Kasallik.uz
  • Bosh sahifa
  • Dorilar
  • Statistika
  • Maqolalar
  • Bo'limlar
  • Biz haqimizda
Ру
Dorilar katalogi
Dorilar katalogiInfeksiyaga qarshi dorilarArbidol
Qadoq rasmi reyestrda yo‘q
Davlat reyestrida ro‘yxatdan o‘tgan

Arbidol

umifenovir · 100 mg · kapsula
Retseptsiz beriladiVirusga qarshi
Ishlab chiqaruvchi
ОАО Фармстандарт-Лексредства
Mamlakat
Rossiya
Ro‘yxat raqami
DV/X 04365/05/18
Ruxsat muddati
19.09.2030 gacha
Saqlash muddati
3 yil
ATX kodi
J05AX13
Analoglari (6) Rasmiy yo‘riqnoma
Bolalarga6 yoshgacha mumkin emas
HomiladorlikdaI uch oylikda mumkin emas
Emizish davridaMumkin emas
Qachon ichiladiOvqatdan oldin
Nima uchunDozasiKimga mumkin emasTarkibiNojo‘ya ta’sirlarBoshqa dorilar bilanAnaloglari · 6SavollarRasmiy yo‘riqnoma

Arbidol nima uchun ishlatiladi

Arbidol — virusga qarshi dori. Gripp va boshqa shamollash viruslarining hujayraga kirishiga to‘sqinlik qiladi va organizmning virusga chidamliligini oshiradi.

  • Gripp va O‘RVI

    Kattalar va bolalarda A va B gripp hamda boshqa o‘tkir respirator virusli infeksiyalarning (O‘RVI) oldini olish va davolash.

  • Gerpes

    Qaytalanuvchi gerpes infeksiyasini boshqa dorilar bilan birga (kompleks) davolash.

  • Operatsiyadan keyin

    Operatsiyadan keyingi infeksion asoratlarning oldini olish.

  • Rotavirus ich infeksiyasi

    6 yoshdan katta bolalarda rotavirus keltirib chiqargan o‘tkir ichak infeksiyasini kompleks davolash.

Qancha va qanday qabul qilinadi

Diqqat: sahifadagi rasmiy yo‘riqnoma matnida kapsulalar soni va kurs sxemasi (dozalar jadvali) berilmagan. Dozani shifokor yoki qadoqdagi yo‘riqnoma bo‘yicha aniqlang.

Kim uchunBir martadaNecha martaSutkasiga ko‘pi bilan
Kattalar va bolalar6 yoshdan
Bir martada:rasmiy matnda ko‘rsatilmagan
Necha marta:ovqatdan oldin, ichish uchun
Sutkasiga ko‘pi bilan:—
Faqat yo‘riqnomada ko‘rsatilgan holatlarda, usulda va dozada qo‘llang.
Bolalar6 yoshgacha
Mumkin emas
Mumkin emas.
Gripp va O‘RVI da ichishni birinchi belgilar paydo bo‘lishi bilan, iloji bo‘lsa kasallik boshlanganidan 3 sutkadan kechiktirmay boshlang.
3 sutka ichgandan keyin ham belgilar, jumladan 38 °C va undan yuqori harorat saqlansa — shifokorga murojaat qiling.
Tavsiya etilgan sxema va muddatga rioya qiling. Bir doza o‘tkazib yuborilsa — uni iloji boricha tezroq iching va kursni boshlangan sxema bo‘yicha davom ettiring.
Gripp va O‘RVI da isitma tushiruvchi, balg‘am ko‘chiruvchi va mahalliy tomir toraytiruvchi dorilar bilan birga qo‘llash mumkin.

Kimga mumkin, kimga mumkin emas

  • Homiladorlik Mumkin emas

    I uch oylikda mumkin emas. II va III uch oylikda faqat grippni davolash va oldini olish uchun, onaga foydasi homila uchun xavfdan yuqori bo‘lsa — buni shifokor hal qiladi. Hayvonlarda o‘tkazilgan tadqiqotlarda homiladorlik va homilaga zararli ta’sir aniqlanmagan.

  • Emizish davri Mumkin emas

    Ona sutiga o‘tishi noma’lum. Arbidol ichish zarur bo‘lsa, emizishni to‘xtatish kerak.

  • Bolalar Mumkin emas

    6 yoshgacha mumkin emas.

  • Haydovchilar Mumkin

    Diqqat va harakat muvofiqligiga ta’sir qilmaydi — haydovchilar va operatorlar ham qo‘llashi mumkin.

Qo‘llash mumkin bo‘lmagan holatlar

  • Umifenovir yoki kapsula tarkibidagi boshqa moddaga yuqori sezuvchanlik
  • 6 yoshgacha bolalar
  • Homiladorlikning birinchi uch oyligi
  • Emizish davri
  • Ehtiyotkorlik bilan: homiladorlikning ikkinchi va uchinchi uch oyligi

Tarkibi

100 mg li dorining barcha moddalari, yordamchi moddalar ham

Monogidrat gidroxlorida umifenovirata’sir qiluvchi100 mg

Nojo‘ya ta’sirlar

Qanchalik ko‘p uchrashi bo‘yicha

Kamdan-kam10 000 kishidan 1 tadan 1000 tagacha
allergik reaksiyalar
Rasmiy yo‘riqnomada alohida aytilgan holatlar: yo‘riqnomadagi nojo‘ya ta’sir kuchaysa yoki unda yozilmagan boshqa ta’sir paydo bo‘lsa — shifokorga ayting.

Boshqa dorilar bilan birga

  • Boshqa dorilar Ehtiyotkorlik

    Birga buyurilganda salbiy ta’sir kuzatilmagan, maxsus tadqiqotlar o‘tkazilmagan. Isitma tushiruvchi, balg‘am ko‘chiruvchi va mahalliy tomir toraytiruvchi dorilar bilan nomaqbul ta’sir aniqlanmagan.

Ko‘p ichib qo‘ydingizmi?

Dozani oshirib yuborish holatlari kuzatilmagan.

103

Analoglari: umifenovir

Tarkibida umifenovir bor 6 ta dori. Almashtirishdan oldin shifokor yoki farmatsevt bilan maslahatlashing.

ArbidolTabletka · 50 mg · RossiyaRetseptsiz
Arbidol maksimumKapsula · 200 mg · RossiyaRetseptsiz
ArpeflyuTabletka · 50 mg · BelarusRetseptsiz
RennodolKapsula · 50 mg · O‘zbekistonRetseptsiz
UmifemalKapsula · 100 mg · O‘zbekistonRetseptsiz
UmifenovirKapsula · 100mg · RossiyaRetseptsiz

Ko‘p beriladigan savollar

Arbidolni qachon ichishni boshlash kerak?

Gripp yoki O‘RVI ning birinchi belgilari paydo bo‘lishi bilan, iloji bo‘lsa kasallik boshlanganidan 3 sutkadan kechiktirmay.

Ovqatdan oldin yoki keyin ichiladimi?

Ovqatdan oldin ichiladi.

Arbidolni bolalarga berish mumkinmi?

6 yoshgacha bolalarga mumkin emas.

Homiladorlikda Arbidol ichsa bo‘ladimi?

Birinchi uch oylikda mumkin emas. Keyingi oylarda faqat grippda va faqat shifokor foydasi xavfdan yuqori deb hisoblasa. Emizish davrida ichish kerak bo‘lsa, emizish to‘xtatiladi.

3 kundan keyin ham isitma tushmasa nima qilish kerak?

3 sutka ichgandan keyin ham belgilar, jumladan 38 °C va undan yuqori harorat saqlansa, shifokorga murojaat qiling.

Bir dozani o‘tkazib yuborsam-chi?

O‘tkazib yuborilgan dozani iloji boricha tezroq iching va kursni boshlangan sxema bo‘yicha davom ettiring.

Rasmiy yo‘riqnoma

Rasmiy yo‘riqnomaning to‘liq matni

Tavsifi

Qattiq jelatin kapsulalar № 1. Korpusi oq rangli, qopqoqchasi sariq rangli. Kapsula ichidagisi – oqdan yashil-sarg‘ish yoki och-sarg‘ish tusli oqgacha bo‘lgan rangli granulalar va kukun saqlovchi aralashma.

Qo‘llanilishi

Kattalar va bolalarda quyidagilarni oldini olish va davolash: A va V gripp, boshqa O‘RVI; Qaytalanuvchi gerpetik infeksiyani majmuaviy davolash. Operasiyadan keyingi infeksion asoratlarni oldini olish. 6 yoshdan oshgan bolalarda rotavirus etiologiyali o‘tkir ichak infeksiyalarini majmuaviy davolashda qo‘llanadi.

Qo‘llash usuli va dozalari

Ovqat qabul qilishdan oldin ichga buyuriladi. Preparatni faqat yo‘riqnomada ko‘rsatilgan ko‘rsatmalar, qo‘llash usuli va dozalarda qo‘llang. Preparatni qabul qilish gripp va boshqa O‘RVI kasallikning birinchi simptomlari paydo bo‘lgandan boshlanadi, kasallik boshlangandan keyin 3 sutkagacha boshlagan afzal. Agar gripp va boshqa O‘RVI ni davolaganda Arbidol® preparatini qo‘llagandan keyin uch sutka davomida kasallik simptomlari, shu jumladan yuqori tana harorati (38°S va undan yuqori) yaqqolligi saqlanib qolsa, preparatni qabul qilishni asosliligini baholash uchun shifokorga murojaat etish kerak. Gripp va O‘RVI ni davolaganda yondosh simptomatik davolash, xususan isitmani tushiruvchi preparatlar, mukolitiklar va mahalliy qon-tomirlarni toraytiruvchi vositalarni qo‘llash mumkin.

Qo‘llash mumkin bo‘lmagan holatlar

Umifenovirga yoki preparatning har qanday komponentiga yuqori sezuvchanlik; 6 yoshgacha bo‘lgan bolalar. Homiladorlikning birinchi uch oyligi. Emizish davrida qo‘llash mumkin emas. Ehtiyotkorlik bilan Homiladorlikning ikkinchi va uchinchi uch oyligi.

Nojo‘ya ta’sirlar

Arbidol® preparati toksikligi past bo‘lgan preparatlarga mansub va odatda yaxshi o‘zlashtiriladi. Nojo‘ya samaralar kam xollarda yuzaga keladi, odatda kuchsiz yoki o‘rtacha yaqqollikda va o‘tuvchan xarakterga ega bo‘ladi. Noxush doriga reaksiyalarni yuzaga kelishi tez-tezligi JSST tasnifiga muvofiq belgilangan: juda tez-tez (1/10 dan ko‘proq tez-tezlikda), tez-tez (kamida 1/100, ammo 1/10 dan kamroq tez-tezlikda), tez-tez emas (kamida 1/1000, ammo 1/100 dan kamroq tez-tezlikda), kam xollarda (kamida 1/10000, ammo 1/1000 dan kamroq tez-tezlikda), juda kam xollarda (1/10000 dan kamroq tez-tezlikda), tez-tezligi noma’lum (mavjud ma’lumotlar asosida aniqlab bo‘lmaydi). Immun tizimi tomonidan buzilishlar: kam xollarda – allergik reaksiyalar. Agar yo‘riqnomada ko‘rsatilgan nojo‘ya samaralardan birontasi chuqurlashsa yoki Siz yo‘riqnomada ko‘rsatilmagan har qanday boshqa nojo‘ya samaralarni sezsangiz, bu haqida shifokorga xabar bering.

Maxsus ko‘rsatmalar

Yo‘riqnomada tavsiya etilgan preparatni qabul qilish sxemasi va davomiyligiga rioya qilish kerak. Preparatning bitta dozasini qabul qilish o‘tkazib yuborilganda, o‘tkazib yuborilgan dozani iloji boricha tezroq qabul qilish va preparatni boshlangan sxema bo‘yicha qabul qilishni kursini davom ettirish kerak. Agar gripp va boshqa O‘RVI ni davolaganda Arbidol® preparatini qo‘llagandan keyin uch sutka davomida kasallik simptomlari, shu jumladan yuqori tana harorati (38°S va undan yuqori) yaqqolligi saqlanib qolsa, preparatni qabul qilishni asosliligini baholash uchun shifokorga murojaat etish kerak.

Boshqa dorilar bilan o‘zaro ta’siri

Boshqa dori preparatlari bilan birga buyurilganda salbiy samaralar kuzatilmagan. Arbidol® preparatini boshqa dori vositalari bilan o‘zaro ta’sirini o‘rganishga bag‘ishlangan maxsus klinik tadqiqotlar o‘tkazilmagan. Klinik tadqiqotlar sharoitida isitmani tushiruvchi, mukolitik va mahalliy qon-tomirlarni toraytiruvchi dori vositalari bilan noxush o‘zaro ta’sirlari haqida xabarlar aniqlanmagan.

Homiladorlik va emizish davrida

Hayvonlarda o‘tkazilgan tadqiqotlarda homiladorlikni kechishi, embrion va homilani rivojlanishi, tug‘ruq faoliyati va postnatal rivojlanishga zararli ta’sirlari aniqlanmagan. Homiladorlikning birinchi uch oyligida Arbidol® preparatini qo‘llash mumkin emas. Homiladorlikning ikkinchi va uchinchi uch oyliklarida Arbidol® faqat, agar ona uchun kutilgan foyda homila uchun potensial xavfdan yuqori bo‘lsagina grippni davolash va oldini olish uchun qo‘llanishi mumkin. Foyda/xavf nisbati davolovchi shifokor tomonidan aniqlanadi. Laktasiya davrida ayollarda Arbidol® ko‘krak sutiga kirishi noma’lum. Arbidol® preparatini qo‘llash zarurati bo‘lganida emizishni to‘xtatish kerak.

Transport boshqarishga ta’siri

Markaziy neyrotrop faollik namoyon qilmaydi va turli, shu jumladan diqqatni yuqori jamlash va harakatlar koordinasiyasini talab qiluvchi (masalan transport haydovchilari, opepatorlar va boshqalar) kasb egalarida tibbiyot amaliyotida qo‘llanishi mumkin.

Dozani oshirib yuborish

Kuzatilmagan.

Farmakodinamikasi

Viruslarga qarshi vositadir. In vitro sharoitda A va V gripp virusi (Influenza virus A, B), shu jumladan yuqori patogen kichik tiplari A(H1N1)pdm09 va A(H5N1), shuningdek boshqa viruslar – og‘ir darajadagi o‘tkir respirator sindrom (OO‘RS) bilan assosiasiyalangan o‘tkir respirator virusli infeksiyalar (O‘RVI) qo‘zg‘atuvchilari (koronavirus (Soronavirus), rinovirus (Rhinovirus), adenovirus (Adenovirus), respirator-sinsitial virus (Pneumovirus) va paragripp virusi (Paramyxovirus) ni spesifik bostiradi. Viruslarga qarshi ta’siri bo‘yicha birlashish (fuziyalar) ingibitoriga mansub, virus gemagglyutini bilan o‘zaro ta’sirlashadi va virusning lipid qobig‘i va xujayra membranasini birlashishiga to‘sqinlik qiladi. O‘rtacha immunitetni rag‘batlantiruvchi ta’sir ko‘rsatadi, organizmni virusli infeksiyalarga chidamliligini oshiradi. Interferon induksiya qiluvchi faollikka ega – sichqonlarda o‘tkazilgan tadqiqotlarda interferonlar induksiyasi 16 soatdan keyin kuzatilgan, interferonlarning yuqori titrlari esa yuborgandan keyin 48 soatgacha saqlangan. Immunitetning xujayraviy va gumoral reaksiyalarini rag‘batlantiradi: qonda limfositlar, ayniqsa T-xujayralar (SD3) sonini oshiradi, T-supressorlar (CD8) darajasini ta’sir ko‘rsatmasdan T-xelperlar (CD4) sonini oshiradi, immunoregulyator indeksni normallashtiradi, makrofaglarning fagositar funksiyasini rag‘batlantiradi va tabiiy killerlar (NK-xujayralar) sonini oshiradi. Virusli infeksiyalarda terapevtik samaradorligi kasallik va uning asosiy simptomlarining davomiyligini va og‘irlik darajasini pasayishi, shuningdek virusli infeksiya bilan bog‘liq asoratlar va surunkali bakterial kasalliklar zo‘rayishini rivojlanishi tez-tezligini kamayishi bilan namoyon bo‘ladi. Klinik tadqiqotlarda katta pasiyentlarda gripp yoki O‘RVI ni davolaganda katta pasiyentlarda Arbidol® preparatining samarasi kasallikning o‘tkir davrida yaqqolroq ekanligi va kasallik simptomlarini bartaraf etish muddatlarini qisqarishi, kasallik ko‘rinishlarining og‘irlik darajasini pasayishi va virus eliminasiyasi muddatlarini qisqarishi bilan namoyon bo‘lishi namoyish etilgan. Arbidol® preparati bilan davolash plaseboga nisbatan davolashning uchinchi sutkasida kasallik simptomlarini bartaraf etishning yuqori tez-tezligiga olib keladi – davolash boshlangandan keyin 60 soat o‘tgach laborator tasdiqlangan grippning barcha simptomlarini bartaraf etish plasebo guruhidagi shunday ko‘rsatkichdan 5 marta yuqori. Gripp virusi eliminasiyasi tezligiga Arbidol® preparatining ahamiyatli ta’siri aniqlangan, xususan 4-chi sutkada virus RNK-sini aniqlash tez-tezligini kamayishi bilan namoyon bo‘lgan. Toksikligi kam bo‘lgan preparatlarga mansub (LD50>4 g/kg). Tavsiya etilgan dozalarda peroral qabul qilinganda odam organizmiga biron-bir salbiy ta’sir ko‘rsatmaydi.

Farmakokinetikasi

Tez so‘riladi va a’zolar va to‘qimalar bo‘yicha taqsimlanadi. Qon plazmasidagi maksimal konsentrasiyasiga 1,5 soatdan keyin erishiladi. Jigarda metabolizmga uchraydi. Yarim chiqarilish davri 17-21 soatga teng. Taxminan 40% o‘zgarmagan ko‘rinishda, asosan safro (38,9%) va ahamiyatsiz miqdorda (0,12%) buyraklar orqali chiqariladi. Birinchi sutka davomida yuborilgan dozaning 90% chiqariladi.
Manba: Sog‘liqni saqlash vazirligi huzuridagi Farmatsevtika mahsulotlari xavfsizligi markazi — dori vositalari davlat reyestri, ro‘yxat raqami DV/X 04365/05/18, ro‘yxatga olingan: 19.09.2025. Qadoq rasmlari — Farmatsevtika tarmog‘ini rivojlantirish agentligi. Ma’lumot tanishish uchun, shifokor maslahatining o‘rnini bosmaydi. Sahifa yangilangan: 07.11.2026.
Bolalarga6 yoshgacha mumkin emas
HomiladorlikdaI uch oylikda mumkin emas
Emizish davridaMumkin emas
Qachon ichiladiOvqatdan oldin
Nima uchunDozasiKimga mumkin emasTarkibiNojo‘ya ta’sirlarBoshqa dorilar bilanAnaloglari · 6SavollarRasmiy yo‘riqnoma

Sayt pastki qismi

Kasallik.uz

Kasalliklar, ularning belgilari, sabablari, tashxis va davolash usullari haqida o'zbek va rus tillarida sodda va ishonchli ma'lumotlar.

РусскийO'zbekcha

Sayt

  • Bosh sahifa
  • Dorilar
  • Statistika
  • Maqolalar
  • Bo'limlar
  • Homiladorlik kalendari
  • Ovulyatsiya kalendari
  • O'g'il yoki qiz kalendari
  • Tana vazni indeksi
  • Kaloriya kalkulyatori
  • Bolalar uchun dori dozasi
  • Mualliflar

Loyiha

  • Biz haqimizda
  • Tahririyat
  • Tahririyat siyosati
  • Aloqa

Huquqiy ma'lumot

  • Maxfiylik siyosati
  • Foydalanish shartlari
  • Tibbiy ogohlantirish
  • Cookie siyosati

Saytdagi ma'lumotlar faqat tanishish uchun mo'ljallangan va shifokor maslahati, tashxisi yoki davolashining o'rnini bosmaydi. Sog'lig'ingiz bilan bog'liq har qanday savol bo'yicha mutaxassisga murojaat qiling. Shoshilinch holatda 103 raqamiga qo'ng'iroq qiling. Batafsil

© 2026 Kasallik.uz. Barcha huquqlar himoyalangan.

Materiallardan foydalanilganda Kasallik.uz saytiga faol havola berilishi shart.

Bosh sahifaMavzular
Dorilar