





Gliatilin
- Ishlab chiqaruvchi
- Italfarmaco S.A.
- Mamlakat
- Ispaniya
- Ro‘yxat raqami
- DV/X 03389/07/17
- Ruxsat muddati
- 29.06.2027 gacha
- Saqlash muddati
- 3 yil
- ATX kodi
- N07AX02
Gliatilin nima uchun ishlatiladi
Gliatilin — tarkibida xolin alfostserat bor dori: miyaga xolin yetkazib beradi. Keksa yoshda xotira, diqqat, kayfiyat va xulq buzilishlarini davolashda kattalarga qo‘llanadi.
Miya to‘qimasining qarishi bilan bog‘liq buzilishlar
Bosh miyada involyutsion va degenerativ (yemirilish) jarayonlar natijasidagi psixoorganik sindrom.
Miya qon aylanishi yetishmovchiligi oqibatlari
Keksa yoshdagi odamlarda xotira pasayishi, ong chalkashishi, mo‘ljalni yo‘qotish, xohish-istak, tashabbus va diqqatni jamlash qobiliyati pasayishi (birlamchi va ikkilamchi kognitiv buzilishlar).
Qarilikdagi xulq va kayfiyat buzilishlari
Kayfiyatning tez o‘zgarishi, jahldorlik ortishi, qiziqishning pasayishi.
Qancha va qanday qabul qilinadi
Rasmiy yo‘riqnoma boshqa dori — Tserotilin 600 mg yumshoq kapsulasi (xuddi shu modda, xolin alfostserat) uchun yozilgan. Quyidagi «1 kapsula» o‘sha kapsulaga tegishli; 400 mg li Gliatilin kapsulasini qancha ichishni shifokor belgilaydi.
Kimga mumkin, kimga mumkin emas
Homiladorlik Mumkin emas
Homiladorlik davrida mumkin emas.
Emizish davri Mumkin emas
Emizish davrida mumkin emas.
Bolalar Mumkin emas
18 yoshgacha mumkin emas — bolalarda qo‘llash tajribasi yo‘q.
Haydovchilar Ehtiyotkorlik bilan
Davolash paytida transport haydash va diqqat hamda tez reaksiya talab qiladigan ishlarda ehtiyot bo‘ling.
Fruktozani ko‘tarmaslik Mumkin emas
Tarkibida sorbitol bor — kam uchraydigan irsiy fruktozani ko‘tarmaslik kasalligi bo‘lganlar bu dorini ichmasligi kerak.
Qo‘llash mumkin bo‘lmagan holatlar
- Xolin alfostseratga yoki dori tarkibidagi boshqa moddaga yuqori sezuvchanlik (allergiya)
- Homiladorlik
- Emizish davri
- 18 yoshgacha bolalar
- Irsiy fruktozani ko‘tarmaslik (tarkibida sorbitol bor)
Tarkibi
400 mg li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Boshqa dorilar Ehtiyotkorlik
Xolin alfostseratning boshqa dorilar bilan o‘zaro ta’siri aniqlanmagan.
Ko‘p ichib qo‘ydingizmi?
Belgilari: ko‘ngil aynishi, bosh og‘rig‘i. Bunday belgilar paydo bo‘lsa, dozani kamaytirish tavsiya etiladi. Dozani oshirib yuborishda belgilarga qarab davolanadi; dializ samarasi aniqlanmagan.
Gliatilin narxi
Davlat belgilagan eng yuqori chakana narx (referent narx). Har bir qadoq yonida narx belgilangan sana.
Manba: Farmatsevtika tarmog‘ini rivojlantirish agentligi, referent narxlar ro‘yxati.
Analoglari: xolina alfosserat
Tarkibida xolina alfosserat bor 29 ta dori. Almashtirishdan oldin shifokor yoki farmatsevt bilan maslahatlashing.
AlfaxolinIn’yeksiya · 1000 mg/4 ml · BelarusRetseptli
AltsmeratIn’yeksiya · 250 mg · UkrainaRetseptli
GliatilinIn’yeksiya · 1000 mg/4 ml · IspaniyaRetseptli
GliyatonKapsula · 400mg · UkrainaRetseptliKo‘p beriladigan savollar
Gliatilin nimaga yordam beradi?
Keksa yoshda miya qon aylanishi yetishmovchiligi yoki miya to‘qimasining qarishi tufayli xotira, diqqat, mo‘ljal olish pasayishi, kayfiyat va xulq buzilishlarida kattalarga qo‘llanadi.
Gliatilin qanday ichiladi?
Ovqatdan oldin, yetarli suv bilan. Yo‘riqnomada (Tserotilin 600 mg kapsulasi uchun) 1 kapsuladan kuniga 2 marta deyilgan; kurs muddatini shifokor belgilaydi.
Bolalarga berish mumkinmi?
Yo‘q, 18 yoshgacha mumkin emas — bolalarda qo‘llash tajribasi yo‘q.
Homiladorlikda yoki emizishda ichsa bo‘ladimi?
Yo‘q, homiladorlik va emizish davrida mumkin emas.
Mashina haydasa bo‘ladimi?
Ehtiyotkorlik bilan: diqqat va tez reaksiya talab qiladigan ishlarda ehtiyot bo‘lish kerak.
Rasmiy yo‘riqnoma
Rasmiy yo‘riqnomaning to‘liq matni
Bu dorining o‘z yo‘riqnomasi reyestrda yo‘q, shu ta’sir qiluvchi moddali dori yo‘riqnomasi keltirilgan: Церотилин Капсулы мягкие желатиновые 600мг упаковки контурные ячейковые №10(1x10) (DV/X 11497/10/26). Doza dorining shakli va miqdoriga qarab farq qilishi mumkin.
Tavsifi
Kapsulalarning tarkibi yog‘li, shaffof, rangsiz yoki ozgina sarg‘ish suyuqlikdir.
Qo‘llanilishi
Serotilin preparati kattalarda quyidagilarni davolash uchun ko‘rsatilgan: - bosh miyada involyusion va degenerativ jarayonlar oqibatidagi psixoorganik sindrom; - xotirani buzilishi, ongni chalkashishi, dezoriyentasiya, motivasiyani, tashabbuskorlikni, diqqatni jamlash qobiliyatini pasayishi bilan xarakterlanuvchi keksa yoshdagi shaxslarda birlamchi va ikkilamchi kognitiv buzilishlar kabi serebrovaskulyar yetishmovchilik oqibatlari; - qarilik yoshida hulqni va affektiv sohani buzilishlari: emosional o‘zgaruvchanlik, yuqori ta’sirchanlik, qiziqishni pasayishida qo‘llanadi.
Qo‘llash usuli va dozalari
Ichga, ovqatdan oldin, yetarli miqdorda suv bilan qabul qilinadi. Tavsiya etilgan doza 1 kapsuladan kuniga 2 martani tashkil qiladi. Zarurati bo‘lganida doza davolovchi shifokor tavsiyasi bo‘yicha oshirilishi mumkin. Davolash kursi davomiyligi kasallik, dori preparatini o‘zlashtiraolishlik va erishilgan samaraga qarab shifokor tomonidan belgilanadi. Dori preparati 18 yoshgacha bo‘lgan bolalarda qo‘llash uchun mo‘ljallanmagan. Bolalarda xolin alfosseratini qo‘llash tajrbasi cheklangan.
Qo‘llash mumkin bo‘lmagan holatlar
- ta’sir etuvchi moddaga yoki yordamchi moddalardan birontasiga o‘ta yuqori sezuvchanlik. - Homiladorlik davri. - Laktasiya (emizish) davri. - Bolalarda (18 yoshgacha) qo‘llash mumkin emas.
Nojo‘ya ta’sirlar
Noxush reaksiyalar a’zolar tizimi sinfi va uchrash tez-tezligiga muvofiq sanab o‘tilgan. Tez-tezlik quyidagicha belgilangan: juda tez-tez (≥ 1/10), tez-tez (≥ 1/100, ammo < 1/10), tez-tez emas (≥ 1/1 000, ammo < 1/100), kam xollarda (≥ 1/10 000, ammo < 1/1 000), juda kam xollarda (< 1/10 000), tez-tezligi noma’lum (mavjud ma’lumotlar asosida aniqlab bo‘lmaydi). Immun tizimi tomonidan buzilishlar: tez-tezligi noma’lum – allergik reaksiyalar. Nerv tizimi tomonidan buzilishlar: juda kam xollarda – qisqa vaqtli ongni chalkashishi; tez-tezligi noma’lum – bosh og‘rig‘i. Me’da-ichak yo‘llari tomonidan buzilishlar: juda kam xollarda – qorinda og‘riq; tez-tezligi noma’lum – gastrit, me’da yara kasalligi, diareya. Teri va teri osti to‘qimalari tomonidan buzilishlar: tez-tezligi noma’lum – allergik toshmalar.
Maxsus ko‘rsatmalar
Serotilin preparati kristallanmaydigan sorbitol eritmasini saqlaydi, shuning uchun fruktozani kam uchraydigan nasliy o‘zlashtiraolmasligi bo‘lgan pasiyentlar ushbu preparatni qabul qilmasliklari kerak.
Boshqa dorilar bilan o‘zaro ta’siri
Boshqa dori vositalari bilan o‘zaro ta’siri Xolin alfosseratining dorilar bilan o‘zaro ta’siri aniqlanmagan.
Homiladorlik va emizish davrida
Homiladorlik va emizish davrida xolin alfosseratini qo‘llash mumkin emas.
Transport boshqarishga ta’siri
Xolin alfosseratni qo‘llash davrida transport vositalarini boshqarganda yoki diqqatni yuqori jamlash va/yoki psixomotor reaksiyalarning tezligini talab etuvchi boshqa faoliyat turlari bilan shug‘ullanganda ehtiyotkorlikka rioya qilish kerak.
Dozani oshirib yuborish
Simptomlari Ko‘ngil aynishi, bosh og‘rig‘i. Davolash Ushbu simptomlar paydo bo‘lganida dori preparatining dozasini pasaytirish tavsiya etiladi. Doza oshirib yuborilganda simptomatik davolash ko‘rsatilgan. Dializning samaradorligi aniqlanmagan.
Farmakodinamikasi
Xolin alfosserati xolinnng transport shakli va xolinergik sinaptik transmissiyani kamayishi va neyronlar membranalarining fosfolipid tarkibini shikastlanishi bilan xarakterlanuvchi psixoorganik involyusion sindrom patogenezining omillaridan biri sifatida membranalarni shikastlanishini oldini olishning potensial qobiliyatiga ega fosfatidilxolinning o‘tmishdoshi bo‘lib hisoblanadi. Xolin alfosseratining (40,5 % xolin saqlovchi) kimyoviy strukturasi va u bilan bog‘liq molekulaning fizik-kimyoviy xususiyatlari xolinning bir qismini gematoensefalik to‘siq orqali kirishini ta’minlaydi. Klinik oldi va klinik tadqiqotlar natijalari xolin alfosseratining asosan bosh miyaning involyusion patologiyalarida izdan chiqqan kognitiv-mnestik funksiyalarga, shuningdek emosional va hulq faolligiga ta’sir qilish qobiliyatini tasdiqlaydi.
Farmakokinetikasi
Radiofaol nishonlangan preparatning farmakokinetik xarakteristikalari uni yuborganda hayvonlarning turli turlarida (kalamushlar, itlar, maymunlarda) o‘xshash bo‘lgan va quyidagi natijalarga olib kelgan: me’da-ichak yo‘llaridan tez va to‘liq so‘rilishi, xolin va uning metabolitlarini turli a’zolar va to‘qimalarda, shu jumladan bosh miyada taqsimlanishi, buyrak orqali chiqarilishi 96 soatdan keyin yuborilgan dozaning taxminan 10% ni tashkil qilgan; bosh miya to‘qimalaridagi preparatning miqdori tritiy bilan nishonlangan xolinga nisbatan yuqori.