





Ibuklin Bebi
- Ishlab chiqaruvchi
- S.L. EDEFARM
- Mamlakat
- Ispaniya
- Ro‘yxat raqami
- DV/X 09809/04/22
- Ruxsat muddati
- 13.04.2027 gacha
- Saqlash muddati
- 4 yil
- ATX kodi
- M01AE01
Ibuklin Bebi nima uchun ishlatiladi
Ibuklin Bebi suspenziyasi — emizikli va katta yoshdagi bolalar uchun steroid bo‘lmagan yallig‘lanishga qarshi dori. Isitmani tushiradi, og‘riq va shishni kamaytiradi.
Isitma
Shamollash, o‘tkir respirator virusli infeksiyalar (O‘RVI), gripp, angina (faringit), isitma bilan kechadigan bolalar infeksiyalari va emlashdan keyingi reaksiyalarda tana harorati oshganda.
Quloq va tish og‘rig‘i
O‘rta quloq yallig‘lanishidagi quloq og‘rig‘i, tish og‘rig‘i, tish og‘riq bilan chiqishi.
Bosh og‘rig‘i va migren
Kuchsiz va o‘rtacha bosh og‘rig‘i, migren.
Mushak va bo‘g‘im og‘rig‘i, jarohatlar
Mushak va bo‘g‘imlardagi og‘riqlar, tayanch-harakat a’zolarining jarohatlari.
Qancha va qanday qabul qilinadi
Rasmiy yo‘riqnoma bo‘yicha, 100 mg/5 ml suspenziya uchun (5 ml da 100 mg ibuprofen). Yo‘riqnoma Gabufind 100 mg/5 ml suspenziyasiniki. Doza bola yoshi va vazniga qarab beriladi.
Kimga mumkin, kimga mumkin emas
Bolalar Ehtiyotkorlik bilan
Emizikli va katta yoshdagi bolalar uchun mo‘ljallangan. 6 oylikkacha bolalarga faqat shifokor maslahati bilan. Dorida bo‘yoq yo‘q — bo‘yoqlarga allergiyasi bor bolalarga tavsiya etilgan dozada berish mumkin.
Homiladorlik Mumkin emas
Homiladorlikning oxirgi uch oyligida mumkin emas. Birinchi 6 oyida faqat shifokor buyursa.
Emizish davri Mumkin
Ona sutiga oz miqdorda o‘tadi. Emiziladigan chaqaloqlarda nojo‘ya ta’sir holatlari ma’lum emas, emizishni to‘xtatish shart emas.
Haydovchilar Mumkin
Dori ichish paytida transport haydash va mexanizmlar bilan ishlashga qarshi ko‘rsatma haqida ma’lumot yo‘q.
Astma va allergiya Ehtiyotkorlik bilan
Ilgari bronxial astma yoki eshakemi tasdiqlangan bo‘lsa, dorini ichishdan oldin shifokor bilan maslahatlashing.
Jigar va buyrak Ehtiyotkorlik bilan
Jigar yoki buyrak faoliyatining og‘ir yetishmovchiligida mumkin emas. Jigar va buyrak kasalliklari bo‘lsa — avval shifokor bilan maslahatlashing.
Qandli diabet Ehtiyotkorlik bilan
Yo‘riqnomaga ko‘ra dori tarkibida qand bor, shuning uchun qandli diabeti bor odamlarda qo‘llanmasligi mumkin.
Oshqozon yarasi Ehtiyotkorlik bilan
Ilgari oshqozon yoki o‘n ikki barmoqli ichak yarasi bo‘lgan bo‘lsa, dorini ichishdan oldin shifokor bilan maslahatlashing.
Qo‘llash mumkin bo‘lmagan holatlar
- Dori tarkibidagi biror moddaga yoki boshqa steroid bo‘lmagan yallig‘lanishga qarshi dorilarga (NYQD) yuqori sezuvchanlik
- Ilgari aspirin (atsetilsalitsil kislota) yoki boshqa NYQD dan keyin tumov, teri toshmasi yoki bronxospazm ko‘rinishidagi allergiya bo‘lgan bo‘lsa
- Oshqozon yoki o‘n ikki barmoqli ichak yarasining zo‘raygan davri
- Jigar yoki buyrak faoliyatining og‘ir yetishmovchiligi
- Qon kasalliklari: gemofiliya, qon ivishining pasayishi (gipokoagulyatsiya), gemorragik diatez
- Homiladorlikning III uch oyligi
- Qandli diabet — yo‘riqnomaga ko‘ra tarkibida qand bor, qo‘llanmasligi mumkin
Tarkibi
100mg/5ml li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Aspirin (atsetilsalitsil kislota) va boshqa NYQD Birga ichilmaydi
Birga ichilmaydi — oshqozon-ichak nojo‘ya ta’sirlari xavfi oshadi.
Bosim tushiruvchi dorilar va siydik haydovchilar (diuretiklar) Birga ichilmaydi
Birga ichilmaydi — ularning samarasi kamayishi mumkin.
Antikoagulyantlar (qon ivishini kamaytiruvchi dorilar) Birga ichilmaydi
Birga ichilmaydi — ularning ta’siri kuchayishi mumkin.
Litiy va metotreksat Birga ichilmaydi
Birga ichilmaydi — ularning qondagi miqdori oshishi mumkin.
Zidovudin Birga ichilmaydi
Birga ichilmaydi — qon ketish vaqti uzayadi.
Ko‘p ichib qo‘ydingizmi?
Tavsiya etilganidan ko‘p ichilsa, darhol shifokor yoki farmatsevtga murojaat qiling. Belgilari: qorin og‘rig‘i, ko‘ngil aynishi, qusish, bosh og‘rig‘i va bosh aylanishi. Maxsus zaharga qarshi dori (antidot) yo‘q: oshqozon yuviladi, qo‘llab-quvvatlovchi davo va kerak bo‘lsa tuzlar muvozanati tiklanadi.
Analoglari: ibuprofen
Tarkibida ibuprofen bor 41 ta dori. Almashtirishdan oldin shifokor yoki farmatsevt bilan maslahatlashing.
DolgitkremKrem · 50g · GermaniyaRetseptsiz
IbufenSuspenziya · 100 mg/5 ml · PolshaRetseptsiz
IbuprofenTabletka · 400mg · RossiyaRetseptsiz
IbuprofenSuspenziya · 100 mg/5 ml · O‘zbekistonRetseptsizIbuprofenSham · 125mg · O‘zbekistonRetseptsizIbuprofenSuspenziya · 100mg/5ml · BelarusRetseptsiz
MIGTabletka · 400 mg · GermaniyaRetseptsizKo‘p beriladigan savollar
Bolaga Ibuklin Bebi 100 mg/5 ml suspenziyasidan necha ml berish kerak?
Yosh va vaznga qarab: 3–6 oylik (5–7,6 kg) — 2,5 ml dan kuniga 3 marta; 6–12 oylik (7,7–9 kg) — 2,5 ml dan 3–4 marta; 1–3 yosh (10–15 kg) — 5 ml; 4–6 yosh (16–20 kg) — 7,5 ml; 7–9 yosh (21–29 kg) — 10 ml; 10–12 yosh (30–40 kg) — 15 ml, kuniga 3 marta.
Necha soatda bir berish mumkin?
Har 6–8 soatda; dozalar orasida kamida 4 soat bo‘lishi kerak.
6 oylikkacha chaqaloqqa berish mumkinmi?
Faqat shifokor bilan maslahatlashgandan keyin va uning tavsiyasiga ko‘ra.
Isitma tushmasa nima qilish kerak?
Isitma 3 kundan ortiq saqlansa, shifokorga murojaat qiling. Tavsiya etilgan dozadan oshirmang.
Ovqatdan oldin yoki keyin beriladimi?
Ovqatdan keyin, ko‘p suyuqlik bilan. Berishdan oldin yaxshilab chayqating.
Homiladorlikda ichsa bo‘ladimi?
Oxirgi uch oyligida mumkin emas. Birinchi 6 oyida faqat shifokor buyursa.
Rasmiy yo‘riqnoma
Rasmiy yo‘riqnomaning to‘liq matni
Bu dorining o‘z yo‘riqnomasi reyestrda yo‘q, shu ta’sir qiluvchi moddali dori yo‘riqnomasi keltirilgan: ГАБУФИНД® Суспензия 100 мг/5 мл 100мл флаконы (DV/M 00240/08/15). Doza dorining shakli va miqdoriga qarab farq qilishi mumkin.
Tavsifi
Oqdan sarg‘ish ranggacha bo‘lgan suspenziya. Saqlash davomida qatlamlar hosil bo‘lishi mumkin, chayqatilish natijasida yo‘qoladi.
Qo‘llanilishi
Preparat – suspenziya isitmani tushiruvchi, og‘riqni qoldiruvchi, yallig‘lanishga qarshi ta’sir ko‘rsatadi. Paydo bo‘lish joyiga ta’sir qilish yo‘li bilan oshgan tana harorati, og‘riq va shish kabi simptomlarning namoyon bo‘lishini kamaytiradi.
Preparat preparati emizikli bolalar va bolalarda quyidagi hollarda qo‘llash uchun mo‘ljallangan:
Turli genezli tana haroratini oshishi:
- shamollash kasalliklarida,
- o‘tkir respirator virusli infeksiyalarda,
- grippda,
- anginada (faringitda),
- tana haroratini oshishi bilan birga kechuvchi bolalardagi infeksiyalarda,
- emlashdan keyingi reaksiyalarda.
Turli kelib chiqishga ega kuchsiz va o‘rtacha jadallikdagi og‘riq sindromi:
- o‘rta quloq yallig‘langanda quloq og‘rig‘ida,
- tish og‘rig‘i, tishlarning og‘riq bilan chiqishi,
- bosh og‘rig‘i, migren,
- mushaklardagi, bo‘g‘imlardagi og‘riqlar,
- tayanch-harakat apparatining jarohatlari.
Qo‘llash usuli va dozalari
Og‘iz orqali qo‘llash uchun.
5 ml suspenziya 100 mg ibuprofen saqlaydi.
Ishlatish oldidan bir xil suspenziya olingunicha chayqatilsin.
Dori preparati katta miqdordagi suyuqlik bilan ovqatdan keyin qabul qilinadi.
Suspenziyani aniq dozalash uchun flakonga 2,5 ml, 5 ml o‘lchov qoshiqchasi bor.
Doza bolaning yoshi va tana vazniga qarab belgilanadi.
Preparat preparatining bir martalik dozasi 5-10 mg/kg tana vazniga sutkada 3-4 martani tashkil qiladi. Suspenziyaning maksimal sutkalik dozasi 20-30 mg/kg tana vaznigani tashkil qiladi. Preparat bir martalik dozalarda quyida keltirilgan sxema bo‘yicha buyuriladi:
3 oylikdan 6 oylikkacha bo‘lgan emizikli bolalar (5-7,6 kg): 2,5 ml dan sutka davomida 3 marta (bu sutkada 150 mg ibuprofenga to‘g‘ri keladi).
6 oylikdan 12 oylikkacha bo‘lgan emizikli bolalar (7,7-9 kg): 2,5 ml dan sutka davomida 3 dan 4 martagacha (bu sutkada 150-200 mg ibuprofenga to‘g‘ri keladi).
1 yoshdan 3 yoshgacha bo‘lgan bolalar (10-15 kg): 5 ml dan sutka davomida 3 marta (bu sutkada 300 mg ibuprofenga to‘g‘ri keladi).
4 yoshdan 6 yoshgacha bo‘lgan bolalar (16-20 kg): 7,5 ml dan sutka davomida 3 marta (bu sutkada 450 mg ibuprofenga to‘g‘ri keladi).
7 yoshdan 9 yoshgacha bo‘lgan bolalar (21-29 kg): 10 ml dan sutka davomida 3 marta (bu sutkada 600 mg ibuprofenga to‘g‘ri keladi).
10 yoshdan 12 yoshgacha bo‘lgan bolalar (30-40 kg): 15 ml dan sutka davomida 3 marta (bu sutkada 900 mg ibuprofenga to‘g‘ri keladi).
Preparat dozasini har 6-8 soatda, navbatdagi dozalar orasida kamida 4 soatlik vaqtga rioya qilish bilan takrorlash mumkin.
6 oylikkacha bo‘lgan bolalarda dori preparatini shifokor bilan maslahatlashgandan keyin, uning tavsiyasiga muvofiq qo‘llash mumkin. Tavsiya qilingan dozani oshirish mumkin emas.
Agarda isitma 3 kundan ortiq saqlanib tursa, shifokor bilan maslahatlashish kerak.
Qo‘llash mumkin bo‘lmagan holatlar
Preparatini quyidagi hollarda:
- preparatning har qanday komponentiga, shuningdek boshqa nosteroid yallig‘lanishga qarshi dori vositalariga bo‘lgan shaxsiy sezuvchanlikda,
- asetilsalisil kislotasi yoki boshqa nosteroid yallig‘lanishga qarshi vositalari qo‘llanganidan keyin, qachondir oldin tumov, teri toshmalari yoki bronxospastik reaksiyalar ko‘rinishidagi allergiya simptomlari paydo bo‘lganida,
- zo‘rayish bosqichidagi me’da yoki o‘nikki barmoq ichak yara kasalligida,
- jigar, buyraklar faoliyatining yaqqol yetishmovchiligida,
- qon kasalliklari: gemofiliyada, gipokoagulyasiyada, gemorragik diatezda;
- homiladorlikning III uch oyligida qo‘llash mumkin emas.
Preparat qand saqlaydi, shuning uchun diabeti bo‘lgan shaxslarda qo‘llanishi mumkin emas.
Nojo‘ya ta’sirlar
Odatda preparat yaxshi o‘zlashtiriladi, biroq uni qo‘llash ovqat hazm qilish yo‘llari tomonidan nojo‘ya ta’sirlar chaqirishi mumkin, masalan me’dada diskomfort hissi.
Kam uchraydigan nojo‘ya ta’sirlariga quyidagilar kiradi:
- nospesifik allergik va anafilaktik reaksiyalar,
- bronxospazm yoki bo‘g‘ilish, astmaning zo‘rayishi bilan namoyon bo‘luvchi nafas a’zolari tomonidan reaksiyalar,
- toshmalar, qichishish, eshakemi, purpura, vazomotor shish ko‘rinishidagi teri reaksiyalari, juda kam bullez dermatozi,
- trombositopeniya
- me’da-ichak yo‘llarini eroziv-yarali shikastlanishlari.
Barcha paydo bo‘lgan nojo‘ya (odatdagi bo‘lmagan) samaralari, shu jumladan yo‘riqnomada ko‘rsatilmagan samaralari to‘g‘risida davolovchi shifokorga xabar berish kerak.
Maxsus ko‘rsatmalar
Preparat preparatini qabul qilishdan oldin, agarda oldin quyidagilar tasdiqlangan bo‘lsa shifokor bilan maslahatlashish kerak:
- bronxial astma, eshakemi
- jigar va buyraklarning kasalliklari,
- anamnezdagi me’da va o‘nikki barmoq ichak yara kasalligi.
Preparat bo‘yovchilar saqlamaydi va tavsiya qilingan dozalarida bo‘yovchilarga allergik reaksiyalarga moyilligi bo‘lgan bolalarda qo‘llanishi mumkin.
Homiladorlik va laktasiya davri
Homiladorlikning birinchi 6 oyligida ibuprofenni qo‘llashga faqat shifokorning buyurishi bo‘yicha ruxsat beriladi. Ibuprofenni homiladorlikning oxirgi uch oyligida qo‘llash mumkin emas.
Ibuprofen ko‘p bo‘lmagan miqdorda ko‘krak suti bilan chiqarilishi mumkin. Emizikli bolalarda nojo‘ya ta’sirlarining hollari ma’lum emas, shuning uchun emizishni bekor qilishning zarurati yo‘q.
Transport vositalarini haydash va mexanik qurilmalarga xizmat ko‘rsatish qobiliyatiga ta’siri
Preparat preparatini qabul qilish vaqtida transportni boshqarish va mexanizmlarga xizmat ko‘rsatishga qarshi ko‘rsatmalar mavjud emas.
Boshqa dorilar bilan o‘zaro ta’siri
Ibuprofenni (nosteroid yallig‘lanishga qarshi vositalar guruhining boshqa dori vositalari kabi) quyida sanab o‘tilgan dori vositalari bilan bir vaqtda buyurish mumkin emas:
- asetilsalisil kislotasi yoki boshqa nosteroid yallig‘lanishga qarshi vositalar – me’da-ichak yo‘llari tomonidan nojo‘ya ta’sirlarining paydo bo‘lishini xavfi oshadi,
- antigipertenziv dori vositalari va diuretiklar bilan – nosteroid yallig‘lanishga qarshi vositalar guruhi dori vositalari, bu vositalarning ta’siri samaradorligini pasaytirishi mumkin,
- antikoagulyantlar bilan - ko‘p sonli bo‘lmagan klinik ma’lumotlar, nosteroid yallig‘lanishga qarshi vositalar, qon ivishini pasaytiruvchi dori vositalarining ta’sirini kuchaytirishi mumkinligini ko‘rsatadi,
- litiy va metotreksat bilan – nosteroid yallig‘lanishga qarshi vositalar litiyning ham, metotreksatning ham plazmadagi konsentrasiyasining oshishini chaqirishi mumkin,
- zidovudin bilan – ibuprofen va zidovudinni bir vaqtda qabul qilayotgan pasiyentlarda qon ketishi vaqtini oshishining isboti bor.
Homiladorlik va emizish davrida
Homiladorlikning birinchi 6 oyligida ibuprofenni qo‘llashga faqat shifokorning buyurishi bo‘yicha ruxsat beriladi. Ibuprofenni homiladorlikning oxirgi uch oyligida qo‘llash mumkin emas.
Ibuprofen ko‘p bo‘lmagan miqdorda ko‘krak suti bilan chiqarilishi mumkin. Emizikli bolalarda nojo‘ya ta’sirlarining hollari ma’lum emas, shuning uchun emizishni bekor qilishning zarurati yo‘q.
Transport boshqarishga ta’siri
Preparat preparatini qabul qilish vaqtida transportni boshqarish va mexanizmlarga xizmat ko‘rsatishga qarshi ko‘rsatmalar mavjud emas.
Dozani oshirib yuborish
Dori preparatini tavsiya etilganidan yuqori dozasi qabul qilingan holda, darhol shifokor yoki farmasevtga murojaat qilish kerak.
Ibuprofenning dozasini oshirib yuborish simptomlari: qorin og‘rig‘i, ko‘ngil aynishi, qusish, bosh og‘rig‘i va bosh aylanishi. Ibuprofenning yuqori dozalari odatda, boshqa dori vositalari bir vaqtda qo‘llanmaganida yaxshi o‘zlashtiriladi.
Doza oshirib yuborilganidagi choralar:
Spesifik antidoti mavjud emas va tutib turuvchi davolash, me’dani yuvish qo‘llanadi, zarurati bo‘lganida, elektrolit buzilishlarni tuzatish.
Farmakodinamikasi
Ibuprofen isitmani tushiruvchi, og‘riqni qoldiruvchi va yallig‘lanishga qarshi ta’sir ko‘rsatuvchi propion kislotasining hosilasidir.
Ibuprofenning ta’sir mexanizmi, eng avvalo, araxidon kislotasining prostaglandinlar, prostasiklin va tromboksanga aylanishini boshqaruvchi ferment - siklooksigenaza (SOG) ning faolligini pasaytirish va oqibatda prostaglandinlar biosintezini bostirishi bilan bog‘liq. Bunda araxidon kislotasi metabolizmning siklooksigenaza yo‘lining qaytmas tormozlanishi natijasida prostaglandinlarning hosil bo‘lishi kamayadi. Yallig‘lanish joyida prostaglandinlarning konsentrasiyasini kamayishi bradikininni, endogen pirogenlarni, boshqa biologik faol moddalarni, kislorod radikallari va NO ning hosil bo‘lishini kamayishi bilan kechadi. Bularning hammasi yallig‘lanish jarayonining faolligini pasayishiga olib keladi (ibuprofenning yallig‘lanishga qarshi samarasi) va og‘riq resepsiyasining kamayishi bilan kechadi (og‘riq qoldiruvchi samara). Serebrospinal suyuqlikda prostaglandinlarning konsentrasiyasini kamayishi tana haroratining normallashishiga olib keladi (antipiretik samara). Haroratni tushirish samarasi qabul qilinganidan keyin 30 daqiqa o‘tgach boshlanadi, uning maksimal ta’siri 3 soatdan keyin namoyon bo‘ladi.
Farmakokinetikasi
Ovqat qabul qilish ibuprofenning so‘rilishini sekinlashtiradi, lekin uning biologik kiraolishligini kamaytirmaydi. Ibuprofen suspenziya ko‘rinishida bolalar tomonidan 10 mg/kg dozada qabul qilinganida, uning qondagi maksimal konsentrasiyasi 55 mkg/ml ni tashkil qiladi. Ibuprofen ovqat bilan birga qabul qilinganida bir muncha sekinroq so‘riladi: bunda tmax, och qoringa qabul qilinganiga qaraganda 30-60 daqiqa uzoqroq va 1,5-3 soatni tashkil qiladi.
Ibuprofen qon plazmasi oqsillari bilan 99% dan ko‘proq bog‘lanadi. Dori vositasini bog‘lovchi asosiy oqsillar albuminlardir. Ibuprofenning taqsimlanish hajmi kattalarda tana vazniga nisbatan 0,12 l/kg ni tashkil qiladi, tana harorati ko‘tarilgan 11 yoshdan kichik bolalarda esa bu ko‘rsatkich yuqori bo‘lib va tana vazniga nisbatan 0,2 l/kg ni tashkil qiladi.
Dori vositasi asosan jigarda biotransformasiyaga uchraydi. Qabul qilingan dozaning 70-90% metabolitlari shaklida va uning glyukuron kislotasi bilan kon’yugasiyasi mahsulotlari shaklida siydik bilan chiqariladi.
Dozaning qolgan qismi o‘zgarmagan holda va shuningdek metabolitlari ko‘rinishida ahlat bilan chiqariladi. Dori vositasi organizmda to‘planmaydi.