
Intellan
- Ishlab chiqaruvchi
- Pvt. Ltd. Herbion Pakistan
- Mamlakat
- Pokiston
- Ro‘yxat raqami
- DV/X 07647/03/20
- Ruxsat muddati
- 07.04.2031 gacha
- Saqlash muddati
- 3 yil
- ATX kodi
- N06BX
Intellan nima uchun ishlatiladi
Intellan — ko‘p tarkibli o‘simlik preparati (ginkgo biloba, Osiyo sentellasi, emblika, amomum, koriandr, xerpestis monniyera). Miya qon aylanishini va miya to‘qimalarida moddalar almashinuvini yaxshilaydi, xotira va diqqatni qo‘llab-quvvatlaydi, bezovtalikni kamaytiradi.
Xotira susayishi
Xotira pasayishi, unutuvchanlik, funksional aqliy yetishmovchilik.
Stress va charchoq
Asab-ruhiy zo‘riqish, stress, taranglik va charchoq.
Diqqat va mo‘ljal
Diqqatni jamlay olmaslik va mo‘ljalni yo‘qotish; bosh aylanishi, ong chalkashishi.
Miya qon aylanishi
Miya hujayralarida moddalar almashinuvi susayishi va mayda tomirlarda qon aylanishi buzilishi.
Bezovtalik va depressiya
O‘rtacha og‘irlikdagi bezovtalik va depressiya.
Bolalarda rivojlanish kechikishi
Ko‘rsatmalar ro‘yxatida bolalarda aqliy va jismoniy rivojlanish kechikishi bor, lekin kapsula 18 yoshgacha mumkin emas — bolalar uchun sirop shakli tavsiya etiladi.
Qancha va qanday qabul qilinadi
Rasmiy yo‘riqnoma bo‘yicha, kapsula uchun. Belgilar — bir martada ichiladigan kapsulalar soni.
Kimga mumkin, kimga mumkin emas
Homiladorlik Mumkin emas
Mumkin emas — bu davrda qo‘llash bo‘yicha klinik ma’lumot yo‘q.
Emizish davri Mumkin emas
Mumkin emas — klinik ma’lumot yo‘q.
Bolalar Mumkin emas
Kapsula 18 yoshgacha mumkin emas. Bu yoshda sirop shakli tavsiya etiladi.
Haydovchilar Mumkin
Mashina haydash va murakkab mexanizmlar bilan ishlashga ta’sir qilmaydi.
Qo‘llash mumkin bo‘lmagan holatlar
- Kapsula tarkibidagi moddalarni individual ko‘tara olmaslik
- Homiladorlik va emizish davri
- 18 yoshgacha bolalar va o‘smirlar (kapsula)
Tarkibi
Dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Ko‘p ichib qo‘ydingizmi?
Dozani oshirib yuborish tasvirlanmagan va ehtimoli kam.
Ko‘p beriladigan savollar
Intellanni qanday ichish kerak?
Kattalarga 1 kapsuladan kuniga ikki marta, ovqatdan keyin, yoki shifokor buyurganicha.
Intellanni kechasi ichsa bo‘ladimi?
Kechasi ichilganda uyqu buzilishi mumkin.
Bolaga Intellan kapsula berish mumkinmi?
Yo‘q, kapsula 18 yoshgacha mumkin emas. Bu yoshda sirop shakli tavsiya etiladi.
Homiladorlikda Intellan ichsa bo‘ladimi?
Yo‘q, homiladorlik va emizish davrida mumkin emas — klinik ma’lumot yo‘q.
Intellan boshqa dorilar bilan birga ichilsa bo‘ladimi?
Rasmiy yo‘riqnomada boshqa dorilar bilan o‘zaro ta’sir ma’lum emasligi aytilgan.
Rasmiy yo‘riqnoma
Rasmiy yo‘riqnomaning to‘liq matni
Tavsifi
gigroskopik jigarrang kukun yoki oq dog‘lari bo‘lgan gigroskopik jigarrang kukun saqlovchi kulrang № kapsulalar, korpusi va qopqoqchasiga «INTELLAN» yozuvi tushirilgan
Qo‘llanilishi
Qo‘llanilishi: - Xotirani pasayishi va eslab qolishni susayishi - Surunkali stress holatlari, zo‘riqish va charchoqlik - Konsentrasiyani yetishmovchiligi va dezoriyentasiya - Bolalarni ruxiy va jismoniy rivojlanishini kechikishi - Funksional aqliy yetishmovchiligi - Bosh aylanishi, ongni chalkashishi - Pasaygan neyrometobolizm va bosh miya mikrosirkulyasiyasini buzilishi - O‘rtacha og‘irlikdagi xavotirlik va depressiya qo‘llanadi
Qo‘llash usuli va dozalari
Kattalarga: Bir kapsuladan kuniga ikki marta ovqatdan keyin. Yoki shifokorning ko‘rsatmasi bo‘yicha qo‘llaniladi.
Qo‘llash mumkin bo‘lmagan holatlar
- Preparat komponentlariga bo‘lgan yuqori shaxsiy sezuvchanlik; - Homiladorlik va laktasiya davri; - Bolalar va o‘smirlar 18 yoshgacha (18 yoshgacha sirop tarzidagi preparatni qo‘llash tavsiya etiladi).
Nojo‘ya ta’sirlar
- Allergik reaksiyalar bo‘lishi mumkin; - Preparat kechasi qabul qilinganda uyquning buzilishi mumkin.
Maxsus ko‘rsatmalar
Homiladorlik va laktasiya davrida qo‘llanilishi
Homiladorlik va laktasiya davrida preparatni qollash tavsiya etilmaydi, chunki ushbu
davrda preparatni qollash to‘g‘risidagi klinik ma’lumotlar mavjud emas.
Pediatriyada qo‘llanilishi
Ushbu dori shakli bolalarda qo‘llanilmaydi.
Avtomobilni va murakkab mexanizmlarni boshqarish qobiliyatiga ta’siri.
Ta’sir ko‘rsatmaydi.
Boshqa dorilar bilan o‘zaro ta’siri
Ma’lum emas.
Homiladorlik va emizish davrida
Homiladorlik va laktasiya davrida preparatni qollash tavsiya etilmaydi, chunki ushbu davrda preparatni qollash to‘g‘risidagi klinik ma’lumotlar mavjud emas.
Transport boshqarishga ta’siri
Ta’sir ko‘rsatmaydi.
Dozani oshirib yuborish
Ta’riflanmagan, ehtimoli kam.
Farmakodinamikasi
Intellan- kompleks o‘simlik preparati bo‘lib, uning ta’siri uning tarkibiga kiruvchi
bioaktiv alkoloidlar, flavonoidlar, saponinlar, glikozidlar, aminokislotalar,
vitaminlar va zarur mikroelementlarga boy o‘simliklar bilan bog‘liq. Preparat xotira,
aqliy faoliyatni yaxshilaydi, neyrotransmitter markazlarini faollashtiradi, tashvish va
depressiyani bostiradi.
Ikki bulakli Gingko ekstrakti tarkibida flavonoidli glikozidlar va terpenlaktonlar
mavjud. Miya qon aylanishini va miyani kislorod bilan ta’minlashni yaxshilaydi(
antigipoksik xususiyat). Tomirlarni kengaytiruvchi ta’sirga yega bo‘lib, miya to‘qimalarida
mikrosirkulyasiyani yaxshilash orqali trombositlar agregasiyasiga to‘sqinlik qiladi. Bosh
miya to‘qimalari va periferik to‘qimalar shishiga qarshi ta’sir ko‘rsatadi.
Neyromediatorlarni( noradrenalin, dofamin, asetilxolin) chiqarishga va ularning
membrana reseptorlari bilan bog‘lanish qobiliyatiga ta’sir qiladi. Xujayra
membranalari lipidlarning peroksidlanishiga to‘sqinlik qiladi va yerkin
radikallarning ta’sirini( antioksidant ta’sir) zararsizlantiradi.
Osiyo sentellasi tarkibida triterpen saponinlari, bioflavonoidlar mavjud. Miya qon
aylanishini yaxshilaydi, miyani kislorod bilan ta’minlaydi, bu bilan aqliy qobilyatini
oshiradi, fikrlash jarayonini tezlashtiradi, xotirani yaxshilaydi, bosh og‘rig‘ini
yengillashtiradi va nutq faoliyatini yaxshilaydi. Ruhiy va jismoniy charchashni
yengillashtiradi, bezovtalikni kamaytiradi, taranglikni pasaytiradi va uyqusizlikka
qarshi kurashadi.
Dorivor Emblika tarkibida S vitamini, V1, V2 vitaminlari, nikotin kislotasi,
mikroelementlar, kalsiy, fosfor, jelezo, pektin bor. Miya tomirlarini kengaytirish
orqali miya qon aylanishini rag‘batlantiradi. Pektin yordamida qondagi xolesterin
darajasini pasaytiradi. Biologik faol, tabiiy, oson xazm bo‘ladigan S vitamining yuqori
miqdori antioksidant ta’sirini, stressga chidamliligini keltirib chiqaradi. Eritropoez,
oqsillar biosintezini rag‘batlantiradi, mezenxim kelib chiqishi bo‘lgan to‘qimalarning –
suyak dentini va kollagenning to‘g‘ri ko‘payishiga ko‘maklashadi. Ovqat xazm qilish
jarayonini yaxshilaydi, ishtaxani oshiradi.
Begizsimon Amomumda efir moylari( a-terpineol, mirsin, limonin, b-felladrin,
borneol) mavjud. Adaptogen xususiyatlarga ega bo‘lib, ortiqcha zo‘riqish, charchoq va asteniya
holatlarida tananing chidamliligini oshirishga yordam beradi. Organizimning umumiy
tonusiin oishirishga yordam beradi. Ishtaxani oshiradi, ovqat xazm qilish jarayonini
yahshilaydi.
Ekma Koriandr tarkiibida efir moyi, borneol, timol, kamfen, betpinen, sitronellol,
nerol bor. Ovqat xazm qilishga rag‘batlantiruvchi ta’sir ko‘rsatadi. U tinchlantiruvchi,
spazmga qarshi, gaz chiqaruvchi va xolagog ta’sirga ega.
Monniyer Xerpestisida alkoloidlar ( braxmin, xerpestin), glikozidlar, saponinlar,
aminokislotalar (aspargin, glyutamin, serin, terionin, alanin, glisin, leysin
kislotalari) mavjud. Etibor va hotira mehanizmlariga rag‘batlantiruvchi ta’sir
ko‘rsatadi.
Intellan o‘simliklar asosidegi neyrostimulyator bo‘lib, u aqliy faoliyat, xotira va
diqqatni yaxshilashga yordam beradi.
Preparat miya qon aylanishini yaxshilaydi va miya to‘qimlarining moddalar almashinuvini
rag‘batlantiradi, miya faolligi va hotira funksiyalarini kuchaytiradi.
Ushbu dorini qabul qilish bolalardagi psixolingvistik va psixomotor rivojlanish
ko‘rsatkichlarini yaxshilaydi. Uning yumshoq neyrostimulyator ta’siri bezovtalik va
xavotirni kamaytiradi, tinchlanmaslik va noqulaylikni yengillashtiradi; u subakut
depressiv holatlarni davolashda yordam beradi.
Farmakokinetikasi
Preparatining ta’siri uning tarkibiy qisimlarining umumiy ta’siri xisoblanadi,
barcha komponentlarni birgalikda markerlar yoki biologik tadqiqotlar yordamida kuzatib bo‘lmaydi, shuning uchun kinetik kuzatuvlarni o‘tkazish mumkin yemas.