





Alloxol
- Ishlab chiqaruvchi
- ПАО НПЦ Борщаговский ХФЗ
- Mamlakat
- Ukraina
- Ro‘yxat raqami
- DV/X 01350/02/16
- Ruxsat muddati
- 14.07.2031 gacha
- Saqlash muddati
- 4 yil
- ATX kodi
- A05AX
Alloxol nima uchun ishlatiladi
Alloxol — o‘t haydovchi dori. Tarkibida quruq o‘t (safro), sarimsoq, gazanda bargi va faollashtirilgan ko‘mir bor. Jigar hujayralarida o‘t hosil bo‘lishini oshiradi va o‘t oqimini tezlashtiradi, hazmni yaxshilaydi, sarimsoq qism ichakda achish va qorin dam bo‘lishini kamaytiradi.
Surunkali xoletsistit
O‘t pufagining surunkali yallig‘lanishi — kompleks davolash tarkibida.
O‘t pufagi diskineziyasi
O‘t pufagi harakatining buzilishi — kompleks davolash tarkibida.
O‘t pufagi olib tashlangandan keyin
Xoletsistektomiyadan keyingi sindrom — kompleks davolash tarkibida.
Ichak sustligidan ich qotishi
Atonik ich qotishi — kompleks davolash tarkibida.
O‘t pufagi xolesterozi
Asoratsiz xolesteroz (o‘t pufagi devorida xolesterin to‘planishi) — kompleks davolash tarkibida.
Qancha va qanday qabul qilinadi
Rasmiy yo‘riqnoma bo‘yicha, tabletka uchun. Belgilar — bir martada ichiladigan tabletkalar soni.
Kimga mumkin, kimga mumkin emas
Homiladorlik Ehtiyotkorlik bilan
Faqat shifokor maslahatidan keyin — u foyda va xavfni baholaydi.
Emizish davri Ehtiyotkorlik bilan
Faqat shifokor maslahatidan keyin — u foyda va xavfni baholaydi.
Bolalar Mumkin emas
18 yoshgacha bolalarga qo‘llanmaydi.
Siydik-tosh kasalligi Ehtiyotkorlik bilan
Buyrak va siydik yo‘lida tosh bo‘lsa, ehtiyotkorlik bilan qo‘llanadi.
Jigar va o‘t yo‘llari Mumkin emas
O‘tkir gepatit, o‘t pufagida tosh va o‘t yo‘li tiqilishidan sariqlikda mumkin emas.
Haydovchilar Mumkin
Mashina haydash yoki mexanizmlar bilan ishlashda reaksiya tezligiga salbiy ta’siri haqida ma’lumot yo‘q.
Qo‘llash mumkin bo‘lmagan holatlar
- Dori tarkibidagi moddalarga yuqori sezuvchanlik
- O‘tkir gepatit
- O‘t-tosh kasalligi
- O‘t yo‘li tiqilishidan bo‘lgan (obturatsion) sariqlik
- Oddi sfinkteri spazmi
- O‘tkir pankreatit
- Oshqozon va o‘n ikki barmoqli ichak yarasining qo‘zigan davri
- O‘tkir enterokolit
- 18 yoshgacha bolalar
Tarkibi
Dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Alyuminiy gidroksidi saqlovchi dorilar, xolestiramin, kolestipol Birga ichilmaydi
Alloxolning so‘rilishi va samarasi kamayadi — bir vaqtda ichish maqsadga muvofiq emas.
Boshqa o‘t haydovchi dorilar (sintetik yoki o‘simlik) Ehtiyotkorlik
O‘t hosil bo‘lishi kuchayadi.
Surgi dorilar Ehtiyotkorlik
Birga ichilganda ich qotishi bartaraf bo‘ladi.
Yog‘da eruvchi vitaminlar Ehtiyotkorlik
Ularning so‘rilishi yaxshilanadi.
Antiseptik va kimyoterapevtik dorilar Ehtiyotkorlik
Jigar va o‘t yo‘llari infeksiyalarida ularning samarasi oshadi.
Ko‘p ichib qo‘ydingizmi?
Hozircha dozani oshirib yuborish holatlari qayd etilmagan. Tavsiya etilganidan yuqori dozalarda uzoq ichilganda ich ketishi, ko‘ngil aynishi, teri qichishi, qonda jigar fermentlari (transaminazalar) oshishi mumkin. Davolash: dori to‘xtatiladi, belgilarga qarab davolanadi; maxsus antidot yo‘q.
Ko‘p beriladigan savollar
Alloxolni qanday ichish kerak?
Kattalarga 1–2 tabletkadan kuniga 3–4 marta ovqatdan keyin 3–4 hafta, so‘ng 1 tabletkadan kuniga 2–3 marta ovqatdan keyin yana 1–2 oy.
Alloxolni ovqatdan oldin yoki keyin ichiladimi?
Ovqatdan keyin.
O‘t pufagida tosh bo‘lsa Alloxol ichsa bo‘ladimi?
Yo‘q, o‘t-tosh kasalligi, o‘t yo‘li tiqilishidan sariqlik, o‘tkir gepatit va o‘tkir pankreatitda mumkin emas.
Bolalarga Alloxol berish mumkinmi?
Yo‘q, 18 yoshgacha bolalarga qo‘llanmaydi.
Homiladorlikda Alloxol ichsa bo‘ladimi?
Homiladorlik va emizish davrida faqat shifokor maslahatidan keyin, u foyda va xavfni baholagach.
Alloxol qachon ta’sir qiladi?
Odatda yaxshilanishning ilk belgilari davolanishning 5–8-kunida paydo bo‘ladi.
Rasmiy yo‘riqnoma
Rasmiy yo‘riqnomaning to‘liq matni
Tavsifi
sariqdan yashil-sariq rangligacha bo‘lgan dumaloq, ikki yoqlama qavariq yuzali plyonka qobiq bilan qoplangan tabletkalar. Ko‘ndalang sindirilganda qobiq qavati bilan o‘ralgan yadrosi ko‘rinadi.
Qo‘llanilishi
Quyidagilarni majmuaviy davolash tarkibida:
surunkali xolesistit;
o‘t-qopining diskineziyasi;
xolesistektomiyadan keyingi sindrom;
atonik qabziyatni;
o‘t qopining asoratlanmagan xolesterozida qo‘llaniladi.
Qo‘llash usuli va dozalari
Kattalarga 1-2 tabletkadan sutkada 3-4 marta ovqatdan keyin 3-4 hafta davomida qo‘llanadi. Keyinchalik - 1 tabletkadan sutkada 2-3 marta ovqatdan keyin 1-2 oy davomida qo‘llanadi.
Zarurati bo‘lganida shifokor ko‘rsatmasi bo‘yicha davolash kursi 3 oylik tanaffus bilan 2-3 marta takrorlanadi.
Holatni yaxshilanishining birinchi belgilari (o‘ng qovurg‘a ostidagi og‘riqlarni kamayishi, diseptik holatlarni yo‘qolishi) davolash boshlanganidan keyin 5-8 sutkada paydo bo‘ladi.
Bolalar
Preparat 18 yoshgacha bo‘lgan bolalarda qo‘llanilmaydi.
Qo‘llash mumkin bo‘lmagan holatlar
preparatning komponentlariga yuqori sezuvchanlik;
o‘tkir gepatit;
o‘t-tosh kasalligi;
obturasion sariqlik;
Oddi sfinkteri spazmi;
o‘tkir pankreatit;
me’da va o‘n ikki barmoqli ichak yara kasalligi qo‘zish bosqichida;
o‘tkir enterokolit.
Nojo‘ya ta’sirlar
Preparatning komponentlariga individual sezuvchanlikni ko‘rinishlari (allergik reaksiyalar), diareya.
Maxsus ko‘rsatmalar
Siydik-tosh kasalligida preparat ehtiyotkorlik bilan qo‘llanadi.
Bolalar
Preparat 18 yoshgacha bo‘lgan bolalarda qo‘llanilmaydi.
Boshqa dorilar bilan o‘zaro ta’siri
Alloxolni quyidagilar bilan bir vaqtda qo‘llaganda:
sintetik va o‘simliklardan olingan xoleretiklar bilan - safro hosil bo‘lishini kuchaytiradi;
surgi preparatlari bilan - qabziyatlarni bartaraf qilinishiga olib keladi;
yog‘da eruvchan vitaminlar bilan - ularning so‘rilishini yaxshilanishiga yordam beradi;
antiseptiklar yoki ximioterapevtik vositalari bilan – jigar yoki o‘t yo‘llarining infeksion jarayonlarida ularning terapevtik samaradorligini yaxshilaydi;
alyuminiy gidroksidi saqlovchi preparatlar, xolesteramin, kolestipol bilan – Alloxolni so‘rilishi pasayadi va samarasi kamayadi; ularni bir vaqtda qabul qilish maqsadga muvofiq emas.
Homiladorlik va emizish davrida
Preparatni homiladorlik yoki emizish davrida faqat shifokorning maslahatidan keyin qo‘llash mumkin, u foyda/xavf nisbatini aniqlaydi.
Transport boshqarishga ta’siri
Preparatni avtotransportni yoki boshqa mexanizmlarni boshqarganda reaksiya tezligiga nisbatan salbiy ta’sirlari to‘g‘risida ma’lumotlar yo‘q.
Dozani oshirib yuborish
Hozirgi vaqtgacha dozani oshirib yuborilishi holatlari qayd etilmagan. Tavsiya etilgan dozadan yuqori dozalarda uzoq vaqt qo‘llanganda quyidagi simptomlar kuzatilishi mumkin: diareya, ko‘ngil aynishi, teri qichishishi, qonda transaminazalar darajasini oshishi.
Davolash: preparatni bekor qilish, simptomatik davolash, spesifik antidoti mavjud emas.
Farmakodinamikasi
Alloxol o‘rtacha xoleretik samarani chaqirib, jigar hujayralarining sekretor funksiyasini yaxshilaydi. O‘t kislotalarining sintezini rag‘batlantiradi; safro va qon orasidagi osmotik gradiyentni oshiradi, bu o‘t kapillyarlarida suv va elektrolitlarning filtrasiyasi oshishiga olib keladi; o‘t yo‘llari bo‘ylab safro oqimini tezlashtiradi, infeksiyani tarqalishini oldini oladi va yallig‘lanish jarayonining jadalligini kamaytiradi; xolesterinni keyinchalik toshlarni hosil qiluvchi cho‘kmaga tushish ehtimolini kamaytiradi. Xolat hosil qilish jarayoni asosan quruq safroning tarkibiga kiruvchi tauroxolat va dezoksixolat kislotalari hisobiga yuz beradi. Safroning ichakka chiqarilishini oshishi ovqat hazm qilish yo‘llarining sekretor va harakat faolligini reflektor oshishiga yordam beradi, ovqat yog‘larining emulsiyalanishi va umuman ovqat hazm qilish jarayonlarini yaxshilaydi.
Preparatning tarkibiga kiruvchi sarimsoqpiyozni tashkil qiluvchilari ichakda meteorizmni kamaytirib, achishish jarayonlarining susayishiga yordam beradi.
Farmakokinetikasi
Preparat ichakda yaxshi so‘riladi, so‘ngra qisman qayta so‘riladi; qolgan qismi ahlat bilan chiqariladi.