Bromgeksin
- Ishlab chiqaruvchi
- ООО Озон
- Mamlakat
- Rossiya
- Ro‘yxat raqami
- DV/X 11344/05/26
- Ruxsat muddati
- 14.05.2031 gacha
- Saqlash muddati
- 3 yil
- ATX kodi
- R05CB02
Bromgeksin nima uchun ishlatiladi
Bromgeksin — balg‘am suyultiruvchi (mukolitik) dori. Quyuq, yopishqoq balg‘amni suyultiradi va uning ko‘chishini yengillashtiradi; yo‘talga qarshi ta’siri kuchsiz.
Quyuq balg‘amli bronx-o‘pka kasalliklari
Yopishqoq balg‘am qiyin ko‘chadigan o‘tkir va surunkali kasalliklar: traxeobronxit, turli sababli bronxitlar (bronxoektazli ham), bronxial astma.
O‘pka kasalliklari
O‘pka tuberkulyozi, o‘pka emfizemasi, zotiljam (pnevmoniya), pnevmokonioz, mukovissidoz.
Operatsiya va muolajalarda
Operatsiyadan oldin va bronx ichi muolajalarida bronxlarni tozalash, operatsiyadan keyin bronxlarda quyuq balg‘am to‘planishining oldini olish.
Qancha va qanday qabul qilinadi
Rasmiy yo‘riqnoma bo‘yicha, 8 mg li tabletka uchun. Belgilar — bir martada ichiladigan tabletkalar soni.
Kimga mumkin, kimga mumkin emas
Homiladorlik Mumkin emas
I uch oylikda mumkin emas. II va III uch oylikda faqat ona uchun foyda homila uchun xavfdan yuqori bo‘lsa, ehtiyotkorlik bilan.
Emizish davri Mumkin emas
Mumkin emas — bromgeksin ona sutiga o‘tadi. Ichish zarur bo‘lsa, davolanish vaqtida emizish to‘xtatiladi.
Bolalar Ehtiyotkorlik bilan
3 yoshdan, faqat shifokor nazoratida. 3 yoshgacha mumkin emas.
Laktoza Mumkin emas
Har tabletkada 72 mg laktoza. Laktaza yetishmovchiligi, laktoza yoki galaktozani ko‘tarmaslik, glyukoza-galaktoza so‘rilishi buzilishida mumkin emas.
Jigar va buyrak Ehtiyotkorlik bilan
Buyrak yoki jigar yetishmovchiligida alohida ehtiyotkorlik: doza kamaytiriladi yoki oraliq uzaytiriladi. Og‘ir buyrak yetishmovchiligida dori moddalari to‘planishi mumkin. Ayniqsa uzoq davolashda jigar faoliyatini nazorat qilish tavsiya etiladi.
Ko‘p balg‘am va bronx harakati buzilishi Ehtiyotkorlik bilan
Bronxlar harakati buzilganda (masalan, kiprikchalar diskineziyasida) yoki balg‘am juda ko‘p bo‘lsa ehtiyotkorlik bilan — balg‘am nafas yo‘llarida to‘planib qolishi mumkin. Balg‘am ko‘payishi mumkinligini hisobga oling.
Haydovchilar Ehtiyotkorlik bilan
Bosh aylanishi va bosh og‘rig‘i bo‘lishi mumkin — mashina haydash va diqqat talab qiladigan ishlarda ehtiyot bo‘ling.
Qo‘llash mumkin bo‘lmagan holatlar
- Bromgeksinga yoki tabletka tarkibidagi boshqa moddaga allergiya (yuqori sezuvchanlik)
- Homiladorlikning I uch oyligi
- Emizish davri
- Oshqozon va o‘n ikki barmoqli ichak yarasi (zo‘rayish davrida)
- 3 yoshgacha bolalar
- Laktaza yetishmovchiligi, laktozani ko‘tarmaslik, glyukoza-galaktoza so‘rilishi buzilishi
- Ehtiyotkorlik bilan: buyrak va/yoki jigar yetishmovchiligi; sekret haddan ortiq to‘planadigan bronx kasalliklari; ilgari qon tupurish yoki oshqozondan qon ketishi; homiladorlikning II va III uch oyligi
Tarkibi
8 mg li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Yo‘talga qarshi dorilar (kodeinli ham) Birga ichilmaydi
Birga buyurilmaydi: yo‘tal bosilib, suyulgan balg‘am chiqmay, nafas yo‘llarida to‘planishi mumkin.
Ishqoriy eritmalar Birga ichilmaydi
Bromgeksin ular bilan mos kelmaydi.
Ayrim NYQD (salitsilatlar, fenilbutazon yoki butadion) Ehtiyotkorlik
Oshqozon shilliq qavatini ta’sirlantirishi mumkin.
Oshqozon-ichakni ta’sirlantiruvchi dorilar Ehtiyotkorlik
Shilliq qavatga ta’sirlovchi ta’sir kuchayishi mumkin.
Antibiotiklar (eritromitsin, sefaleksin, oksitetratsiklin, ampitsillin, amoksitsillin), sulfanilamidlar Ehtiyotkorlik
Davolashning birinchi 4–5 kunida ularning bronx sekretiga o‘tishini oshiradi (klinik ahamiyati isbotlanmagan). Bronx-o‘pka kasalliklarining boshqa dorilari bilan birga buyurish mumkin.
Ko‘p ichib qo‘ydingizmi?
Belgilari: ko‘ngil aynishi, qusish, ich ketishi va boshqa oshqozon-ichak buzilishlari. Maxsus qarshi zahar (antidot) yo‘q. Qusishni chaqirib, keyin suv beriladi; ichilgandan keyin 1–2 soat ichida me’da yuvish tavsiya etiladi.
Analoglari: bromgeksin
Tarkibida bromgeksin bor 4 ta dori. Almashtirishdan oldin shifokor yoki farmatsevt bilan maslahatlashing.
BromgeksinTabletka · 8mg · GermaniyaRetseptsiz
BromgeksinEritma · 4 mg/5 ml · GermaniyaRetseptsizKo‘p beriladigan savollar
Bromgeksinni qanday ichish kerak?
Kattalar va 14 yoshdan katta bolalarga 1–2 tabletka (8–16 mg) kuniga 3–4 marta, ovqatdan qat’i nazar. Yetarli miqdorda suyuqlik ichish tavsiya etiladi.
Bolaga Bromgeksin berish mumkinmi?
3 yoshdan, shifokor nazoratida: 3–6 yoshda 1/2 tabletka (4 mg), 6–14 yoshda 1 tabletka (8 mg), kuniga 3 marta. 3 yoshgacha mumkin emas.
Bromgeksinni necha kun ichish mumkin?
Kurs 4 kundan 28 kungacha, lekin shifokor maslahatisiz 4–5 kundan ortiq ichish tavsiya etilmaydi. Ta’sir 4–6 kunda sezilishi mumkin.
Homiladorlikda Bromgeksin ichsa bo‘ladimi?
I uch oylikda mumkin emas. II va III uch oylikda faqat shifokor foyda xavfdan yuqori deb hisoblasa. Emizish davrida mumkin emas.
Bromgeksinni yo‘talga qarshi dori bilan birga ichsa bo‘ladimi?
Yo‘q. Yo‘tal bosilsa, suyulgan balg‘am chiqmay qoladi va nafas yo‘llarida to‘planishi mumkin.
Bromgeksin tarkibida laktoza bormi?
Ha, har tabletkada 72 mg laktoza monogidrat bor. Laktozani ko‘tarmaydiganlar ichmasligi kerak.
Rasmiy yo‘riqnoma
Rasmiy yo‘riqnomaning to‘liq matni
Tavsifi
dumaloq shaklli, yassi silindrik, oq yoki deyarli oq rangli, faskali va riskali tabletkalar.
Qo‘llanilishi
Bromgeksin preparati kattalar va 3 yoshdan oshgan bolalarda quyidagi ko‘rsatmalar bo‘yicha qo‘llanadi:
Qovushqoq balg‘amni ajralishini qiyinlashishi bilan kechuvchi o‘tkir va surunkali bronx-o‘pka kasalliklari: traxeobronxit, turli etiologiyali bronxitlar (shu jumladan bronxoektazlar bilan asoratlangan), bronxial astma, o‘pka tuberkulyozi, o‘pka emfizemasi, pnevmoniya, pnevmokonioz, mukovissidoz;
Operasiyadan oldingi davrda bronxial daraxt sanasiyasi va bronx-ichki davolash va diagnostik muolajalarni amalga oshirganda, operasiyadan keyin bronxlarda quyuq qovushqoq balg‘amni to‘planishini oldini olishda qo‘llaniladi.
Qo‘llash usuli va dozalari
Ovqatlanishdan qat’iy nazar ichga qabul qilinadi.
Kattalar
8-16 mg (1-2 tabletka) sutkada 3-4 marta.
Pasiyentlarning alohida guruhlari
Buyrak funksiyasini buzilishlarida va/yoki jigarning og‘ir darajadagi kasalliklarida qabul qilish o‘rtasidagi intervalni uzaytirish yoki dozani pasaytirish kerak. Ushbu masala bo‘yicha davolovchi shifokor bilan maslahatlashish kerak.
Bolalar
14 yoshdan oshgan bolalar
Kattalardagiga o‘xshash dozalar.
6 yoshdan 14 yoshgacha bo‘lgan bolalar
8 mg (1 tabletka) sutkada 3 marta.
3yoshdan 6 yoshgacha bo‘lgan bolalar
4 mg (1/2 tabletka) sutkada 3 marta.
Terapevtik ta’siri davolashning 4-6 kuni namoyon bo‘lishi mumkin.
Davolash kursi – 4 dan 28 kungacha.
Davolash jarayonida bromgeksinning sekretolitik ta’sirini tutib turish uchun suyuqlik yetarli miqdorda iste’mol qilish tavsiya etiladi. Shifokor maslahatisiz bromgeksinni 4-5 kundan ortiq qabul qilish tavsiya etilmaydi. Agar preparat bilan davolash davrida yaxshilanish kuzatilmasa yoki simptomlar chuqurlashsa yoki yangi simptomlar paydo bo‘lsa, shifokor bilan maslahatlashish kerak. Preparatni faqat yo‘riqnomada ko‘rsatilgan ko‘rsatmalar, qo‘llash usuli va dozalarda qo‘llang.
Qo‘llash mumkin bo‘lmagan holatlar
bromgeksinga va/yoki yordamchi moddalardan birontasiga o‘ta yuqori sezuvchanlik;
homiladorlik (I uch oylik);
emizish davri;
me’da va o‘n ikki barmoq ichak yara kasalligi (zo‘rayish bosqichida);
3 yoshgacha bo‘lgan bolalar;
laktaza tanqisligi, laktozani o‘zlashtiraolmaslik, glyukozo-galaktoz malabsorbsiyada qo‘llash mumkin emas (chunki preparat laktoza saqlaydi).
Ehtiyotkorlik bilan
Buyrak va/yoki jigar yetishmovchiligi; sekretni haddan tashqari ko‘p to‘planishi bilan kechuvchi bronx kasalliklari; anamnezida qon tupurish holatlarini mavjudligi; anamnezida me’dadan qon ketishi; homiladorlik (II va III uch oylik).
Nojo‘ya ta’sirlar
Noxush reaksiyalar quyida anatomo-fiziologik tasnifi va uchrash tez-tezligiga qarab sanab o‘tilgan.
Tez-tezlik quyidagicha belgilangan: juda tez-tez (>1/10); tez-tez (>1/100 - <1/10); tez-tez emas (>1/1000 - <1/100); kam xollarda (>1/10000 - <1/1000); juda kam xollarda, shu jumladan alohida xabarlar (<1/10000), tez-tezligi noma’lum (mavjud ma’lumotlar asosida tez-tezligini baholab bo‘lmaydi).
Immun tizimi tomonidan buzilishlar
Kam xollarda: o‘ta yuqori sezuvchanlik reaksiyalari, bronxospazm;
Tez-tezligi noma’lum: anafilaktik reaksiyalar, shu jumladan anafilaktik shok, angionevrotik shish, teri qichishishi, rinit.
Nerv tizimi tomonidan buzilishlar
Tez-tez emas: bosh aylanishi, bosh og‘rig‘i.
Me’da-ichak yo‘llari tomonidan buzilishlar
Tez-tez emas: ko‘ngil aynishi, qusish, diareya, qorinda og‘riq;
Tez-tezligi noma’lum: me’da va o‘n ikki barmoq ichak yara kasalligini zo‘rayishi, dispepsiya.
Teri va teri osti to‘qimalari tomonidan buzilishlar
Kam xollarda: teri toshmasi, eshakemi;
Tez-tezligi noma’lum: og‘ir darajadagi teri reaksiyalari (shu jumladan ko‘p shaklli eritema, Stivens-Djonson sindromi, Layell sindromi (toksik epidermal nekroliz), o‘tkir tarqalgan ekzantematoz pustulyoz).
Umumiy buzilishlar va yuborish joyidagi reaksiyalar
Tez-tez emas: isitma.
Laborator va instrumental ma’lumotlar
Juda kam xollarda: qon zardobida “jigar” transaminazalari faolligini oshishi.
Allergik reaksiyalarning barcha shakllarida (o‘ta yuqori sezuvchanlik, anafilaksiya) yoki teri va/yoki shilliq qavatlarni har qanday shikastlanishi paydo bo‘lganida ushbu dori preparatini qo‘llashni to‘xtatish va bu haqida davolovchi shifokorga xabar berish kerak.
Maxsus ko‘rsatmalar
Bronxlarning motorikasi buzilganida (masalan kam uchraydigan kiprikchalarning birlamchi diskineziyasi sindromida) yoki ajralayotgan balg‘am xajmi ahamiyatli bo‘lganida, ajralmalarni nafas yo‘llarida tutilishi xavfi tufayli bromgeksinni qo‘llash ehtiyotkorlikni talab etadi. Bromgeksin qabul qilayotgan pasiyentlar balg‘am ajralishi ko‘payishi mumkinligiga e’tibor qaratishlari kerak. Buyrak funksiyasini buzilishlarida va jigarning og‘ir darajadagi kasalliklarida Bromgeksin preparatini alohida ehtiyotkorlik bilan qabul qilish kerak (masalan dozani pasaytirish yoki qabul qilishlar o‘rtasida intervalni oshirish). Og‘ir darajadagi buyrak yetishmovchiligida jigarda hosil bo‘luvchi metabolitlari to‘planishi mumkinligini e’tiborga olish kerak. Jigar funksiyasini monitoringi tavsiya etiladi, ayniqsa uzoq vaqt davolaganda. Bromgeksinni qo‘llash fonida juda kam xollarda og‘ir darajadagi teri reaksiyalarini (ko‘p shaklli eritema, Stivens-Djonson sindromi, Layell sindromi (toksik epidermal nekroliz), o‘tkir tarqalgan ekzantematoz pustulyoz) yuzaga kelishi haqida ma’lumotlar mavjud. Allergik reaksiyalar va/yoki avj oluvchi teri toshmasi belgilari (ayrim holatlarda pufaklar va shilliq qavatlarni shikastlanishini yuzaga kelishi bilan birga) paydo bo‘lganida preparatni qo‘llashni darhol to‘xtatish va shifokorga murojaat etish kerak.
Davolash jarayonida bromgeksinning sekretolitik ta’sirini tutib turish uchun suyuqlikni yetarli miqdorda iste’mol qilish tavsiya etiladi.
Bolalar
Bolalarda davolashni bronxlardan sekretni chiqarilishini yengillashtiruvchi postural drenaj yoki ko‘krak qafasini vibrasion massaji bilan bilan amalga oshirish kerak. 2 yoshdan oshgan bolalarda Bromgeksin preparatini faqat shifokor nazorati ostida qo‘llash mumkin.
Yordamchi moddalar
Bromgeksin preparati laktoza saqlaydi. Galaktozani o‘zlashtiraolmaslik, laktaza tanqisligi oqibatida laktozani o‘zlashtiraolmaslik yoki glyukozo-galaktoz malabsorbsiyasi sindromi kabi kam uchraydigan nasliy kasalliklari bo‘lgan pasiyentlar ushbu dori preparatini qabul qilmasliklari kerak.
Boshqa dorilar bilan o‘zaro ta’siri
Bromgeksinni bronx-o‘pka kasalliklarini davolaganda qo‘llanadigan boshqa preparatlar bilan bir vaqtda buyurish mumkin. Bromgeksin yo‘talga qarshi vositalar (shu jumladan kodein saqlovchi) bilan bir vaqtda buyurilmaydi, chunki yo‘tal refleksini susayishi tufayli suyultirilgan balg‘amni chiqarilishi qiyinlashadi, bu nafas yo‘llarida sekretni to‘planishiga olib kelishi mumkin.
Bromgeksin mikroblarga qarshi davolashning birinchi 4-5 kunida antibiotiklar (eritromisin, sefaleksin, oksitetrasiklin, ampisillin, amoksisillin), sulfanilamid dori vositalarini bronxial sekretga kirishiga yordam beradi. Ushbu kuzatilishi mumkin bo‘lgan o‘zaro ta’sirning klinik ahamiyati isbotlanmagan. Bromgeksinni ayrim nosteroid yallig‘lanishga qarshi preparatlar (salisilatlar, fenilbutazon yoki butadion) bilan birga qo‘llash me’da shilliq qavatini yallig‘lanishini chaqirishi mumkin. Me’da-ichak yo‘llarining ta’sirlanishini chaqiruvchi preparatlar bilan bir vaqtda qo‘llaganda me’da-ichak yo‘llarining shilliq qavatiga ta’sirlovchi samarasi kuchayishi mumkin. Preparat ishqoriy eritmalar bilan nomutanosib.
Homiladorlik va emizish davrida
Homiladorlik
Homiladorlikning I uch oyligida bromgeksinni qo‘llash mumkin emas. Homiladorlikning II va III uch oyligida faqatgina ona uchun kutilgan foyda homilani rivojlanishi uchun potensial xavfdan yuqori bo‘lgan holatlardagina qo‘llash mumkin.
Emizish davri
Emizish davrida preparatni qo‘llash mumkin emas, chunki bromgeksin ko‘krak sutiga kiradi.
Laktasiya davrida preparatni qo‘llash zarurati bo‘lganida davolash vaqtida emizishni to‘xtatish kerak.
Transport boshqarishga ta’siri
Preparatni qo‘llaganda nojo‘ya samaralar (bosh aylanishi, bosh og‘rig‘i) rivojlanishi mumkinligi tufayli, diqqatni yuqori jamlash va psixomotor reaksiyalarning tezligini talab etuvchi potensial xavfli faoliyat turlarini bajarganda (transport vositalarini boshqarish, harakatlanuvchi mexanizmlar bilan ishlash, dispetcher, operator ishi) ehtiyotkorlikka rioya qilish kerak.
Dozani oshirib yuborish
Simptomlari
Ko‘ngil aynishi, qusish, diareya va me’da-ichak yo‘llari tomonidan boshqa buzilishlar.
Davolash
Simptomatik, spesifik antidoti mavjud emas.
Doza oshirib yuborilganda qusishni chaqirish, so‘ngra pasiyentga suv berish kerak. Preparat qabul qilgandan keyin 1-2 soat davomida me’dani yuvish tavsiya etiladi.
Farmakodinamikasi
Mukolitik (sekretolik) vosita, balg‘am ko‘chiruvchi va kuchsiz yo‘talga qarshi ta’sir ko‘rsatadi. Balg‘amning qovushqoqligini pasaytiradi (mukoprotein va mukopolisaxarid tolalarni depolimerizasiyaga uchratadi, bronxial sekretning seroz komponentini oshiradi); hilpillovchi epiteliyni faollashtiradi, balg‘amning hajmini oshiradi va chiqarilishini yaxshilaydi. Nafas olish jarayonida alveolyar xujayralarning barqarorligini ta’minlovchi endogen surfaktantni ishlab chiqarilishini rag‘batlantiradi. Samarasi davolash boshlangandan keyin 2-5 kun o‘tgach namoyon bo‘ladi.
Farmakokinetikasi
So‘rilishi
Ichga qabul qilganda bromgeksin 30 minut davomida me’da-ichak yo‘llaridan deyarli to‘liq (99%) so‘riladi. Biokiraolishligi – past (jigar orqali birlamchi “o‘tish” samarasi).
Taqsimlanishi
Taqsimlanish hajmi tana vazniga taxminan 7 l/kg ni tashkil qiladi. Qon plazmasidagi oqsillar bilan bog‘lanish darajasi 99% ni tashkil qiladi. Bromgeksin gematoensefalik va yo‘ldosh to‘siqlaridan o‘tadi. Ko‘krak suti va orqa miya suyuqligiga kiradi. Bromgeksin to‘planmaydi.
Biotransformasiyasi
Bromgeksin jigarda demetilizasiya va oksidlanishga uchraydi, farmakologik faol ambroksolgacha metabolizmga uchraydi. Yarim chiqarilish davri (T1/2) - 15 soat (to‘qimalardan sekin qayta diffuziyasi oqibatida).
Chiqarilishi
Buyraklar orqali chiqariladi. Qon plazmasidagi oqsillar bilan yuqori darajada bog‘lanishi va yuqori taqsimlanish xajmi, shuningdek to‘qimalardan qonga sekin qayta taqsimlanishi tufayli, dializ yoki jadallashgan diurez yordamida bromgeksinni ahamiyatli ravishda chiqarilishini kutish kerak emas. Surunkali buyrak yetishmovchiligida bromgeksin metabolitlarini chiqarilishi izdan chiqadi. Bromgeksin ko‘p marta qo‘llanilganda to‘planishi mumkin.