Kasallik.uz
  • Bosh sahifa
  • Dorilar
  • Statistika
  • Maqolalar
  • Bo'limlar
  • Biz haqimizda
Ру
Dorilar katalogi
Dorilar katalogiNafas tizimiFenkarol
Aylantiring
Qutini aylantirib, qo‘lingizdagi bilan solishtiring
Davlat reyestrida ro‘yxatdan o‘tgan

Fenkarol

xifenadin · 50mg, 25mg · tabletka
Retseptsiz beriladiAllergiyaga qarshi
Ishlab chiqaruvchi
Olpha AS
Mamlakat
Latviya
Ro‘yxat raqami
DV/X 01271/01/16
Ruxsat muddati
14.05.2031 gacha
Saqlash muddati
4 yil
ATX kodi
R06AX31
Analoglari (1) Rasmiy yo‘riqnoma
HomiladorlikdaDastlabki 3 oyda mumkin emas
Emizish davridaMumkin emas
Qachon ichiladiOvqatdan keyin darhol
Kattalarga sutkasiga200 mg gacha
Nima uchunDozasiKimga mumkin emasTarkibiNojo‘ya ta’sirlarBoshqa dorilar bilanAnaloglari · 1SavollarRasmiy yo‘riqnoma

Fenkarol nima uchun ishlatiladi

Fenkarol — allergiyaga qarshi (antigistamin) dori. Gistamin ta’sirini to‘sadi va to‘qimalardagi gistamin miqdorini kamaytiradi; qichishishni yaxshi qoldiradi.

  • Pollinoz va allergik tumov

    Gul changi allergiyasi (pollinoz), allergik rinit.

  • Eshakemi va Kvinke shishi

    O‘tkir va surunkali eshakemi, angionevrotik shish (Kvinke shishi).

  • Teri kasalliklari

    Ekzema, neyrodermit, teri qichishishi va boshqa dermatozlar.

  • Ko‘z allergiyasi

    Allergik kon’yunktivit.

  • Dori va ovqat allergiyasi

    Dori yoki oziq-ovqat bilan bog‘liq allergik reaksiyalar.

Qancha va qanday qabul qilinadi

Rasmiy yo‘riqnoma bo‘yicha, Fenkarol 50 mg tabletka uchun. Dozalar milligrammda berilgan.

Kim uchunBir martadaNecha martaSutkasiga ko‘pi bilan
Kattalar
Bir martada:25–50 mg
Necha marta:kuniga 2–4 marta
Sutkasiga ko‘pi bilan:ko‘pi bilan 200 mg
Bolalar va o‘smirlar18 yoshgacha
Mumkin emas
Fenkarol 50 mg tabletkasi 18 yoshgacha bo‘lgan bolalar va o‘smirlar uchun mo‘ljallanmagan. Bolalar dozasi yo‘riqnomada berilmagan.
Ovqatdan keyin darhol ichiladi.
Davolash kursi 10–20 kun. Kerak bo‘lsa, kurs takrorlanadi.
Dozani o‘tkazib yuborsangiz, esingizga tushishi bilan iching; keyingi qabul vaqti yaqin bo‘lsa — o‘tkazib yuboring. Hech qachon ikki baravar doza ichmang.
Bolalar uchun dozalash yo‘riqnomada berilmagan; Fenkarol 50 mg tabletkasi 18 yoshgacha bo‘lganlar uchun mo‘ljallanmagan.

Kimga mumkin, kimga mumkin emas

  • Homiladorlik Mumkin emas

    Dastlabki 3 oyda mumkin emas. Homiladorlikning qolgan davrida ham tavsiya etilmaydi.

  • Emizish davri Mumkin emas

    Ona sutiga o‘tishi o‘rganilmagan — emizish davrida mumkin emas.

  • Bolalar Mumkin emas

    Yo‘riqnomada bolalar dozasi yo‘q. Fenkarol 50 mg tabletkasi 18 yoshgacha mo‘ljallanmagan.

  • Haydovchilar Ehtiyotkorlik bilan

    Ba’zan yengil uyqu keltiradi. Haydovchilar avval qisqa muddat ichib, uyqu keltirmasligini tekshirishi kerak; uyqu bossa — mashina va xavfli mexanizmlarni boshqarish tavsiya etilmaydi.

  • Spirtli ichimlik Mumkin

    Spirtli ichimlik va uyqu dorilarining asab tizimini susaytiruvchi ta’sirini kuchaytirmaydi.

  • Og‘ir surunkali kasalliklar Ehtiyotkorlik bilan

    Yurak-qon tomir, oshqozon-ichak, jigar va/yoki buyrakning og‘ir kasalliklarida ehtiyotkorlik bilan.

  • Tarkibida qand Ehtiyotkorlik bilan

    Tabletkada qand bor. Shifokor sizda biror qandni ko‘tarmaslik borligini aytgan bo‘lsa, avval maslahatlashing.

Qo‘llash mumkin bo‘lmagan holatlar

  • Xifenadin yoki tabletkaning yordamchi moddalariga allergiya (yuqori sezuvchanlik)
  • Homiladorlikning dastlabki 3 oyi (qolgan davrda ham tavsiya etilmaydi)
  • Emizish davri

Tarkibi

50mg li dorining barcha moddalari, yordamchi moddalar ham

Xifenadina gidroxloridta’sir qiluvchi50 mg
Makkajo‘xori kraxmali modifitsirovanniy20 mg
Shakar55 mg
Kartoshka kraxmali74 mg
Kalsiy stearat1 mg

Nojo‘ya ta’sirlar

Qanchalik ko‘p uchrashi bo‘yicha

Tez-tez100 kishidan 1 tadan 10 tagacha
og‘iz qurishi
Ba’zan1000 kishidan 1 tadan 100 tagacha
bosh og‘rig‘iuyquchanlikko‘ngil aynishi, qusish (doza kamaytirilganda yoki dori to‘xtatilganda odatda o‘tib ketadi)
Rasmiy yo‘riqnomada alohida aytilgan holatlar: yo‘riqnomada yozilmagan nojo‘ya ta’sir bo‘lsa yoki biror ta’sir juda kuchli bo‘lsa — shifokorga murojaat qiling.

Boshqa dorilar bilan birga

  • Sekin so‘riladigan dorilar (masalan, bilvosita antikoagulyantlar — kumarin) Ehtiyotkorlik

    Ichak harakati sekinlashganda ularning so‘rilishi kuchayishi mumkin.

Ko‘p ichib qo‘ydingizmi?

Dozani oshirib yuborishga shubha bo‘lsa, darhol shifokorni chaqirish kerak. Dozani oshirish holatlari haqida ma’lumot yo‘q. Katta dozada shilliq qavatlar qurishi, bosh og‘rig‘i, qusish, to‘sh osti (epigastriy) og‘rig‘i va ovqat hazm qilish buzilishi bo‘lishi mumkin. Belgilariga qarab davolanadi va organizmning hayotiy muhim faoliyatlari qo‘llab-quvvatlanadi. Maxsus antidoti yo‘q.

103

Analoglari: xifenadin

Tarkibida xifenadin bor 1 ta dori. Almashtirishdan oldin shifokor yoki farmatsevt bilan maslahatlashing.

FenkarolIn’yeksiya · 10 mg · LatviyaRetseptli

Ko‘p beriladigan savollar

Fenkarolni ovqatdan oldin yoki keyin ichish kerakmi?

Ovqatdan keyin darhol ichiladi.

Kuniga qancha Fenkarol ichish mumkin?

Kattalarga bir martada 25–50 mg, kuniga 2–4 marta. Sutkasiga ko‘pi bilan 200 mg.

Fenkarolni necha kun ichish kerak?

Odatda 10–20 kun. Kerak bo‘lsa, kurs takrorlanadi.

Homiladorlikda Fenkarol ichsa bo‘ladimi?

Dastlabki 3 oyda mumkin emas, keyingi oylarda ham tavsiya etilmaydi. Emizish davrida ham mumkin emas.

Fenkarol uyqu keltiradimi?

Asab tizimini sezilarli susaytirmaydi, lekin ba’zan yengil uyqu keltiradi. Uyqu bossa, mashina haydash tavsiya etilmaydi.

Fenkarol bilan spirtli ichimlik ichsa bo‘ladimi?

Yo‘riqnomaga ko‘ra Fenkarol spirtli ichimlikning asab tizimini susaytiruvchi ta’sirini kuchaytirmaydi.

Rasmiy yo‘riqnoma

Rasmiy yo‘riqnomaning to‘liq matni

Tavsifi

oq yoki deyarli oq rangli, yassi slindrik, faskali tabletkalar.

Qo‘llanilishi

Pollinoz, o‘tkir va surunkali eshakemi, allergik rinit, allergik kon’yunktivit, angionevrotik shish, dermatozlar (ekzema, neyrodermit, terining qichishi va boshqalar), dori vositalarini qabul qilish yoki oziq-ovqat mahsulotlari iste’moli bilan bog‘liq bo‘lgan allergik reaksiyalarda qo‘llaniladi.

Qo‘llash usuli va dozalari

Fenkarol® ovqatdan keyin darhol ichiladi.

Kattalarga kuniga 2-4 marta 25-50 mgdan buyuriladi. Sutkalik dozaning eng ko‘p miqdori – 200 mg.

Muolaja kursining davomiyligi 10-20 kunni tashkil etadi. Zaruratga qarab davolash kursi takrorlanadi.

Agar dori vositasini ichishni esdan chiqargan bo‘lsangiz, uni darhol qabul qiling, ammo keyingi dori ichish vaqti yaqinlashib qolgan bo‘lsa, bunisini o‘tkazib yuboring. Hech qachon ikki baravar dozani qabul qilmang.

Qo‘llash mumkin bo‘lmagan holatlar

Qo‘llash mumkin bo‘lmagan holatlar

Dori vositasining ta’sir etuvchi moddasiga yoki yordamchi moddalariga yuqori sezuvchanlik.

Homiladorlikning dastlabki uch oyligida; homiladorlikning keyingi davrida ham qabul qilish tavsiya etilmaydi.

Emizish davrida qo‘llash mumkin emas.

Nojo‘ya ta’sirlar

Nojo‘ya ta’sirlari

Boshqa dori vositalari kabi xifenadin ham barcha pasiyentlarda namoyon bo‘lmaydigan nojo‘ya ta’sirlarni keltirib chiqarishi mumkin.

Rivojlanish tezligiga ko‘ra kutilmagan nojo‘ya ta’sirlarning tasnifi: juda tez-tez (≥1/10); tez-tez (≥1/100 dan <1/10 gacha); tez-tez emas (≥1/1000 dan <1/100 gacha); kam hollarda (≥1/10000 dan <1/1000 gacha); juda kam (<1/10000); namoyon bo‘lish tezligi noma’lum (mavjud ma’lumotlar asosida aniqlashning imkoni yo‘q).

Nerv tizimi tomonidan buzilishlar

Tez-tez emas: bosh og‘rig‘i, uyquchilik.

Me’da-ichak yo‘llari tomonidan buzilishlar

Tez-tez: og‘iz qurib qolishi.

Tez-tez emas: ovqat hazm qilish buzilishlari (ko‘ngil aynishi, qusish), ular odatda doza kamaytirilganda yoki dori vositasi bekor qilinganda yo‘qoladi.

Agar sizda mazkur yo‘riqnomada qayd etilmagan qandaydir nojo‘ya ta’sirlar paydo bo‘lsa, yoxud qayd etilgan nojo‘ya ta’sirlardan birortasi kuchliroq namoyon bo‘lsa, shifokorga murojaat etishingizni so‘raymiz.

Maxsus ko‘rsatmalar

Maxsus ko‘rsatmalar

Xifenadin MNTga yaqqol namoyon bo‘luvchi susaytiruvchi ta’sir ko‘rsatmaydi, ammo ayrim hollarda kuchsiz sedativ samara kuzatiladi.

Yurak qon-tomir tizimi, me’da-ichak yo‘llari, jigar va/yoki buyrakning og‘ir kasalliklarida ehtiyotkorlik bilan qo‘llash lozim.

Dori vositasi tarkibida qand mavjud.

Agar shifokor sizni biror bir qandlarni o‘zlashtiraolmaslikdan ogohlantirgan bo‘lsa, ushbu dori vositasini qabul qilishdan oldin shifokor bilan maslahatlashing.

Bolalar va o‘smirlar

Fenkarol® 50 mg tabletkalari 18 yoshgacha bo‘lgan bolalar va o‘smirlarda qo‘llash uchun mo‘ljallanmagan.

Boshqa dorilar bilan o‘zaro ta’siri

Dorilarning o‘zaro ta’siri

Xifenadin alkogol va uyqu dorilarning markaziy nerv tizimi(MNT) ga susaytiruvchi ta’sirini kuchaytirmaydi. Xifenadin kuchsiz M-xolinobloklovchi xususiyatga ega, ammo me’da-ichak yo‘llari motorikasi susayganida sekin so‘riluvchi dori vositalari (masalan, to‘g‘ridan to‘g‘ri ta’sir etmaydigan antikoagulyantlar - kumarin) ning so‘rilishi kuchayishi mumkin.

Homiladorlik va emizish davrida

Homiladorlikning dastlabki uch oyligida ushbu dori vositasini qabul qilish mumkin emas. Homiladorlikning keyingi davrida ham uni qabul qilish tavsiya etilmaydi. Xifenadinning ona sutiga o‘tishi bo‘yicha tadqiqotlar mavjud emas, shu bois bolani ko‘krak suti bilan emizish davrida mazkur dori vositasini buyurish tavsiya etilmaydi.

Transport boshqarishga ta’siri

Ish faoliyati tezkor jismoniy yoki ruhiy reaksiyani talab qiladigan shaxslar (tranpsort vositalari haydovchilari va boshqalar) dori vositasi sedativ ta’sir ko‘rsatishi mumkinligini birlamchi tekshirib ko‘rishlari kerak (qisqa muddatli buyurish yo‘li bilan). Dori vositasining sedativ ta’siri namoyon bo‘lgan shaxslarga transport vositalari va xavfli mexanizmlarni boshqarish tavsiya etilmaydi.

Dozani oshirib yuborish

Dozani oshirib yuborilishiga shubha tug‘ilganda darhol shifokorni chaqirish lozim.

Dozani oshirib yuborilishi haqidagi ma’lumotlar aniqlanmagan.

Simptomlari: dori vositasining katta dozalari shilliq qavatlarni quritish, bosh og‘rig‘i, qusish, ovqat hazim bo‘lishini chaqirishi mumkin.

Davolash: organizimning hayotiy muhim faoliyatlarini simptomatik va tutib turuvchi davolashni ta’minlash zarur. Maxsus antidoti yo‘q.

Farmakodinamikasi

Farmakodinamikasi

Xifenadin gidroxloridi (keyingi o‘rinlarda – xifenadin) – antigistamin vosita bo‘lib, a’zo va ularning tizimlariga gistaminning ta’sirini kamaytiradi. Ushbu guruhga mansub boshqa an’anaviy dori vositalaridan farqli ravishda xifenadin ikki tomonlama ta’sir mexanizmiga ega. Dori vositasi perifirik to‘qimalarda gistaminning N1-reseptorlarini bloklaydi, hamda diaminoksidaza (gistaminaza) fermentini faollashtiradi, shu orqali to‘qimalarda gistamin miqdorini kamaytiradi. Gistaminga qarshi boshqa dori vositalari bilan davolanish samara bermagan bemorlar uchun xifenadinning samarasi shu bilan izohlanadi. Xifenadin past lipofillikka ega, shuning uchun gematoensefalik to‘siq orqali oz miqdorda o‘tadi, miya to‘qimalarida serotoninni dezaminasiyalash jarayonlariga va monoaminoksidaza fermentlarining faolligiga kuchsiz ta’sir ko‘rsatadi. Xifenadin gistaminning toksik ta’sirini, bronxokonstriktor ta’sirni va ichakning silliq mushaklariga spazmogen ta’sirni bartaraf etadi yoki kamaytiradi, gistaminning gipotenziv ta’sirini va uning kapillyarlar o‘tkazuvchanligiga ta’sirini kuchsizlantiradi. Xifenadin serotoninga qarshi o‘rtacha va kuchsiz xolinolitik faollikka ega, adrenolitik faollikka ega emas. Xifenadin yaqqol namoyon bo‘ladigan qichishishga qarshi va desensibilizasiyalovchi ta’sir ko‘rsatadi.

Farmakokinetikasi

Farmakokinetikasi

So‘rilishi

Dori vositasining 45%i me’da-ichak yo‘llaridan tez so‘riladi va 30 minutdan keyin organizm to‘qimalariga yetib boradi. Faol modda (xifenadin gidroxloridi)ning qon plazmasidagi maksimal miqdoriga bir soatdan keyin erishiladi.

Taqsimlanishi

Faol moddaning eng ko‘p konsentrasiyasi jishgarda, kamroq miqdorda esa o‘pka va buyrakda, juda kam miqdorda esa bosh miya to‘qimalarida kuzatiladi. Dori vositasi past lipofillikka ega va uning miya to‘qimalaridagi miqdori past (0,05% dan kam), bu uning markaziy nerv tizimiga susaytiruvchi ta’sir ko‘rsatmasligini tushuntiradi, ammo individual yuqori sezuvchanlikda kuchsiz sedativ ta’sir ko‘rsatishi mumkin.

Metabolizm

Xifenadin jigarda metabolizmga uchraydi.

Chiqarilishi

Dori vositasining metabolitlari va o‘zgarmas ulushi asosan siydik, o‘t va o‘pka orqali chiqariladi. Dori vositasining so‘rilmagan qismi o‘t bilan chiqariladi. Dori vositasining asosiy qismi (taxminan 44%i) 48 soat ichida, yana 1%i esa keyingi 48 soat ichida siydik bilan chiqarib yuboriladi.

Manba: Sog‘liqni saqlash vazirligi huzuridagi Farmatsevtika mahsulotlari xavfsizligi markazi — dori vositalari davlat reyestri, ro‘yxat raqami DV/X 01271/01/16, ro‘yxatga olingan: 14.05.2026. Qadoq rasmlari — Farmatsevtika tarmog‘ini rivojlantirish agentligi. Ma’lumot tanishish uchun, shifokor maslahatining o‘rnini bosmaydi. Sahifa yangilangan: 07.11.2026.
HomiladorlikdaDastlabki 3 oyda mumkin emas
Emizish davridaMumkin emas
Qachon ichiladiOvqatdan keyin darhol
Kattalarga sutkasiga200 mg gacha
Nima uchunDozasiKimga mumkin emasTarkibiNojo‘ya ta’sirlarBoshqa dorilar bilanAnaloglari · 1SavollarRasmiy yo‘riqnoma

Sayt pastki qismi

Kasallik.uz

Kasalliklar, ularning belgilari, sabablari, tashxis va davolash usullari haqida o'zbek va rus tillarida sodda va ishonchli ma'lumotlar.

РусскийO'zbekcha

Sayt

  • Bosh sahifa
  • Dorilar
  • Statistika
  • Maqolalar
  • Bo'limlar
  • Homiladorlik kalendari
  • Ovulyatsiya kalendari
  • O'g'il yoki qiz kalendari
  • Tana vazni indeksi
  • Kaloriya kalkulyatori
  • Bolalar uchun dori dozasi
  • Mualliflar

Loyiha

  • Biz haqimizda
  • Tahririyat
  • Tahririyat siyosati
  • Aloqa

Huquqiy ma'lumot

  • Maxfiylik siyosati
  • Foydalanish shartlari
  • Tibbiy ogohlantirish
  • Cookie siyosati

Saytdagi ma'lumotlar faqat tanishish uchun mo'ljallangan va shifokor maslahati, tashxisi yoki davolashining o'rnini bosmaydi. Sog'lig'ingiz bilan bog'liq har qanday savol bo'yicha mutaxassisga murojaat qiling. Shoshilinch holatda 103 raqamiga qo'ng'iroq qiling. Batafsil

© 2026 Kasallik.uz. Barcha huquqlar himoyalangan.

Materiallardan foydalanilganda Kasallik.uz saytiga faol havola berilishi shart.

Bosh sahifaMavzular
Dorilar