





Albendazol
- Ishlab chiqaruvchi
- ООО Dentafill Plyus3
- Mamlakat
- O‘zbekiston
- Ro‘yxat raqami
- DV/M 02800/10/19
- Ruxsat muddati
- 23.08.2030 gacha
- Saqlash muddati
- 3 yil
- ATX kodi
- P02CA03
Albendazol nima uchun ishlatiladi
Albendazol — benzimidazollar guruhidagi gijja (gelmint) va lyambliyaga qarshi dori. Ichakdagi va to‘qimalardagi parazitlarning tuxumi, lichinkasi va voyaga yetganlarini nobud qiladi.
Ichak gijjalari
Enterobioz (ostritsa), ankilostomoz va nekatoroz, gimenolepidoz, tenioz, strongiloidoz, askaridoz, trixotsefalyoz, klonorxoz, opistorxoz — qisqa muddatli davo kichik dozalarda.
Lyamblioz va teri sindromi
Bolalarda lyamblioz; terining Larva Migrans sindromi.
Exinokokkoz
Kistali exinokokkoz (operatsiya qilib bo‘lmaganda, operatsiyadan oldin va keyin, kistalarni teri orqali drenajlashdan keyin) va alveolyar exinokokkoz (operatsiya qilib bo‘lmaganda, palliativ yoki radikal operatsiyadan yoki jigar ko‘chirib o‘tkazishdan keyin) — uzoq muddatli yuqori dozali davo.
Boshqa to‘qima gijjalari
Neyrotsistitserkoz (miyadagi yakka yoki ko‘p kistalar, granulyomalar, araxnoidal, qorincha ichidagi va ratsemoz kistalar), kapilyarioz, gnatostomoz, trixinellyoz, toksokaroz.
Qancha va qanday qabul qilinadi
Rasmiy yo‘riqnoma bo‘yicha. Sahifadagi tabletka — 200 mg, yo‘riqnoma esa Aldazol 400 mg tabletkasiniki: dozalar mg da berilgan; yo‘riqnomadagi «1 tabletka» 400 mg li tabletkaga tegishli.
Kimga mumkin, kimga mumkin emas
Homiladorlik Mumkin emas
Homiladorlikda va homiladorlikni rejalashtirayotgan ayollarga mumkin emas. Tug‘ish yoshidagi ayollar davolashni hayzdan keyingi birinchi haftada yoki homiladorlik testi manfiy bo‘lgandan keyin boshlashi va davolanish vaqtida hamda undan keyin 1 oy samarali nogormonal kontratseptsiya qo‘llashi kerak.
Emizish davri Mumkin emas
Emizish davrida mumkin emas.
Bolalar Ehtiyotkorlik bilan
3 yoshdan qo‘llanadi; 3 yoshgacha mumkin emas. 6 yoshgacha yuqori dozali uzoq davo tavsiya etilmaydi.
Haydovchilar Ehtiyotkorlik bilan
Bosh aylanishi mumkinligi sababli davolanish davrida transport haydash va mexanizmlar bilan ishlashdan saqlaning.
Jigar Ehtiyotkorlik bilan
Jigar fermentlari oshishi va gepatit mumkin. Uzoq davoda jigar fermentlari har kurs oldidan va kamida har 2 haftada tekshiriladi; normadan 2 martadan ko‘p oshsa, dori to‘xtatiladi. Jigar kasalligi bor keksalarda ehtiyotkorlik bilan.
Buyrak Ehtiyotkorlik bilan
Doza o‘zgartirilmaydi, lekin buyrak yetishmovchiligi belgilari bo‘lsa, sinchiklab kuzatish kerak.
Laktoza Ehtiyotkorlik bilan
Tarkibida laktoza bor: galaktoza o‘zlashtirilmasligi, Lapp laktaza tanqisligi, glyukoza-galaktoza malabsorbsiyasida mumkin emas.
Qon va miya belgilari Ehtiyotkorlik bilan
Uzoq davoda suyak ko‘migi susayishi mumkin (pansitopeniya, aplastik anemiya, agranulotsitoz va leykemiya) — jigar kasalligi, jumladan jigar exinokokkozi bo‘lganlarda ko‘proq. Qon tahlili boshida va 28 kunlik sikl davomida har 2 haftada; ko‘rsatkichlar keskin pasaysa, dori to‘xtatiladi. Davo yashirin neyrotsistitserkozni ochib berishi mumkin: tutqanoq, bosh ichki bosimi oshishi kabi belgilar bo‘lsa, darhol davolash kerak.
Qo‘llash mumkin bo‘lmagan holatlar
- Albendazolga yoki dori tarkibidagi istalgan moddaga yuqori sezuvchanlik
- Homiladorlik va emizish davri
- Homiladorlikni rejalashtirayotgan ayollar
- 3 yoshgacha bolalar
- Galaktoza o‘zlashtirilmasligi, Lapp laktaza tanqisligi, glyukoza-galaktoza malabsorbsiyasi (tarkibida laktoza bor)
Tarkibi
200 mg li dorining barcha moddalari, yordamchi moddalar ham
Nojo‘ya ta’sirlar
Qanchalik ko‘p uchrashi bo‘yicha
Boshqa dorilar bilan birga
Tutqanoqqa qarshi dorilar (fenitoin, fosfenitoin, karbamazepin, fenobarbital, primidon), levamizol, ritonavir Ehtiyotkorlik
Albendazol samarasini biroz kamaytirishi mumkin — davo samarasi nazorat qilinadi.
Simetidin, prazikvantel, deksametazon Ehtiyotkorlik
Albendazolning faol moddasi qonda ko‘payadi, nojo‘ya ta’sirlar kuchayishi mumkin.
Greypfrut sharbati Ehtiyotkorlik
Albendazolning qondagi miqdorini oshiradi.
Ichiladigan kontraseptivlar, antikoagulyantlar, qandni tushiruvchi tabletkalar, teofillin Ehtiyotkorlik
Nazariy jihatdan o‘zaro ta’sir xavfi bor.
Ko‘p ichib qo‘ydingizmi?
Ichilgan dozaga qarab ich ketishi, ko‘ngil aynishi, qusish, yurak urishining tezlashishi, transaminazalar oshishi mumkin. Belgilarga qarab davolanadi.
Albendazol narxi
Davlat belgilagan eng yuqori chakana narx (referent narx). Har bir qadoq yonida narx belgilangan sana.
Manba: Farmatsevtika tarmog‘ini rivojlantirish agentligi, referent narxlar ro‘yxati.
Analoglari: albendazol
Tarkibida albendazol bor 13 ta dori. Almashtirishdan oldin shifokor yoki farmatsevt bilan maslahatlashing.
AlbendazolTabletka · 400 mg · O‘zbekistonRetseptli
AlbezTabletka · 200 mg · GruziyaRetseptli
AldazolTabletka · 400 mg · UkrainaRetseptli
AlzakTabletka · 400 mg · Janubiy KoreyaRetseptliKo‘p beriladigan savollar
Albendazol ovqatdan oldin yoki keyin ichiladimi?
Ovqat bilan birga, iloji bo‘lsa har kuni bir vaqtda.
Ostritsa (enterobioz) va askaridada qanday ichiladi?
Yo‘riqnomaga ko‘ra kattalar va 3 yoshdan katta bolalarga 400 mg bir marta. Yo‘riqnoma 400 mg li tabletka uchun yozilgan.
Bolalarga berish mumkinmi?
3 yoshdan mumkin. 3 yoshgacha mumkin emas; 2–3 yoshli bolalarga albendazolning boshqa shakllari qo‘llanadi. Lyambliozda faqat 3–12 yoshli bolalarga 400 mg kuniga 1 marta, 5 kun.
Davolash takrorlanadimi?
Ichak gijjalarida 3 haftadan keyin tuzalmasa, shifokor ikkinchi kursni buyuradi. Gimenolepidozda takroriy kurs oldingi kursdan keyingi 10–21-kunlarda tavsiya etiladi.
Homiladorlikda ichsa bo‘ladimi?
Yo‘q. Homiladorlik, emizish va homiladorlikni rejalashtirishda mumkin emas. Davolanish vaqtida va undan keyin 1 oy ishonchli nogormonal kontratseptsiya kerak.
Mashina haydasa bo‘ladimi?
Bosh aylanishi mumkinligi sababli davolanish davrida haydashdan saqlanish tavsiya etiladi.
Rasmiy yo‘riqnoma
Rasmiy yo‘riqnomaning to‘liq matni
Bu dorining o‘z yo‘riqnomasi reyestrda yo‘q, shu ta’sir qiluvchi moddali dori yo‘riqnomasi keltirilgan: АЛЬДАЗОЛ Таблетки, покрытые пленочной оболочкой 400 мг блистеры №3(1x3) (DV/X 00518/06/15). Doza dorining shakli va miqdoriga qarab farq qilishi mumkin.
Tavsifi
Ta’rifi: dumaloq, ikki tomonlama qavariq yuzali, oq yoki deyarli oq rangli plyonka qobiq bilan qoplangan tabletkalar
Qo‘llanilishi
Qo‘llanilishi Gelmintozlarning ichakdagi shakllari va Larva Migrans teri sindromi (kichik dozalar bilan qisqa muddatli davolash): enterobioz, ankilostomoz va nekatoroz, gimenolepidoz, tenioz, strongiloidoz, askaridoz, trixosefalyoz, klonorxoz, opistorxoz, Larva Migrans teri sindromi, bolalarda lyambliozda qo‘llaniladi. Tizimli gelmintli infeksiyalar (yuqori dozalar bilan uzoq muddatli davolash): sistali exinokokkoz (Echinococcus granulosus tomonidan chaqirilgan): -jarrohlik aralashuvini o‘tkazishni imkoni bo‘lmagan hollarda; -jarrohlik aralashuvidan oldin; -operasiyadan keyin, agar operasiyadan oldingi davolash qisqa bo‘lgan bo‘lsa, gelmintlarni keng tarqalishi kuzatilsa yoki operasiya vaqtida tirik shakllari topilgan bo‘lsa; -diagnostik yoki terapevtik maqsadlarda sistani teri orqali drenaji o‘tkazilganidan keyin; alveolyar exinokokkoz (Echinococcus multiocularis tomonidan chaqirilgan): -operasiya qilib bo‘lmaydigan kasallikda, xususan mahalliy yoki uzoq metastazlar bo‘lgan hollarda; -palliativ jarrohlik aralashuvidan keyin; -radikal jarrohlik aralashuvidan yoki jigar transplantasiyasidan keyin; neyrosistiserkoz (Taenia solium lichinkalari tomonidan chaqirilgan): -bir yoki ko‘p sonli sistalar mavjud bo‘lganida yoki miyani granulematoz shikastlanishi bo‘lganida; -araxnoidal yoki miya qorinchalari sistalarida; -rasemoz sistalarida qo‘llaniladi; kapillyarioz (Capillaria philippinensis tomonidan chaqirilgan), gnatostomoz (Gnathostoma spinigerum va unga yaqin turlari tomonidan chaqirilgan), trixinellyoz (Trichinella spiralis va T. pseudospiralis tomonidan chaqirilgan), toksokaroz (Toxocara canis va unga yaqin turlari tomonidan chaqirilgan) da qo‘llaniladi.
Qo‘llash usuli va dozalari
Qo‘llash usuli va dozalari Ichak infeksiyalari va Larva Migrans teri sindromi. Dori vositasi ovqat bilan birga qabul qilinadi. Sutkaning aynan bir vaqtida qabul qilgan afzal. Agar uch haftadan keyin sog‘ayish kuzatilmasa, shifokor davolanishning ikkinchi boshqa davolash kursini buyurish kerak. Ayrim pasiyentlarda, ayniqsa bolalarda butun tabletkani yutishda qiyinchiliklar bo‘lishi mumkin - bunday hollarda tabletkani oz miqdordagi suv bilan chaynash yoki qo‘llashdan oldin maydalash mumkin. Kattalar va 3 yoshdan oshgan bolalarda qo‘llanilsin. Infeksiya Pasiyentning yoshi Qabul qilish tartibi Enterobioz, ankilostomoz, nekatoroz, askaridoz, trixosefalez Kattalar va bolalar 3 yoshdan boshlab* 400 mg sutkada 1 marta (1 tabletka) bir marta. Strongiloidoz, tenioz, gimenolepidoz Kattalar va bolalar 3 yoshdan boshlab* 400 mg sutkada 1 marta (1 tabletka) 3 kun davomida. Gimenolepidozda avvalgi kursdan keyin 10-chidan 21 kungacha bo‘lgan intervalda takroriy davolash kursi tavsiya etiladi. Klonorxoz, opistorxoz Kattalar va bolalar 3 yoshdan boshlab* 400 mg (1 tabletka) sutkada 2 marta 3 kun davomida. Larva Migrans teri sindromi Kattalar va bolalar 3 yoshdan boshlab* 400 mg (1 tabletka) sutkada 1 marta 1-3 kun davomida. Lyamblioz Faqat 3 yoshdan 12 yoshgacha bo‘lgan bolalar* 400 mg (1 tabletka) sutkada 1 marta 5 kun davomida. * 2 yoshdan 3 yoshgacha bo‘lgan bolalar uchun albendazolning boshqa dori shakllarini qo‘llash kerak. Keksa yoshli bemorlar. Keksa yoshli shaxslarni davolash uchun preparatni qo‘llash tajribasi cheklangan. Dozaga tuzatish kiritish kerak emas, biroq jigar funksiyasini buzilishi bo‘lgan keksa yoshli pasiyentlarni davolash uchun albendazolni ehtiyotkorlik bilan qo‘llash kerak. Buyrak yetishmovchiligi. Albendazol buyrak orqali juda oz miqdorlarda chiqarilishi tufayli, bu toifa bemorlarni davolash uchun dozaga tuzatish kiritish kerak emas, biroq buyrak yetishmovchiligi belgilari bo‘lganida bunday bemorlar sinchkov nazorat ostida bo‘lishlari lozim. Jigar yetishmovchiligi. Albendazol jigarda farmakologik jihatdan faol metabolitgacha faol metabolizmga uchrashi tufayli, jigar yetishmovchiiligi uning farmakokinetikasiga sezilarli ta’sir qiilishi mumkin, shuning uchun jigar faoliyatini ko‘rsatkichlari o‘zgargan (transaminazalar darajasi oshgan) pasiyentlar albendazolni qo‘llashni boshida sinchkov kuzatuv ostida bo‘lishlari lozim. Tizimli gelmintli infeksiyalar (yuqori dozalar bilan uzoq muddat davolash). Preparat ovqat bilan birga qabul qilinadi. Kattalar va 6 yoshdan oshgan bolalarda qo‘llanilsin. 6 yoshga bo‘lgan bolalarga dori vositalari yuqori dozalarda buyurish tavsiya etilmaydi. Dozalash tartibini shifokor tomonidan pasiyentning yoshi, tana vazni, shuningdek infeksiyaning og‘irlik darajasiga qarab, shaxsiy ravishda belgilash kerak. Tana vazni 60 kg dan ortiq pasiyentlar uchun doza sutkada 2 marta 400 mg (1 tabletka) ni tashkil qiladi. Tana vazni 60 kg dan kam bo‘lganida preparatni sutkada 15 mg/kg hisobidan kelib chiqib buyurish kerak. Bu dozani 2 marta qabul qilishga bo‘lish kerak. Maksimal sutkalik doza – 800 mg. Infeksiya Qo‘llash dozalari va davomiyligi Sistali exinokokkoz 28 kun. 14 kunlik tanaffusdan keyin 28-kunlik siklni takroran (umuman 3 marta) buyurish mumkin. Operasiya qilib bo‘lmaydigan va ko‘p sonli sistalar Jigar, o‘pka va peritoneal sistalarni davolashda uchta tagacha 28- kunlik sikllar buyuriladi. Boshqa sohalarda joylashgan (suyaklarda yoki miyada) sistalar aniqlanganida yanada uzoqroq muddatli davolash kerak bo‘lishi mumkin. Operasiyadan oldin Operasiyadan oldin 2 ta 28-kunlik siklni o‘tkazish tavsiya etiladi. Agar operasiyani bu sikllar tugagunicha o‘tkazish kerak bo‘lsa, davolashni operasiya boshlangunicha iloji boricha uzoqroq davom ettiriladi. Operasiyadan keyin. Sistalarni teri orqali drenajidan so‘ng Agar operasiyadan oldin qisqa (14 kundan kam) davolash kursi o‘tkazilgan bo‘lsa yoki kechiktirib bo‘lmaydigan operativ aralashuv o‘tkazilgan hollarda preparatni qo‘llashdagi 14 kunlik tanaffus bilan bo‘lingan 28 kundan ikkita sikl o‘tkazish lozim operasiyadan keyin. Xuddi shunday tarzda, agar hayotga layoqotli sistalar aniqlansa yoki gelmintlarni tarqalishi yuz bersa, ikkita to‘liq davolash kursini o‘tkazish kerak. Alveolyar exinokokkoz 28 kun. Boshqa 28-kunlik kursni preparatni qo‘llashdagi ikki haftalik tanaffusdan keyin takrorlash kerak. Davolash bir necha oy yoki yil davomida davom ettirilishi mumkin. Neyrosistiserkoz** Qo‘llash muddati –7 kundan 30 kungacha. Kurs preparatni qo‘llashdagi ikki haftalik tanaffusdan keyin takrorlash mumkin. Parenximadagi sistalar va granulomalar Davolashning odatdagi davomiyligi – 7 kundan (minimum) 28 kungacha. Araxnoidal va qorinchalar ichidagi sistalar Odatdagi davolash kursi 28 kunni tashkil etadi. Rasemoz sistalar Odatdagi davolash kursi 28 kunni tashkil etadi, uzoqroq davom etishi xam mumkin. Davolash davomiyligi davolashga bo‘lgan klinik va radiologik javobga qarab belgilanadi. **Neyrosistiserkoz bilan hastalangan pasiyentlarni davolashda tegishli kortikosteroid va tirishishga qarshi davolashni buyurish lozim. Davolashning birinchi haftasi davomida serebral gipertenziyani yuzaga kelishini oldini olish uchun peroral va vena ichiga kortikosteroidlar tavsiya etiladi. Infeksiya Qo‘llash dozalari va davomiyligi Kapillyarioz 400 mg sutkada 1 marta 10 kun davomida***. Gnatostomoz 400 mg sutkada 1 marta 10-20 kun davomida***. Trixinellez, toksokaroz 400 mg sutkada 2 marta 5-10 kun davomida ***. *** Odatda bir davolash kursi kerak bo‘ladi, lekin agar parazitologik tekshirish natijalari musbat bo‘sa, keyingi kurslar kerak bo‘lishi mumkin. Keksa yoshli bemorlar. Keksa yoshli shaxslarni davolash uchun preparatni qo‘llash tajribasi cheklangan. Dozaga tuzatish kiritish kerak emas, biroq jigar funksiyasini buzilishi bo‘lgan keksa yoshli pasiyentlarni davolash uchun albendazolni ehtiyotkorlik bilan qo‘llash kerak. Buyrak yetishmovchiligi. Albendazol buyrak orqali juda oz miqdorlarda chiqarilishi tufayli, bu toifa bemorlarni davolash uchun dozaga tuzatish kiritish kerak emas, biroq buyrak yetishmovchiligi belgilari bo‘lganida bunday bemorlar sinchkov nazorat ostida bo‘lishlari lozim. Jigar yetishmovchiligi. Albendazol jigarda farmakologik jihatdan faol metabolitgacha faol metabolizmga uchrashi tufayli, jigar yetishmovchiiligi uning farmakokinetikasiga sezilarli ta’sir qiilishi mumkin. Shuning uchun jigar funksiyasini ko‘rsatkichlari o‘zgargan (transaminazalar darajasi oshgan) pasiyentlar albendazolni qo‘llashni boshida sinchkov tekshirilgan bo‘lishlari lozim - agar transaminazalar darajasi jiddiy oshgan yoki qon ko‘rsatkichlari klinik ahamiyatli darajagacha pasaygan hollarda davolashni to‘xtatish kerak. ("Maxsus ko‘rsatmalar" va " Nojo‘ya ta’sirlari" bo‘limiga qarang).
Qo‘llash mumkin bo‘lmagan holatlar
Albendazol yoki dori vositasining har qanday komponentiga o‘ta yuqori sezuvchanlik.
Homiladorlik va emizish davrida qo‘llash mumkin emas.
Homiladorlikni rejalashtirgan ayollarda qo‘llash mumkin emas. Reproduktiv yoshdagi ayollar davolash vaqtida va preparat bilan davolagandan keyin 1 oy davomida samarali nogormonal kontraseptiv vositalarni qo‘llashlari kerak.
3 yoshgacha bo‘lgan bolalarda qo‘llash mumkin emas.
Nojo‘ya ta’sirlar
Nojo‘ya ta’sirlari Ichak infeksiyalari va Larva Migrans teri sindromini qisqa muddatli davolashda yuzaga keluvchi nojo‘ya samaralar. Immun tizimi tomonidan: o‘ta yuqori sezuvchanlik reaksiyalari, shu jumladan teri toshmasi, qichishish va eshakemi. Nerv tizimi tomonidan: bosh og‘rig‘i va bosh aylanishi. Me’da-ichak yo‘llari tomonidan: me’da-ichak yo‘llarining yuqori bo‘limlari tomonidan simptomlar (masalan epigastriyda og‘riq, ko‘ngil aynishi, qusish) va diareya. Gepatobiliar tizim tomonidan: jigar transaminazalari darajasini oshishi. Teri va teri osti to‘qimalari tomonidan: ko‘p shaklli eritema, Stivens–Djonson sindromi. Tizimli gelmint infeksiyalarni uzoq vaqt davolaganda yuzaga keluvchi nojo‘ya samaralar. Qon va limfatik tizim tomonidan: leykopeniya, pansitopeniya, aplastik anemiya, agranulositoz. Jigar kasalliklari, shu jumladan jigar exinokokkozi bo‘lgan pasiyentlar suyak ko‘migini susayishiga moyilroqdirlar (“Qo‘llash usuli va dozalari” va “Qo‘llashning o‘ziga xosligi” bo‘limlariga qarang). Immun tizimi tomonidan: o‘ta yuqori sezuvchanlik reaksiyalari, shu jumladan teri toshmasi, qichishish va eshakemi. Nerv tizimi tomonidan: bosh og‘rig‘i va bosh aylanishi. Me’da-ichak yo‘llari tomonidan: gastrointestinal buzilishlar (qorinda og‘riq, ko‘ngil aynishi, qusish). Ushbu ko‘rinishlar exinokokkozi bo‘lgan bemorlarni albendazol bilan davolash bilan bog‘liq. Gepatobiliar tizimi tomonidan: yengil va o‘rtacha darajadagi jigar fermentlari darajasini oshishi, gepatit. Teri va teri osti to‘qimalari tomonidan: qaytuvchan alopesiya (sochlarni yupqalashishi va sochlarni o‘rtacha to‘kilishi), ko‘p shaklli eritema, Stivens–Djonson sindromi. Umumiy buzilishlar: isitma.
Maxsus ko‘rsatmalar
Maxsus ko‘rsatmalar Gelmintozlarni ichak shakllari va Larva Migrans teri sindromini davolash. Aldazolni homiladorlikning ilk muddatlarida qo‘llanishini oldini olish uchun, reproduktiv yoshdagi ayollarni hayz ko‘rish siklining birinchi haftasida yoki homiladorlik yuzasidan manfiy test olinganidan keyin davolash kerak. Davolash vaqtida tegishli kontrasepsiya zarur. Albendazol bilan davolash mavjud neyrosistiserkozni aniqlashi mumkin, ayniqsa Taenia solium shtammlari bilan infeksiyalanish darajasi yuqori bo‘lgan hududlarda. Pasiyentlarda nevrologik simptomlar, masalan tirishishlar, bosh miya ichki bosimini oshishi va bosh miyada parazitlarni nobud bo‘lishi chaqirgan yallig‘lanish reaksiyasi oqibatidagi fokal simptomlar yuzaga kelishi mumkin. Simptomlar davolashdan keyin yaqin orada yuzaga kelishi mumkin, shuning uchun kortikosteroidlar va tirishishga qarshi preparatlar bilan tegishli davolashni darhol boshlash kerak. Tizimli gelmintli infeksiyalarni uzoq muddatli davolash. Albendazol bilan davolash jigar fermentlari darajasini kuchsiz yoki o‘rtacha oshishi bilan kechadi, u odatda davolash to‘xtatilganidan keyin normallashadi. Gepatit holatlari haqida ma’lum. Shuning uchun jigar fermentlari darajasini har bir davolash kursini boshlashdan oldin va davolash vaqtida hech bo‘lmaganida har 2 haftada tekshirish kerak. Agar jigar fermentlari darajasi sezilarli darajada oshsa (normaning yuqori chegarasiga nisbatan 2 martadan ortiq oshsa), albendazol bidan davolashni to‘xtatish kerak. Davolash fermentlar darajasi normallashganidan so‘ng qaytadan boshlanishi mumkin, lekin pasiyentning holatini sinchkovlik bilan nazorat qilish lozim. Albendazol suyak ko‘migini susayishini chaqirishi mumkin, shuning uchun ham davolashni boshida, ham 28 kunlik davolash kursi davomida har 2 haftada qon tahlilini o‘tkazish kerak. Jigar kasalliklari, shu jumladan jigar exinokokkozi bo‘lgan pasiyentlar suyak ko‘migini susayishiga ancha moyildirlar, buning natijasi o‘laroq pansitopeniya, aplastik anemiya, agranulositoz va leykemiyani yuz beradi, bu qon ko‘rsatkichlarini sinchkov nazoratini zaruratini belgilaydi. Qon ko‘rsatkichlarini ancha pasayishi yuz bergan hollarda davolashni to‘xtatish kerak (“Qo‘llash usullari va dozalari” va “Nojo‘ya reaksiyalari” bo‘limlariga qarang). Homiladorlikning erta muddatlarida albendazolni qabul qilishni oldini olish uchun reproduktiv yoshdagi ayollar quyidagilarga amal qilishlari kerak: - davolashni faqat homiladorlikka test manfiy bo‘lgandagina boshlash; - preparat bilan davolash vaqtida va uni bekor qilgandan keyin bir oy davomida kontrasepsiyaning samarali usullarini qo‘llash kerak. Albendazol bilan davolanayotgan neyrosistiserkozi bo‘lgan pasiyentlarda parazitlarni nobud bo‘lishi chaqirgan yallig‘lanish reaksiyalari bilan bog‘liq bo‘lgan simptomlar (masalan tirishishlar, bosh miya ichki bosimini oshishi va fokal simptomlar) yuzaga kelishi mumkin. Bunday nojo‘ya reaksiyalarni kortikosteroidlar va tirishishga qarshi preparatlar bilan davolash kerak. Davolashning birinchi haftasi davomida serebral bosimni oshishi holatlari yuzaga kelishini oldini olish uchun peroral yoki vena ichiga kortikosteroidlarni qo‘llash tavsiya etiladi. Albendazol bilan davolash mavjud neyrosistiserkozni aniqlashi mumkin, ayniqsa Taenia solium shtammlari bilan infeksiyalanish darajasi yuqori bo‘lgan hududlarda. Pasiyentlarda nevrologik simptomlar, masalan tirishishlar, bosh miya ichki bosimini oshishi va bosh miyada parazitlarni nobud bo‘lishi chaqirgan yallig‘lanish reaksiyasi oqibatidagi fokal simptomlar yuzaga kelishi mumkin. Simptomlar davolashdan keyin yaqin orada yuzaga kelishi mumkin, shuning uchun kortikosteroidlar va tirishishga qarshi preparatlar bilan tegishli davolashni darhol boshlash kerak. Ushbu dori vositasi laktoza saqlaydi, shuning uchun uni galaktoza o‘zlashtiraolmaslik, Lapp laktaza tanqisligi yoki glyukozo-galaktoz malabsorbsiyasi sindromi kabi kam uchraydigan nasliy buzilishlari bo‘lgan pasiyentlarda qo‘llash mumkin emas. Homiladorlik va laktasiya davrida qo‘llanilishi Preparat homiladorlik yoki emizish davrida va homilador bo‘lishni rejalashtirayotgan ayollarni davolashda kontredikdir (“Qo‘llash mumkin bo‘lmagan holatlar” bo‘limiga qarang. Avtomobilni va murakkab mexanizmlarni boshqarish qobiliyatiga ta’siri Bosh aylanishi kabi nojo‘ya reaksiyasini hisobga olib, albendazolni qabul qilish vaqtida avtotransportni boshqarish yoki mexanizmlar bilan ishlashdan saqlanish tavsiya etiladi.
Boshqa dorilar bilan o‘zaro ta’siri
Dorilarning o‘zaro ta’siri Albendazol sitoxrom R450 tizim fermentlarini induksiya qiladi. Albendazolning samaradorligini ahamiyatsiz pasaytirishi mumkin bo‘lgan dori vositalari: tirishishga qarshi preparatlar (masalan fenitoin, fosfenitoin, karbamazepin, fenobarbital, primidon), levomizol, ritonavir. Pasiyentlarni davolash samaradorligini nazorat qilish kerak – muqobil dozalash tartiblari yoki davolash talab etilishi mumkin. Simetidin, prazikvantel va deksametazon preparatning tizimli faolligiga javob beruvchi albendazol metabolitining plazmadagi darajasini oshiradi, u o‘z navbatida nojo‘ya reaksiyalar darajasini oshishini chaqirishi mumkin. Greypfrut sharbati ham qon plazmasida albendazol sulfoksidining darajasini oshiradi. Sitoxrom R450 faolligini buzilishi kuzatilishi mumkinligi tufayli, quyidagi preparatlar bilan o‘zaro ta’sirning nazariy xavfi mavjud: peroral kontraseptivlar, antikoagulyantlar, peroral qand darajasini pasaytiruvchi vositalar, teofillin.
Homiladorlik va emizish davrida
Homiladorlik va laktasiya davrida qo‘llanilishi Preparat homiladorlik yoki emizish davrida va homilador bo‘lishni rejalashtirayotgan ayollarni davolashda kontredikdir (“Qo‘llash mumkin bo‘lmagan holatlar” bo‘limiga qarang.
Transport boshqarishga ta’siri
Avtomobilni va murakkab mexanizmlarni boshqarish qobiliyatiga ta’siri Bosh aylanishi kabi nojo‘ya reaksiyasini hisobga olib, albendazolni qabul qilish vaqtida avtotransportni boshqarish yoki mexanizmlar bilan ishlashdan saqlanish tavsiya etiladi.
Dozani oshirib yuborish
Dozani oshirib yuborilishi Simptomlari. Dozani oshirib yuborilishida preparatning qabul qilingan dozasiga qarab diareya, ko‘ngil aynishi, qusish, taxikardiya, transaminazalar faolligini oshishi yuzaga kelishi mumkin. Davolash: klinik holatiga qarab simptomatik.
Farmakodinamikasi
Farmakodinamikasi Albendazol – benzimidazol karbomati guruhiga mansub bo‘lgan antiprotozoy va antigelmint dori vositasidir. Preparat ichakdagi ham, to‘qimalardagi parazitlarga ham gelmintlarning tuxumlari, lichinkalari va yetuk gelmintlarga ta’sir qiladi. Albendazolning antigelmint ta’siri tubulinni polimerizasiyasini bostirilishi bilan bog‘liq bo‘lib, bu gelmintlarning metabolizmini buzilishiga va nobud bo‘lishiga olib keladi. Albendazol quyidagi ichak parazitlari: nematodalar – Ascaris lumbricoides, Trichuris trichiura, Enterobius vermicularis, Ancylostoma duodenale, Necator americanus, Strongyloides stercoralis, Cutaneous Larva Migrans; sestodalar – Hymenolepis nana, Taenia solium, Taenia saginata; trematodalar – Opisthorchis viverrini, Clonorchis sinensis; protozoylar – Giardia lamblia (intestinalis yoki duodenalis) ga qarshi faollik namoyon qiladi. Albendazol to‘qima parazitlari, shu jumladan Echinococcosus granulosus va Echinococcosus multilocularis invaziyasi chaqiradigan muvofiq sistali va alveolyar exinokokkozlarga nisbatan faollik ko‘rsatadi. Albendazol lichinkali Taenia solium invaziyasi chaqirgan neyrosistiserkoz, Capillaria philippinensis invaziyasi chaqirgan kapillyarioz va Gnathostoma spinigerum invaziyasi chaqirgan gnatostomozni davolash uchun samarali vosita hisoblanadi. Albendazol granulyar exinokokkozi bo‘lgan pasiyentlarda ularning sistalarini yo‘qotadi yoki o‘lchamini ahamiyatli darajada (80% gacha) kichraytiradi. Albendazol bilan davolagandan keyin hayotga layoqatli bo‘lmagan sistalarning miqdori, davolash kursini o‘tamagan pasiyentlardagi 10% ga nisbatan 90% gacha oshadi. Albendazol Echinococcus multilocularis chaqirgan sistalarni davolash uchun qo‘llanganidan so‘ng, to‘liq sog‘ayib ketish pasiyentlarning kamroq qismida kuzatilgan, ko‘pchilik pasiyentlarda – ahvolini yaxshilanishi yoki barqarorlashishi va turg‘unlashishi kuzatilgan.
Farmakokinetikasi
Farmakokinetikasi Peroral qabul qilinganida albendazol kam (5% dan kam) so‘riladi. Agar preparatning dozasi yog‘li ovqat bilan birga qabul qilinsa, preparatni so‘rilishi 5 marta oshadi, o‘z navbatida tizimli ta’siri ham oshadi. Jigardan birinchi marta o‘tganida tez metabolizmga uchraydi. Asosiy metaboliti – albendazol sulfati, to‘qimalar infeksiyasini davolashda asosiy samarali modda hisoblanadi. Yarim chiqarilish davri 8,5 soatni tashkil etadi. Albendazol sulfati va uning metabolitlari asosan safro bilan chiqariladi va katta bo‘lmagan qismigina – siydik bilan chiqariladi. Preparat yuqori dozalarda uzoq muddat qo‘llanganida, uni sistalardan eliminasiyasi bir necha hafta davom etishi aniqlangan.