Eskapel
- Ishlab chiqaruvchi
- ОАО Гедеон Рихтер
- Mamlakat
- Vengriya
- Ro‘yxat raqami
- DV/X 00207/03/15
- Ruxsat muddati
- 22.04.2031 gacha
- Saqlash muddati
- 5 yil
- ATX kodi
- G03AD01
Eskapel nima uchun ishlatiladi
Eskapel — shoshilinch kontratseptsiya uchun gormonal tabletka (levonorgestrel). Himoyalanmagan jinsiy aloqadan keyin ovulyatsiya va urug‘lanishning oldini olib, homiladorlik xavfini kamaytiradi. Boshlangan homiladorlikni to‘xtatmaydi va doimiy himoya usuli emas.
Shoshilinch kontratseptsiya
Himoyalanmagan jinsiy aloqadan keyin yoki ishlatilgan himoya usuli ishonchsiz bo‘lganda, 72 soat ichida.
Qancha va qanday qabul qilinadi
Rasmiy yo‘riqnoma bo‘yicha, 1,5 mg li tabletka uchun. Belgilar — bir martada ichiladigan tabletkalar soni.
Kimga mumkin, kimga mumkin emas
Homiladorlik Mumkin emas
Homiladorlikda mumkin emas. Dori boshlangan homiladorlikni to‘xtatmaydi; homiladorlik davom etsa, homilaga zararli ta’sir aniqlanmagan, lekin 1,5 mg dan yuqori dozalar haqida ma’lumot yo‘q.
Emizish davri Mumkin emas
Taqiqlar ro‘yxatida emizish davri bor. Yo‘riqnomaning boshqa bo‘limiga ko‘ra, levonorgestrel ona sutiga o‘tadi: tabletkani emizishdan darhol keyin iching va keyin kamida 8 soat emizmang.
18 yoshgacha Mumkin emas
Taqiqlar ro‘yxatiga ko‘ra 18 yoshgacha mumkin emas.
Jigar Ehtiyotkorlik bilan
Jigar faoliyatining og‘ir buzilishida tavsiya etilmaydi.
Laktoza Mumkin emas
Tabletkada 142,5 mg laktoza monogidrat bor. Galaktozani ko‘tara olmaslik, laktazaning to‘liq yetishmovchiligi, glyukoza-galaktoza so‘rilishi buzilishida ichmang.
Bachadondan tashqari homiladorlik xavfi Ehtiyotkorlik bilan
Ilgari bachadondan tashqari homiladorlik yoki bachadon naylari yallig‘lanishi (salpingit) bo‘lgan ayollarga tavsiya etilmaydi. Tabletkadan keyin homiladorlik boshlansa, bachadondan tashqari bo‘lishi mumkinligini yodda tuting.
Samaradorlik Ehtiyotkorlik bilan
Har doim ham homiladorlikning oldini olmaydi. Kron kasalligi kabi og‘ir so‘rilish buzilishlari va tana vazni yoki TVI kattaligi samarani kamaytirishi mumkin. Jinsiy yo‘l bilan yuqadigan kasalliklardan himoya qilmaydi.
Haydovchilar Ehtiyotkorlik bilan
Mashina haydash va mexanizmlar bilan ishlashga ta’siri o‘rganilmagan.
Qo‘llash mumkin bo‘lmagan holatlar
- Levonorgestrel yoki tabletka tarkibidagi boshqa moddaga yuqori sezuvchanlik
- Homiladorlik va emizish davri
- 18 yoshgacha bolalar va o‘smirlar
- Galaktozani ko‘tara olmaslik, laktazaning to‘liq yetishmovchiligi, glyukoza-galaktoza so‘rilishi buzilishi
- Tavsiya etilmaydi: og‘ir jigar faoliyati buzilishi; bachadondan tashqari homiladorlik xavfi (ilgari salpingit yoki bachadondan tashqari homiladorlik)
Tarkibi
1.5 mg li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Jigar fermentlarini kuchaytiruvchi dorilar: barbituratlar (primidon), fenitoin, karbamazepin, dalachoy (zveroboy) preparatlari, rifampitsin, ritonavir, rifabutin, grizeofulvin Ehtiyotkorlik
Levonorgestrelning qondagi miqdori kamayadi va samarasi pasayishi mumkin. So‘nggi 4 hafta ichida ichilgan bo‘lsa — dozalash bo‘limiga qarang.
Efavirenz Ehtiyotkorlik
Levonorgestrelning qondagi miqdorini taxminan 50% ga kamaytiradi.
Siklosporin Ehtiyotkorlik
Uning zaharli ta’siri xavfi oshishi mumkin.
Ko‘p ichib qo‘ydingizmi?
Katta dozada og‘iz orqali kontratseptiv ichilganda jiddiy nojo‘ya ta’sirlar qayd etilmagan. Ko‘ngil aynishi va «to‘xtatish» qon ketishi bo‘lishi mumkin. Maxsus antidot yo‘q, belgilar bo‘yicha davolanadi.
Eskapel narxi
Davlat belgilagan eng yuqori chakana narx (referent narx). Har bir qadoq yonida narx belgilangan sana.
Manba: Farmatsevtika tarmog‘ini rivojlantirish agentligi, referent narxlar ro‘yxati.
Analoglari: levonorgestrel
Tarkibida levonorgestrel bor 2 ta dori. Almashtirishdan oldin shifokor yoki farmatsevt bilan maslahatlashing.
Ko‘p beriladigan savollar
Eskapelni jinsiy aloqadan keyin necha soat ichida ichish kerak?
Iloji boricha tezroq — afzali birinchi 12 soatda, lekin 72 soatdan kechiktirmay. Qancha erta ichilsa, shuncha yaxshi.
Eskapel ichgandan keyin qusib yuborsam-chi?
Tabletka ichilgandan keyin 3 soat ichida qusish bo‘lsa, yana 1 tabletka iching.
Eskapeldan keyin hayz qachon keladi?
Ko‘pincha o‘z vaqtida yoki kutilgan muddatdan 5–7 kun ichida. Hayz 5 kundan ortiq kechiksa, homiladorlikni tekshiring.
Eskapelni bir oyda bir necha marta ichsa bo‘ladimi?
Bir hayz sikli davomida qayta ichish tavsiya etilmaydi. Bu doimiy himoya usuli emas — rejali kontratseptsiya tanlash uchun shifokorga boring.
Emizish davrida Eskapel ichsa bo‘ladimi?
Taqiqlar ro‘yxatida emizish davri ko‘rsatilgan. Yo‘riqnomaning boshqa bo‘limida aytilishicha, ichilsa — emizishdan darhol keyin ichib, kamida 8 soat emizmaslik kerak.
Eskapel homiladorlikni to‘xtatadimi?
Yo‘q, boshlangan homiladorlikni to‘xtatmaydi. U faqat homiladorlik boshlanishining oldini olishga mo‘ljallangan.
Rasmiy yo‘riqnoma
Rasmiy yo‘riqnomaning to‘liq matni
Tavsifi
Ta’rifi: Oq yoki deyarli oq rangli, faskali va bir tomonida “G00” gravirovkasi bo‘lgan yassi tabletkalar. Taxminan 8 mm diametrli tabletkalar
Qo‘llanilishi
Qo‘llanilishi
Himoyalanmagan jinsiy aloqadan so‘ng 72 soat mobaynida shoshilinch kontrasepsiya yoki foydalanilayotgan kontrasepsiya usuli ishonchli bo‘lgan holatda.
Qo‘llash usuli va dozalari
Qo‘llash usuli va dozalar
Dozalar
Bitta Eskapel tabletkasini himoyalanmagan jinsiy aloqadan so‘ng imkon qadar tezroq, 12 soat ichida, biroq 72 soatdan kechiktirmay qabul qilish kerak (“Farmakologik hususiyatlari” bo‘limga qarang).
Agar preparatni qabul qilingandan so‘ng uch soat ichida qayt qilish holati yuz bersa, shu zahoti yana 1 ta Eskapel tabletkasini qabul qilish kerak.
So‘nggi 4 hafta mobaynida jigarning mikrosomal fermentlari induktorlari hisoblangan preparatlarni qabul qilayotgan va shoshilinch kontrasepsiyaga ehtiyojmand ayollarga tarkibida missaqlovchi ichki bachadon spirali (IBS) kabi nogormonal shoshilinch kontrasepsiyalardan foydalanish yoki tarkibida missaqlovchi ichki bachadon spiralidan (IBS) foydalanish imkoniyatiga ega bo‘lmagan yoki foydalanishni istamagan ayollarga levonorgestrelning ikki dozasini (masalan, 2 ta Eskapel tabletkasini bir vaqtning o‘zida) qabul qilish tavsiya etiladi (“Dorilarning o‘zaro ta’siri” bo‘limga qarang).
Preparat hayz siklining hayz kelishi kechikmagan bo‘lsa, istalgan kunida foydalanish mumkin.
Eskapel preparatini qo‘llanilgandan so‘ng navbatdagi hayz boshlangungacha to‘siqli kontraseptivlar (prezervativ, diafragma, spermisid, bo‘yin qalpoqchasi)dan foydalanish tavsiya etiladi. Levonorgestrel muntazam gormonal kontrasepsiya davom ettirilishida qabul qilish mumkin.
Bolalarda va o‘smirlarda qo‘llanilishi
Eskapel preparati shoshilinch kontrasepsiya tavsiyasi bo‘yicha o‘smir-qizlar menarxe boshdangunicha qo‘llanilish uchun mo‘ljallanmagan.
Qo‘llanilish usuli
Ichga qabul qilish uchun.
Qo‘llash mumkin bo‘lmagan holatlar
Qo‘llash mumkin bo‘lmagan holatlar
Preparatning “Tarkibi” bo‘limida qayd etilgan faol moddasiga yoki yordamchi moddalaridan biriga o‘ta sezuvchanlikda
Homiladorlik va emizish davrida
18 yoshgacha bo‘lgan bolalar va o‘smirlarda qo‘llash mumkin emas
Nojo‘ya ta’sirlar
Nojo‘ya ta’sirlari
Eng tez-tez uchraydigan salbiy ta’sir ko‘ngil aynishi hisoblanadi.
Barcha nojo‘ya reaksiyalar organlar tizimi va rivojlanish uchrash chastotasi MedDRA klassifikasiyasi bo‘yicha tasniflangan: juda tez-tez (≥1/10), tez-tez (≥1/100 - <1/10), tez-tez emas (≥1/1 000 - <1/100), kamdan-kam (≥1/10000 - <1/1000), juda kamdan-kam (<1/10000), jumladan alohida xabarlarga ko‘ra.
MedDRA ga muvofiq organlar tizimi sinfi | Nojo‘ya reaksilar chastotasi | |
Juda tez-tez | Tez-tez | |
Asab tizimi tomonidan buzilishlar | Bosh og‘rig‘i | Bosh aylanishi |
Ovqat hazm qilish tizimi tomonidan buzilishlar | Ko‘ngil aynishi Qorinning pastki bo‘limlarida og‘riq | Diareya Qayt qilish |
Jinsiy a’zolar va sut bezlari tomonidan buzilishlar | Hayz bilan bog‘liq bo‘lmagan qon ketishi | Hayzning 7 kundan ortiq kechikishi Hayzning nomuntazam kelishi va qon kelishi Sut bezlari dag‘allashishi |
Tizimli buzilishlar va yuborilgan joydagi asoratlar | Yuqori toliquvchanlik |
Hayz xususiyati vaqtincha o‘zgarishi mumkin, biroq ko‘pchilik ayollarda preparatni qabul qilgandan keyingi hayz kutilgan sanadan so‘ng 5-7 kun mobaynida boshlanadi.
Agar hayz kechikishi 5 kundan ortiq davrni tashkil qilsa, homiladorlikni istisno qilish tavsiya etiladi.
Postmarketing kuzatuvda quyidagi salbiy holatlar qayd etilgan:
Me’da-ichak tizimi tomonidan buzilishlar
Juda kam hollarda: qorinda og‘riq.
Teri va teriosti to‘qimalari tomonidan buzilishlar
Juda kam hollarda: teri toshmasi, eshakemi, teri qichishishi.
Jinsiy a’zolar va sut bezi tomonidan buzilishlar
Juda kam hollarda: tos sohasida og‘riq, dismenoreya.
Tizimli buzilishlar va yuborilgan joydagi asoratlar
Juda kam hollarda hollarda: yuz shishishi.
Dorilarning noxush reaksiyalari to‘g‘risida xabarlar
Taxmin qilinadigan, dori vositasini qayd etilgandan keyin olinadigan noxush reaksiyalari to‘g‘risidagi xabarlar o‘ta muhim. Bu ushbu dori vositasi uchun foyda va xavf nisbatini monitoring qilish imkonini beradi. Sog‘liqni saqlash xodimlari har qanday taxmin qilinadigan noxush reaksiyalar to‘g‘risida milliy hisobot berish tizimi orqali xabar qilishinigizni so‘raydi.
Agar ushbu yo‘riqnomada ko‘rsatilgan nojo‘ya samaralar og‘irlashsa, yoki Siz yo‘riqnomada ko‘rsatilmagan boshqa nojo‘ya samaralarni sezsangiz, darxol davolovchi shifokoringizga xabar qiling.
Maxsus ko‘rsatmalar
Maxsus ko‘rsatmalar
Maxsus ogohlantirishlar va ehtiyotkorlik choralari
Ushbu preparat faqat shoshilinch kontrasepsiya uchun mo‘ljallangan bo‘lib, muntazam gormonal kontrasepsiyaning o‘rnini bosmaydi.
Shoshilinch kontrasepsiya barcha holatlarda homiladorlik rivojlanishining oldini olish imkonini bermaydi.
Jinsiy aloqa vaqti noma’lum bo‘lgan yoki himoyalanmagan jinsiy aloqa paytidan boshlab 72 soatdan ko‘proq vaqt o‘tgan holatda homiladorlik boshlanishi mumkin. Shu tufayli ikkinchi jinsiy aloqadan so‘ng Eskapel preparatining qo‘llanilishi samarasiz bo‘lishi mumkin. Hayz 5 kundan ortiq vaqt kechikkan, o‘z vaqtida boshlangan hayz xususiyati o‘zgargan yoki biror-bir boshqa sabablar bo‘yicha homiladorlikka shubhalangan holatlarda homiladorlikni istisno qilish kerak.
Agar Eskapel preparati qo‘llanilgandan so‘ng homiladorlik boshlansa, ektopik homiladorlik ehtimolini yodda tutish kerak.
Ektopik homiladorlikning mutlaqo xavfi chamasi past bo‘ladi, chunki levonorgestrel ovulyasiya va urug‘lantirishning oldini oladi. Ektopik homiladorlik bachadondan qon ketishi paydo bo‘lishiga qaramay rivojlanishi mumkin. Shu tufayli ektopik homiladorlik (anamnezda salpingit yoki ektopik homiladorlik) xavfi omillari mavjud bo‘lgan holatlarda levonorgestrelni qabul qilish tavsiya etilmaydi.
Eskapel preparatining og‘ir jigar faoliyati yetishmovchiligi kasalligiga ega bemor ayollarga qo‘llanilishi tavsiya etilmaydi.
Ichakda so‘rilishining og‘ir buzilishlari masalan, Kron kasalligi holatida levonorgestrelning samaradorligi pasayishi mumkin.
Eskapel preparati qabul qilingandan so‘ng, odatda, kutilgan vaqtda me’yoriy hayz boshlanadi. Ba’zan hayz kutilgan muddatdan bir necha kun oldinroq yoki kechroq boshlanishi mumkin. Muntazam kontrasepsiyani tanlash yoki o‘zgartirish uchun shifokor bilan maslahatlashish tavsiya etiladi. Agar Eskapel preparati muntazam gormonal kontrasepsiya sharoitida qo‘llanilgan bo‘lsa va kontraseptivni qabul qilishda kelgusi 7 kunlik tanaffusda hayz boshlanmasa, homiladorlikni istisno qilish kerak.
Bir hayz siklining o‘zida preparatni takroran qabul qilish hayz siklini buzish ehtimoli tufayli tavsiya etilmaydi.
Tana vazni yoki tananing og‘irlik indeksi oshishi bilan Eskapel preparatining kontraseptiv samaradorligi pasayishi mumkinligi to‘g‘risida kelgusi tasdiqlanishni talab qiladigan cheklangan ma’lumotlar mavjud. Barcha ayollarda, ularning tana vazni yoki tananing og‘irlik indeksidan (TOI) qat’iy nazar, shoshilinch kontrasepsiya vositasi himoyalanmagan jinsiy aloqadan so‘ng imkon qadar tezroq qabul qilinishi kerak.
Eskapel preparati 142,5 mg laktoza monogidrati saqlaydi. Galaktoza yoki laktozaga tug‘ma o‘zlashtiraolmaslik yoxud glyukoza va galaktoza malabsorbsiyasi sindromiga ega bemorlarga ushbu preparatni qo‘llanilishi tavsiya etilmaydi.
Boshqa dorilar bilan o‘zaro ta’siri
Dorilarning o‘zaro ta’siri
Jigar fermentlari induktorlari, asosan CYP3A4 tizimi ferment induktorlari bir vaqtning o‘zida qo‘llanilganda levonorgestrel metabolizmi kuchayadi. Efavirenz bilan bir vaqtning o‘zida qo‘llanilganda qon plazmasida levonorgestrel darajasi (AUC) taxminan 50%ga pasayganligi aniqlangan.
Quyidagi preparatlar qon plazmasida levonorgestrel darajasini taxminan pasaytirishi mumkin: barbituratlar (shu jumladan, primidon); fenitoin va karbamazepin; tarkibida Teshik Dalachoy (Hypericum perforatum) mavjud bo‘lgan o‘simliklar; shuningdek rifampisin; ritonavir; rifabutin va grizeofulvin.
So‘nggi 4 hafta mobaynida jigarning mikrosomal fermentlari induktorlari hisoblangan preparatlarini qabul qilayotgan va shoshilinch kontrasepsiyaga ehtiyojmand ayollarga nogormonal shoshilinch kontraseptivlar masalan, tarkibida missaqlovchi ichki bachadon spirali (IBS) dan foydalanish ko‘rib chiqilishi kerak. Levonorgestrelning ikki dozasi (masalan, himoyalanmagan jinsiy aloqadan so‘ng 72 soat mobaynida 3 mg levonorgestrel)ni qabul qilish, garchi ushbu o‘ziga xos kombinasiya (jigarning mikrosomal fermentlari induktorlari qo‘llanilish vaqtida levonorgestrelning ikki dozasi) tadqiq qilinmagan bo‘lsa ham tarkibida missaqlovchi IBSdan foydalanish imkoniyatiga ega bo‘lmagan yoki foydalanishni istamagan ayollarga variant hisoblanadi.
Tarkibida levonorgestrel mavjud preaparatlar siklosporin metabolizmini susaytirishi ehtimoli tufayli uning toksik xavfini oshiradi
Homiladorlik va emizish davrida
Homiladorlik va emizish davrida qo‘llanilishi
Homiladorlik
Eskapel preparati homiladorlik vaqtida qo‘llanilmasligi kerak. Ushbu preparat homiladorlik to‘xtalishiga olib kelmaydi. Mavjud ma’lumotlarga muvofiq, rivojlanayotgan homiladorlik holatida levonorgestrel saqlovchi preparatlar homilaga salbiy ta’sir ko‘rsatmaydi. Ayni paytda, levonorgestrelning 1,5 mg dan yuqori dozalarda qabul qilinishi ehtimoliy oqibatlari to‘g‘risida klinik ma’lumotlar yo‘q.
Emizish davri
Levonorgestrel ko‘krak suti bilan ajralib chiqadi. Agar emizuvchi ayol ushbu preparatni emizishdan so‘ng shu zahoti qabul qilsa, levonorgestrelning bolaga ehtimoliy ta’siri kamaytirilishi mumkin. Preparati qabul qilingandan so‘ng hech bo‘lmaganda 8 soat emizmaslik kerak.
Fertillik
Levonorgestrel hayz sikli buzilish ehtimolini oshiradi, bu ayrim holatlarda yanada ertaroq yoki yanada kechroq ovulyasiyaga olib keladi. Ushbu o‘zgarishlar fertil davriga ta’sir ko‘rsatishi mumkin, biroq uzoq vaqt levonorgestrelni qo‘llash fertillikka ta’siri haqida ma’lumotlar yo‘q.
Transport boshqarishga ta’siri
Transport vositasini boshqarish va mexanizmlar bilan ishlash qobiliyatiga ta’siri
Transport vositasini boshqarish va mexanizmlar bilan ishlash qobiliyatiga ta’siri bo‘yicha tadqiqotlar o‘tkazilmagan
Dozani oshirib yuborish
Dozani oshirib yuborilishi
Simptomlar
Bevosita peroral kontraseptivlarning katta dozasini qabul qilgandan so‘ng jiddiy salbiy holatlar qayd etilmagan. Dozani oshirib yuborilganda ko‘ngil aynishi va qon ketishi yuzaga kelishi mumkin.
Davolash
Spesifik antidot yo‘q, simptomatik davolash tavsiya etilgan.
Farmakodinamikasi
Farmakodinamikasi
Eskapel preparatining aniq ta’sir mexanizmi noma’lum.
Levonorgestrelni tavsiya etiladigan tartibda dozalash asosan ovulyasiya va urug‘lantirishning oldini oladi, agar jinsiy aloqa siklning ovulyasiyadan oldingi bosqichida yuz bergan bo‘lsa, bunda urug‘lanish ehtimoli maksimal bo‘ladi. Amalga oshirilgan implantasiyada ushbu preparatning qo‘llanilishi samarasiz bo‘ladi.
Samaradorlik
Levonorgestrelni 12 soat oraliq bilan qabul qilingan 0,75 mg ikkita dozasi kutilgan homiladorlikning 85% holatlarini bartaraf qiladi. Chamasi, jinsiy aloqa va preparatni qabul qilish o‘rtasida qanchalik ko‘proq vaqt o‘tgan bo‘lsa, uning samaradorligi shunchalik pastroq bo‘ladi (birinchi 24 soat mobaynida – 95%; 24 soatdan 48 soatgacha davrda – 85% va 48 soatdan 72 soatgacha davrda – 58%).
Bir vaqtning o‘zida qabul qilingan 1,5 mg levonorgestrel tabletkasi (himoyalanmagan jinsiy aloqadan so‘ng 72 soat mobaynida) kutilgan homiladorlikning 84% holatlarini bartaraf qiladi. Himoyalanmagan jinsiy aloqadan so‘ng uchinchi yoki to‘rtinchi kuni preparatni qabul qilgan ayollar homiladorlik chastotasida farqlar yo‘q.
Ortiqcha tana vazni/tana og‘irligi yuqori indeksining (TOI) kontraseptiv samaradorlikka ta’siri to‘g‘risida kelgusi tasdiqlanishni talab qiladigan cheklangan ma’lumotlar mavjud.
Levonorgestrel tavsiya etiladigan dozalash rejimida qon quyulishi, lipid va uglevod almashinuvi omillariga jiddiy ta’sir ko‘rsatmaydi.
18 yoshgacha bo‘lgan o‘smir-qizlar
18 yoshdan kichik yoshdagi ayollarda muvaffaqiyatsizlik koeffisiyenti (2,6%) 18 yosh va undan katta yoshli ayollardagi muvaffaqiyatsizlik koeffisiyenti (2,0%) bilan birxil bo‘lgan.
Farmakokinetikasi
Farmakokinetikasi
So‘rilishi
Levonorgestrel ichga qabul qilinganda tez va deyarli to‘liq so‘rilib ketadi. Bir marta 1,5 mg levonorgestrel qabul qilingandan so‘ng preparatning qon plazmasidagi maksimal konsentrasiyasi 18,5 ng/ml ni tashkil etadi va bunga 2 soatdan keyin erishiladi. Mutlaqo biokiraolishligi qabul qilingan dozaning deyarli 100% ni tashkil etadi.
Taqsimlanishi
Levonorgestrel qon zardobi albumini va jinsiy gormonlarni bog‘lovchi globulin (JGBG) bilan bog‘lanadi. Preparatning umumiy miqdoridan 1,5% gina qon zardobida erkin shaklda bo‘ladi, 65% esa spesifik JGBG bilan bog‘lanadi. Ko‘krakdan emizishda bola ona tomonidan qabul qilingan dozaning taxminan 0,1% ni olishi mumkin.
Biotransformasiyasi
Levonorgestrel metabolizmi ma’lum steroidlar metabolizmiga muvofiqdir. Levonorgestrel jigarda gidroksillanadi va metabolitlar kon’yugirlangan glyukuronidlar shaklida ekskresiya qilinadi. Levonorgestrelni farmakologik faol metabolitlar noma’lum.
Chiqarilishi
Maksimumga erishilgandan so‘ng levonorgestrel konsentrasiyasi pasayadi va yarim chiqarilish o‘rtacha davri taxminan 26 soatni tashkil etadi.
Preparatning ekskresiyasi taxminan teng darajada buyraklar va ichak orqali amalga oshiriladi..