
Ambroksol
- Ishlab chiqaruvchi
- ПАО НПЦ Борщаговский ХФЗ
- Mamlakat
- Ukraina
- Ro‘yxat raqami
- DV/X 00257/04/15
- Ruxsat muddati
- 14.08.2031 gacha
- Saqlash muddati
- 3 yil
- ATX kodi
- R05CB06
Ambroksol nima uchun ishlatiladi
Ambroksol — balg‘am ko‘chiruvchi (mukolitik) dori. Nafas yo‘llari bezlari ishini kuchaytiradi, balg‘amni suyultirib chiqishini yengillashtiradi va yo‘talni kamaytiradi.
Balg‘am ko‘chishi qiyinlashganda
Bronx shilliq ajralishi buzilgan va balg‘am qiyin chiqadigan o‘tkir va surunkali bronx va o‘pka kasalliklarida balg‘amni suyultirish uchun.
Qancha va qanday qabul qilinadi
Rasmiy yo‘riqnoma bo‘yicha, 30 mg/5 ml va 15 mg/5 ml li sirop uchun. Dozalar o‘lchov qoshig‘i bilan (1 qoshiq = 5 ml).
Kimga mumkin, kimga mumkin emas
Homiladorlik Ehtiyotkorlik bilan
Dori yo‘ldoshdan o‘tadi. 28-haftadan keyin homilaga zararli ta’sir aniqlanmagan, ammo odatdagi ehtiyot choralari kerak. Ayniqsa I uch oylikda tavsiya etilmaydi.
Emizish davri Mumkin emas
Ona sutiga o‘tadi, shuning uchun emizish davrida tavsiya etilmaydi. Klinikagacha tadqiqotlarda farzand ko‘rish qobiliyatiga zararli ta’sir aniqlanmagan.
Bolalar Ehtiyotkorlik bilan
2 yoshgacha bolalarga faqat shifokor buyurganda. 12 yoshgacha faqat 15 mg/5 ml li sirop.
Buyrak va jigar Ehtiyotkorlik bilan
Buyrak faoliyati buzilganda yoki og‘ir jigar kasalligida faqat shifokor maslahatidan keyin; dozalar orasini uzaytirish yoki dozani kamaytirish mumkin. Og‘ir buyrak yetishmovchiligida dori va uning parchalanish mahsulotlari to‘planishi mumkin.
Oshqozon yarasi va shilliq to‘planishi Ehtiyotkorlik bilan
Oshqozon va/yoki o‘n ikki barmoqli ichak yarasida ehtiyotkorlik bilan. Shilliq ajralishi kuchaygan yoki bronxlar harakati buzilgan (masalan, birlamchi siliar diskineziya) holatlarda shilliq to‘planib qolish xavfi tufayli ehtiyotkorlik bilan.
Og‘ir teri reaksiyalari Ehtiyotkorlik bilan
Juda kam hollarda og‘ir teri zararlanishlari (Stivens-Jonson, Layell sindromi) haqida xabar berilgan. Ular boshida gripp kabi belgilar (isitma, tana og‘rig‘i, tumov, yo‘tal, tomoq og‘rig‘i) bilan boshlanishi mumkin. Teri zararlanishi kuchayib borsa — darhol to‘xtating va tibbiy yordamga murojaat qiling.
Transport boshqarish Mumkin
Transport boshqarishga ta’siri tasvirlanmagan.
Qand va alkogol Mumkin
Siropda qand va alkogol yo‘q.
Qo‘llash mumkin bo‘lmagan holatlar
- Ambroksol yoki dori tarkibidagi boshqa moddaga yuqori sezuvchanlik (allergiya)
- Ehtiyotkorlik bilan: oshqozon va/yoki o‘n ikki barmoqli ichak yarasi, buyrak faoliyati buzilishi, og‘ir jigar kasalligi, shilliq ajralishi kuchayishi yoki bronxlar harakati buzilishi
- 30 mg/5 ml li sirop — 12 yoshgacha bolalarga berilmaydi
Tarkibi
30 mg/5ml li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Yo‘talga qarshi dorilar Birga ichilmaydi
Yo‘tal kamayib, balg‘am chiqishi qiyinlashadi. Birga ichish faqat shifokor foyda va xavfni baholagandan keyin mumkin.
Antibiotiklar (amoksitsillin, sefuroksim, eritromitsin, doksitsiklin) Ehtiyotkorlik
Ularning o‘pka to‘qimasidagi miqdori oshadi.
Ko‘p ichib qo‘ydingizmi?
Dozani oshirib yuborishning o‘ziga xos belgilari noma’lum. Tasodifan ko‘p ichilsa, dorining nojo‘ya ta’sirlariga o‘xshash belgilar kuzatilishi mumkin. Davolash belgilarga qarab olib boriladi.
Analoglari: ambroksol
Tarkibida ambroksol bor 40 ta dori. Almashtirishdan oldin shifokor yoki farmatsevt bilan maslahatlashing.
AmbroksolTabletka · 30 mg · BelarusRetseptsiz
AmbrobeneTabletka · 30 mg · GermaniyaRetseptsiz
AmbroksolSirop · 15 mg/5 ml · O‘zbekistonRetseptsiz
AmbroksolSirop · 15 mg/5 ml · UkrainaRetseptsiz
AmbroksolTabletka · 30 mg · O‘zbekistonRetseptsizKo‘p beriladigan savollar
Bolaga Ambroksol siropidan qancha berish kerak?
15 mg/5 ml sirop: 2 yoshgacha 2,5 ml dan kuniga 2 marta (faqat shifokor buyrug‘i bilan), 2–6 yoshda 2,5 ml dan kuniga 3 marta, 6–12 yoshda 5 ml dan kuniga 2–3 marta.
Kattalarga Ambroksol siropi qanday ichiladi?
15 mg/5 ml sirop: dastlabki 2–3 kun 10 ml dan kuniga 3 marta, keyin 10 ml dan kuniga 2 marta. 30 mg/5 ml sirop: 10 ml dan sutkasiga 2 marta.
Ambroksolni necha kun ichish mumkin?
O‘tkir kasalliklarda 14 kungacha. Belgilar 14 kundan ortiq davom etsa yoki kuchaysa, shifokorga murojaat qiling.
Ovqatdan oldin yoki keyin ichiladimi?
Ovqatdan qat’i nazar ichish mumkin, ovqat samaraga ta’sir qilmaydi.
Homiladorlikda Ambroksol ichsa bo‘ladimi?
Ayniqsa I uch oylikda tavsiya etilmaydi. Keyinroq ham odatdagi ehtiyot choralariga rioya qilish kerak. Emizish davrida tavsiya etilmaydi.
Ambroksolni yo‘talga qarshi dori bilan birga ichsa bo‘ladimi?
Yo‘q, o‘zingizcha emas: yo‘tal kamayib, balg‘am chiqishi qiyinlashadi. Bunday birikmani faqat shifokor buyurishi mumkin.
Rasmiy yo‘riqnoma
Rasmiy yo‘riqnomaning to‘liq matni
Tavsifi
rangsiz yoki biroz sarg‘ish rangli, tiniq, o‘ziga xos hidli suyuqlik.
Qo‘llanilishi
Bronxial sekresiyani buzilishi va balg‘amni ajralishini susayishi bilan bog‘liq bo‘lgan o‘tkir va surunkali bronxopulmonal kasalliklarda sekretolitik davolashda qo‘llaniladi.
Qo‘llash usuli va dozalari
AMBROKSOL 15 mg/5 ml
Bolalar:
2 yoshgacha: 2,5 ml (1/2 dozalovchi qoshiq) dan sutkada 2 marta, bu sutkada 15 mg ambroksolga ekvivalent;
2 yoshdan 6 yoshgacha: 2,5 ml (1/2 dozalovchi qoshiq) dan sutkada 3 marta, bu sutkada 22,5 mg ambroksolga ekvivalent;
6 yoshdan 12 yoshgacha: 5 ml (1 dozalovchi qoshiq) dan sutkada 2-3 marta, bu sutkada 30-45 mg ambroksolga ekvivalent.
Kattalar va 12 yoshgacha bo‘lgan bolalar: dozasi 10 ml (2 dozalangan qoshiq) kuniga 3 marta (kuniga 90 mg ambroksol gidroxloridga ekvivalent) dastlabki 2–3 kun davomida va keyin 10 ml (2 dozalangan qoshiq) kuniga 2 marta (kuniga 60 mg ambroksol gidroxloridga ekvivalent). Zarur bo‘lganda kattalar va 12 yoshdan boshlab bolalar uchun davolovchi ta’sir dozani 20 ml gacha sutkasida 2 marta oshirish orqali kuchaytirilishi mumkin (sutkada 120 mg ambroksol gidroxloridga ekvivalent).
Kattalar va bolalarga 12 yoshdan boshlab yuqori konsentrasiyali sirop (Ambroksol, sirop, 30 mg/5 ml) tavsiya etiladi.
Preparatni ovqat qabul qilishdan qat’iy nazar qabul qilish mumkin. Ovqat qabul qilish preparatning samaradorligiga ta’sir ko‘rsatmaydi.
O‘tkir kasalliklarda, agar preparatni qabul qilishga qaramay simptomlar bartaraf etilmasa va/yoki kuchaysa, shifokor bilan maslahatlashish kerak.
Bolalar.
2 yoshgacha bolalarga shifokor tavsiyasi bilan qo‘llaniladi.
AMBROKSOL 30 mg/5 ml
Kattalar va 12 yoshdan oshgan bolalar – 10 ml (2dozalovchi qoshiq) dan sutkada 2 marta, bu sutkada 120 mg ambroksol gidroxloridiga ekvivalent.
Preparatni ovqatlanish vaqtida yoki ovqatlanishdan qat’iy nazar qabul qilish mumkin. Ovqat qabul qilishi preparatning samaradorligiga ta’sir ko‘rsatmaydi.
Nafas yo‘llarining o‘tkir kasalliklarini davolash va surunkali holatlarni boshlang‘ich davolash muddati – 14 kungacha. Agar preparatni qabul qilishga qaramasdan simptomlar 14 kundan ortiq davom esa, shifokor bilan maslahatlashish kerak.
Boshlang‘ich davolashda yuqori doza bilan dozalash tartibini qo‘llash kerak, preparat bilan 14 kun davolagandan keyin dozani ikki marta kamaytirish mumkin.
Bolalar.
12 yoshgacha bo‘lgan bolalarda Ambroksol, sirop 15mg/5ml qo‘llanilsin.
Qo‘llash mumkin bo‘lmagan holatlar
• Ambroksol yoki preparatning boshqa komponentlariga yuqori sezuvchanlik (allergiya) da qo‘llash mumkin emas.
Nojo‘ya ta’sirlar
Preparat bemorlar tomonidan yaxshi o‘zlashtiriladi. Ovqat hazm qilish yo‘llari: dispepsiya, jig‘ildon qaynashi, ko‘ngil aynishi, qusish, qorinda og‘riq, ich ketishi/qabziyat, gipersalivasiya, og‘izni qurishi, og‘iz va/yoki halqum shilliq qavatining gipesteziyasi. Nafas olish tizimi: rinoreya, yuqori nafas yo‘llari shilliq qavatini qurishi, xansirash (o‘ta yuqori sezuvchanlik reaksiyasining simptomi sifatida). Siydik chiqarish tizimi: dizuriya. Nerv tizimi: disgevziya (ta’m bilishni buzilishlari). Immun tizimi, teri va teri osti to‘qimasi: qichishish, toshma, eshakemi, anafilaktik reaksiyalar (shu jumladan angionevrotik shish, anafilaktik shok), isitma, qaltirash, boshqa allergik reaksiyalar. Juda kam hollarda ko‘p shaklli eritema, Stivens-Djonson sindromi va Layell sindromi, o‘tkir tarqalgan ekzantematoz pustulyoz kabi terining og‘ir shikastlanishlari yuzaga kelishi mumkin. Boshqalar: shilliq qavatlar tomonidan reaksiyalar.
Maxsus ko‘rsatmalar
AMBROKSOL 15 mg/5 ml
Ambroksol gidroxloridi kabi mukolitik vositalarni qo‘llaganda ko‘p shaklli eritema, Stivens-Djonson sindromi va Layell sindromi (toksik epidermal nekroliz), o‘tkir tarqalgan ekzantematoz pustulyoz kabi terining og‘ir shikastlanishlarining yakka holatlari haqida xabar berilgan. Asosan ularni asosiy kasallikning og‘irlik darajasi va/yoki yondosh davolash bilan tushuntirish mumkin bo‘lgan. Bundan tashqari Stivens-Djonson sindromi yoki Layell sindromining boshlang‘ich bosqichida pasiyentlarda isitma, tanada og‘riq (qaqshash), rinit, yo‘tal, tomoqda og‘riq kabi grippga o‘xshash nospesifik prodromal simptomlar kuzatilishi mumkin. Ularni yanglish baholash oqibatida pasiyentlar yo‘tal va shamollashni simptomatik davolash uchun preparatlar qabul qilishlari mumkin. Shuning uchun terini avj oluvchi shikastlanishlari (ayrim xolatlarda shilliq qavatlarda pufaklarni paydo bo‘lishi yoki shikastlanishi bilan assosiasiyalangan) paydo bo‘lganda preparatni qabul qilishni darhol to‘xtatish va tibbiy yordamga murojaat etish kerak.
Me’da va/yoki o‘n ikki barmoq ichak yara kasalligi bo‘lgan pasiyentlarda preparatni ehtiyotkorlik bilan qo‘llash kerak. Buyrak funksiyasini buzilishi yoki jigarning og‘ir kasalliklari bo‘lganda Ambroksol faqat shifokor maslahatidan keyin qo‘llash kerak, qabul qilishlar orasidagi intervallarni uzaytirish yoki preparatning dozasini pasaytirish mumkin. Ambroksol gidroxloridi jigarda metabolizmga uchraydi va organizmdan buyraklar orqali chiqariladi, shuning uchun og‘ir darajadagi buyrak yetishmovchiligida ambroksol va/yoki uning metabolitlarini jigarda to‘planishi kuzatilishi mumkin.
Davolash vaqtida preparatning mukolitik samarasini kuchaytirish uchun yetarli miqdorda suyuqlik (sharbatlar, choy, suv) qabul qilish kerak.
Ambroksol qand saqlamaydi. Alkogol saqlamaydi.
Ambroksol ni yo‘talga qarshi preparatlar bilan birga qo‘llash yo‘talni kamayishida balg‘amni chiqarilishini buzilishiga olib keladi.
Shilliq sekresiyasi kuchayganda, bronxomotor funksiyani buzilishlarida (masalan birlamchi siliar diskineziya kabi kam uchraydigan genetik determinasiyalangan kasallikda) ko‘p miqdorda shilliq to‘planishi xavfi tufayli, mukolitik vositalarni (shu jumladan ambroksolni) ehtiyotkorlik bilan qo‘llash kerak.
2 yoshgacha bo‘lgan bolalarda preparatni qo‘llashdan oldin shifokor bilan maslahatlashish kerak.
Bolalar
2 yoshgacha bo‘lgan bolalarda shifokor ko‘rsatmasi bo‘yicha qo‘llanilmasin.
AMBROKSOL 30 mg/5 ml
Ambroksol gidroxloridi kabi mukolitik vositalarni qo‘llaganda ko‘p shaklli eritema, Stivens-Djonson sindromi va Layell sindromi (toksik epidermal nekroliz), o‘tkir tarqalgan ekzantematoz pustulyoz kabi terining og‘ir shikastlanishlarining yakka holatlari haqida xabar berilgan. Asosan ularni asosiy kasallikning og‘irlik darajasi va/yoki yondosh davolash bilan tushuntirish mumkin bo‘lgan. Bundan tashqari Stivens-Djonson sindromi yoki Layell sindromining boshlang‘ich bosqichida pasiyentlarda isitma, tanada og‘riq (qaqshash), rinit, yo‘tal, tomoqda og‘riq kabi grippga o‘xshash nospesifik prodromal simptomlar kuzatilishi mumkin. Ularni yanglish baholash oqibatida pasiyentlar yo‘tal va shamollashni simptomatik davolash uchun preparatlar qabul qilishlari mumkin. Shuning uchun terini avj oluvchi shikastlanishlari (ayrim holatlarda shilliq qavatlarda pufaklarni paydo bo‘lishi yoki shikastlanishi bilan assosiasiyalangan) paydo bo‘lganda preparatni qabul qilishni darhol to‘xtatish va tibbiy yordamga murojaat etish kerak.
Me’da va/yoki o‘n ikki barmoq ichak yara kasalligi bo‘lgan pasiyentlarda preparatni ehtiyotkorlik bilan qo‘llash kerak.
Buyrak funksiyasini buzilishi yoki jigarning og‘ir kasalliklari bo‘lganda Ambroksol faqat shifokor maslahatidan keyin qo‘llash kerak, qabul qilishlar orasidagi intervallarni uzaytirish yoki preparatning dozasini pasaytirish mumkin. Ambroksol gidroxloridi jigarda metabolizmga uchraydi va organizmdan buyraklar orqali chiqariladi, shuning uchun og‘ir darajadagi buyrak yetishmovchiligida ambroksol va/yoki uning metabolitlarini jigarda to‘planishi kuzatilishi mumkin.
Davolash vaqtida preparatning mukolitik samarasini kuchaytirish uchun yetarli miqdorda suyuqlik (sharbatlar, choy, suv) qabul qilish kerak.
Ambroksol qand saqlamaydi. Alkogol saqlamaydi.
Ambroksol yo‘talga qarshi preparatlar bilan birga qo‘llash yo‘talni kamayishida balg‘amni chiqarilishini buzilishiga olib keladi.
Shilliq sekresiyasi kuchayganda, bronxomotor funksiyani buzilishlarida (masalan birlamchi siliar diskineziya kabi kam uchraydigan genetik determinasiyalangan kasallikda) ko‘p miqdorda shilliq to‘planishi xavfi tufayli, mukolitik vositalarni (shu jumladan ambroksolni) ehtiyotkorlik bilan qo‘llash kerak.
Bolalar
12 yoshgacha bo‘lgan bolalarda Ambroksol, sirop, 15 mg/5ml qo‘llanilsin.
Boshqa dorilar bilan o‘zaro ta’siri
Ambroksolni antibiotiklar (amoksisillin, sefuroksim, eritromisin, doksisiklin) bilan birga qo‘llash o‘pka to‘qimasida antibiotiklarning konsentrasiyasini oshishiga olib keladi. Ambroksol 15 ni yo‘talga qarshi preparatlar bilan birga qo‘llash yo‘talni kamayishida balg‘amni ko‘chishini qiyinlashishiga olib keladi. Shuning uchun bunday majmuani qo‘llashdan kutilgan foyda va kuzatilishi mumkin bo‘lgan xavfni shifokor tomonidan baholangandan keyingina qo‘llash mumkin.
Homiladorlik va emizish davrida
Ambroksol gidroxloridi yo‘ldosh to‘sig‘i orqali o‘tadi. Ambroksol gidroxloridining klinik tadqiqotlari homiladorlikning 28-xaftasidan keyin homilaga bironta ham zararli ta’sirni aniqlamagan. Shunga qaramasdan homiladorlik davrida dori vositalarini qabul qilish bo‘yicha odatdagi ehtiyotkorlik choralariga rioya qilish kerak. Ayniqsa homiladorlikning I uch oyligida preparatni qo‘llash tavsiya etilmaydi. Emizish davri Ambroksol gidroxloridi ko‘krak sutiga kiradi, shuning uchun emizish davrida preparatni qo‘llash tavsiya etilmaydi. Fertillik Klinik oldi tadqiqotlar fertillikka bevosita yoki bilvosita zararli ta’sirni aniqlamagan.
Transport boshqarishga ta’siri
Preparat bolalarda qo‘llash uchun mo‘ljallangan.
Dozani oshirib yuborish
Hozirgi vaqtda ambroksolning dozasini oshirib yuborilishining spesifik simptomlari noma’lum. To‘satdan doza oshirib yuborilganda va/yoki yanglish qo‘llanilganda ambroksol gidroxloridining nojo‘ya samaralariga xos simptomlar kuzatilishi mumkin. Davolash simptomatik.
Farmakodinamikasi
Ambroksol nafas yo‘llari bezlarining sekresiyasini oshiradi, nafas yo‘llarining qilchalarining faolligini rag‘batlantiradi, o‘pkada surfaktant hosil bo‘lishini kuchaytiradi. Ushbu samaralar shilliqni ko‘chishi va uni chiqarilishini yengillashtiradi (mukosiliar klirens). Suyuqlik sekresiyasini faollashishi va mukosiliar klirensni oshishi shilliq chiqarilishini yengillashtiradi va yo‘talni kamaytiradi.
Farmakokinetikasi
Preparatning ta’siri uni qo‘llagandan keyin 30 minutdan keyin boshlanadi va taxminan 10 soat davom etadi. Preparatni so‘rilishi tez va yetarli darajada to‘liq amalga oshadi. Qon plazmasidagi maksimal darajasiga 0,5-3 soatdan keyin erishiladi. Ambroksolni qon plazmasidagi oqsillar bilan bog‘lanishi darajasi 80-90% ni tashkil qiladi. Ambroksolni qondan to‘qimalarga taqsimlanishi yuqori, o‘pkada faol moddaning yuqori konsentrasiyasi aniqlanadi. Preparat gematoensefalik va yo‘ldosh to‘siqlari orqali o‘tadi, ko‘krak suti bilan ajraladi. Ambroksol jigarda kon’yugasiya yo‘li bilan metabolizmga uchraydi. Qon plazmasidan yarim chiqarilish davri 10 soatni tashkil qiladi; to‘planishi kuzatilmagan. Suvda eruvchan metabolitlari ko‘rinishida buyraklar orqali taxminan 90%, o‘zgarmagan ko‘rinishda – 5% chiqariladi. Og‘ir darajadagi surunkali buyrak yetishmovchiligida yarim chiqarilish davri uzayadi.