





Azimak
- Ishlab chiqaruvchi
- GM Pharmaceuticals Ltd
- Mamlakat
- Gruziya
- Ro‘yxat raqami
- DV/X 03402/07/17
- Ruxsat muddati
- 19.07.2027 gacha
- Saqlash muddati
- 3 yil
- ATX kodi
- J01FA10
Azimak nima uchun ishlatiladi
Azimak — makrolidlar guruhidagi antibiotik (azitromitsin). Unga sezgir mikroblar keltirib chiqargan nafas yo‘llari, LOR a’zolari, siydik-tanosil yo‘llari va teri infeksiyalarida qo‘llanadi.
Quyi nafas yo‘llari infeksiyalari
Bakterial va tipik zotiljam (pnevmoniya), bronxit.
Yuqori nafas yo‘llari va LOR infeksiyalari
Angina, sinusit, tonzillit, o‘rta quloq yallig‘lanishi (otit).
Siydik-tanosil yo‘llari infeksiyalari
Asoratsiz uretrit va/yoki servitsit, servikovaginit, salpingit.
Teri va yumshoq to‘qima infeksiyalari
Follikulit, chipqon (furunkul), karbunkul, husnbuzar, impetigo, piodermiya, infeksiyalangan yaralar va dermatit, tsellyulit, saramas (roja).
Layma kasalligi (borrelioz)
Boshlang‘ich bosqichini (erythema migrans) davolash uchun.
Helicobacter pylori bilan bog‘liq kasalliklar
Oshqozon va o‘n ikki barmoqli ichak kasalliklari — boshqa dorilar bilan birga.
Qancha va qanday qabul qilinadi
Rasmiy yo‘riqnoma bo‘yicha (Tirreks 250 mg kapsulasi yo‘riqnomasi). Dozalar azitromitsin miqdorida, mg va g da berilgan; yo‘riqnomada ular 500 mg li kapsulalar orqali yozilgan, 250 mg li kapsula soni ko‘rsatilmagan. Kattalar va 12 yoshdan katta, vazni 45 kg dan ortiq bolalar uchun bir xil.
Kimga mumkin, kimga mumkin emas
Homiladorlik Mumkin emas
Qarshi ko‘rsatmalar ro‘yxatida bor. Yo‘riqnomaning homiladorlik bo‘limida esa — faqat onaga foydasi homilaga xavfidan ustun bo‘lsa, shifokor buyurgandagina deyilgan.
Emizish davri Mumkin emas
Mumkin emas. Agar azitromitsin zarur bo‘lsa, emizishni to‘xtatish masalasi hal qilinadi.
Bolalar Mumkin emas
12 yoshgacha va/yoki vazni 45 kg dan kam bolalarga mumkin emas.
Jigar va buyrak Mumkin emas
Jigar yoki buyrak faoliyatining og‘ir buzilishida mumkin emas.
Spirtli ichimlik Ehtiyotkorlik bilan
Spirtli ichimlik dorining so‘rilishini sekinlashtiradi va kamaytiradi — orada kamida 2 soat bo‘lsin.
Haydovchilar Mumkin
Mashina haydash va diqqat talab qiladigan ishlarga ta’sir qilmaydi.
Keksalar Mumkin
Dozani o‘zgartirish kerakligi haqida ma’lumot yo‘q.
Qo‘shimcha infeksiya Ehtiyotkorlik bilan
Har qanday antibiotikdagi kabi qo‘shimcha infeksiya (jumladan zamburug‘li) qo‘shilishi mumkin.
Qo‘llash mumkin bo‘lmagan holatlar
- Makrolid guruhidagi antibiotiklarga yuqori sezuvchanlik (allergiya)
- Jigar va buyrak faoliyatining og‘ir buzilishi
- 12 yoshgacha va/yoki vazni 45 kg dan kam bolalar
- Homiladorlik va emizish davri
Tarkibi
250 mg li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Terfenadin Birga ichilmaydi
Makrolidlar bilan birga yurak ritmi buzilishi (aritmiya) va QT oralig‘i uzayishiga olib keladi.
Shoxkuya alkaloidlari (ergotamin kabi) Birga ichilmaydi
Ergotizm (zaharlanish) xavfi istisno etilmaydi.
Antatsidlar va H2-gistamin blokatorlari Ehtiyotkorlik
Qondagi eng yuqori miqdorni 30% ga kamaytiradi — orada kamida 2 soat bo‘lsin.
Varfarin Ehtiyotkorlik
Varfarin ta’siri kuchaygan holatlar tasvirlangan.
Digoksin, digitoksin Ehtiyotkorlik
Ularning qondagi miqdori ancha oshib, zaharlanish xavfi tug‘ilishi mumkin.
Siklosporin Ehtiyotkorlik
Siklosporin almashinuvi buziladi, uning nojo‘ya ta’sirlari xavfi oshadi — qondagi miqdori nazorat qilinadi.
Lovastatin Ehtiyotkorlik
Mushak yemirilishi (rabdomioliz) holatlari tasvirlangan.
Rifabutin Ehtiyotkorlik
Qonda neytrofil va leykotsitlar kamayishi xavfi oshadi.
Karbamazepin, didanozin, metilprednizolon Ehtiyotkorlik
Ularning qondagi miqdoriga ta’sir qilmaydi.
Ko‘p ichib qo‘ydingizmi?
Belgilari: ko‘ngil aynishi, eshitishning vaqtincha yo‘qolishi, qusish, ich ketishi. Davolash: oshqozon yuviladi, belgilarga qarab davolanadi.
Azimak narxi
Davlat belgilagan eng yuqori chakana narx (referent narx). Har bir qadoq yonida narx belgilangan sana.
Manba: Farmatsevtika tarmog‘ini rivojlantirish agentligi, referent narxlar ro‘yxati.
Analoglari: azitromitsin
Tarkibida azitromitsin bor 59 ta dori. Almashtirishdan oldin shifokor yoki farmatsevt bilan maslahatlashing.
AzimakSuspenziya · 200 mg/5 ml · TurkiyaRetseptli
AzitKapsula · 250 mg · O‘zbekistonRetseptli
AzitromitsinTabletka · 500 mg · RossiyaRetseptli
AzitromitsinKapsula · 500 mg · RossiyaRetseptli
AzitromitsinSuspenziya · 200 mg/5 ml · O‘zbekistonRetseptli
Arzitsin 500Tabletka · 500 mg · HindistonRetseptliKo‘p beriladigan savollar
Azimak qanday ichiladi — ovqatdan oldinmi yoki keyin?
Kuniga 1 marta, ovqatdan 1 soat oldin yoki ovqatdan 2 soat keyin.
Necha kun ichiladi?
Nafas yo‘llari va teri infeksiyalarida kuniga 500 mg dan 3 kun (kursga 1,5 g). Layma kasalligida 5 kun (kursga 3 g). Asoratsiz uretrit yoki servitsitda 1 g bir marta.
Dozani o‘tkazib yuborsam nima qilaman?
O‘tkazib yuborilgan dozani iloji boricha tezroq iching, keyingilarini 24 soat oraliq bilan.
Bolalarga berish mumkinmi?
Bu kapsula 12 yoshgacha va/yoki vazni 45 kg dan kam bolalarga mumkin emas.
Homiladorlikda yoki emizishda ichsa bo‘ladimi?
Yo‘riqnomada homiladorlik va emizish qarshi ko‘rsatma sifatida yozilgan. Zarur bo‘lsa, faqat onaga foydasi homilaga xavfidan ustun bo‘lgandagina; emizishda dorini ichish kerak bo‘lsa, emizish to‘xtatiladi.
Spirtli ichimlik bilan bo‘ladimi?
Spirtli ichimlik dorining so‘rilishini kamaytiradi — ular orasida kamida 2 soat bo‘lishi kerak.
Rasmiy yo‘riqnoma
Rasmiy yo‘riqnomaning to‘liq matni
Bu dorining o‘z yo‘riqnomasi reyestrda yo‘q, shu ta’sir qiluvchi moddali dori yo‘riqnomasi keltirilgan: ТИРРЕКС Капсулы 250 мг упаковки контурные ячейковые №6(1x6) (DV/M 03380/07/20). Doza dorining shakli va miqdoriga qarab farq qilishi mumkin.
Tavsifi
Qattiq jelatin kapsulalar, rangi oq. Kapsula ichidagisi – oq yoki sarg‘ish tusli oq rangli kukun.
Qo‘llanilishi
Preparatga sezgir qo‘zg‘atuvchilar chaqirgan infeksion-yallig‘lanish kasalliklari:
quyi nafas yo‘llarining infeksiyalari bakterial va tipik pnevmoniyalar, bronxit;
yuqori nafas yo‘llarining va LOR-a’zolarining infeksiyalari (angina, sinusit, tonzillit, o‘rta otit);
urogenital yo‘llarining infeksiyalari-asoratlanmagan uretrit va/yoki servisit, servikovaginit va salpingit;
teri va yumshoq to‘qimalarning infeksiyalari - follikulit, furunkullar, karbonkullar, husnbuzar toshmasi (Acne vulgaris), impetigo, piodermiya, infeksiyalangan dermatozlar, infeksiyalangan dermatit, sellyulit va saramas Laym kasalligi (borrelioz), boshlang‘ich bosqichini davolash uchun (erythema migrans);
me’da va o‘nikki barmoq ichakning Helicobacter pylori bilan assosiyalangan kasalliklarida qo‘llanadi.
Qo‘llash usuli va dozalari
Preparat ovqatlanishdan 1 soat oldin yoki 2 soat keyin, sutkada 1 marta qabul qilinadi. Kattalar va 12 yoshdan katta tana vazni 45 kg dan ortiq bolalarga yuqori va quyi nafas yo‘llarining infeksiyalarida, teri va yumshoq to‘qimalarning infeksiyalarida – sutkada 500 mg dan 3 kun davomida (kurs dozasi 1,5 g) buyuriladi.
Layma kasalligida (borreliozda) boshlang‘ich bosqichini davolash uchun (erythema migrans) 1 g dan (500 mg li 2 kapsula) birinchi kuni va 500 mg dan har kuni 2-kundan 5 kungacha (kurs dozasi - 3 g) buyuriladi.
Asoratlanmagan uretrit va/yoki servisitda bir marta 1 g (500 mg li 2 ta kapsula) buyuriladi.
Me’da va o‘nikki barmoq ichakning Helicobacter pylori bilan assosiyasiyalangan kasalligida sutkada 1 g dan (500 mg li 2 kapsula) 3 kun davomida majmuaviy davolash tarkibida buyuriladi.
Qo‘llash mumkin bo‘lmagan holatlar
Makrolid guruhi antibiotiklariga yuqori sezuvchanlik; jigar va buyraklar faoliyatining og‘ir buzilishlari, 12 yoshgacha va/yoki tana vazni 45 kg dan kam bo‘lgan bolalar, homiladorlik va laktasiya davrida qo‘llash mumkin emas.
Nojo‘ya ta’sirlar
Ovqat hazm qilish tizimi tomonidan: mumkin - ko‘ngil aynishi, qusish, meteorizm, diareya, qorin og‘rig‘i; melena, xolestatik sariqlik, bolalarda qabziyatlar, gastrit, og‘iz shilliq kavatining kandidozi, ishtahani yo‘qolishi, jigar fermentlarining faolligini tranzitor oshishi.
Yurak-qon tomir tizimi tomonidan: yurak urishi, ko‘krak qafasida og‘riq.
Nerv tizimi tomonidan: bosh aylanishi, bosh og‘rig‘i, vertigo, uyquchanlik, giperkineziya, xavotirlik, nevroz, uyquning buzilishi.
Siydik-tanosil tizimi tomonidan: vaginal kandidomikoz, nefrit.
Allergik reaksiyalar: toshma, eshakemi, angionevrotik shish.
Boshqalar: giperglikemiya, artralgiya.
Yuqorida keltirilgan reaksiyalardan birontasi yuzaga kelganda yoki yo‘riqnomada keltirilmagan reaksiya yuzaga kelganda shifokorga murojaat qilish kerak.
Maxsus ko‘rsatmalar
Preparatning bir dozasini qabul qilish o‘tkazib yuborilsa, o‘tkazib yuborilgan dozani mumkin kadar ertaroq, keyinchalik 24 soat tanaffus bilan qabul qilish kerak.
Har qanday antibiotik bilan davolashdagi kabi azitromisin bilan davolashda ham superinfeksiya (shu jumladan, zamburug‘li) qo‘shilishi mumkin.
Antasidlar, etanol va ovqat azitromisinning so‘rilishini kamaytiradi, shuning uchun azitromisin va yuqorida ko‘rsatilgan dori vositalarini qabul qilish orasida kamida 2 soatlik tanaffus qilish tavsiya etiladi.
Keksa pasiyentlarda qo‘llanishi
Keksa yoshli pasiyentlarda dozani to‘g‘irlash zarurati haqida ma’lumotlar yo‘q.
Boshqa dorilar bilan o‘zaro ta’siri
Antasidlar va N2-gistamin reseptorlarining blokatorlari bilan azitromisinni bir vaqtda qabul qilish preparatning so‘rilishini o‘zgartirmaydi, ammo qondagi Smax ni 30% ga kamaytiradi.
Preparat bir vaqtda buyurilganda karbamazepinni, didanozin, rifabutinning va metilprodnizolning qondagi konsentrasiyasiga ta’sir qilmaydi.
Terfenadin va makrolidlar sinfi antibiotiklari birga qabul qilinganida aritmiya va QT oralig‘ining uzayishini chaqirishi mumkin.
Shoxkuya alkaloidlari bilan bir vaqtda qo‘llanganida ergotizm rivojlanishining xavfini istisno qilish mumkin emas.
Varfarin bilan bir vaqtda qo‘llanganida oxirgisining samaralarini kuchayishi qayd etilgan.
Digoksin yoki digitoksin azitromisin bilan bir vaqtda qo‘llanganida yurak glikozidlarining qon plazmasidagi konsentrasiyasini oshishi va glikozid intoksikasiyasining rivojlanishini xavfi sezilarli oshishi mumkin.
Siklosporin bilan bir vaqtda qo‘llanganida siklosporinning qondagi miqdorini nazorat qilish tavsiya etiladi.
Lovastatin bilan bir vaqtda qo‘llanganida rabdomiolizning rivojlanishini hollari ta’riflangan.
Rifabutin bilan bir vaqtda qo‘llanganida neytropeniya va leykopeniyaning rivojlanishini xavfi oshadi.
Bir vaqtda qo‘llanganda siklosporinning metabolizmi buziladi, bu siklosporin chaqiradigan nojo‘ya va toksik reaksiyalar rivojlanishining xavfini oshiradi.
Homiladorlik va emizish davrida
Homiladorlik. Preparatni homiladorlikda qo‘llashning zarurati bo‘lgan hollarda faqat ona uchun kutilayotgan foyda homila uchun bo‘lgan potensial xavfdan ustun bo‘lganida qo‘llash mumkin.
Laktasiya. Azitromisinni laktasiya davrida qo‘llashning zarurati bo‘lganida emizishni to‘xtatish to‘g‘risidagi masalani hal qilish kerak.
Transport boshqarishga ta’siri
Preparat avtotransportni haydash qobiliyatiga va diqqatni yuqori jamlashni va psixomotor reaksiyalar tezligini talab qiluvchi faoliyatga ta’sir qilmaydi.
Dozani oshirib yuborish
Simptomlari: ko‘ngil aynishi, eshitishni vaqtincha yo‘qolishi, qusish, diareya.
Davolash: me’dani yuvish, simptomatik terapiya.
Farmakodinamikasi
Keng ta’sir doirasiga ega antibiotik. Yangi makrolid antibiotiklari azalidlar guruhining birinchi vakili hisoblanadi. Yallig‘lanish o‘chog‘ida yuqori konsentrasiyasi hosil bo‘lganida bakterisid ta’sir ko‘rsatadi.
Preparatga grammusbat kokklar: Streptococcus pneumoniae, St.piogenes, St.agalactiae, C, F va G guruxi streptokokklari, St.viridans, Staphylococcus aureus; grammanfiy bakteriyalar: Haemophilus influenzae, Moraxella catarrhalis, Bordetella pertussis, B.parapertussis, Legionella pneumonila, H.ducrei, Campylobacter jejuni, Neisseria gonorrhoeae va Gardnerella vaginatis; ayrim anaerob mikroorganizmlar: Bacteroides bivius, Clostridium perfringens, Peptostreptococcus spp.; xamda Chlamydia trachomatis, Mycoplasma pneumoniae, Ureaplasma urealyticum, Treponema pallidum, Borrelia burgdoferі sezgir. Eritromisinga chidamli grammusbat bakteriyalarga nisbatan faol emas.
Farmakokinetikasi
Preparat me’da-ichak yo‘llaridan tez so‘riladi, bu uni kislotali muhitga chidamliligi va lipofilligi bilan bog‘liq. Ichga 500 mg qabul qilinganidan keyin azitromisinning kon plazmasidagi maksimal konsentrasiyasiga (Smax) 2,5-2,96 soatda erishiladi va u 0,4 mg/l ni tashkil qiladi. Biokiraolishligi 37% ni tashkil qiladi.
Preparat nafas yo‘llariga, urogenital yo‘llarining a’zolari va to‘qimalariga (xususan, prostata beziga), teri va yumshoq to‘qimalarga yaxshi kiradi. To‘qimalardagi yuqori konsentrasiyasi (qon plazmasidagiga nisbatan 10-50 marta yuqori) va yarim chiqarilish davrining (T1/2) uzoqligi, azitromisinning qon plazmasi oqsillari bilan past darajada bog‘lanishi, hamda uni eukariotik hujayralarga kiraolish qobiliyati va rN past bo‘lgan lizosomalar atrofidagi muhitda ko‘proq to‘planishi bilan bog‘liq. Bu o‘z navbatida, katta extimoliy taqsimlanish hajmini (Vd) - 31,1 l/kg va yuqori plazma klirensini belgilaydi. Azitromisinni ko‘proq lizosomalarda to‘planish qobiliyati, ayniqsa, xujayra ichki qo‘zg‘atuvchilarining eliminasiyasi uchun muximdir.
Fagositlarning azitromisinni infeksiya joyiga yetkazib berishi, u yerda uning fagositoz jarayonida ajralib chiqishi isbotlangan. Azitromisinning konsentrasiyasi infeksiya o‘chog‘ida, sog‘lom to‘qimalarga nisbatan (o‘rtacha 24-34% ga) ishonarli yuqori va yallig‘lanish shishi darajasi bilan mos keladi. Fagositlardagi yuqori konsentrasiyasiga qaramay, azitromisin ularning faoliyatiga sezilarli ta’sir ko‘rsatmaydi.
Azitromisin yallig‘lanish o‘chog‘ida bakterisid konsentrasiyalarda, oxirgi qabul qilingan dozadan keyin 5-7 kun davomida saqlanadi, bu qisqa (3 kunlik va 5 kunlik) davolash kurslarni ishlab chiqish imkonini beradi
Preparat jigarda demitillanish yo‘li orqali metabolizmga uchraydi.
Azitromisin qon plazmasidan 2 bosqichda chiqariladi: T1/2 davri qabul qilingandan keyin 8 dan 24 soat oralig‘ida 14-20 soatni va 24 dan 72 soat oralig‘ida - 41 soatni tashkil qiladi, bu preparatni sutkada 1 marta qo‘llash imkonini beradi.
Asosan o‘zgarmagan holda 50% ichak orqali, 6% buyraklar orqali chiqariladi.