasi qaytuvchan. Mahalliy anesteziya ko‘pincha innervasiya saqlangan holda og‘riqni pasaytirish uchun qo‘llaniladi. Lidokain ko‘pincha yuza og‘riqsizlantirish uchun qo‘llanadi, samarasi nisbatan tez boshlanadi va 6 soat davom etadi.
Farmakokinetikasi
Xloramfenikol ham mahalliy, ham tizimli qo‘llanganda to‘qima va suyuqliklarga yaxshi kiradi.
Beklometazon dipropionati mahalliy qo‘llanganda deyarli so‘rilmaydi.
Klotrimazol mahalliy qo‘llanganda minimal so‘riladi. 0,5 ml eritma surtilganidan keyin 48 soatdan keyin zardobda juda oz miqdori (0,001 mkg/ml dan kam) aniqlangan. Asosan ahlat va safro bilan chiqariladi, faqat 0,05 % - 0,5 % klotrimazol siydik bilan chiqariladi.
Lidokain mahalliy qo‘llanganda seroz qavatga so‘rilish mumkin. Preparatni so‘rilishi konsentrasiyaga, dozaga, qo‘llash joyiga, shuningdek preparatni qo‘llash davomiyligiga (ekspozisiyaga) bog‘liq.