





Kaltsiya Glyukonat
- Ishlab chiqaruvchi
- ОАО УралБиоФарм
- Mamlakat
- Rossiya
- Ro‘yxat raqami
- DV/X 04235/04/18
- Ruxsat muddati
- 18.03.2031 gacha
- Saqlash muddati
- 5 yil
- ATX kodi
- A12AA03
Kaltsiya Glyukonat nima uchun ishlatiladi
Kaltsiya Glyukonat — kalsiy preparati. Organizmda kalsiy yetishmasligini to‘ldiradi: kalsiy nerv impulslari o‘tishi, mushaklar qisqarishi, yurak ishi, suyak hosil bo‘lishi va qon ivishi uchun kerak.
Kalsiy yetishmovchiligi
Qonda kalsiy kamayishi (gipokalsiyemiya) bilan kechadigan kasalliklar, hujayra va qon tomir devori o‘tkazuvchanligi oshganda, mushaklarda nerv impulsi o‘tishi buzilganda.
Qalqonsimon oldi bezi va D vitamini kasalliklari
Gipoparatireoz (yashirin tetaniya, osteoporoz), D vitamini almashinuvi buzilishi: raxit (spazmofiliya, osteomalyatsiya), surunkali buyrak yetishmovchiligida qonda fosfat ko‘payishi.
Kalsiyga ehtiyoj oshganda
Homiladorlik, emizish davri, tez o‘sish davri, ovqatda kalsiy kam bo‘lishi, menopauzadan keyingi davrda kalsiy almashinuvi buzilishi.
Kalsiy ko‘p yo‘qotilganda
Uzoq yotoq rejimi, surunkali ich ketishi, siydik haydovchi, tutqanoqqa qarshi dorilar va glyukokortikoidlarni uzoq ichish fonida kalsiy kamayishi.
Zaharlanishlar
Magniy tuzlari, oksalat (shovul) va ftorid kislotalari hamda ularning eruvchan tuzlari bilan zaharlanish — kalsiy ular bilan zararsiz erimaydigan birikma hosil qiladi.
Paroksizmal mioplegiya
Qonda kaliy ko‘payishi bilan kechadigan xurujsimon mushak falajligi (giperkaliyemik shakli).
Qancha va qanday qabul qilinadi
Rasmiy yo‘riqnoma bo‘yicha, 0,5 g (500 mg) li tabletka uchun. Belgilar — bir martada ichiladigan tabletkalar soni (eng ko‘pi).
Kimga mumkin, kimga mumkin emas
Homiladorlik Ehtiyotkorlik bilan
Foyda va xavfni shifokor baholaydi. Faqat qondagi kalsiy miqdorini qat’iy nazorat qilgan holda: kalsiy ortiqchaligi homila va bolaga zarar qiladi.
Emizish davri Ehtiyotkorlik bilan
Kalsiy ona sutiga o‘tadi. Faqat qondagi kalsiy miqdorini qat’iy nazorat qilgan holda.
Bolalar Ehtiyotkorlik bilan
3 yoshdan, yoshiga mos dozada. 3 yoshgacha mumkin emas.
Buyrak va tosh kasalligi Ehtiyotkorlik bilan
Og‘ir buyrak yetishmovchiligi va kalsiyli buyrak toshida mumkin emas. Yengil buyrak buzilishi (kreatinin klirensi 45 ml/min), siydikda kalsiy biroz ko‘payishi yoki ilgari tosh kasalligi bo‘lsa — ehtiyotkorlik bilan, siydikdagi kalsiyni muntazam tekshirib. Tosh hosil bo‘lishiga moyil bo‘lsa, ko‘proq suyuqlik iching.
Yurak Ehtiyotkorlik bilan
Yurak glikozidlari bilan birga mumkin emas (aritmiya xavfi). Surunkali yurak yetishmovchiligi, qorinchalar fibrillyatsiyasi, keng tarqalgan aterosklerozda ehtiyotkorlik bilan.
Haydovchilar Mumkin
Davolash dozalarida mashina haydash va diqqat talab qiladigan ishlarga ta’sir qilmaydi.
Qo‘llash mumkin bo‘lmagan holatlar
- Dori tarkibidagi moddalarga yuqori sezuvchanlik
- Qonda kalsiy ko‘pligi (giperkalsiyemiya; kalsiy 12 mg % yoki 6 mEkv/l dan oshmasligi kerak)
- Siydikda kalsiy ko‘pligi (giperkalsiuriya)
- Og‘ir buyrak yetishmovchiligi
- Tromboz (qon laxtasi hosil bo‘lishi)ga moyillik
- Kalsiyli buyrak va siydik yo‘li toshlari (nefrourolitiaz)
- Sarkoidoz
- Yurak glikozidlarini bir vaqtda ichish (aritmiya xavfi)
- 3 yoshgacha bolalar
- Ehtiyotkorlik bilan: elektrolitlar buzilishi, suvsizlanish, ich ketishi, so‘rilish buzilishi sindromi, surunkali oshqozon-ichak kasalliklari, ilgari kalsiyli tosh kasalligi, surunkali yurak yetishmovchiligi, qorinchalar fibrillyatsiyasi, keng tarqalgan ateroskleroz, qon ivishining oshishi
Tarkibi
500 mg li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Yurak glikozidlari Birga ichilmaydi
Birga ichish mumkin emas — aritmiya xavfi.
Xinidin Ehtiyotkorlik
Yurak ichida impuls o‘tishi sekinlashishi va xinidinning zaharliligi oshishi mumkin.
Tetratsiklin antibiotiklari, digoksin, ichiladigan temir preparatlari Ehtiyotkorlik
Kalsiy ularning so‘rilishini sekinlashtiradi (tetratsiklinlar ta’sirini kamaytiradi). Oraliq kamida 2 soat bo‘lsin.
Tiazid siydik haydovchilar Ehtiyotkorlik
Qonda kalsiy ko‘payishini kuchaytirishi mumkin.
Kalsitonin Ehtiyotkorlik
Kalsiy ko‘payganda kalsitonin ta’siri susayishi mumkin.
Fenitoin Ehtiyotkorlik
Uning so‘rilishi (biologik samaradorligi) kamayadi.
Karbonatlar, salitsilatlar, sulfatlar Ehtiyotkorlik
Erimaydigan yoki qiyin eriydigan kalsiy tuzlari hosil bo‘ladi.
Ko‘p ichib qo‘ydingizmi?
Belgisi: qonda kalsiy ko‘payishi (umumiy kalsiy 3 mmol/l dan yuqori). Davolash: kalsitonin sutkasiga 5–10 XB/kg (0,5 l 0,9% li natriy xlorid eritmasida suyultirib) yuboriladi, yuborish davomiyligi 6 soat.
Ko‘p beriladigan savollar
Kaltsiya Glyukonatni qanday ichish kerak?
Tabletkani maydalab, ovqatdan oldin yoki ovqatdan 1–1,5 soat keyin, sut bilan iching.
Kattalarga necha tabletka ichiladi?
Kattalar va 14 yoshdan katta o‘smirlarga bir martada 2–6 tabletka (1000–3000 mg), kuniga 2–3 marta.
Bolaga Kaltsiya Glyukonat berish mumkinmi?
3 yoshdan: 3–4 yoshda 2 tabletka, 5–6 yoshda 2–3 tabletka, 7–9 yoshda 3–4 tabletka, 10–14 yoshda 4–6 tabletka — kuniga 2–3 marta. 3 yoshgacha mumkin emas.
Homiladorlikda Kaltsiya Glyukonat ichsa bo‘ladimi?
Faqat shifokor foyda va xavfni baholab buyursa va qondagi kalsiy qat’iy nazorat qilinsa. Emizish davrida ham shunday.
Temir yoki antibiotik bilan birga ichsa bo‘ladimi?
Tetratsiklinlar, digoksin va ichiladigan temir preparatlari bilan oraliq kamida 2 soat bo‘lishi kerak — kalsiy ularning so‘rilishini sekinlashtiradi.
Rasmiy yo‘riqnoma
Rasmiy yo‘riqnomaning to‘liq matni
Tavsifi
oq rangli, yassisilindrik shaklli, faskali va riskali tabletkalar. Marmarlikka ruxsat berilgan.
Qo‘llanilishi
Hujayra membranasining (shu jumladan qon tomirlari) o‘tkazuvchanligi oshgan gipokalsiyemiya bilan kechuvchi kasallilkar, mushak to‘qimalarida nerv impulslarini o‘tkazilishini buzilishi.
Gipoparaterioz (latent tetaniya, osteoporoz), D vitamini almashinuvini buzilishi: raxit (spazmofiliya, osteomalyasiya), surunkali buyrak yetishmovchiligi bo‘lgan bemorlarda giperfosfatemiya.
Kalsiy ionlariga yuqori ehtiyojlarda (homiladorlik, laktasiya davri, organizmning kuchli o‘sish davri) ovqatda kalsiy ionlarini yetishmovchiligi, uning almashinuvining buzilishi (postmenopauza davri).
Kalsiy ionlarining kuchli chiqarilishi (uzoq muddatli yotoq tartibi, surunkali diareya, diuretiklar va tutqanoqqa qarshi dori vositalar, glyukokortikosteroidlarni uzoq muddat qabul qilish fonida ikkilamchi gipokalsiyemiya).
Magniy tuzlari, shovul va ftor kislotalari va ularning eruvchan tuzlari bilan zaharlanish (kalsiy glyukonat bilan o‘zaro ta’sirida erimaydigan va toksik bo‘lmagan kalsiy oksalat va kalsiy ftorid hosil qiladi).
Paroksizmal mioplegiyaning giperkaliyemiya shakli.
Qo‘llash usuli va dozalari
Ichga, ovqatlanishdan oldin yoki 1–1,5 soatdan keyin (sut bilan ichiladi).
Qabul qilishdan oldin maydalansin.
Kattalar
1000–3000 mg (2–6 tabletkadan) kuniga 2–3 marta.
Bolalar
3 yoshgacha bo‘lgan bolalar yoshi
Kalsiya glyukonat preparati 3 yoshgacha bo‘lgan bolalarda qo‘llash mumkin emas.
3 yoshdan 4 yoshgacha bo‘lgan bolalar yoshi
1000 mg (2 tabletkadan) kuniga 2–3 marta.
5 yoshdan 6 yoshgacha bo‘lgan bolalar yoshi
1000–1500 mg (2–3 tabletkadan) kuniga 2–3 marta.
7 yoshdan 9 yoshgacha bo‘lgan bolalar yoshi
1500–2000 mg (3–4 tabletkadan) kuniga 2–3 marta.
10 yoshdan 14 yoshgacha bo‘lgan bolalar yoshi
2000–3000 mg (4–6 tabletkadan) kuniga 2–3 marta.
14 yoshdan oshgan o‘smirlar
Dozalash tartibi kattalardagi dozalash tartibiga muvofiq.
Qo‘llash mumkin bo‘lmagan holatlar
Preparatning komponentlariga individual yuqori sezuvchanlik. Giperkalsiyemiya (kalsiyning konsentrasiyasi 12 mg % yoki 6 mEkv/l dan oshishi mumkin emas); giperkalsiuriya, og‘ir buyrak yetishmovchiligi, trombozga moyillik, nefrourolitiaz (kalsiyli), sarkoidoz, yurak glikozidlarini bir vaqtda qabul qilish (aritmiyalar paydo bo‘lishi xavfi).
3 yoshgacha bo‘lgan bolalarda qo‘llanilmasin.
Ehtiyotkorlik bilan
Elektrolit buzilishlari (giperkalsiyemiyani rivojlanish xavfi), degidratasiya, diareya, kam so‘rilish sindromi, me’da-ichak yo‘llarining surunkali kasalliklari, anamnezidagi kalsiyli nefrourolitiaz, surunkali yurak yetishmovchiligi, qorinchalar fibrillyasiyasi, tarqalgan ateroskleroz, giperkoagulyasiyada.
Nojo‘ya ta’sirlar
Allergik reaksiyalar, qabziyat, me’da-ichak yo‘llari shilliq qavatini ta’sirlanishi.
Agar yo‘riqnomada ko‘rsatilgan har qanday nojo‘ya samaralar yomonlashsa yoki siz ushbu yo‘riqnomada ko‘rsatilmagan nojo‘ya samaralarni rivojlanishini sezsangiz, bu haqida shifokorga xabar bering.
Maxsus ko‘rsatmalar
Ahamiyatsiz darajada giperkalsiuriyasi (qon zardobidagi umumiy kalsiyning darajasi
3 mmol/l gacha), ahamiyatsiz buyrak funksiyasini buzilishi (kreatinin klirensi minutiga 45 ml) yoki anamnezida siydik-tosh kasalligi bo‘lgan pasiyentlarga preparatni ehtiyotkorlik bilan buyurish va siydik bilan kalsiyni chiqarilishini muntazam nazorat qilish kerak.
Siydikda konkrementlar hosil bo‘lishiga moyilligi bo‘lgan pasiyentlarga qabul qilinadigan suyuqlik hajmini oshirish tavsiya etiladi. Boshqa dori preparati bilan bir vaqtda qo‘llash zarur bo‘lganda, shifokor nazorati talab etiladi.
Homiladorlik va laktasiya davrida qo‘llanilishi
Homiladorlik
Preparatni qo‘llash shifokor tomonidan belgilanadigan ayol uchun foyda/homila (bola) uchun xavf nisbati hisobga olingan holda ruxsat etiladi. Homiladorlik davrida preparatni qo‘llash faqat qondagi kalsiyning zardob konsentrasiyasini qat’iy nazorat qilish sharti bilan mumkin, chunki giperkalsiyemiya homila va bolaga salbiy ta’sir ko‘rsatadi.
Laktasiya
Kalsiy yo‘ldosh to‘siq orqali o‘tadi va ona sutiga tushadi. Emizish davrida preparatni qo‘llash faqat qondagi kalsiyning zardob konsentrasiyasini qat’iy nazorat qilish sharti bilan mumkin, chunki giperkalsiyemiya bolaga salbiy ta’sir ko‘rsatadi.
Avtomobil va murakkab mexanizmlarni boshqarish qobiliyatiga ta’siri
Kalsiy glyukonat terapevtik dozalarda ichga qabul qilinganida avtomobilni boshqarish va yuqori diqqatni talab qiluvchi ishlarni bajarish qobiliyatiga ta’sir ko‘rsatmaydi.
Boshqa dorilar bilan o‘zaro ta’siri
Xinidin bilan bir vaqtda qo‘llanganida ichki qorinchalar o‘tkazuvchanlikni sekinlashishi va xinidinning toksikligi oshishi mumkin.
Tetrasiklin qatori antibiotiklari bilan erimaydigan komplekslarni hosil qiladi (antibakterial samarani pasaytiradi).
Tetrasiklinlar, digoksin, peroral temir preparatlari so‘rilishini sekinlashtiradi (ularni qabul qilishl orasidagi interval kamida 2 soat bo‘lishi kerak).
Tiazid diuretiklari bilan birga giperkalsiyemiyani kuchaytirishi, giperkalsiyemiyada kalsitonin samarasini kamaytirishi mumkin. Fenitoinni biokiraolishligini pasaytiradi.
Karbonatlar, salisilatlar, sulfatlar bilan farmasevtik nomutanosib (erimaydigan va qiyin eriydigan kalsiy tuzlari hosil qiladi).
Sekinlashgan kalsiy kanallarining blokatorlarini samarasi kamayadi.
Homiladorlik va emizish davrida
Homiladorlik
Preparatni qo‘llash shifokor tomonidan belgilanadigan ayol uchun foyda/homila (bola) uchun xavf nisbati hisobga olingan holda ruxsat etiladi. Homiladorlik davrida preparatni qo‘llash faqat qondagi kalsiyning zardob konsentrasiyasini qat’iy nazorat qilish sharti bilan mumkin, chunki giperkalsiyemiya homila va bolaga salbiy ta’sir ko‘rsatadi.
Laktasiya
Kalsiy yo‘ldosh to‘siq orqali o‘tadi va ona sutiga tushadi. Emizish davrida preparatni qo‘llash faqat qondagi kalsiyning zardob konsentrasiyasini qat’iy nazorat qilish sharti bilan mumkin, chunki giperkalsiyemiya bolaga salbiy ta’sir ko‘rsatadi.
Transport boshqarishga ta’siri
Kalsiy glyukonat terapevtik dozalarda ichga qabul qilinganida avtomobilni boshqarish va yuqori diqqatni talab qiluvchi ishlarni bajarish qobiliyatiga ta’sir ko‘rsatmaydi.
Dozani oshirib yuborish
Simptomlar: giperkalsiyemiya (qon zardobidagi umumiy kalsiyning darajasi
3 mmol/l dan yuyuqori).
Davolash: uni bartaraf qilish uchun kalsitonin sutkada 5-10 XB/ kg (uni 0,9% li 0,5 l natriy xlorid eritmasida suyultirib.) yuboriladi. Yuborish davomiyligi 6 soat.
Farmakodinamikasi
Kalsiy preparati bo‘lib, nerv impulslarining uzatilishi, skelet va silliq mushaklarning qisqarishi, miokard faoliyati, suyak to‘qimasining shakllanishi, qon ivishi jarayonlari uchun zarur bo‘lgan kalsiy ionlari tanqisligini to‘ldiradi.
Farmakokinetikasi
Peroral qabul qilingan preparatning taxminan 1/5-1/3 qismi ingichka ichakda so‘riladi; bu jarayon D vitamini, pH mavjudligiga, parhezning o‘ziga xosligiga va kalsiy ionlarini bog‘lash qobiliyati omillarini borligiga bog‘liq. Kalsiy ionlari tanqisligida va kalsiy ionlari miqdori kam bo‘lgan parhez qo‘llanilganda kalsiy ionlarining so‘rilishi oshadi.
Taxminan 20% buyrak, qolgan miqdori (80%) ichak orqali chiqariladi.