





Glitserol
- Ishlab chiqaruvchi
- ООО POLIDAR PHARM
- Mamlakat
- O‘zbekiston
- Ro‘yxat raqami
- DV/M 05561/03/26
- Ruxsat muddati
- 18.03.2031 gacha
- Saqlash muddati
- 2 yil
- ATX kodi
- A06AX01
Glitserol nima uchun ishlatiladi
Glitserol (Glitserin) — to‘g‘ri ichakka qo‘yiladigan surgi sham. Ich qotishida ichni yumshatib, ich kelishiga yordam beradi; odatda 5–10 daqiqada ta’sir qiladi.
Ich qotishi
Turli sabablarga ko‘ra ich qotishini davolash (belgilarni yengillatish) — ichiladigan dorilarni qo‘llab bo‘lmaganda.
Ich qotishining oldini olish
Hojatxonada kuchana olmaydigan bemorlarda.
Qancha va qanday qabul qilinadi
Rasmiy yo‘riqnoma 1,24 g glitserol saqlovchi sham uchun va 3 yoshdan 12 yoshgacha bolalarga mo‘ljallangan. Sahifadagi 2,11 g li sham uchun bu yo‘riqnomada alohida doza berilmagan. Belgi — bir martada qo‘yiladigan shamlar soni.
Kimga mumkin, kimga mumkin emas
Homiladorlik Mumkin emas
Birinchi uch oyda mumkin emas. Keyinroq faqat shifokor ona uchun foydani bola uchun xavfdan yuqori deb hisoblasa.
Emizish davri Mumkin
Emizish davrida qo‘llash mumkin.
Bolalar Ehtiyotkorlik bilan
3 yoshdan 12 yoshgacha qo‘llanadi. 3 yoshgacha mumkin emas.
Buyrak Ehtiyotkorlik bilan
Buyrak yetishmovchiligida ehtiyotkorlik bilan.
Haydovchilar Mumkin
Mashina haydash qobiliyatiga ta’sir qilmaydi.
Qo‘llash mumkin bo‘lmagan holatlar
- Glitserol yoki sham tarkibidagi boshqa moddaga allergiya
- Ta’sirlangan ichak sindromi
- Ichak tutilishi
- Appenditsit
- Qon ketishi
- Ich ketishi (diareya)
- Bavosil (gemorroy) zo‘rayishi
- Orqa chiqaruv yo‘li yoriqlari
- To‘g‘ri ichakning yallig‘lanish kasalliklari va o‘smalari
- Sababi noma’lum qorin og‘rig‘i
- Gemorragik rektokolit
- 3 yoshgacha bolalar
- Homiladorlikning birinchi uch oyi
Tarkibi
1,24 g li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
To‘g‘ri ichakka qo‘llanadigan boshqa dorilar Ehtiyotkorlik
Glitserin shamlari ularning ta’sirini kamaytirishi mumkin. Orasida kamida 1 soat oraliq bo‘lsin.
Ko‘p ichib qo‘ydingizmi?
Dozani oshirib yuborish belgisi — tez-tez suyuq ich ketishi. Bunday holda shamni qo‘llashni to‘xtating. Savollar bo‘lsa, shifokorga murojaat qiling.
Analoglari: glitserol
Tarkibida glitserol bor 6 ta dori. Almashtirishdan oldin shifokor yoki farmatsevt bilan maslahatlashing.
GlitserolSham · 2.11g · O‘zbekistonRetseptsizKo‘p beriladigan savollar
Glitserin shami qancha vaqtda ta’sir qiladi?
Odatda sham kiritilgandan 5–10 daqiqa o‘tib ich keladi. Shamni kamida 5 daqiqa ichakda ushlab turish kerak.
Bolaga Glitserin shami qo‘ysa bo‘ladimi?
3 yoshdan 12 yoshgacha: 1,24 g li 1 sham kuniga 1 marta, kerak bo‘lsa kuniga 2 shamgacha. 3 yoshgacha mumkin emas.
Glitserin shamini necha kun qo‘llash mumkin?
7 kundan oshmasin. Ich me’yorga kelgach, to‘xtating; muntazam qo‘llash tavsiya etilmaydi.
Homiladorlikda Glitserin shami mumkinmi?
Birinchi uch oyda mumkin emas. Keyingi davrda faqat shifokor foyda xavfdan yuqori deb hisoblasa. Emizish davrida mumkin.
Kattalar uchun 2,11 g li shamning dozasi qanday?
Bu sahifadagi rasmiy yo‘riqnoma faqat 1,24 g li sham va 3–12 yoshli bolalar uchun yozilgan. 2,11 g li sham dozasini o‘sha dorining o‘z yo‘riqnomasidan yoki shifokordan aniqlang.
Rasmiy yo‘riqnoma
Rasmiy yo‘riqnomaning to‘liq matni
Tavsifi
tiniq yoki yarim tiniq bo‘lgan, deyarli rangsiz yoki sarg‘ish tusli yuzasi surkaluvchan gigroskopik, torpedasimon shaklli suppozitoriyalar. Suppozitoriyalar xiralashishi, yuza qatlamining biroz yumshashi va konturli o‘ramni to‘ldirib turilishiga yo‘l qo‘yiladi. Havo pufakchalari bo‘lishiga yo‘l qo‘yiladi.
Qo‘llanilishi
Gliserin preparati 3 yoshdan 12 yoshgacha bo‘lgan bolalarda qo‘llash uchun ko‘rsatilgan:
- turli sabablarga ko‘ra yuzaga kelgan qabziyatlarni simptomatik davolash uchun (og‘iz orqali preparatlarini qabul qilish imkoni bo‘lmaganida),
- defekasiya paytida kuchana olmaydigan bemorlarda qabziyatning oldini olish maqsadida.
Qo‘llash usuli va dozalari
Tarkibida 1,24 g gliserol bo‘lgan 1 ta suppozitoriydan kuniga 1 marta qo‘llaniladi. Zarur bo‘lganda, doza kuniga 2 ta suppozitoriygacha oshirilishi mumkin.
Bolalar va o‘smirlarda qo‘llanilishi
3 yoshdan 12 yoshgacha bolalarga: tarkibida 1,24 g gliserol bo‘lgan 1 ta suppozitoriydan kuniga 1 marta. Zarur bo‘lganda, doza kuniga 2 ta suppozitoriygacha oshirilishi mumkin.
Qo‘llash yo‘li va usuli
Rektal. Preparat to‘g‘ri ichakka kiritiladi va u yerda kamida 5 daqiqa saqlanadi. Odatda, preparat kiritilgandan keyin 5-10 daqiqa o‘tgach, defekasiya yuz beradi. Suppozitoriy qoldiqlari ichakdan axlat bilan chiqib ketadi.
Terapiyaning davomiyligi
Preparat bilan davolash kursi 7 kundan oshmasligi kerak.
Qo‘llash mumkin bo‘lmagan holatlar
Gliserin preparatini qo‘llamang:
• agar Sizda gliserolga yoki preparatning boshqa tarkibiy qismlariga allergiya bo‘lsa;
• ichak qo‘zg‘alish sindromi mavjud bo‘lsa;
• ichak tutilishi bo‘lsa;
• appendisit bo‘lsa;
• qon ketish holati bo‘lsa;
• ich ketish (diareya) bo‘lsa;
• o‘tkir bosqichdagi gemorroy bo‘lsa;
• orqa chiqaruv yo‘li yoriqlarida;
• to‘g‘ri ichakning yallig‘lanish kasalliklari va o‘smalari bo‘lsa;
• qorinda sababi aniqlanmagan og‘riq bo‘lsa;
• gemorragik rektokolitda;
• 3 yoshgacha bo‘lgan bolalarda;
• homiladorlikda (I trimestr).
Nojo‘ya ta’sirlar
Jaxon sog‘liqni saqlash tashkiloti (JSST) tomonidan tavsiya etilgan nojo‘ya ta’sirlar tez-tezligi tasnifi: juda tez-tez (>1/10), tez-tez (>1/100, ≤1/10), tez-tez emas (>1/1000, ≤1/100), kamdan kam (>1/10000, ≤1/1000), juda kam (1/10000 dan kam), tez-tezligi noma’lum (mavjud ma’lumotlardan aniqlab bo‘lmaydi).
Barcha dori preparatlari kabi, bu preparat ham nojo‘ya ta’sirlarni keltirib chiqarishi mumkin, ammo ular hammada ham kuzatilmaydi.
Preparatni qo‘llaganda quyidagi nojo‘ya ta’sirlar yuzaga kelishi mumkin (mavjud ma’lumotlarga ko‘ra, ularning yuzaga kelish chastotasini aniqlash imkonsiz):
Immun tizimi tomonidan buzilishlar
Tez-tezligi noma’lum: allergik reaksiyalar
Umumiy buzilishlar va kiritish joyidagi reaksiyalar
Tez-tezligi noma’lum: mahalliy reaksiyalar (terining qichishishi va achishishi), uzoq vaqt qo‘llanilganda - defekasiyaning fiziologik jarayoni susayishi.
Agar yuqorida ko‘rsatilgan nojo‘ya samaralardan birontasi og‘irlashsa yoki Siz yo‘riqnomada ko‘rsatilmagan xar qanday boshqa nojo‘ya samaralarni sezsangiz, bu haqida shifokorga xabar bering.
Maxsus ko‘rsatmalar
Gliserin preparatini qo‘llashdan oldin davolovchi shifokor bilan maslahatlashing.
Buyrak yetishmovchiligida preparatni ehtiyotkorlik bilan qo‘llash lozim.
Muntazam qo‘llash tavsiya etilmaydi. Ichak peristaltikasi me’yorga kelgandan so‘ng davolashni to‘xtating.
Preparatni 7 kundan ortiq qo‘llamang.
Suppozitoriylarni mineral suyuq yoki qattiq moylar bilan moylamang.
Suppozitoriylarni qo‘llashdan oldin va keyin qo‘llaringizni yaxshilab yuving
Bolalar
Preparatni 3 yoshgacha bo‘lgan bolalarda ishlatmang.
Boshqa dorilar bilan o‘zaro ta’siri
Gliserin suppozitoriylari, rektal qo‘llanadigan dori vositalarning ta’sirini kamaytirishi mumkin.
Boshqa rektal preparatlar qo‘llash zarurati bo‘lsa, ularni qo‘llash orasida 1 soatdan kam bo‘lmagan interval saqlash lozim.
Ehtiyotkorlik bilan
Buyrak yetishmovchiligida ehtiyotkorlik bilan qo‘llash kerak.
Homiladorlik va emizish davrida
Homiladorlik
Preparatni homiladorlikning birinchi uch oyligida qo‘llashdan saqlanish kerak. Homiladorlik paytida preparatni qo‘llash faqat shifokorning fikricha, ona uchun kutilayotgan foyda bola uchun bo‘lishi mumkin bo‘lgan xavfdan yuqori bo‘lgan hollardagina mumkin.
Laktasiya
Preparatni emizish davrida qo‘llash mumkin.
Transport boshqarishga ta’siri
Preparatni qo‘llash transport vositalari va mexanizmlarni boshqarish qobiliyatiga ta’sir ko‘rsatmaydi.
Dozani oshirib yuborish
Dozani oshirib yuborish belgisi tez-tez suyuq ich ketishi hisoblanadi. Preparat dozasi oshib ketgan holda, uni qo‘llashni to‘xtatish lozim.
Preparatni qo‘llash bo‘yicha savollaringiz bo‘lsa, davolovchi shifokoringizga murojaat qiling.
Farmakodinamikasi
Surgi vositasi bo‘lib, qotgan ahlat massalarini yumshatadi, ularni yo‘g‘on ichak bo‘ylab o‘tishini yengillashtiradi, ichak shilliq qavatiga qitiqlovchi ta’sir ko‘rsatib, ichak motorikasini reflektor rag‘batlantiradi.
Farmakokinetikasi
Rektal qo‘llanganda deyarli so‘rilmaydi.